Morgunblaðið - 18.06.2011, Síða 44
44 MENNING
MORGUNBLAÐIÐ LAUGARDAGUR 18. JÚNÍ 2011
Það er ekki notast
við hefðbundinn
lagastrúktúr en tónlistin
reynir að skapa hugarástand
eða tilfinningu 46
»
Á morgun hefst tónleikaröðin Al-
þjóðlegt orgelsumar í Hallgríms-
kirkju. Röðin er undir merkjum
Listvinafélags Hallgrímskirkju og
nú haldin í nítjánda sinn. Á upphafs-
tónleikunum í kirkjunni, sem hefjast
kl. 17:00, leikur Björn Steinar Sól-
bergsson, organisti Hallgríms-
kirkju, verk eftir Pál Ísólfsson,
Liszt, Guilmant, Alain og Duruflé.
Gestir á tónleikum síðustu raðar
voru ríflega 4.000 manns og til að
svara eftirspurninni hefur tónleikum
verið fjölgað og nú haldnir fernir
tónleikar í hverri viku í sumar, frá
19. júní til 14. ágúst, 35 tónleikar
alls. Á miðvikudögum heldur kamm-
erkórinn Schola cantorum hádeg-
istónleika kl. 12:00 með íslenskum
og erlendum kórlögum og íslenskir
organistar koma fram á fimmtudög-
um kl. 12:00 í samvinnu við Félag ís-
lenskra organleikara. Aðaláhersla
Alþjóðlegs orgelsumars er sem fyrr
á helgartónleikunum en þá koma
fram alþjóðlegir orgelleikarar úr
fremstu röð hvaðanæva að. Þar á
meðal verða Pétur Sakari frá Finn-
landi, Thierry Mechler frá Frakk-
landi, Zuzana Ferjencikovu frá
Austurríki og breski konsertorg-
anistarnir Stephen Farr og David
Titterington. Alþjóðlegu orgelleik-
ararnir leika á hádegistónleikum á
laugardögum kl. 12:00 og á klukku-
stundarlöngum tónleikum á sunnu-
dögum kl. 17:00.
Miðasala er við innganginn.
Alþjóðlegt orgelsumar að
hefjast í Hallgrímskirkju
Fernir tónleikar haldnir í hverri viku í sumar
Morgunblaðið/Golli
Tónleikaröð Björn Steinar Sólbergsson, organisti Hallgrímskirkju, leikur á
fyrstu tónleikum orgelsumars Hallgrímskirkju nú á sunnudag.
Fiðluleikarinn snjalli Maxim
Vengerov er væntanlegur hingað
til lands og kemur fram á tón-
leikum með píanóleikaranum Mariu
João Pires í Hörpu 8. júlí næstkom-
andi. Vengerov mun stjórna St.
Christopher-hljómsveitinni frá Vil-
nius í Litháen sem flytur píanó-
konsert nr. 4. í G-dúr op. 58 eftir
Beethoven, þar sem Pires spilar á
píanóið. Vengerov mun síðan leika
fiðlurómönsu eftir Beethoven, en
hann er nánast hættur að leika á
fiðluna opinberlega. Vengerov er
heimsþekktur og margverðlaun-
aður fyrir fiðluleik sinn, en síðustu
ár hefur hann nánast alfarið snúið
sér að hljómsveitarstjórn. Venge-
rov kom hingað og lék með Sinfón-
íuhljómsveit Íslands fyrir sjö árum.
10. júlí mun Maria João Pires síð-
an leika á einleikstónleikum í
Hörpu og þá flytja meðal annars pí-
anósónötu nr. 6 eftir Schubert og
Silungakvintett í A-dúr op. 114.
Pires er portúgölsk og hefur leikið
með mörgum þekktustu hljóm-
sveitum heims og inn á fjölmargar
plötur.
Miðasala á báða tónleikana er á
vef Hörpu, harpa.is.
Vengerov er
væntanlegur
Kemur fram á tónleikum 8. júlí
Stjarna Fiðluleikarinn Maxim
Vengerov leikur í Hörpu.
