Morgunblaðið - 18.06.2011, Side 31
MINNINGAR 31
MORGUNBLAÐIÐ LAUGARDAGUR 18. JÚNÍ 2011
ferðast um landið.
Reiðtúrarnir með þér voru
ófáir og með því skemmtilegra
sem ég gerði enda var aldrei
leiðinlegt í kringum þig og alltaf
stutt í glensið. Sterkt í huga
mér er eitt Þorláksmessukvöld
fyrir nokkrum árum þegar við
Ásdís fórum upp á Fell til þín
og ömmu. Þá var amma búin að
setja þig í það verk að setja á
mömmukökurnar meðan við átt-
um að skreyta jólatréð. Í stað
þess að fara strax í að setja á
mömmukökurnar lékst þú á als
oddi og fíflaðist og leiddist okk-
ur systrum það ekki. Fljótlega
vorum við komnar með þér í
fíflaganginn sem endaði þannig
að þú varst kominn í kápu af
ömmu og með jólaseríu vafða
um þig. Svipaðar minningar á
ég líka frá því þegar við Ásdís
vorum yngri og gistum hjá ykk-
ur ömmu og oftar en ekki varst
þú búinn að æsa okkur svo upp
að engin leið var að við sofn-
uðum á skikkanlegum tíma.
Elsku afi minn, þú varst svo
frábær og yndislegur í alla staði
og betri afa er ekki hægt að
hugsa sér. Þú skilur eftir þig
stórt skarð sem ekki er hægt að
fylla nema með góðum minn-
ingum. Þú verður alltaf í hjarta
mínu og ég veit að þú ert með
okkur öllum, stóra og flotta
hópnum þínum sem þú varst svo
stoltur af. Svo á ég líka ynd-
islegan pabba sem minnir mig
mjög oft á þig. Þegar þú kvadd-
ir áttum við eftir eitt verkefni
saman en það var að finna
handa mér hinn fullkomna kær-
asta en þú hafðir alltaf mikinn
áhuga á hvernig gengi í þeim
málum og varst búinn að ákveða
að best væri að þú myndir
hjálpa til. Ég veit að þú átt eftir
að klára þetta verk og nú hef-
urðu bara ennþá betra útsýni til
þess. En ég mun líka standa við
minn hluta og það mun aldrei
neinn koma til greina nema ein-
hver sem þér hefði litist vel á.
Ég man frá bernsku mildi og
kærleik þinn,
man hve oft þú gladdir huga
minn.
Og glæddir allt hið góða í minni
sál,
að gleðja var þitt hjartans mál.
(Höf. ók.)
Guð blessi þig og varðveiti,
elsku afi.
Þín,
Sonja Sif Ólafsdóttir.
Elsku afi minn, mikið óskap-
lega sakna ég þín, en ég á alveg
ótal góðar minningar um þig. Þú
hefur alltaf verið svo stór og
mikilvægur partur af lífi mínu
og þú hefur kennt mér svo
margt. Þú áttir alltaf til tíma
fyrir okkur barnabörnin þín sem
þú varst svo stoltur af þrátt fyr-
ir að það væri mikið að gera hjá
þér. Ég á svo margar minningar
með þér alveg frá því að ég man
eftir mér. Að fá að fara með þér
niður á Holt í fjárhúsin, út í
stykki að gefa hestunum, heim í
gamla bæ til kálfanna og allar
stundirnar með þér í dráttarvél-
inni, ég man hvað það var nota-
legt að fá að sitja inni í drátt-
arvél með þér og jafnvel sofna.
Þegar ég var krakki og fékk
að dröslast með þér leiddist mér
nú ekki að fara með þér og
kaupa nammi og það gerðum við
reglulega, sérstaklega var gott
að fá tófuskít með þér en þú
kallaðir rauðu nammimöndlurn-
ar alltaf tófuskít. Þú hafðir líka
alltaf fulla þolinmæði fyrir söfn-
unaráráttunni minni þegar ég
var yngri, enginn annar en þú
hefðir stoppað yfir 20 sinnum á
leiðinni frá Blönduósi til Skaga-
strandar til að leyfa mér að
hirða upp brotnar vegstikur.
Eins þegar ég fór með ykkur
ömmu að ná í rekavið og að
sjálfsögðu fékk ég að drösla
allskonar „fjársjóðum“ úr fjör-
unni með mér heim.
