Morgunblaðið - 10.06.2011, Blaðsíða 21
21
MORGUNBLAÐIÐ FÖSTUDAGUR 10. JÚNÍ 2011
Stökkkraftur Háskóli unga fólksins hefur verið í Háskóla Íslands þessa viku og verður lokahátíðin í dag. Á þemadegi var valið nemenda og þá létu sumir reyna á atgervi sitt.
Kristinn
Flestir vita að
blóð er notað til að
hjálpa sjúkum að ná
bata. Kannski leið-
um við ekki oft hug-
ann að því hversu
mikilvægt það er að
eiga stóran og
traustan hóp blóð-
gjafa sem eru fúsir
og ávallt reiðubúnir
að gefa blóð, hluta
af sjálfum sér, til
þess að hjálpa öðrum. Það eru
ekki allir svo lánsamir að vera
við góða heilsu og sá hópur
stækkar eftir því sem með-
alaldur þjóðarinnar færist upp á
við. Það er mikilvægt að ávallt
sé til nægt blóð til þess að mæta
áföllum. Blóð þarf svo unnt sé að
sinna aðgerðum á sjúkrahúsum,
bæði vegna slysa og annars. Ým-
iss konar lyfjameðferð kallar á
það að sjúklingar fái blóð eða
blóðhluta eins og blóðflögur sem
hjálpa til við storknun blóðs.
Það skiptir þá sem berjast við
krabbamein miklu að framboð
blóðs sé nægt og blóðgjafar
heimsæki Blóðbankann bæði að
Snorrabraut 60 í Reykjavík og í
Fjórðungssjúkrahúsinu á Ak-
ureyri að Eyrarlandsholti þar í
bæ, að ógleymdum Blóð-
bankabílnum sem fer vítt og
breitt um Suðurland, Suðurnes,
Vesturland og Norðurland. Alls
staðar er tekið vel á móti blóð-
gjöfum, nýjum sem
gömlum. Blóðgjafar
geta menn orðið 18
ára og gefið til 65
ára aldurs ef heilsa
leyfir. Hægt er að
gerast blóðgjafi til
60 ára aldurs. Bæði
karlar og konur gefa
blóð og fjölgar kon-
um í hópi blóðgjafa
frá ári til árs.
Blóðgjafafélag Ís-
lands heldur úti
heimasíðu og þar er
ýmsar upplýsingar
að fá fyrir þá sem vilja kynna
sér blóðgjöf og hvað þarf til að
maður geti gerzt blóðgjafi. Um
aldur hefur þegar verið getið.
Blóðgjafar verða vera hraustir
og það eru allnokkur atriði sem
kunna að útiloka þá frá blóðgjöf
tímabundið eða varanlega.
Blóðgjafir eru stór þáttur í
heilbrigðiskerfinu, sem ekki má
gleymast. Lætur nærri að virkir
blóðgjafar á Íslandi séu nærri 10
þúsund. Þeir leggja sitt af mörk-
um með því að gefa um 15 þús-
und blóðgjafir ár hvert. Þetta er
mikilvægt framlag veitt af fúsum
og frjálsum vilja, öðrum til
gagns. Ungt fólk er hvatt til
þess að gerast blóðgjafar enda
er það gott merki um heil-
brigðan lífsstíl. Fyrir áhugasama
fylgir tengill á heimasíðu Blóð-
gjafafélagsins www.bgfi.is/.
World Health Organization
WHO, Alþjóðaheilbrigðisstofn-
unin með meira en 190 aðild-
arríki, Alþjóða Rauði krossinn
með meira en 180 landssamtök,
International Federation of Blo-
od Donor Organizations, Al-
þjóðasamtök blóðgjafafélaga
með tæplega 60 landssamtök
blóðgjafafélaga og International
Society of Blood Transfusion,
Alþjóðasamtök blóðgjafar, ásamt
þúsundum sérfræðinga um blóð-
gjafir láta sig málefni blóðgjafa
og blóðgjafar varða, auk heil-
brigðisyfirvalda.