Franska heimild-
armyndin Með
augun lokuð, Les
yeux fermés,
verður frumsýnd
í Bíó Paradís á
laugardag kl.
20:00. Höfundar
og leikstjórar
myndarinnar,
Christophe Pons
og Clément Dori-
val, verða viðstaddir frumsýninguna.
Myndin byggir á rannsóknum
mannfræðingsins Christophe Pons
hér á landi og fjallar um samskipti
látinna og lifenda í íslensku sam-
félagi. Hún er tekin í Reykjavík
skömmu fyrir jól og segir frá ungri
konu, Arndísi, sem bíður eftir merki
sem amma hennar nýlátin hafði lof-
að að gefa henni. Einnig segir frá
Arnari sem reynir að finna aftur
konuna sem elskaði hann. Tveir
miðlar, Skúli og Þórunn Maggý,
hjálpa þeim Arndísi og Arnari.
Hugmyndin að myndinni kviknaði
á fundi Pons og leikstjórans Clé-
ments Dorival, en þeir taka fram að
heimildarmyndin hafi engan
fræðslutilgang heldur gefi hún
áhorfendum kost á að gerast þátt-
takendur í reynsluheimi annarra.
Aðgangur er ókeypis.
Reynsluheimur Úr myndinni Með augun
lokuð, Les yeux fermés.
Með augun
lokuð í Bíó
Paradís
Frönsk heimildar-
mynd um samskipti Ís-
lendinga við látna
Christophe
Pons
Á morgun lýkur sýningunni
Abstrakt í Hafnarborg, en á
henni eru verk eftir JBK
Ransu og Guðrúnu Bergs-
dóttur. Sýningin var opnuð í
maí síðastliðnum í samstarfi
við listahátíðina List án landa-
mæra. Markmið hátíðarinnar
er að kynna list fólks með fötl-
un og að koma á samstarfi milli
fatlaðs og ófatlaðs listafólks.
Stefnumót málarans JBK
Ransu og Guðrúnar Bergsdóttur sem saumar út
form er dæmi um slíkt samstarf. Listamennirnir
tveir eru með ólíkan bakgrunn og vinna með mis-
munandi efnivið.
Myndlist
Sýningunni Ab-
strakt lýkur
Úr verki eftir Guð-
rúnu Bergsdóttur.
Nú stendur yfir í Þjóðminja-
safningu sýning á ljósmyndum
sænska ljósmyndarans og
myndlistarmannsins Kurts
Dejmo (1919-2009) úr Íslands-
heimsókn hans 1955. Dejmo
heimsótti Ísland tvívegis, fyrst
árið 1955 og aftur 1961. Úr
þessum ferðum eru til hátt í
2.000 myndir.
Myndir Dejmos eru að
mestu svarthvítar og sóttist
hann eftir því að hafa mikinn „kontrast“ í mynd-
unum, ýkti muninn á ljósi og skugga. Skyldleikinn
við teikningar og grafík er augljós. Myndirnar á
sýningunni eru gjöf Dejmos til safnsins.
Ljósmyndun
Ljósmyndir úr
Íslandsheimsókn
Úr einni mynda
Kurts Dejmo
Annað hefti Tímarits Máls og
menningar 2011 er komið út. Í
tímaritinu birtir Þorsteinn frá
Hamri kveðjuljóð sem hann
orti til Thors Vilhjálmssonar
og Ástráður Eysteinsson pró-
fessor skrifar grein um Thor
sem hann nefnir Munaður sál-
arinnar.
Höfundar efnis eru meðal
annars Gunnar Már Hauksson,
Guðrún Helgadóttir, Haukur
Ingvarsson, Hjalti Snær Ægisson og Emil Hjörv-
ar Petersen. Auk þess eru í heftinu ádrepur og rit-
dómar. Ritstjóri Tímarits Máls og menningar er
Guðmundur Andri Thorsson.
