Morgunblaðið - 18.06.2011, Qupperneq 32
32 MINNINGAR
MORGUNBLAÐIÐ LAUGARDAGUR 18. JÚNÍ 2011
✝ Jóhannes ÞórEgilsson fædd-
ist 4. júlí 1931.
Hann lést 28. maí
2011.
Hann var fædd-
ur á Eyrinni á
Siglufirði í húsi
sem faðir hans Eg-
ill Stefánsson
flutti inn frá Nor-
egi og reisti á
Grundargötu 8.
Foreldrar Jóhannesar Þórs
voru Egill Stefánsson, f. 8.5.
1896 að Hólabaki í Sveins-
taðhr., A-Hún., d. 7.7. 1978,
kaupmaður, danskur konsúll
og riddari af Dannebrog 1966,
pípulagningameistari og
slökkviliðsstjóri til tuga ára,
og Sigríður Jóhannesdóttir, f.
20.5. 1894 á Jökli í Saubæj-
arhreppi í Eyjafirði, d. 3.2.
1970. Systkinin urðu þrjú og
var Jóhannes Þór (Hansi) í
miðjunni. Báðum megin við
hann voru systur. Eldri syst-
irin var Margrét Ingibjörg
(Gréta), f. 14.7. 1923, d. 5.10.
2005, hennar maður var Krist-
ján Steindórsson, f. 26.1. 1924.
d. 7.8. 1991. Afkomendur
þeirra eru 15. Hin systirin er
Geirlaug, f. 31.7. 1936, hennar
maður er Árni Kristmundsson,
og unnu fjölbreytt störf. Með
tímanum var farið í að reykja
síld og leggja niður og sjóða
niður síld í dósir og margt
fleira. Hlutverk Jóhannesar
var að sinna þessu. Hann
starfaði í slökkviliðinu yfir
slöngum og dælum. Á ung-
lingsárum stundaði hann
frjálsar íþróttir og gekk vel en
hætti vegna meiðsla. Síðar
sneri hann sér að badminton
sem hertók hann og spilaði
síðasta leik árið 2009. Stóð
hann fyrir stofnun félags um
þessa íþrótt 5. des. 1964 og
varð þá formaður, þar til í
apríl 2011. Tók þetta félag
þátt í stofnun B.S.Í og átti að-
ild frá upphafi. Jóhannes var
virkur félagi í Lionsklúbbi
Siglufjarðar. Einng stundaði
hann skíði. Hann vann við fyr-
irtæki föður síns, mikið til
sjálfmenntaður. Árið 1956
hefja þeir feðgar útflutning til
margra Evrópulanda. Eftir lát
Egils er búið rekið til 1981, þá
kaupir Jóhannes það ásamt
öðrum og varð þá til Egilssíld
ehf. sem Jóhannes rak til dán-
ardags. Framleiddi fyrirtækið
áfram reykta síld og reyktan
og grafinn lax. Var hann virk-
ur í Sölustofnun lagmetis með-
an sú stofnun var til. Tæp tvö
síðustu ár hefur Jóhannes
dvalið á sjúkradeild og hlotið
þar frábæra umönnun.
Útför Jóhannesar Þórs fer
fram frá Siglufjarðarkirkju í
dag, 18. júní 2011, og hefst at-
höfnin kl. 14.
f. 11.11. 1937. Af-
komendur þeirra
eru 12.
Kona Jóhann-
esar Þórs var Mar-
grét. E. Magn-
úsdóttir, f. 24.11.
1930, d. 22.2. 1996.
Foreldrar Mar-
grétar voru Sig-
ríður N. Níels-
dóttir, f. 17.10.
1900, d. 2.10. 1961,
og Magnús Á. Haraldsson, f.
24.8. 1905, d. 15.8. 1997. Mar-
grét og Jóhannes giftu sig 16.
júlí 1968 í Reykjavík. Dóttir
þeirra er Sigríður. E. Jóhann-
esdóttir, f. 15.1. 1953, fyrrum
maki Magnús Valdimarsson, f.
