Morgunblaðið - 16.06.2011, Blaðsíða 12
12 FRÉTTIRInnlent
MORGUNBLAÐIÐ FIMMTUDAGUR 16. JÚNÍ 2011
Ómar Friðriksson
omfr@mbl.is
ASÍ og Samtök atvinnulífsins þurfa
að ákveða í seinasta lagi næstkom-
andi þriðjudag hvort allar forsendur
eru fyrir hendi svo ákveðið verði að
nýju kjarasamningarnir skuli gilda
til næstu þriggja ára.
Þótt ríkisstjórnin og Alþingi hafi
staðið við mörg þeirra loforða sem
gefin voru í yfirlýsingu stjórnvalda
til að greiða fyrir samningunum 5.
maí sl. liggur enn ekkert fyrir um
hvort efnd verða stór fyrirheit um
fjárfestingar o.fl. Mikil óvissa er
uppi um framgang þeirra. Þau skipta
sköpum um hvort tekst að ná upp
hagvexti sem þarf til að standa undir
þeim kjarabótum sem samið var um.
Gangi þetta ekki eftir munu samn-
ingarnir einungis gilda til loka jan-
úar 2012.
Framkvæmdanefnd um fram-
vindu samkomulagsins fundaði sl.
mánudag. Hvorki forystumenn SA
né ASÍ vilja á þessari stundu segja
fyrir um hvort af gildistöku kjara-
samninga til þriggja ára verði 22.
júní. Gylfi Arnbjörnsson, forseti
ASÍ, telur þó meiri líkur en minni á
að svo verði. Enn eiga menn þó eftir
að fara yfir fjölmörg mál og fá svör
frá stjórnvöldum. Allt of mikil óvissa
sé uppi varðandi fjárfestingar að
mati SA og ASÍ.
Ræðst fyrir lok þriðjudags
Gylfi vísar einnig til áætlunar
stjórnvalda um efnahags- og ríkis-
fjármál og sérstök fjárfestingaráætl-
un, sem ekki hefur enn litið dagsins
ljós, átti að liggja fyrir í lok maí. „Við
erum að fara yfir þessi atriði og
munum funda strax eftir helgina
vegna þess að fyrir lok næsta þriðju-
dags mun þurfa að liggja fyrir nið-
urstaða hjá okkur og SA um gild-
istöku samningsins á miðvikudaginn.
Ég held að það sé nokkuð ljóst að
þessar stóru og þungu áætlanir
verða ekki tilbúnar þá en við þurfum
auðvitað að fá skýrari línur um
hvernig stjórnvöld sjá þetta fyrir
sér,“ segir Gylfi.
„Grundvöllurinn að þessu öllu er
að við sjáum fjárfestingarnar fara í
gang. Það er því miður ekkert í sjón-
máli um að eitthvað sé að gerast í
þeim mæli sem við gerðum okkur
væntingar um,“ segir Vilhjálmur
Egilsson, framkvæmdastjóri SA, en
tekur fram að þar sé ekki allt rík-
isstjórninni um að kenna.
Boðuð er sókn í orku- og iðnaðar-
málum í yfirlýsingu ríkisstjórnarinn-
ar en aðilar vinnumarkaðarins þurfa
að meta hversu líklegt er að af þeim
verði. Vilhjálmur segir sem dæmi
sennilegt að búast megi við að lausn
finnist á málum sem varða álverið í
Helguvík og orkusöluviðskipti Norð-
uráls og HS Orku. En að mati SA
hafa mál á norðausturhorni landsins
farið í allt annan gír en reiknað hafi
verið með. „Við höfðum ákveðnar
væntingar um að það myndi nást
saman á milli Landsvirkjunar og Al-
coa um stækkun [álversins] á Reyð-
arfirði. En það er víst ekki að ger-
ast,“ segir hann og vísar til viðræðna
sem fram hafi farið á milli Alcoa og
Landsvirkjunar, sem hafi verið
komnar býsna langt á veg. Hvorki
forsvarsmenn Landsvirkjunar né Al-
coa Fjarðaáls vildu tjá sig um málið í
gær.
