Morgunblaðið - 11.06.2011, Qupperneq 12
12 FRÉTTIRInnlent
MORGUNBLAÐIÐ LAUGARDAGUR 11. JÚNÍ 2011
BAKSVIÐ
Helgi Bjarnason
helgi@mbl.is
Ferðaþjónustan verður sífellt styrk-
ari stoð í atvinnulífinu á Snæfellsnesi.
Bjartsýni er ríkjandi fyrir sumarið.
Það má meðal annars marka af auknu
framboði gistingar og afþreyingar og
af fjölgun kaffihúsa.
„Það hefur verið fullbókað síðustu
sumur og fólk sem ekki átti pantað
fyrirfram gat lent í erfiðleikum með
að fá gistingu,“ segir Kristín Árna-
dóttir, verkefnastjóri hjá Átthaga-
stofu Snæfellsbæjar, um forsendur
þeirrar bjartsýni sem ríkjandi er í
ferðaþjónustu. Þá nefnir hún að ungt
fólk í Staðarsveit sé að skapa sér
störf við ferðaþjónustu enda ekki
hlaupið að því að hefja stórbúskap.
Gististöðum í sveitinni hefur fjölg-
að og aðrir stækkað við sig og gisti-
rýmum fjölgað í þorpunum. Eru nú
um fjórtán gististaðir í Snæfellsbæ og
fimm tjaldsvæði, auk hótela, farfugla-
heimila og annarra gististaða í Stykk-
ishólmi og Grundarfirði. „Fjöl-
breytnin er mikilvæg. Tilbreytingin
skapar tækifæri fyrir aðra því fleiri
gestir koma á svæðið,“ segir Maríus
Sverrisson, hótelstjóri á Hellnum.
„Það hafa verið góð sumur hér, marg-
ir gestir og fólk er bjartsýnt,“ segir
Þór Fannberg Gunnarsson, sem rek-
ur nýtt kaffihús í Staðarsveit.
Þjóðgarðurinn hjálpar til
Snæfellsjökull og náttúra Snæ-
fellsness hefur lengi dregið að ferða-
fólk. Erlendu ferðafólki fjölgar stöð-
ugt og er Snæfellsnes ágætur
hringur fyrir þá sem ekki hafa tíma
til að fara hringveginn. Þjóðgarð-
urinn Snæfellsjökull hefur aukið að-
dráttarafl svæðisins, orðið einskonar
gæðastimpill. Guðbjörg Gunnars-
dóttir þjóðgarðsvörður vekur athygli
á því að þjóðgarðurinn er aðili að
ferðaþjónustuklösum og leggur sitt af
mörkum með skipulagningu göngu-
ferða og þátttöku í verkefnum. Það
nýjasta er Vatnshellir í Purkhóla-
hrauni sem í sumar er opinn ferða-
fólki í tilraunaskyni. Þrír landverðir
voru ráðnir sérstaklega til að annast
ferðaþjónustuna þar.
„Þjóðgarðurinn er farinn að draga
meira að. Þar eru tækifæri sem við
eigum eftir að vinna frekar úr,“ segir
Kristín Árnadóttir. Hún segir að
ferðafólk vilji komast út í náttúruna.
Nóg pláss sé á Snæfellsnesi til þess.
Þá nefnir hún að gönguferðir séu vin-
sæl afþreying og Snæfellsnes búi yfir
fjölbreyttum gönguleiðum.
Morgunblaðið/Helgi Bjarnason
Segull Snæfellsjökull sést víða að og hefur ávallt verið segull fyrir ferðafólk, ekki síst fólk sem áhuga hefur á náttúruskoðun og þekkir sögu Jules Verne, Leyndardóma Snæfellsjökuls.
Jökullinn laðar og lokkar
Bjartsýni ríkjandi í ferðaþjónustu á Snæfellsnesi eftir góð ferðasumur Fólk vill nýta færin
Gististaðir stækka og nýir bætast við ásamt kaffihúsum og afþreyingarmöguleikum
„Það hefur verið beðið um það
nokkrum sinnum og eitthvað þurfti
að tala mig til en ekki voða mikið.
Ég hef þá tekið einn íslenskan slag-
ara með eftirréttinum,“ segir Mar-
íus Sverrisson, hótelstjóri á Hótel
Hellnum. Hann er söngvari og hef-
ur lengið búið erlendis við nám og
störf.
Nýir eigendur tóku við Hótel
Hellnum á síðasta ári af Guðrúnu
Bergmann sem byggði upp hótelið
og rak með manni sínum, Guðlaugi
Bergmann. Í vetur var hótelið
stækkað og endurnýjað. Gerð var
ný afgreiðsla og tíu herbergjum
bætt við. „Aðstaðan þarf að fylgja
tímanum og fullnægja kröfum
gesta,“ segir Maríus. Við breyting-
arnar var lögð áhersla á að einstök
staðsetning hótelsins fengi að njóta
sín, með útsýni til Snæfellsjökuls og
út á sjó.