28.6. 1955, sonur þeirra er Jó-
hannes Markús Magnússon, f.
15.8. 1995.
Er Jóhannes var ungur að
árum fluttist fjölskyldan að
Aðalgötu 11, því þar voru
byggingar sem hentuðu frum-
kvöðlinum Agli. Sett var upp
bakatil pípulagningaverkstæði,
húsgagnaframleiðsla, einnig
voru framleidd þríhjól og
barnakerrur, reykt kjöt og
rúllupylsur, en út að Aðalgötu
var reiðhjólaverslun með
meira. Börnin lærðu því
snemma að taka til hendinni
Margt flýgur í gegnum hug-
ann er komið er að leiðarlokum.
Erill og læti á síldarsumrum,
alltaf verið að flaka og frysta
síld oft fram á rauða nótt, ef
góð síld kom að landi. Lítið var
farið í sumarfrí á þeim árum,
því síldin gekk fyrir öllu. Ekki
var ég há í loftinu er ég fór að
fara með á æfingar í badminton
í gamla leikfimisalnum í Barna-
skólanum. T.B.S. var svo stofn-
að 1964 eftir 8-9 ár í spila-
mennsku. Með árunum fór ég
líka að æfa og náðist upp góður
keppnisandi og metnaður. Ein
úr þessum gamla hópi hefur náð
að endurvekja gamla góða
keppnisandann og ánægjuna af
spilamennskunni. Ung að árum
vorum við frændsystkin farin að
vinna hjá afa í búðinni og hjá
þér í verksmiðjunni. Margt var
brallað og oft glatt á hjalla.
Gekk oft ansi mikið á og þú oft
með mesta hávaðann. Margar
ferðir voru farnar í gamla Ford-
jeppanum í ber og með ömmu á
æskuslóðir í Eyjafjörð að hitta
ættingja. Einnig í langa Wil-
lysnum sem tók við af Fordin-
um en báðir báru þeir númerið,
F 32. Í þá daga komst maður
alla leið án óþæginda eða þá að
það sprakk (púnkteraði) á
versta stað eða sauð á vatns-
kassanum og þá varð að finna
vatn til að bæta á hann og kæla.
Margar sögulegar ferðirnar fór-
um við og stundum bara tvö, en
þær enduðu alltaf vel. Lítill
nafni þinn bætti okkar missi er
mamma fór. Kenndir þú honum
á skíði og var þá allt heilagt
sem afi hafði sagt um það.
Fyrsta þríhjólið sem þú færðir
nafna þínum hjálpuðust þið að
við að setja saman og var þá
mikið spjallað. Margt brölluðuð
þið nafnarnir saman í gegnum
tíðina. Ég er mjög þakklát fyrir
að við skyldum geta verið hjá
þér síðustu stundirnar. Lítil fer-
fætt kona langt komin á níunda
hundaár tók þá ákvörðun að
fylgja þér í hinstu för og kvaddi
hún að kveldi 8. júní. Missir
okkar mæðgina er mikill að
missa ykkur bæði með svo
stuttu millibili en sárabót okkar
nú er dóttir hennar. Hafðu þökk
fyrir allt.
Þín dóttir,
Sigríður Eddý
Jóhannesdóttir.
Elskulegur bróðir minn er
látinn eftir erfið veikindi. Hann
var alltaf kallaður Hansi. Systir
okkar Margrét Ingibjörg var
elst, hún dó fyrir nokkrum ár-
um, blessuð sé minning hennar.
Þau voru oft kölluð Hans og
Gréta. Ég var yngst, við áttum
yndisleg æskuár þegar síldin
var mest á Siglufirði. Faðir okk-
ar Egill Stefánsson var með
verslun og reykhús, reykti síld
sem hét Egilssíld. Við unnum
öll í versluninni og einnig í
reykhúsinu. Við Hansi fórum
alltaf klukkan sjö á morgnana
að hengja upp síld. Þá vorum
við alltaf svo kát og sungum
alltaf heilmikið. Síðan fórum við
í verslunina klukkan níu, alltaf
nóg að gera. Mikið af alls konar
vörum frá matvörum upp í reið-
hjól, barnakerrur og barna-
vagna, einnig fittings og meira
að segja steinolía sem var dælt
á brúsa og slökkvitæki líka því
pabbi var slökkviliðsstjóri.