Þegar ég var bara lítil stelpa
fórum við líka saman inn í Vísi á
Blönduósi til að kaupa dúkku-
burðarrúm, en burðarrúmið var
ekki ætlað dúkku í okkar tilfelli
heldur keyptir þú það handa
mér til að ég gæti haft Snata
hvolpinn ykkar ömmu í. Við höf-
um líka farið í svo marga útreið-
artúra saman og hestaferðir,
það eru gullmolar sem ég mun
geyma í hjarta mínu og minnast
með brosi. Það er svo skrítið að
hugsa til þess að ég fer aldrei
aftur í reiðtúr á hesti sem þú
hefur lánað mér og þegar ég
kem til baka stendur þú í
hlaðinu og upp úr þér gellur:
„Hvernig var hann? Var hann
ekki góður, viltu kannski kaupa
hann?“ Á laugardaginn var
fæddist folaldið undan Fífu sem
þú varst búinn að hlakka svo til
að fá, þú fékkst spræka hryssu
með stóra og fallega blesu sem
við ætlum öll að passa fyrir þig.
Elsku afi, þú komst manni
alltaf í gott skap með gleði og
fíflagangi þínum og síðustu ár
þegar mér hefur þótt erfitt að
kveðja til að fara aftur til Dan-
merkur hefur þú oftar en ekki
huggað mig og stappað í mig
stálinu. Þú vildir alltaf fá að vita
hvernig gengi í skólanum og
varst oft búinn að segja mér að
þú hlakkaðir til þegar ég yrði
orðin sjúkraþjálfari.
Elsku afi minn, ég kveð þig
með söknuði, minningin um þig
er hlý og góð og ég er þakklát
fyrir allar stundirnar með þér.
„Einstakur“ er orð sem notað er
þegar lýsa á því sem engu öðru
er líkt, faðmlagi eða sólarlagi eða
manni sem veitir ástúð með brosi
eða vinsemd.
„Einstakur“ lýsir fólki sem stjórn-
ast af rödd síns hjarta og hefur í
huga hjörtu annarra.
„Einstakur“ á við þá sem eru
dáðir og dýrmætir og hverra
skarð verður aldrei fyllt.
„Einstakur“ er orð sem best lýsir
þér.
(Terri Fernandez.)
Hvíldu í friði, elsku afi minn,
við pössum upp á ömmu fyrir
þig.
Þín afastelpa,
Ásdís Adda Ólafsdóttir.
Að þurfa að setjast niður hin-
um megin á hnettinum og skrifa
minningargrein um elsku afa
sinn er erfiðara en orð fá lýst.
Ég var á leiðinni í flug til einnar
mestu skemmtanaborgar heims
þegar ég fékk þær fréttir að
elsku afi væri látinn. Aldrei
hefði mig grunað að bilið milli
svo mikillar gleði og hamingju
og svo mikillar sorgar væri
svona stutt. Veröldin bókstaf-
lega hrundi og enn á maður erf-
itt með að trúa að hann sé ekki
á meðal okkar. Þrátt fyrir þetta
mikla áfall ákváð ég að halda
ferðalagi mínu áfram því það
hefði hann viljað. Það var alltaf
kátt í kringum afa og ávallt
spjallað um allt milli himins og
jarðar. Hress, kátur og aldrei
var langt í hláturinn. Afi var sko
ríkur maður, öll börnin og
barnabörnin sem hann unni svo
mikið.
Þótt döpur sé nú sálin,
þó mörg hér renni tárin,
mikla hlýju enn ég finn
þú verður alltaf afi minn.
(Höf. ók.)
Elsku afi, mig tekur það svo
sárt að geta ekki fylgt þér til
hinstu hvílu en ég mun minnast
þín á minn hátt hér í San Franc-
isco. Ég kem norður um leið og
ég kem heim og knúsa ömmu og
heimsæki hvíldarstað þinn.
Hvíldu í friði, afi minn, við
sjáumst aftur þegar minn tími
kemur.
Heiðrún K. Axelsdóttir.
Elsku afi okkar, við söknum
þín. Það er svo erfitt að trúa því
að þú sért dáinn. Við eigum eftir
að sakna þess að fá þig í heim-
sókn til okkar á kvöldin. Við
hefðum viljað eiga lengri tíma
með þér, heimsækja þig oftar og
fá þig oftar í heimsókn til okkar.
Þú varst mikill Tralli og alltaf
hlæjandi. Við eigum eftir að
sakna þess að þú kallir okkur
stóra Tralla, litla Tralla og kallir
Anton Tona.
Við eigum góðar minningar
með afa, eins og þegar við feng-
um að sitja uppi á heyvagninum
í heyskapnum á Felli.
Við ætlum að hugsa vel um
ömmu fyrir þig.
Takk fyrir allt, elsku afi okk-
ar, við söknum þín svo mikið.
Drottinn minn, réttu sorgmæddri
sál
svala líknarhönd
og slökk þú hjartans harmabál,
slít sundur dauðans bönd.