Gengur hægt að koma sam-
gönguframkvæmdum áfram
Í yfirlýsingu ríkisstjórnarinnar er
því lofað að skipaður verði starfshóp-
ur sem reyni til þrautar að finna út-
færslur á stórframkvæmdum í vega-
gerð á Suðvesturlandi, sem
fjármagnaðar verði með sérstökum
hætti. Niðurstöðu átti að fá í þá
vinnu fyrir lok maí en það hefur ekki
gengið eftir. Hefur starfshópurinn
aðeins haldið einn fund.
Enn liggur ekkert fyrir um hvern-
ig fjármagna á tvöföldun Suður-
lands- og Vesturlandsvegar, þar sem
fyrri hugmyndir um vegtolla hafa
mætt mikilli andstöðu. Vilhjálmur
segir að mjög lítill áhugi virðist vera
á að koma þessum samgöngumálum
áfram.
„Það er ljóst að við getum vart far-
ið í þriggja ára samning nema vita á
hvaða forsendum það verður gert.
En það hlýtur að vera algert lykil-
atriði fyrir okkur öll að fjárfesting-
arnar fari í gang,“ segir Gylfi.
Morgunblaðið/Ernir
Viðræður Aðilar vinnumarkaðarins hafa átt ófáar viðræður við Steingrím J. Sigfússon fjármálaráðherra og ekki alltaf ríkt jafn mikil gleði og hér.
Í óvissu en klukkan tifar
ASÍ og SA meta hvort festa á kjarasamningana til 2014 Óljóst um framgang
fjárfestinga Starfshópur um vegaframkvæmdir hefur aðeins fundað einu sinni
Sérvöruverslun
hefur glæðst það
sem af er þessu
ári frá sama tíma-
bili í fyrra. Rann-
sóknarsetur
verslunarinnar
segir að velta raf-
tækjaverslana
hafi verið 31,5%
meiri fyrstu fimm
mánuði ársins
þegar leiðrétt hafi verið fyrir verð-
og árstíðabundnum þáttum.
Þá hafi orðið 16% aukning í veltu
húsgagnaverslunar á sama tíma.
Jafnframt segir að fata- og skó-
verslun hafi farið vaxandi það sem af
sé árinu. Verðlag á þessum teg-
undum sérvöru hafi haldist nokkuð
óbreytt á milli ára, nema á raftækj-
um sem hafi lækkað umtalsvert á
síðustu mánuðum.
Rannsóknarsetrið segir að dag-
vöruverslun hafi smám saman verið
að ná sér á strik eftir samdrátt sem
varð við efnahagshrunið og hafi ver-
ið 3,6% meiri fyrstu fimm mánuði
ársins en á sama tímabili í fyrra að
raunvirði.
Aukin
velta í sér-
vörunni
Sala raftækja hefur
aukist um þriðjung
Velta Aukin sala
raftækja á ný.
Doktor Ólafur H.
Wallewik, for-
stöðumaður
grunnrannsókna
á Nýsköpunar-
miðstöð Íslands
og prófessor við
Háskólann í
Reykjavík, hlaut
nýverið æðstu
heiðursverðlaun
Norræna stein-
steypusambandsins. Verðlaunin eru
veitt þriðja hvert ár fræðimanni sem
þykir hafa sýnt framúrskarandi
færni á sviði þróunar og rannsókna á
steinsteypu, gæðum hennar og nota-
gildi, segir í tilkynningu.
Rannsóknir á sementsbundnum
efnum eru stór þáttur í starfsemi
Nýsköpunarmiðstöðvar Íslands og
hefur Ólafur stýrt rannsóknum í
flotfræði sementsbundinna efna
ásamt teymi sínu í samvinnu við
bæði innlendar og erlendar stofn-
anir og fyrirtæki. Meðal afreka
Ólafs á þessu sviði er þróun á tæki
sem mælir gæði steypu í tromlu
steypubíls og þykir vinna hans og
óeigingjarnt framlag bera af þar.
Verðlaunaður
fyrir steypu-
rannsóknir
Ólafur
Wallewik
Þó niðurstaðan hafi orðið sú á sein-
ustu starfsdögum Alþingis að falla
frá ákvörðun um að leggja tímabund-
inn skatt á lífeyrissjóðina, á það ekki
að leiða til þess að tafir verði á sér-
stakri vaxtaniðurgreiðslu til handa
skuldsettum einstaklingum. Skattin-
um var ætlað að fjármagna vaxtanið-
urgreiðslurnar að hluta til og átti að
leggjast á lífeyrissjóði og banka og
önnur fjármálafyrirtæki.