Gestir koma mikið frá Bandaríkj-
unum og Sviss, fjölskyldufólk sem
skipuleggur ferðir sínar sjálft og
dvelur gjarnan í nokkra daga á hót-
elinu. Maríus segir að þessir gestir
vilji hafa heimilislega aðstöðu og
góðan veitingastað þannig að þeir
þurfi ekki að hanga inni á herbergi
þótt ekki viðri til útveru.
Maríus hefur búið lengi í stór-
borgum erlendis. Hann lærði leik
og söng og hefur sungið víða. Hann
tók til dæmis að sér sönghlutverk í
stórsýningunni Apassionata sem
valin var besta fjölskylduskemmtun
ársins 2009-2010 í Evrópu.
Hann bjó hér heima í vetur og
greip tækifærið þegar honum var
boðið að reka hótelið á Hellnum í
sumar, langaði að reyna eitthvað
nýtt. „Ég er að læra eitthvað nýtt af
samstarfsfólkinu á hverjum degi
um leið og ég stjórna rekstrinum,“
segir Maríus. Þá hefur hann fallið
fyrir staðnum og segist finna þar
frið.
Söngvarinn vandar sig sérstak-
lega við val á tónlist á veitinga-
staðnum. Mozart er leikinn við
morgunverðarborðið. „Hann er svo
hressandi, veitir birtu og gleði sem
hentar vel á sólríkum morgni,“ seg-
ir Maríus.
Ýmis kammertónlist er undir
geislanum við kvöldverðarborðið.
„Hún skapar rólega stemmningu.
Fólk getur hugleitt og slakað á,
fengið frið í hjartað.“
Þegar líður á kvöldið er leikin
popptónlist til að hressa gestina
við. Ekki er rekið á eftir þeim að yf-
irgefa veitingastaðinn og fólk getur
fengið sér drykk fyrir háttinn, ef
það vill. Maríus hefur fengið hljóm-
sveitir til að leika kvöldstund og
hyggst halda því áfram í sumar.
Tekur stundum
slagara með
eftirréttinum
Nýtt hlutverk Maríus Sverrisson, söngvari og hótelstjóri, er á minna sviði á Hellnum en
oft í söngleikjum í íþrótta- og tónlistarhöllum Evrópu.
Íbúar og ferðafólk í sjávarútvegs-
bænum Snæfellsbæ geta nú loks nú
fengið sér fisk í soðið eða á grillið.
Sjávarkistan í Sjávarsafninu í
Ólafsvík er með til sölu framleiðslu
fiskvinnslufyrirtækjanna á svæð-
inu. Þar kennir margra grasa.
Áhugi ferðafólks á mat þeirra
svæða sem það ferðast um hefur
aukist. Fiskur er í aðalhlutverki í
Snæfellsbæ en oft hefur verið erfitt
fyrir fólk og jafnvel íbúa sem ekki
eiga sjómann í fjölskyldunni að fá
ferskar sjávarafurðir. Átthagastofa
Snæfellsbæjar reynir að bæta úr
því með Sjávarkistunni sem opnuð
var í byrjun mánaðarins.
Fiskur Kolbrún Þóra Ólafsdóttir og Eydís
Sól Jónsdóttir halda Sjávarkistunni opinni.
Geta keypt sér í
soðið í fiskibænum
Bökunarilmurinn getur dregið ferðafólk sem á leið um Staðarsveit að nýju
kaffihúsi í Lýsudal, næsta bæ við Lýsuhól. Þar er risið nýtt gistiheimili og
kaffihús þar sem bakari ræður ríkjum í eldhúsinu.
„Við bökum allt sjálf fyrir kaffihúsið og seljum líka í sveitina,“ segir Þór
Fannberg Gunnarsson bakari. Hann segir að fólk sé áhugasamt um að fá
ný brauð og þau geti líka bakað eftir pöntunum þegar eitthvað standi til.
Lydia Fannberg Gunnarsdóttir, systir Þórs, byggði gistiheimilið og opn-
aði 1. júní. Það er á jörð föður þeirra, skammt frá sundlauginni á Lýsuhóli
sem margir þekkja. Gistiheimilið heitir Kast guesthouse. Nafnið tengist því
að merar Gunnars bónda kasta oft hjá steini í hlíðinni fyrir ofan heimilið.
„Ég er bakari og hef síðustu ár unnið í Geirabakaríi í Borgarnesi. Mér
fannst spennandi að prófa þegar mér var boðið að taka verkefnið að mér,“
segir Þór. Auk brauðmetisins er hann með léttan mat í kaffihúsinu.
Hugmyndin er að vera með opið allt árið. Þór segir að reksturinn leggist
vel í sig. „Vissulega er þetta djarft en það þýðir ekkert að vera með þetta
volæði alltaf hreint,“ segir Þór. Bakari Þór Fannberg Gunnarsson bakar fyrir gesti og sveitunga.
Bökunarilm leggur fyrir vitin
frá nýju kaffihúsi í Staðarsveit