Svo vaknar hann með sól að
morgni.
Farðu í friði, vinur minn kær,
faðirinn mun þig geyma.
Um aldur og ævi þú verður mér
nær,
aldrei ég skal þér gleyma.
Svo vöknum við með sól að
morgni.
(Bubbi Morthens)
Þínir afastrákar,
Anton Þór og Viktor
Már Einarssynir.
Elsku afi minn, ég er svo dof-
in af söknuði. Ég er búin að
fljúga í gegnum mörg tilfinn-
ingaþrep síðustu daga. Ég er
ekki tilbúin að taka það skref að
kveðja þig, elsku afa minn. Það
er skrítin tilfinning að keyra inn
á hlaðið á Felli þessa dagana,
enginn afi sem kemur út í dyr
og baðar út höndunum af gleði
við að sjá mann. Enginn afi
niðrá Holti að sinna rollunum
sínum, enginn afi uppi í gamla
bæ að dekra við kálfana sína, æ
hvað ég á eftir að sakna þín
mikið.
Ég hef leitað huggunar í
minningarnar sem ég á um þig,
yndislegar minningar sem verða
varðveittar. Ég er búin að vera
að rifja upp ferðirnar okkar útí
Mánavík og fyrir Skagann með
bros á vör. Hugsa mikið um
ferðirnar mínar með þér í drátt-
arvélinni, ég hef eflaust verið
þreytandi þegar ég fór með þér
í dráttarvélina, því ég var iðu-
lega eitt spurningarmerki
hvernig hlutirnir voru í „gamla
daga“ og þú gafst þér alltaf
tíma í að reyna finna út svar
fyrir mig. Einnig rifja ég upp
tímana á túninu á Felli, þú afi
yfirleitt ber að ofan, syngjandi
glaður að heyja. Þegar ég var
lítil var mikið sport að fá að
gista uppi á Felli, nánar tiltekið
uppi í hjá ykkur ömmu, en mik-
ið sem ég var þakklát fyrir það
hvað þú fórst snemma á fætur
því þá hafði ég félagsskap
frammi þangað til amma vakn-
aði. Það voru ófáar stundirnar
sem ég átti við eldhúsborðið
með ykkur Rögga, þið að kjafta
saman og ég að krota. Eitt
augnablik með þér var yndis-
legt, þú varst laginn við að
breyta tárum yfir í bros.
Mér er það nokkuð minnis-
stætt þegar ég ásamt fleiri feng-
um að sitja í kerru aftan í drátt-
arvélinni niður gamla veginn
þegar kerrutengið brotnar og
þú sönglandi hélst bara áfram
og tókst ekki eftir því að við sát-
um eftir með tárin í augunum
og auma rassa. En þú varst auð-
vitað fljótur að breyta þessum
tárum yfir í bros og hlátur.
Þú varst alltaf glaður að hitta
okkur barnabörnin, duglegur að
hlæja með okkur, stríða okkur
og hvetja okkur áfram í því sem
við tókum okkur fyrir hendur.
Það að eiga afa eins og þig voru
forréttindi, þú duglegi maðurinn
sem sinntir þinni vinnu á slát-
urhúsinu vel, sinntir bústörfun-
um af mikilli ástríðu, og síðast
en ekki síst sinntir þú fjölskyld-
unni því þú gafst þér alltaf tíma
fyrir okkur, þó ekki væri nema
fyrir eitt knús. Þú hafðir alveg
yndislega nærveru, fátt jafn
notalegt og að sitja við eldhús-
borðið á Felli með þig hrjótandi
á bekknum við hliðina á manni.
Það er svo sárt að hugsa til þess
að börnin mín í framtíðinni
munu ekki kynnast afa mínum.
Þú varst nefnilega búinn að
suða ansi lengi í mér um að gefa
þér langafabarn og skildir ekk-
ert í þessum seinagangi í okkur
Bjarka.
Elsku yndislegi afi minn, takk
fyrir allt! Takk fyrir allar gleði-
stundirnar sem ég hef átt með
þér. Ég mun halda áfram að
vera dugleg að koma við á Felli
og halda áfram að fara með
ömmu í kotið sitt út á skaga.
Einnig verð ég dugleg að
halda í minningarnar með Ant-
oni, Viktori og litlu frændsystk-
inunum mínum.
Elska þig, afi.
Þín afastelpa,
Eydís Ósk Einarsdóttir.
