Morgunblaðið - 27.06.2011, Blaðsíða 11
og þar er mikil álfabyggð. Ég er alin
upp við Hellisgerði og það var leik-
svæði mitt. Þegar ég var lítil átti ég
ósýnilega vinkonu og lék við álfana og
ég bara hætti því aldrei, óx aldrei upp
úr því. Ég er enn í góðum tengslum
við þá og það er út af því sem þetta
kemur,“ segir Ragnhildur.
Álfasögur og
huldufólkskaffi
Margt verður í boði í Álfagarð-
inum. Opnuð hefur verið sýning á
listaverkum í Oddrúnarbæ eftir
nokkra listamenn sem tengjast
Hellisgerði. Tveir þeirra eru afkom-
endur síðasta íbúa Oddrúnarbæjar.
„Listamennirnir fá hugmyndir
frá þessum heimi og frá náttúrunni.
Kristbergur Pétursson sýnir málverk
og málaðar flöskur, Oddrún Péturs-
dóttir sýnir málverk með blandaðri
tækni. Þóra Breiðfjörð leirlistakona
sýnir álfatebolla og hraunmola úr
keramik, Guðrún Bjarnadóttir gull-
smiður sýnir álfaskartgripi sína og ég
sýni saumamálverk og myndir úr
álfabók sem er í prentun.
Við erum rétt að byrja með Álfa-
garðinn en eitt af því sem við ætlum
að gera er að safna sögum og helst
sem nýjustum sögum um tengsl fólks
við þessar verur. Sögurnar ætlum við
að setja inn á vefsíðu sem er í vinnslu
og jafnvel gefa þær síðar út á bók. Í
Oddrúnarbæ verðum við með list-
muni og handverk til sölu og svo ætl-
um við að selja svokallað nesti – líf-
rænt huldufólkskaffi og álfate. Það
verður hægt að fá lánuð teppi og fara
í lautarferð í garðinum. Ég býð líka
upp á göngur um garðinn. Þá fer ég
ákveðinn hring og við heilsum upp á
nokkrar verur. Svo býð ég upp á það
sem við köllum álfaúttekt. Ef þú ert
með klett í garðinum og langar að
vita hvort einhver býr þar þá get ég
komið og kíkt í klettinn. Ég teikna
verurnar upp og segi skilaboð frá
þeim eða hvað þær eru að sýsla,“ seg-
ir Ragnhildur um það sem Álfagarð-
urinn býður upp á.
Ragnhildur rekur Álfagarðinn
ásamt fjölskyldu sinni. „Allir koma að
þessu, hver á sinn hátt. Maður þarf
ekki að hafa fulla trú á álfum til að
hafa gaman af sögunum. Flestir hafa
enn innra barnið í sér sem hefur
ennþá gaman af ævintýrum. Það er
ekkert skilyrði að trúa á þá eins og ég
geri.“
Ragnhildur hefur umgengist
álfa og huldufólk frá barnæsku.
Hvernig sér hún þessar verur?
„Hver augu sjá svolítið út frá
sjálfum sér en heildarsýnin er ótrú-
lega svipuð. Huldufólk er mjög líkt
okkur en kannski aðeins fínlegra. Álf-
ar eru af mörgum gerðum, blómálfar,
trjáverur og álfar sem eru eins og
börn á hæð. Það er ótrúlegur fjöldi af
tegundum í Hellisgerði og margir
sem búa þar.“
Telur hún álfa- og huldufólks-
trúna vera að deyja út? „Ég ætla svo
sannarlega að vona ekki, það er bara
eins og að útiloka einn lit úr regnbog-
anum. Þetta er partur af lífinu. Ég
ætla að auðga þann part og minna að-
eins á þennan heim með Álfagarð-
inum.“
Hellisgerði Fallegur skrúðgarður í Hafnarfirði sem býður upp á margt skemmtilegt fyrir fjölskylduna.
DAGLEGT LÍF 11
MORGUNBLAÐIÐ MÁNUDAGUR 27. JÚNÍ 2011
Í tillögu að frumvarpi til nýrra laga
um velferð dýra er m.a. gert ráð fyrir
því að þvingunarúrræði verði gerð
fjölbreyttari en nú er. Í tillögunni er
gert ráð fyrir að hin nýju lög leysi
eldri lög um dýravernd af hólmi auk
þess að taka til atriða sem nú er að
finna í lögum um búfjárhald og hafa
þannig víðari skírskotun en eldri lög-
in.
Núna er það svo að þegar brotið er
gegn dýravernd í landbúnaði er
ákvæðum laga um búfjárhald beitt.
