Morgunblaðið - 18.06.2011, Qupperneq 12

Hlýjar móttökur Svalt var í veðri á Hrafsneyri í gær. Ungur gestur tók sæti forseta Íslands
um skeið og fékk varmar móttökur hjá Dorrit Moussaieff forsetafrú.
Í upphlut Hallgerður Gunnarsdóttir með dætrum og barnabörnum. Dæturnar eru Ásthildur og
Elínborg Sturludætur og stúlkurnar Hallgerður Kolbrún Jónsdóttir og Borghildur Gunnarsdóttir.
SVIÐSLJÓS
Helgi Bjarnason
helgi@mbl.is
Virðulegir Jónar Sigurðssynir gengu um með
pípuhatta á Hrafnseyri í gær og yngri gestir
settu sig einnig í stellingar. Þá skörtuðu konur
íslenska þjóðbúningnum.
Áætlað er að um tvö þúsund gestir hafi
mætt á afmælishátíð Jóns Sigurðssonar á fæð-
ingarstað hans, Hrafnseyri í Arnarfirði. Flest-
ir komu úr nágrannahéruðum en einnig all-
margir af Snæfellsnesi og lengra að. Einn
gesturinn kom frá Nýja-Íslandi í Kanada,
David Gislason sem var fulltrúi Vestur-
Íslendinga.
Hátíðin var óvenju vegleg í tilefni þess að
200 ár eru liðin frá fæðingu Jóns. Skipuleggj-
endur hátíðarinnar voru ánægðir með daginn.
Ólafur Ragnar Grímsson, forseti Íslands,
flutti hátíðarræðuna. Jóhanna Sigurðardóttir
forsætisráðherra kynnti áform ríkisstjórnar-
innar um skipulagsbreytingar á Hrafnseyri,
að stofnað verði Menningarsetur Jóns Sig-
urðssonar sem taki við staðnum 1. janúar
næstkomandi. Stjórn Menningarsetursins tek-
ur við hlutverki Hrafnseyrarnefndar. Áður
hefur komið fram að stofnað verður prófess-
orsembætti við Háskóla Íslands í nafni Jóns
Sigurðssonar. Hann mun hafa starfsskyldur
við háskólastofnanir á Vestfjörðum og er ætl-
að að taka þátt í að efla starfið á Hrafnseyri.
„Þetta er í samræmi við stefnumótun Hrafns-
eyrarnefndar,“ segir Eiríkur Finnur Greips-
son, formaður nefndarinnar, og fagnar ákvörð-
unum ríkisstjórnarinnar. Hann vonast til að
nýja sýningin um Jón Sigurðsson sem opnuð
var á Hrafnseyri í gær muni laða að gesti og
verða lyftistöng fyrir staðinn. Ekki verður
tekinn aðgangseyrir að sýningunni í sumar.
Stofnað verður Menningarsetur
Jóns Sigurðssonar á Hrafnseyri
 Um 2.000 gestir fögnuðu 200 ára afmæli Jóns Sigurðssonar í svölu veðri á fæðingarstað hans í gær
Morgunblaðið/Helgi Bjarnason
Jón Sigurðsson mættur Pétur Bjarnason frá Bíldudal lífgaði upp á samkomuna með því að mæta í gervi Jóns Sigurðssonar og heilsaði að sjálf-
sögðu upp á helstu ráðamenn landsins, forseta Íslands, forsætisráðherra og aðra ráðherra sem staddir voru á Hrafnseyri í gær.
12 FRÉTTIRInnlent
MORGUNBLAÐIÐ LAUGARDAGUR 18. JÚNÍ 2011
„Mig langaði að koma með nýja og bjartari
mynd af Jóni og sýna að æskuárin í Arnar-
firði hafi mótað hann og gert að þeim mikla
höfðingja sem hann varð,“ segir Elfar Logi
Hannesson, leikari á Ísafirði, sem frumsýndi
einleik sinn, „Jón Sigurðsson, strákur að
vestan“, á Hrafnseyrarhátíð í gær.
Elfar Logi segir að það hafi verið mikil
áskorun að taka að sér það verkefni fyrir af-
mælisnefndina að skrifa og færa upp leikrit
um Jón Sigurðsson, þessa miklu sjálfstæðis-
hetju. Hann hafi ákveðið að láta slag standa
þótt hann hafi ekki vitað mikið um viðfangs-
efnið.
Elfar Logi segist frá upphafi hafa haft
áhuga á að gera æskuárum Jóns á Hrafnseyri
skil. Sögustaðurinn kallaði á það og fólk vissi
minnst um Jón á þeim árum. Hann nefnir sem
dæmi að í nýjustu ævisögu Jóns sem Guðjón
Friðriksson ritaði séu aðeins 50 blaðsíður af
1.000 um æskuárin. Þangað sótti Elvar Logi
mikinn fróðleik og leitaði víðar fanga og túlk-
aði síðan á eigin hátt. Verkið hefst á því að
Jón er að fara suður til að taka stúdentspróf
og rifjar upp æskuárin. Svo fór að hann kom
ekki aftur vestur nema sem þingmaður og
gestur. Við sögu koma foreldrar hans og afi
og fleira heimilisfólk sem talið er hafa haft
áhrif á hann.
Elfar Logi er sjálfur Arnfirðingur, frá
Bíldudal. Hann þekkir því æskustöðvar Jóns
en æðilangt er á milli þeirra í tíma. „Lífsbar-
áttan var harðari í hans tíð. Ég fékk að leika
mér allmikið lengur.“
Elfar Logi rekur Kómedíuleikhúsið á Ísa-
firði. Marsibil G. Kristjánsdóttir, kona hans,
gerði leikmynd og búninga og Ársæll Níels-
son leikstýrir. Tvær sýningar til viðbótar eru
ákveðnar á Hrafnseyri, önnur á morgun,
sunnudag, og hin í lok júlí. Elfar Logi hefur
hug á að sýna verkið víðar og oftar en segir
að viðtökurnar ráði því.
Elfar Logi vonar að sýningin höfði til allrar
fjölskyldunnar, þó ekki síst til æskunnar og
skólafólks. „Ég yrði sáttur ef krakkarnir
fíluðu hana. Mér fannst hann skemmtilegur
og venjulegur krakki, eins og þau, þótt hann
hafi síðar orðið þessi merki karl,“ segir Elfar
Logi um þá mynd sem hann fékk af Jóni sem
barni og unglingi við vinnu sína við skrif og
annan undirbúning einleiksins.
helgi@mbl.is
Skemmtilegur og venjulegur krakki
 Elfar Logi Hannesson sýnir einleikinn „Strák-
ur að vestan“ á fæðingarstað Jóns Sigurðssonar
Morgunblaðið/Helgi Bjarnason
Strákur að vestan Elfar Logi Hannesson
sem Jón átján ára, með ferðakoffortið.