Hansi var svo seinna í slökkvi-
liðinu.
Gréta systir lærði tannsmíði
og flutti til Reykjavíkur, þetta
voru spennandi og skemmtileg
ár. Alltaf nóg að gera, allir í
góðu skapi þegar síldarskipin
komu drekkhlaðin af síld. Pabbi
stækkaði reykhúsið, reykti lax
og sauð niður gulrófur og lifur
og einnig pasta í túbum sem
hann seldi til útlanda. Eftir að
pabbi dó tók Hansi við fyrir-
tækinu og stjórnaði því með
glæsibrag til dauðadags. Fékk
mörg verðlaun fyrir hreinlæti.
Hann var stofnandi og formað-
ur Badmintonfélagsins á Siglu-
firði til tugi ára. Hann stundaði
sund, hafði gaman af því að
keyra jeppann sinn og í gamla
daga var hann stundum að
yrkja ljóð. Hann kom oft suður
og gisti stundum hjá mér. Hann
mátti aldrei vera að því að
stoppa lengi, alltaf að flýta sér
heim í sambandi við fyrirtækið.
Í fyrrahaust heimsótti ég
hann, var það mjög ánægjulegt.
Hann keyrði mig um allan bæ-
inn sýndi mér allar breyting-
arnar sem eru stórkostlegar.
Síðan hefur hann verið á
sjúkrahúsinu og var mjög sátt-
ur við það. Sagði að allir væru
svo góðir og algjör lúxus að
vera þar. Ég þakka starfsfólk-
inu innilega fyrir góða umönn-
un. Elsku Eddý mín, þú varst
dugleg að keyra frá Blönduósi
að heimsækja pabba þinn
hvernig sem veðrið var, þú átt
heiður skilinn.
Hansa þótti mjög vænt um
barnabarn sitt Jóhannes Mark-
ús. Hann var aldrei í kvörtunar-
deildinni eins og sagt er um þá
sem alltaf eru að kvarta. Hann
tók veikindum sínum með æðru-
leysi. Elsku bróðir, hafðu þökk
fyrir allt.
Hann Guð hann
mun þess gæta
þú getur sofið rótt.
Hann lætur ljóssins engla
lýsa þér um nótt.
(Kristján Hreinsson.)
Elsku Eddý, Jóhannes Mark-
ús, aðrir ættingjar og vinir, Guð
verði með ykkur öllum í sorg
ykkar.
Þín systir,
Geirlaug.
Stærsta gjöf okkar allra er
lífið og hversu mikið mundum
við ekki vilja halda í lífið fyrir
alla og alltaf? Móðurbróðir
minn Jóhannes Þór Egilsson
(Hansi) er fallinn frá. Hann lifði
lífinu lifandi og það eru margar
góðar minningar sem koma upp
í hugann á svona stundu.
Stundirnar með Hansa,
Möggu, Eddý og afa og ömmu á
Aðalgötunni á Siglufirði verða
ógleymanlegar. Ég og bróðir
minn Egill heitinn dáðum
Hansa. Hann var fyrirmynd og
mikill vinur okkar alla tíð og
aldurinn skipti aldrei máli. Það
var tryggt og gott fyrir okkur
að vera sumarbörn á Siglufirði í
þá daga.
Það var alltaf stuð og gleði,
sérstaklega í verksmiðjunni og
jeppanum F 32. Oft var keyrt
yfir Skarðið og ekki endilega
sneitt framhjá holum. Farið var
í berjamó Fljótamegin í
Skarðinu og yfirleitt fór Hansi
þá á þvílíkt flug með hvern
brandarann á fætur öðrum og
hló mikið.