Bókfræði
Annað hefti
TMM komið út
Tímarit Máls og
menningar
Díana Rós A. Rivera
diana@mbl.is
Dagana 21.-26. júní verður tónlist-
arhátíðin Við Djúpið haldin á Ísafirði
og hefur hún aðsetur í Tónlistarskóla
Ísafjarðar. Þetta er í níunda sinn sem
hátíðin er haldin en hún fer einatt
fram þegar sól er hæst á lofti. Ýmsir
listamenn hafa komið fram á hátíð-
inni undanfarin ár og kennt á nám-
skeiðum hennar en unnið er í sam-
starfi við Listaháskóla Íslands og
tónlistardeild hans sem veitir nem-
endum sínum einingar fyrir þátttöku
á námskeiðunum. Auk þess hafa bæði
tónlistarmenn og tónlistarhópar tekið
þátt í dagskrá hátíðarinnar.
Ýmislegt í gangi
Að sögn Dagnýjar Arnalds, list-
ræns stjórnanda hátíðarinnar, er eitt
aðalmarkmið hátíðarinnar að bjóða
upp á námskeið fyrir þá nemendur
sem eru langt komnir í tónlistarnámi
og í ár verða þrír svokallaðir mast-
erklassar í boði. Alessio Bax heldur
námskeið fyrir píanóleikara, Kurt
Nikkanen fyrir fiðluleikara og Sæunn
Þorsteinsdóttir fyrir sellóleikara.
Einnig verður svokallað tón-
skáldaverkefni í gangi í þriðja sinn
þar sem þrjú ung tónskáld eru valin
úr hópi umsækjenda og falið að semja
tónverk fyrir hátíðina. Tónskáldin
æfa með flytjendum í viku og lýkur
verkefninu á tónleikum sem RÚV út-
varpar.
Samhliða þessu er mikið tónleika-
hald fyrir gesti og gangandi sem bæði
nemendur, kennarar og aðrir tónlist-
armenn koma að. „Svo skapast líka
oft tækifæri til að spila saman og oft-
ar en ekki hópar fólk sig saman og
spilar bara í tilefni dagsins,“ segir
Dagný og bætir við að einnig verði
boðið upp á jóga. „Það er svona eitt
og annað á seyði.“
Á heimasíðu tónlistarhátíðarinnar,
www.viddjupid.is, segir að allt frá
öndverðri síðustu öld hafi tónlistin
verið samofin sögu kaupstaðarins.
Fyrsti tónlistarskóli landsins var
stofnaður árið 1911 og Tónlistarskóli
Ísafjarðar fyrir 60 árum.
Aðstaða til tónlistariðkunar er til
fyrirmyndar og eru nýuppgerð hús
hönnuð til hljóðfæraleiks á staðnum.
Glaumur og gleði
á hátíðinni
Dagný segir að tónlistarlífið á Ísa-
firði sé mjög virkt. „Það eru tveir
mjög sterkir tónlistarskólar á staðn-
um og svo hafa miklir frumkvöðlar í
tónlistinni verið þarna. Þá má ekki
gleyma rokkhátíðinni vinsælu Aldrei
fór ég suður. Þetta var, og er að miklu
leyti ennþá, eins konar höfuðvígi tón-
listarinnar. Það er mikill áhugi al-
mennings og bæjarbúa á tónlist,“
segir hún.
Að sögn Dagnýjar er jafnan líf og
fjör Við Djúpið. „Þetta er svo gaman.
Það er líka svolítið einkenni hátíð-
arinnar hversu mikil nánd skapast á
milli þátttakenda og kennara. Það er
stórkostlegt tónlistarfólk á leiðinni og
það verða mjög flottir tónleikar í boði.
Það verður mikil músík og gleði á há-
tíðinni,“ lofar Dagný.
Líf og fjör Við Djúpið
Tónlistarhátíðin Við Djúpið verður haldin á Ísafirði 21.-26. júní í níunda sinn
Gleði Frá tónlistarhátíðinni Við Djúpið 2010. hátíðin verður haldin á Ísafirði í níunda sinn í næstu viku.