Morgunblaðið - 09.06.2011, Síða 36

Hallur Már
hallurmar@mbl.is
Það verður engin bílskúrshljómsveit
sem stígur á svið í Laugardalshöll-
inni í kvöld. Hljómsveitin Eagles
hefur unnið til sex Grammy-
verðlauna, er eina hljómsveitin sem
selt hefur meira en 10 milljónir ein-
taka af þremur mismunandi plötum
og safnplatan Their Greatest Hits
1971-1975 var árið 1999 viðurkennd
sem söluhæsta plata allra tíma, en
hún kom fyrst út árið 1976 og árið
2009 höfðu hvorki meira né minna en
42 milljónir eintaka verið seldar af
skífunni á heimsvísu. Flestir myndu
ætla að Ernirnir gætu verið nokkuð
sáttir við það og hefðu borið mikið úr
býtum. Margur verður þó af aurum
api og hljómsveitarmeðlimum hefur
reynst erfitt að halda friðinn. Gít-
arleikarinn Bearnie Leadon sem
gekk til liðs við hljómsveitina árið
1971 hætti með látum þegar hann
sturtaði bjór yfir höfuðið á söngv-
aranum og gítarleikaranum Glenn
Frey árið 1975. Leadon var að sögn
ósáttur við þá stefnu sem tónlist
sveitarinnar var að taka en hann
hafði átt stóran þátt í að skapa hljóm
sveitarinnar.
Málaferli
Árið 2001 var gítarleikarinn Don
Felder svo rekinn úr sveitinni eftir
að hafa starfað með henni frá árinu
1974. Felder sem var ekki sáttur við
hlutskipti sitt brást við að amerísk-
um hætti, höfðaði mál þar sem hann
krafðist 50 milljón dollara í skaða-
bætur, m.a. fyrir ólögmæta uppsögn.
Frá og með árinu 1994 höfðu Frey
og Henley farið fram á hærra hlut-
fall af tekjum sveitarinnar sem Fel-
der var einnig ósáttur við. Henley og
Frey gerðu hið eina rétta í stöðunni
og fóru í mál við Felder fyrir að ætla
sér að skrifa bók um málið. Málinu
lauk svo árið 2007 þegar dómstóll í
Los Angeles staðfesti sátt þeirra fé-
laga. 65 manna fylgdarlið ferðaðist
með hljómsveitinni til landsins en of-
an á það bætist 30 manna hópur ís-
lenskra tæknimanna sem vinnur í
kring um tónleikana. Hljómsveitin
er þekkt fyrir að leggja mikið í tón-
leika sína og að sögn var afar fag-
mannlega staðið að verki í Höllinni í
gær. Því má búast við vönduðum
hljómi og búið er að koma stórum
bíótjöldum fyrir bæði í A- og B-
svæði. Hljómsveitin tók tveggja
klukkustunda langa æfingu í gær en
tónleikarnir í Laugardalshöllinni eru
þeir fyrstu á ferðalagi sem lýkur í
Las Vegas í október.
Ernirnir eru lentir
 The Eagles leika í Höllinni í kvöld  Ein söluhæsta hljómsveit allra tíma
 65 manna fylgdarlið  Snæddu á veitingastað með fjölskyldum sínum
36 MENNING
MORGUNBLAÐIÐ FIMMTUDAGUR 9. JÚNÍ 2011
Gömlu pönkararnir gefa út hljómdisk
Börkur Gunnarsson
borkur@mbl.is
Í dag klukkan 18:00 verður haldið út-
gáfu- og hlustunarteiti Hnotubrjót-
anna á Jómfrúnni, í tilefni útgáfu
hljómdisksins Leiðin til Kópaskers.
Hnotubrjótarnir eru Heimir Már
Pétursson og Þór Eldon. Þeir hafa
unnið að upptökum frá því í ágúst
2009 og lauk þeim og hljóðblöndun í
apríl 2011. Þór er þekktur fyrir gít-
arleik sinn í Sykurmolunum, Unun
og fleiri hljómsveitum en Heimir
Már Pétursson er þekktur fyrir flest
annað en tónlistargáfur sínar, enda
hefur hann verið áberandi fjölmiðla-
maður í áratugi. Færri vita að sem
ungur maður var hann í pönk-
hljómsveitinni Reflex frá 1982 til
1984. Þeir gáfu aldrei út plötu en
heyra má tvö af lögum Reflex á þess-
um hljómdiski í útgáfu Hnotubrjót-
anna, það eru lögin „Að takmörkuðu
leyti“ og „Myrkir atburðir“. Allir
textar á diskinum að einum und-
anskildum eru eftir Heimi Má. Lögin
koma aftur á móti úr ýmsum áttum
og þótt sum þeirra séu frumsamin
eru þarna lög eftir John Lennon,
Paul McCartney og Jónas Jónasson.
Lögin eru skemmtilega ólík eins og
sést á pönklaginu Myrkum atburð-
um sem segir frá 16 ára unglingi sem
hengdi sig nóttina áður og síðan hið
fræga væmna lag Jacques Brels, Ne
Me Quitte Pas. En pönkið er reyndar
dempað mjög í Myrkum atburðum,
rétt eins og dregið er verulega úr
væmninni í lagi Brels.