Þvingunarúrræði laga um búfjárhald
eru ekki fjölbreytt en þau felast í því
að kæra brot til lögreglu eða taka dýr
úr vörslu fólks þegar ekki er orðið við
kröfum um úrbætur. Í mörgum til-
vikum er kæra til lögreglu ekki rétta
úrræðið og vörslusvipting er að sama
skapi harkalegt úrræði og ekki beitt
nema það sé nauðsynlegt. Vörslu-
svipting hefur auk þess gefist mis-
jafnlega vel vegna þess að fram-
kvæmd málanna hvílir á mörgum
opinberum aðilum og er því þung-
lamaleg. Það er því skortur á fjöl-
breyttari úrræðum sem nýtast
myndu við að taka á þeim ólíku mál-
um sem upp geta komið.
Með tillögu að frumvarpi til nýrra
laga er ætlunin að fjölga úrræðum
sem Matvælastofnun (MAST) er
heimilt að beita. Meðal nýmæla er
heimild til að skerða opinberar
greiðslur í landbúnaði, beita dagsekt-
um, stjórnvaldssektum og þá er gert
ráð fyrir einfaldari málsmeðferð þeg-
ar kemur að því að taka dýr úr vörslu
fólks. Verður nú getið um tvær af
þessum breytingum.
Stærstur hluti greiðslna í landbún-
aði er óháður því að viðkomandi fari
eftir reglum um velferð dýra. Líklega
myndi það úrræði að skerða fjár-
stuðning við bændur njóta stuðnings
neytenda og þorra bænda. Neyt-
endur eiga almennt ekki kost á að
sniðganga afurðir þeirra er brjóta lög
er varða dýravelferð og þá er óorði
komið á starfsgreinar bænda þegar
dýravelferðarmál koma upp. Þá fer
það illa saman að stjórnvöld styrki
búskap hjá bændum á sama tíma og
opinberir aðilar eru að beita þving-
unarúrræðum vegna þess að sami bú-
skapur stenst ekki lög um dýra-
velferð. Enginn vafi er á að þetta
úrræði yrði skilvirkt og áhrifaríkt.
Samkvæmt núgildandi löggjöf er
það lögreglustjóri sem ákveður að
taka dýr úr vörslu bænda að fenginni
kröfu frá MAST. Áður en slík krafa
er gerð þarf úttekt eftirlitsaðila,
fresti til úrbóta og úttekt á úrbótum.
Ef vörslusvipting fer fram annast
sveitarfélög fóðrun dýranna og annað
umstang. Í fyrrgreindri tillögu að
frumvarpi er þessi framkvæmd ein-
földuð og gert ráð fyrir að einn og
sami aðili taki ákvörðun um vörslu-
sviptingu og sjái um framkvæmd
hennar með aðstoð lögreglu.
Á fleiri nýmæli í tillögu að frum-
varpi mætti minnast en þetta verður
látið nægja að sinni.
Steinþór Arnarson, lögfræðingur hjá
Matvælastofnun.
Heilbrigði og velferð dýra
Reuters
Tekist á „Núna er það svo að þegar brotið er gegn dýravernd í landbúnaði er
ákvæðum laga um búfjárhald beitt,“ segir í pistlinum frá Matvælastofnun.
Ný þvingunar-
úrræði vegna
dýravelferðarmála
www.mast.is
Þann 24. júní fagnaði Hellisgerði 88 ára afmæli sínu. Af því tilefni verð-
ur sett á stofn Hollvinafélag Hellisgerðis, opið öllum sem vilja vinna að
vexti og viðgangi Hellisgerðis í samvinnu við bæjaryfirvöld í Hafnar-
firði. Hellisgerði er einstakur skrúðgarður með úrvali af trjám og
plöntum og hraunmyndum sem sýna vel hið fallega bæjarstæði Hafnar-
fjarðar. Í Oddrúnarbæ mun liggja frammi bók þar sem safnað verður
undirskriftum fólks sem vill taka þátt í stofnun hollvinafélagsins.
„Það er sterk væntumþykja hjá bæjarbúum til Hellisgerðis,“ segir
Ragnhildur.
Álfagarðurinn verður opinn daglega frá kl. 12 til 16 og eftir sam-
komulagi í síma 694-3153.
Hollvinafélag stofnað
HELLISGERÐI
Litríkt Álfatebollar eftir Þóru Breiðfjörð leirlistakonu eru til sýnis í Oddrúnarbæ.
SUMARHÚS OG FERÐALÖG
Gas-kæliskápar 100 og 180 lítra
Gas-hellur
Sólarrafhlöður og fylgihlutir. 10-80w
Gas-ofnar
Gas-vatnshitarar
5 - 14 l/mín
Kælibox
gas/12v/230v
Gas-eldavélar
Sólarrafhlöður fyrir
húsbíla og fellihýsi.
Þunnar 130w
B
Reykja
k
Opið virka daga frá kl
Gleðilegt sumar
Led-ljós
Borð-eldavél