Hansi bjó alla sína ævi á
Siglufirði og vildi hvergi annars
staðar búa og var stoltur af sín-
um bæ. Hann tók ætíð á móti
gestum með því að sýna verk-
smiðjuna og svo var ekið um
Siglufjörð og þá höfðu Héðins-
fjarðargöngin mikið vægi. Hann
hefur alla tíð stutt siglfirskt
samfélag með ýmsum hætti.
Tennis- og badmintonfélagið
stofnaði hann ásamt öðrum 1964
og var formaður þess fram í
apríl 2011 og geri aðrir betur.
Hansi stundaði frjálsar
íþróttir á yngri árum og var
góður keppnismaður. Hann
vann alla sína tíð með föður sín-
um Agli Stefánssyni í verk-
smiðjunni Egilssíld og hélt
Hansi áfram rekstri eftir fráfall
Egils. Jafnframt unnu þeir
feðgar við slökkviliðsstörf o.fl.
en Egill var slökkviliðsstjóri á
Siglufirði til fjölda ára.
Þeir feðgar voru frumkvöðlar
í lagmeti. Hansi sótti námskeið
og ráðstefnur hérlendis og er-
lendis og var virkur í öflun
nýrrar þekkingar. Þeir suðu
niður rófur, kippers, pjörur,
fisklifur, gaffalbita og svo
reyktu þeir hangikjöt, rúllu-
pylsur, lax og síld samkvæmt
uppskrift Margretar Ingibjarg-
ar föðurmóður Hansa. Hún
reykti síld í bakgarði sínum í
æsku Egils. Þeirrar uppskriftar
njótum við enn í dag. Hansi
kom alltaf færandi hendi og sá
til þess að sjaldan var síldar-
eða laxlaust á okkar bæ.
Hansa verður sárt saknað og
hann var einn af þeim sem við
viljum ekki sleppa. Við vottum
Eddý og Markúsi og ástvinum
öllum okkar innilegustu samúð.
Ásrún Kristjánsdóttir
og fjölskylda.
Þær eru margar og ánægju-
legar minningarnar sem sigl-
firskir badmintonmenn rifja
upp þessa köldu júnídaga
tengdar Jóhannesi Þór Egils-
syni, fyrrum formanni Tennis-
og badmintonfélagi Siglufjarð-
ar, sem er nú fallinn frá. Það er
ekki ofsagt að Hansi, eins og við
kölluðum hann alltaf, sé faðir og
fóstri badmintoníþróttarinnar á
Siglufirði. Hann var einn af
stofnendum TBS og var for-
maður félagsins í tæpa hálfa
öld.
Það eru rifjaðar upp keppn-
isferðir í ófærð og illviðri á Wil-
lysnum. Ferðir á Unglinga-
meistaramót Íslands þar sem
Hansi mætti með fjölmennasta
keppnisliðið sem rakaði til sín
flestum verðlaunum. Fundir á
kaffistofunni í Egilssíld þar sem
angan af reyktri síld fyllti loftið.
Svo voru gagnkvæmar keppn-
isheimsóknir Færeyinga og
Siglfirðinga og margt fleira. Og
auðvitað allar æfingarnar þar
sem Hansi var manna kappsam-
astur, en hafði þó ávallt tíma og
þolinmæði til þess að segja
þeim til sem skemmra voru á
veg komnir í íþróttinni.
Jóhannes Þór
Egilsson
✝
Okkar ástkæra eiginkona, móðir, tengda-
móðir, amma og langamma,
DÓRA MAGGA ARINBJARNARDÓTTIR,
sem lést á deild B2 Landspítalanum Foss-
vogi fimmtudaginn 9. júní, verður jarðsungin
frá Víðistaðakirkju mánudaginn 20. júní
kl. 15.00.
Sigurður Gestsson,
Guðný Elíasdóttir, Hörður Ingi Torfason,
Grétar Páll Stefánsson, Erla Sveinbjörnsdóttir,
Kristín Þóra Sigurðardóttir, Haraldur Ragnarsson,
Salbjörg Sigurðardóttir, Guðmundur M. Halldórsson,
Gestur Sigurðsson, Íris Huld Guðmundsdóttir,
Linda Sigurðardóttir, Páll J. Aðalsteinsson,
Axel Baldvinsson, Halldóra Pétursdóttir,
Björgvin Kristjánsson, Sigríður Ingólfsdóttir,
barnabörn og barnabarnabörn.