Báðir voru þeir götuskáld
Spurður hvað hafi komið til að þeir
Þór Eldon fóru að semja og spila
saman segir Heimir Már að þeir hafi
þekkst í tæpa tvo áratugi. „Við höf-
um reyndar aldrei unnið saman mús-
ík en vorum báðir götuskáld í kring-
um 1980,“ segir Heimir Már. „Þá var
hann í Medúsuhópnum, með Sjón,
Einari Melax og fleirum. Svo fór Þór
í Sykurmolana og ég úr tónlistinni
þannig að leiðir okkar lágu ekki sam-
an í tónlist nema fyrir tilviljun fyrir
nokkrum árum að við fórum að taka
eitt lag upp í gamni. Það þróaðist síð-
an þannig að við fórum að taka upp
fleiri og þegar við vorum komnir með
níu lög ákváðum við að gefa út hljóm-
diskinn.“ Engir tónleikar verða á út-
gáfuhátíðinni í kvöld heldur verður
bara diskurinn spilaður og gestum
boðið upp á léttar veitingar. En
Heimir Már segir að þeir muni taka
tvö lög á opnunarhátíð Hinsegin
daga. „Það er reyndar verið að ræða
það að taka kannski lög með GRM,
teyminu sem bróðir minn Rúnar Þór
er að túra með, þeim Gylfa Ægis og
Megasi. Það er kannski ábyrgð-
arlaust að tala um það, þar sem þær
pælingar eru á algjöru byrj-
unarstigi,“ segir Heimir Már. „En
það verður að minnast á þetta góða
fólk sem hjálpaði okkur við gerð
disksins, eins og Vilberg Viggósson
sem spilar á píanó í einu laganna,
hann er hámenntaður tónlistarkenn-
ari og var fyrsti hljómborðsleikari
Grafíkur. Svo kemur Eldon-
fjölskyldan mikið að gerð disksins.
Ari Eldon og kona hans, Riina Finns-
dóttir, eru með í nokkrum lögum og
Örnólfur Eldon, sonur Þórs, spilar
líka með okkur. Það er mikið af
sómafólki sem kom að þessu.“
 Hljómsveitin Hnotubrjótarnir gefur út plötu Engir tónleikar verða haldnir en hlustunarteiti
verður í dag á Jómfrúnni  Sum lögin frumsamin  Margir úr Eldon-mafíunni komu að disknum
Ungskáldin Fyrir ansi mörgum árum voru þessir tveir félagar, þeir Heimir
Már og Þór ungskáld. Nú gefa þeir kumpánar út hljómdisk saman.
Leikfélagið Silfurtungið fer sífellt
vaxandi og hefur félagið nú tryggt
sér rétt að söngleiknum Spamalot
eftir Monty Python sem er söng- og
grínleikur.
Silfurtunglið fjárfesti í þessum
vinsæla söngleik nú í vikunni og
mun setja söngleikinn upp árið
2012, en fyrir áramót er einnig á
dagskrá nýtt íslenskt leikrit og
fleiri uppákomur sem leikfélagið
mun tilkynna síðar.
Spamalot vann bandarísku leik-
listarverðlaunin Tony árið 2005
sem besti söngleikurinn og hefur
verið verið sýndur oftar en 1500
sinnum á Broadway.
Leikfélagið er um þessar mundir
með lokasýningar á Hárinu sem
hefur vakið mikla lukku.
Morgunblaðið/Skapti Hallgrímsson
Hárið Úr söngleik Silfurtunglsins.
Monty Python
flýgur til
Silfurtunglsins
Pétur Ben og Elín Ey munu sam-
eina krafta sína í kvöld, fimmtudag,
á Café Rosenberg. Þar munu þau
flytja nýtt efni í bland við eldra. El-
ín Ey tekur upp gítarinn og það
gerir Pétur Ben líka en meðlimir
eru Pétur Ben sjálfur, Anna Krist-
ín, Óttar Sæmundsen, Sigtryggur
Baldursson og Hannes Pétursson.
Aðgangseyrir á tónleikana er 1000
krónur við dyrnar og byrja þeir
klukkan 21:00.
Gítarsnillingur Elín Ey og Pétur Ben
spila saman á Rosenberg í kvöld.
Pétur Ben og
Elín Ey koma fólki
í stuð í kvöld
Hljómsveitin lenti í fyrradag og
tékkaði sig inn á hótel. Heim-
ildir Morgunblaðsins herma að
sumir hljómsveitameðlima hafi
komið með fjölskyldur sínar
með sér til landsins. Sumir
nýttu tækifærið og skoðuðu
borgina og nágrenni hennar.
Einhverjir fóru í Bláa lónið og
hópurinn snæddi svo saman á
ónefndum veitingastað í mið-
bænum. Að sögn eru þeir afar
ánægðir með dvölina og eru
spenntir fyrir tónleikunum í
kvöld. Húsið verður opnað kl.
18:30. Magnús og Jóhann stíga
á svið kl. 20. og klukkustund
síðar telja Eagles í.
Svamlað í Lóninu
KROPPAÐ Í ÝMISLEGT
Skannaðu kóðann
til að sjá mynd-
skeið með Eagles
á tónleikum
Eagles Timothy B.
Smith, Joe Walsh, Glenn
Frey og Don Henley.
Síðasta platan, Long
Road Out of Eden, fékk
góðar viðtökur þegar
hún kom út árið 2007.