Morgunblaðið - 25.06.2011, Blaðsíða 19
FRÉTTIR 19Innlent
MORGUNBLAÐIÐ LAUGARDAGUR 25. JÚNÍ 2011
Arion banki í samstarfi við Gekon ehf. býður
til morgunfundar þriðjudaginn 28. júní n.k.
Tilefni fundarins er annars vegar útgáfa skýrslu um
greiningu og samstarfsmótun íslenska jarðvarmaklasans
og hins vegar stofnun formlegs samstarfsvettvangs
klasans.
Efni skýrslunnar byggist m.a. á kortlagningu klasans
sem kynnt var á ráðstefnunni Iceland Geothermal 2010
þann 1. nóvember sl.
Dagskrá fundar:
• Arion banki og íslenski jarðvarmaklasinn.
Stefán Pétursson, framkvæmdastjóri fjármálasviðs
Arion banka.
• Íslenski jarðvarmaklasinn: Vegferð og vegvísir
Hákon Gunnarsson og Þóra Margrét Þorgeirsdóttir,
Gekon.
• Hvaða væntingar hafa stofnaðilar til samstarfs-
samnings og hins íslenska jarðvarmaklasa?
Eyjólfur Árni Rafnsson, forstjóri Mannvits.
• Dr. Michael Porter, prófessor við Harvard
Business School.
Á fundinum munu fyrirtæki og hagsmunaaðilar
staðfesta stofnun formlegs samstarfs innan
íslenska jarðvarmaklasans.
Fundurinn verður haldinn í Arion banka, Borgartúni 19,
frá kl. 8:30 – 10:00, boðið verður upp á morgunverð
frá kl. 8:00.
Takmarkað sætaframboð.
Skráning á arionbanki.is eða gekon.is
Virðisauki í jarðvarma
- Dr. Michael Porter heiðursgestur
á morgunfundi.
Morgunfundur
Pósthússtræti hefur verið lokað
fyrir bílaumferð frá kl. 11-18 alla
daga frá 24. til 31. ágúst. Bílastæði
fyrir hreyfihamlaða verður gert á
mótum Pósthússtrætis og Hafn-
arstrætis að vestanverðu.
Hafnarstræti milli Aðalstrætis og
Naustsins er í hönnunarferli og
verður lokað frá þeim degi sem
framkvæmdir hefjast.
Hafnarstræti austan við Póst-
hússtræti var lokað hinn 17. júní sl.
og verður gatan lokuð til 31. ágúst
með mögulegri aðkomu bíla frá
Tryggvagötu. Bílastæði á þessum
kafla verða óheimil.
Áður hefur Austurstræti verið
breytt í göngugötu, frá Lækjargötu
að Pósthússtræti.
Morgunblaðið/Eggert
Sumar Líf og fjör í Austurstræti.
Fleiri götum lokað
Í dag, laugardag kl. 11-17, verður
haldinn sveitamarkaður í Reyk-
holti. Á boðstólnum verða afurðir
úr héraði auk kynningar á ýmis-
konar starfsemi sem þrífst í upp-
sveitum Borgarfjarðar. Hug-
myndin er að markaðurinn verði
farvegur fyrir ýmiskonar menn-
ingu: fólk hittist, spjalli og njóti
sveitarinnar. Markaðurinn er sá
fyrsti í röð þriggja sem áætlað er að
halda í sumar.
Boðið verður upp á veitingasölu,
ratleik, víkingabrauð eldað á glóð-
um, hestateymingu og leiki fyrir
börnin. Harmonikkan og Þorvaldur
verða á staðnum, boðið upp á sögu-
stund með Geir Waage o.fl. Þá
verður fjölbreytt úrval af fram-
leiðslu sveitamanna í sölutjöldum.
Sveitamarkaður
í Reykholti
Miðlun ehf. og Rannsóknir & ráð-
gjöf ferðaþjónustunnar gerðu
könnun um fyrirhuguð ferðalög
landsmanna í sumar. Svör bárust
frá rúmlega 800 einstaklingum.