Mikilvægt er að heilbrigt fólk
á aldrinum 18 til 65 ára gefi
blóð. Sérstakt fagnaðarefni er
fjölgun ungra kvenna í hópi
blóðgjafa. Sýnum samstöðu með
blóðgjöfum og -þiggjendum og
mætum með góða skapið í Blóð-
bankann. Blóðgjafar! Ykkur er
þakkað ómetanlegt, sjálfboðið og
óeigingjarnt framlag ykkar til
betra lífs og heilbrigðis á Ís-
landi.
Eftir Ólaf Helga
Kjartansson » Blóð er nauðsynlegt
heilbrigðiskerfinu
til lækninga, vegna að-
gerða og lyfjameð-
ferðar. Mikilvægt er að
ungt fólk gerist blóð-
gjafar og blóð sé gefið.
Ólafur Helgi
Kjartansson
Höfundur er sýslumaður
á Selfossi og formaður
Blóðgjafafélags Íslands.
Af hverju skiptir
máli að gefa blóð?
Í kjölfar frétta í vik-
unni reyndu stjórn-
málamenn í eldhúsdags-
umræðum að slá
pólitískar keilur með
skuldara að vopni. For-
maður Sjálfstæðisflokks-
ins hélt því meðal annars
fram að „einungis 22 af
2.800 umsækjendum
hafa fengið greiðsluað-
lögun“.
Frá því embætti um-
boðsmanns skuldara var komið á fót í
ágúst á síðasta ári hafa 950 umsóknir
um greiðsluaðlögun verið afgreiddar.
Þar af hafa 790 umsóknir verið sam-
þykktar, 76 umsóknum hefur verið
synjað eða átta prósentum afgreiddra
mála og 83 umsóknir hafa verið aft-
urkallaðar. 790 heimili hafa því fengið
heimild til greiðsluaðlögunarumleit-
ana, en ekki 22. Að auki hafa verið af-
greidd um 500 önnur greiðsluerf-
iðleikamál, þar sem leitað er vægari
lausna en felast í greiðsluaðlögun.
Eftir að umsókn hefur verið sam-
þykkt tekur við nokkurra mánaða
ferli hjá umsjónarmönnum, sem eru
starfandi lögmenn, við að kalla eftir
kröfum, reyna að selja eignir ef ein-
hverjar eru umfram hóflegt heimili og
bifreið, gera tillögu að samningi og fá
kröfuhafa og skuldara til að sam-
þykkja samninginn. Skuldamálin eru
oft flókin og getur það því tekið nokk-
urn tíma að leysa úr þeim flækjum
þannig að bæði skuldarar og kröfu-
hafar séu sáttir.
Einnig hefur tafið afgreiðslu samn-
inga að fjármálafyr-
irtæki hafa krafist þess
að áður en hægt sé að
ganga til samninga verði
þeir búnir að afgreiða
umsóknir yfirveðsettra
fasteignaeigenda um
110% niðurfærslu. Hrað-
inn á afgreiðslu 110%
leiðar fjármálafyrirtækj-
anna og lífeyrissjóða
hefur ekki staðið undir
væntingum.
Fjölmargar fjöl-
skyldur eru í sárum
vegna þess að þær ráða ekki við
greiðslubyrði skulda sinna. Úr því
verður að leysa, meðal annars með
því að fólk leiti til umboðsmanns
skuldara. Með afvegaleiðandi upp-
hrópunum um afgreiðsluhraða hjá
embættinu eru þeir skuldarar sem
þurfa á aðstoð að halda fældir frá því
að leita sér hjálpar. Ef stjórnmála-
menn hafa áhuga á að kynna sér
hvernig ferli greiðsluaðlögunar geng-
ur fyrir sig og hvernig greiðsluaðlög-
un aðstoðar skuldara í vanda eru þeir
ávallt velkomnir í heimsókn til að
kynna sér málið.
Þriðjungur um-
sókna afgreiddur
Eftir Ástu S.
Helgadóttur
Ásta S.
Helgadóttir
» Frá því embætti um-
boðsmanns skuldara
var komið á fót í ágúst á
síðasta ári hafa 950 um-
sóknir um greiðsluaðlög-
un verið afgreiddar.
Höfundur er umboðsmaður skuldara.