✝
Eiginmaður minn, faðir okkar, tengdafaðir og
afi,
ÓMAR ÁRNASON
cand act,
lést á St. Jósefsspítala laugardaginn 11. júní.
Útförin fer fram frá Hafnarfjarðarkirkju
miðvikudaginn 22. júní kl. 13.00.
Hrafnhildur Oddný Kristbjörnsdóttir,
Kristín Ómarsdóttir, Sveinbjörg Bjarnadóttir,
Guðrún Yrsa Ómarsdóttir, Ágúst Ómar Ágústsson,
Árni Björn Ómarsson, Borghildur Þórisdóttir,
Hulda Sigríður Jeppesen, Guðmundur J. Stefánsson
og barnabörn.
✝
Yndisleg eiginkona mín, móðir okkar, tengda-
móðir, amma og langamma,
FRÍÐA SIGRÍÐUR MAGNÚSDÓTTIR,
Grænuhlíð 3,
Reykjavík,
sem lést á Tenerife laugardaginn 4. júní,
verður jarðsungin frá Háteigskirkju þriðju-
daginn 21. júní kl. 13.00.
Ólafur R. Karlsson,
Sigríður Ólafsdóttir, Jón Þór Gunnarsson,
Fríða Ólöf Ólafsdóttir, Skúli Gunnarsson,
Ólafur Karl Ólafsson, Lena Friis Vestergaard,
Anna María Ólafsdóttir, Heimir Jónsson,
barnabörn og barnabarnabarn.
✝
Eiginmaður minn og faðir okkar,
ÓLAFUR GAUKUR ÞÓRHALLSSON
tónlistarmaður,
verður jarðsunginn frá Dómkirkjunni í
Reykjavík mánudaginn 20. júní kl. 13.00.
Svanhildur Jakobsdóttir,
Anna Mjöll Ólafsdóttir, Cal Worthington,
Andri Gaukur Ólafsson, Ingibjörg Sigurjónsdóttir,
Bergþóra Ólafsdóttir,
Ragnhildur Ólafsdóttir, Haraldur Sigurðsson,
Ingunn Ólafsdóttir,
Hlöðver Már Ólafsson, Erla Guðmundsdóttir,
Aðalbjörg María Ólafsdóttir, Páll Sigurgeirsson,
Inga Sigrún Ólafsdóttir, Smári Árnason.
✝
Okkar ástkæri
FRIÐRIK JENS FRIÐRIKSSON
fyrrv. héraðslæknir,
Smáragrund 4,
Sauðárkróki,
sem lést á dvalarheimili aldraðra, Heilbrigðis-
stofnuninni Sauðárkróki, laugardaginn
11. júní, verður jarðsunginn frá Sauðárkrókskirkju laugardaginn
25. júní kl. 13.00.
Þeim sem vilja minnast hans er bent á Heilbrigðisstofnunina
Sauðárkróki.
Oddný Finnbogadóttir, Björn Friðrik Björnsson,
Emma Sigríður Björnsdóttir, Iain D. Richardson,
Alma Emilía Björnsdóttir
og börn.
✝
Innilegar þakkir fyrir auðsýnda samúð og
hlýhug við andlát og útför ástkærs föður
okkar, tengdaföður, afa og langafa,
ARA BERGÞÓRS ODDSSONAR,
sem lést á hjúkrunarheimilinu Hlévangi
fimmtudaginn 12. maí.
Starfsfólki Heilbrigðisstofnunar Suðurnesja
og Hlévangs eru færðar sérstakar kveðjur og þakklæti fyrir
einstaka umönnun og kærleiksríka framkomu.
Guð blessi ykkur öll.
Guðrún Aradóttir, Sigurður Ögmundsson,
Sigríður Aradóttir, Guðmundur Finnsson
og fjölskyldur.