Fram kom að flestir töldu áhuga-
vert að heimsækja Akureyri í sum-
ar (39,6%) sem er heldur minna en
fram kom í sambærilegri könnun
fyrir ári. Stærsta breytingin frá
könnuninni sem gerð var sumarið
2010 er aukinn áhugi á Vest-
mannaeyjum (28,0%) og Siglufirði
(17,9%).
Fólk í ferðahug
Í dag, laugar-
dag,verður farið
í göngu þar sem
fetað verður í
fótspor barna-
bókarithöfund-
arins Jóns
Sveinssonar –
eða Nonna.
Þetta verður
létt og þægileg
ganga þar sem
farið verður stuttlega yfir lífshlaup
Nonna, lesið upp úr bókum hans og
staðir skoðaðir sem tengjast lífi
hans og sögum. Haraldur Þór Eg-
ilsson, sagnfræðingur og safnstjóri
Minjasafnsins á Akureyri, leiðir
gönguna sem tekur rúmlega
klukkustund. Lagt verður að stað
kl. 14 frá Nonnahúsi, Aðalstræti 54
á Akureyri. Þátttaka er ókeypis.
Gengið um slóðir
Nonna á Akureyri
Jón
Sveinsson
STUTT
Í dag, laugardag, og á morgun, sunnudag,
standa Íbúasamtök Kjalarness fyrir fjöl-
skylduhátíð á Kjalarnesdegi. Kjalarnesdagar
hafa verið haldnir nokkur undanfarin ár og er
síðasta helgin í júní frátekin fyrir þá. Með lið-
sinni fleiri félaga og stofnana verður boðið upp á
viðamikla dagskrá.
Laugardagurinn hefst með skrúðgöngu kl.
11:00 frá róló í miðju hverfisins. Gengið verður
upp að battavelli þar sem UMFK-leikar hefjast
og skipt verður í lið eftir litum hverfanna. Leik-
arnir eru fyrir alla, unga sem aldna og hvert lið
(litur) safnar stigum.
Þá verða hefbundnar bátsferðir á vegum
Björgunarsveitarinnar Kjalar og Hagsmuna-
félag hestamanna verður með hesta á staðnum.
Dr. Baldur Hafstað prófessor verður með
sögugöngu þar sem segir frá Kjalnesingasögu
og hugarheimi hennar. Gengið verður frá Fólks-
vangi niður í útistofu með viðkomu í Kléberginu.
Unglingadeild Storms grillar pylsur gegn vægu
verði.
Á Fólksvangi verður svo markaðsdagur þar
sem framtakssömu fólki er boðið upp á aðstöðu
til að koma framleiðsluvörum sínum og öðrum
söluvarningi á framfæri. Kvenfélagið Esja starf-
rækir einnig kaffihús á Fólksvangi á sama tíma
þar sem hægt verður að hvíla sig og njóta dýr-
indis veitinga.
Á laugardagskvöldið kl. 20:00 verður grill,
glaumur og gleði á róló og verðlaunaafhending
frá UMFK-leikunum. Bjössi Greifi mætir með
gítarinn og íbúar skemmta sér fram eftir kvöldi.
Sunnudagurinn hefst svo með helgistund á
Esjubergi kl. 14 þar sem fyrsta kirkjan á Íslandi
var byggð. Í framhaldi af helgistundinni segir
Guðmundur Ólafsson fornleifafræðingur frá
fornleifauppgrefti á Esjubergi. Að því loknu
hefst menningardagskrá Sögufélagsins Steina í
Fólksvangi þar sem m.a. Gunnar Kristjánsson
veltir fyrir sér hvers virði það sé að rifja upp
söguna og séra Gunnþór Ingason segir frá kelt-
neskri kristni og ferðum papa. Veittar verða
umhverfisviðurkenningar hverfisráðsins í lok
þessarar dagskrá sem verður um kl. 17:00.
Á Kjalarnesdögum verður Gler í Bergvík
einnig með tilboðsdaga frá kl. 10:00-15:00 á
laugardag og sunnudag þar sem veittur verður
15% afsláttur á öllum vörum.
Nánari upplýsingar um Kjalarnesdaga eru á
www.kjalarnes.is.
Kjalnesingar bjóða fólki heim