Siglfirðingur - 23.12.2000, Blaðsíða 8
Eyjafjörður verður
ein byggð
Það er ástæða til bjartsýni hér
á Siglufirði í byrjun aldar. Fyrir-
tækin standa traustum fótum, af
því að áhersla hefur verið lögð á
þróunarstarf, - á það að vera í
fararbroddi í sinni atvinnugrein.
Auðvitað eru alltaf sveiflur í
sjávarútvegi, en til langs tíma
litið skiptir það sköpum að sýna
framsýni og fyrirhyggju í
rekstrinum eins og hér er gert. Og
það er ánægjulegt nú, að
framleiðsla skuli vera að hefjast í
Genes á verðmætri afurð úr
rækjuskel, kítósani, sem m.a.
verður notað til lyfjaframleiðslu.
Svo hefur þessi afurð það sér
til ágætis, sem mikið er lagt upp
úr núna, að vera vistvæn,
fullvinnsla, svo að ekkert fer til
spillis.
Meðan ég var samgöngu-
ráðherra varð ég áþreifanlega var
við, að Siglfirðingar voru
staðráðnir í að nýta nýja fjar-
skiptaækni og jöfnun sím-
kostnaðar til atvinnusköpunar
heima í héraði. Þeir vildu ekki
treysta á aðra í þeim efnum,
heldur hófust sjálfir handa og
hefðu fleiri betur farið að þeirra
dæmi. Sparisjóður Siglufjarðar
gerði verktakasamning við
Kaupþing og hefur ráðið sjö til
starfa og mun fjölga á næsta ári.
En auðvitað gnæfa jarð-
göngin hæst, þegar mér er hugsað
til Siglufjarðar. Þau eru vafalaust
það samgöngumannvirki, sem
mestu skiptir núna í byggðalegu
samhengi. Sameining Þormóðs
ramma og Sæbergs rekur á eftir
til þess að mannafli nýtist betur
og til þess að styrkja rekstrar-
grundvöll þeirra fyrirtækja, sem
þjónusta útgerðina. Um leið og
göngin opnast fylgir fleira á eftir.
Sjúkrahúsið á Siglufirði nýtist
betur og ný viðhorf skapast í
skólamálum. Ég sé fyrir mér
framhaldsskóla við utanverðan
Eyjafjörð.
Atvinnusvæðið stækkar og
viðhorfin gjörbreytast á sumum
sviðum eins og í ferðaþjónustu,
um leið og hringvegurinn um
Tröllasskaga opnast, af því að
Siglufjörður hættir að vera
jaðarbyggð.
Ég er oft spurður að því, - í
viku hverri, - hvort hætta sé á því
að ekki verði ráðist í jarðgöngin.
vegna niðurskurðar eða vegna
Reykjanesbrautar. En svo er ekki.
Undirbúningnum hefur verið
haldið áfram með fullum hraða
og er rannsóknum lokið, en
verkið hefur verið látið í
umhverfismat. Ekkert á að vera
því til fyrirstöðu, að hægt verði
að bjóða það út í lok næsta árs og
mun ég ekki liggja á liði mínu til
að svo verði.
Með þessum göngumverða
byggðimar við Eyjafjörð loksins
sama atvinnusvæðið. Sú
þjónusta, sem Akureyri lætur í té,
mun nýtast öllum, svo að þetta
landssvæði verður fjölskyldu-
vænt í besta skilningi þess orðs,
af því að fullkomin heilbrigðis-
þjónusta er fyrir hendi ,
framhaldsskóli og háskóli og það
menningarlega umhverfi, sem
sóst er eftir.
Og hagsmunirnir eru gagn-
kvæmir. Akureyri getur ekki
haldið sínum styrk, nema
byggðimar við utanverðan Eyja-
fjörð eflist. Þessi þróun mun flýta
fyrir því, að þessar byggðir
sameinist í eitt sveitarfélag, sem
ég tel eftirsóknarvert og raunar
óhjákvæmiegt til þess að hægt sé
að taka myndarlega á málum
hvar sem er á svæðinu.
Ég hef komið nokkrum
sinnum til Siglufjarðar upp á síð-
kastið og hrifist af fegurð
staðarins og því mannlífi sem hér
er. Síldarminjasafnið og Þjóð-
lagasetur séra Bjama Þorsteins-
sonar sýna það og sanna, að
Siglufjörður er ekki að
ófyrirsynju nefndur menningar-
bær, sem á sér djúpar rætur.
Ég óska Siglfiröingum
gleðilegra jóla
og alls góðs á nýju ári.
Megi Siglufjörður dafna
í framtíðinni.
Halldór Blöndal.