Látinn er samstarfsfélagi
okkar til margra ára, Ásgeir Ax-
elsson eða Geiri á Felli eins og
hann var ávallt kallaður. Í fá-
mennum samfélögum verður
það oft þannig að fólk vinnur
lengi á sama vinnustað og verða
þá vinnufélagarnir eins og fjöl-
skyldumeðlimir. Því er það með
sorg í hjarta sem við í dag
kveðjum Geira með þessum
ljóðum:
Vinakveðja okkar allra
er hér borin fram í dag,
kærleikshlý við hvílu þína,
er klukkur leika sorgarlag.
Fögur samstarfsmanna minning
mestur dýrðarsjóður er.
Blítt á leiði blómum vaggar
blærinn, sem um dalinn fer.
(Höf. ók.)
Hver minning dýrmæt perla að
liðnum lífsins degi,
hin ljúfu og góðu kynni af alhug
þakka hér.
Þinn kærleikur í verki var gjöf,
sem gleymist eigi,
og gæfa var það öllum, er fengu
að kynnast þér.
(Ingibjörg Sigurðardóttir)
Sigrúnu, börnum og öðrum
aðstandendum sendum við okk-
ar innilegustu samúðarkveðjur.
Minning um góðan félaga lifir í
hjörtum okkar.
Samstarfsfélagar
hjá SAH Afurðum ehf.,
Gísli Garðarsson.
HJARTAVERND
Minningarkort
535 1825
www.hjarta.is 5351800
Útfararþjónusta
Davíðs Ósvaldssonar ehf
Davíð Ósvaldsson
Útfararstjóri
S. 896 8284 / 551 3485
Óli Pétur Friðþjófsson
Útfararstjóri
S. 892 8947
✝
Ástkær móðir okkar, tengdamóðir, amma og
langamma,
JÓHANNA P. KRISTÓFERSDÓTTIR
hjúkrunarkona,
sem lést miðvikudaginn 8. júní, verður jarð-
sungin frá Áskirkju mánudaginn 20. júní
kl. 15.00.
Kristófer Ingi Svavarsson, Vala Sigurlaug Valdimarsdóttir,
Ása Hlín Svavarsdóttir, Sveinn Harðarson,
barnabörn og barnabarnabarn.
✝
Elskuleg móðir okkar,
ODDNÝ JÓNSDÓTTIR,
áður Sæfelli,
Seltjarnarnesi,
lést á dvalarheimilinu Grenilundi, Grenivík,
þriðjudaginn 14. júní.
Jarðarförin verður auglýst síðar.
Guðni, Guðrún Jóhanna og Sigþóra Oddný Sigþórsbörn,
Helga Óskarsdóttir,
tengdabörn og barnabörn.
✝
Ástkær móðir okkar, amma og langamma,
THEODÓRA ELÍSABET BJARNADÓTTIR
hárgreiðslumeistari,
Hringbraut 50, Reykjavík,
áður til heimilis í Miðstræti 11,
Vestmannaeyjum,
andaðist á dvalarheimilinu Grund mánu-
daginn 13. júní.
Útför hennar verður gerð frá Dómkirkjunni í Reykjavík mánu-
daginn 27. júní kl. 15.00.
Ingibjörg Þórðardóttir,
Þuríður Þórðardóttir,
barnabörn og barnabarnabörn.
✝
Ástkær faðir okkar, tengdafaðir, afi og langafi,
BJÖRN GUÐMUNDSSON,
áður til heimilis að Múlasíðu 9,
Akureyri,
lést á dvalarheimilinu Hlíð mánudaginn
13. júní.
Útförin fer fram frá Akureyrarkirkju þriðju-
daginn 21. júní kl. 13.30.
Guðný Björnsdóttir,
Ólöf Björnsdóttir, Eyþór Jóhannsson,
Pálmi Björnsson, Hjördís Hauksdóttir,
Magga Kristín Björnsdóttir, Björn Snæbjörnsson,
Birna Björnsdóttir, Helgi Helgason,
Guðmundur Björnsson, Rósa Knútsdóttir,
barnabörn og barnabarnabörn.
✝
Eiginmaður minn og faðir okkar,
ÓLAFUR GAUKUR ÞÓRHALLSSON
tónlistarmaður,
verður jarðsunginn frá Dómkirkjunni í
Reykjavík í dag, mánudaginn 20. júní kl.
13.00.
Svanhildur Jakobsdóttir,
Anna Mjöll Ólafsdóttir, Cal Worthington,
Andri Gaukur Ólafsson, Ingibjörg Sigurjónsdóttir,
Bergþóra Ólafsdóttir,
Ragnhildur Ólafsdóttir, Haraldur Sigurðsson,
Ingunn Ólafsdóttir,
Hlöðver Már Ólafsson, Erla Guðmundsdóttir,
Aðalbjörg María Ólafsdóttir, Páll Sigurgeirsson,
Inga Sigrún Ólafsdóttir, Smári Árnason.