Bankarnir áfram skattlagðir
Bönkum verður eftir sem áður
gert að taka á sig skattinn og lífeyr-
issjóðunum verður áfram gert að
taka þátt í kostnaðinum, þó það verði
gert með öðrum hætti en beinni
skattlagningu.
Í nefndaráliti meirihluta efnahags-
og skattanefndar kemur fram að gert
sé ráð fyrir að stjórnvöld og lífeyr-
issjóðirnir nái samkomulagi um fjár-
mögnunina fyrir þing- og nefndar-
fundi í haust.
Arnar Sigurmundsson, formaður
Landssamtaka lífeyrissjóða, segir að
viljayfirlýsingin sem undirrituð var
undir lok seinasta árs um þátttöku
sjóðanna í þessum kostnaði standi
óbreytt.
„Við reiknuðum alltaf með að reynt
yrði að ná samkomulagi á milli lífeyr-
issjóðanna og fjármálaráðuneytisins
um með hvaða hætti lífeyrissjóðirnir
myndu taka þátt í að fjármagna sinn
hluta þessara aðgerða,“ segir hann
og á von á að viðræður hefjist mjög
fljótlega. Niðurstaða á að liggja fyrir
ekki síðar en 1. september.
Rætt um kaup ríkisskuldabréfa
og greitt með erlendum eignum
Áður hafði verið m.a. rætt um að
lífeyrissjóðir keyptu ríkisskuldabréf
og greiddu fyrir með erlendum eign-
um. Slíkt myndi auðvelda ríkinu inn-
lausn aflandskróna og yrði það liður í
aðgerðum til að afnema gjaldeyris-
höft. omfr@mbl.is
Sækja fé eftir öðrum leiðum
Ríkið í viðræður við lífeyrissjóði um fjármögnun vaxtaniðurgreiðslna eftir að Al-
þingi hætti við skattlagningu sjóðanna Niðurstaða á að liggja fyrir 1. september
Morgunblaðið/Golli
Alþingi Fallið var frá lífeyrissjóðaskatti á lokaspretti þingstarfanna.
Í yfirlýsingu ríkisstjórnarinnar
segir að hagvaxtar- og fjárfesting-
aráætlun skuli liggja fyrir eigi síð-
ar en í maí. Sú áætlun liggur enn
ekki fyrir.
Í yfirlýsingunni um stórfram-
kvæmdir í vegamálum og fjár-
mögnun þeirra kemur fram að
skipaður verði starfshópur með
fulltrúum SA, ASÍ og ráðuneyta.
Niðurstaða verði fengin í þá vinnu
fyrir lok maí. Hún er ekki tilbúin. Í
bókun með yfir-
lýsingunni um
sjávarútvegs-
mál segir að út-
tekt hagfræð-
inga á áhrifum
fyrirhugaðra
breytinga á
starfsumhverfi
sjávarútvegs skuli liggja fyrir um
mánaðamótin maí/júní. Hún er
ekki komin fram.
Átti að liggja fyrir í maí
EKKI ER BÚIÐ AÐ UPPFYLLA ALLT SEM GENGIÐ VAR ÚT FRÁ
Starfsfólki Þör-
ungaverksmiðj-
unnar á Reykhól-
um var tilkynnt á
fundi í gærmorg-
un að Atli Georg
Árnason, fram-
kvæmdastjóri
verksmiðjunnar,
hefði látið af
störfum. Starfs-
fólki var sagt að rekstri verksmiðj-
unnar yrði haldið áfram óbreyttum
og starf framkvæmdastjóra auglýst
eins fljótt og kostur væri. Vefur
Skessuhorns greindi frá þessu í gær.
Þangað til mun Þorgeir Samúels-
son framleiðslustjóri sjá um dag-
legan rekstur. Bandarískt fyrirtæki,
FMC Corporation, á ríflega 70%
hlut í verksmiðjunni en Byggða-
stofnun á stærsta hlutann þar á
móti.
Atli hættur á
Reykhólum
Frá Reykhólum.