Morgunblaðið - 28.06.2011, Page 14
14 FRÉTTIRInnlent
MORGUNBLAÐIÐ ÞRIÐJUDAGUR 28. JÚNÍ 2011
Upplýsingaveita um græna kosti í
ferðamennsku hefur verið opnuð í
Farfuglaheimilinu í Laugardal. Að
henni stendur Farfuglaheimilið í
samstarfi við verkefnið Lifandi
vegvísa á Höfuðborgarstofu, en þar
geta ferðamenn og heimafólk feng-
ið upplýsingar um græna vöru og
þjónustu alla daga í sumar.
„Þetta er nýjung í íslenskri
ferðaþjónustu og er hugsað til að
efla umhverfisvitund og ábyrgð-
arkennd íslenskra og erlendra
ferðamanna. Gestir eru hvattir til
að ganga um náttúruna af virðingu
og gera sitt besta til að draga úr
umhverfisáhrifum ferðalagsins og
njóta menningar og fjölbreyttra
samfélaga. Með þjónustu Græna
hringborðsins er gestum og gang-
andi gert auðveldara að njóta sjálf-
bærs lífsstíls og ferðalaga,“ segir í
tilkynningu.
Græn ferðamennska
Í dag, þriðjudag kl. 15-17, efnir
Spánsk-íslenska viðskiptaráðið til
málþings um viðskipti milli Spánar
og Íslands. Málþingið fer fram á 7.
hæð Húss verslunarinnar.
Ráðið hefur orðið vart við mik-
inn áhuga einstaklinga og fyr-
irtækja á að hasla sér völl á Íber-
íuskaganum. Með viðskiptadegi
sem þessum er ætlunin að gefa
mönnum tækifæri til þess að hitt-
ast og kynnast reynslu annarra á
þessu sviði. Framsögumenn verða
fulltrúar fyrirtækja sem hafa verið
í viðskiptum við Spán í lengri eða
skemmri tíma.
Fundurinn er öllum opinn og er
aðgangur ókeypis, en menn eru
vinsamlegast beðnir um að til-
kynna þátttöku fyrirfram á
kristin@chamber.is.
Málþing um
viðskipti við Spán
Á morgun, miðvikudag, efna Sam-
tök atvinnulífsins til fundar um
samgöngumál kl. 8:30-10:00 á
Grand Hótel Reykjavík við Gull-
teig. Þar verður fjallað um mikil-
vægi þess að ráðast í arðbærar
samgöngufjárfestingar.
Frummælendur verða Orri
Hauksson, framkvæmdastjóri Sam-
taka iðnaðarins, Kristján Möller
alþingismaður og Þorvarður
Hjaltason, framkvæmdastjórri
Samtaka sunnlenskra sveitarfé-
laga.
Þátttöku þarf að skrá á vef SA.
Samgöngufundur
Fjallahjóla-
klúbburinn fer
í sína árvissu
hjólaferð til
Viðeyjar í dag,
þriðjudag.
Hjólað verður
um eyna og
sagan skoðuð,
hús og minjar.
Hjólaleiðin er hvorki löng né
strembin og því geta allir notið
ferðarinnar, hjólagarpar og byrj-
endur.
Í sumar er kaffihúsið Í Viðeyj-
arstofu opið á þriðjudagskvöldum
en alla jafna er það opið til kl.
17:00. Aukaferðir til Viðeyjar á
þriðjudögum eru kl. 18:15 og
19:15 svo þau kvöld geta gestir
komið til Viðeyjar klukkustund
áður en leiðsögn hefst klukkan
19:30.
Hjólað um Viðey
á fjallahjólum
STUTT
STANGVEIÐI
Einar Falur Ingólfsson
efi@mbl.is
Sjö laxar veiddust við opnun Hofsár
í Vopnafirði, á þremur vöktum til há-
degis í gær, að sögn Gísla Ásgeirs-
sonar, sem var einn veiðimannanna.
Honum gekk vel. „Jú, ég fékk 20
punda hrygnu, 100 cm langa og
grálúsuga. Hún tók hálftommu
Frances-túpu í Sniðahyl á svæði tvö.
Það var alveg hálftíma barátta í
miklu vatni,“ segir hann.
Fyrstu sex laxarnir voru fallegir
stórlaxar en svo kom fyrsti smálax-
inn í hvassviðrinu í gærmorgun, en
Gísli sagði mikið rok og rigningu fyr-
ir austan. „Hitinn er samt kominn
upp í sjö gráður – það köllum við
ekki kalt hér,“ sagði hann og hló.
Laxveiðiárnar á norðausturhorn-
inu hafa verið opnaðar hver af ann-
arri síðustu daga. Ein þeirra er
Hafralónsá í Þistilfirði og þar var
Gísli einnig á ferðinni ásamt félaga
sínum, en veitt var á tvær stangir og
fengu þeir ellefu laxa. „Þetta voru
allt stórir laxar, yfir 80 cm. Það vakti
athygli að aðeins einn þeirra veiddist
í Stapa,“ sagði hann, en venjulega
veiðast flestir laxar í byrjun í veiði-
stöðunum Gústa og Stapa, en þar er
fyrirstaða fyrir laxinn þegar mikið
vatn er í ánni snemmsumars. Nú
veiddust fiskarnir neðar í ánni.
Mjög góð opnun í Selá
Opnunin í Selá í Vopnafirði
gekk afar vel, en þar veidd-
ust á þriðja tug laxa. Að sögn
Orra Vigfússonar glímdu
veiðimenn við 20 laxa á opn-
unardaginn, laugardag, og
höfðu hendur á ellefu.
Tveir voru smálaxar,
hinir voru allir að snúa
aftur eftir tvö ár í sjó.
Að vanda voru það
Vífill Oddsson og fé-
lagar hans sem hófu
veiðar í Selá en aðeins
er veitt á fjórar stangir í
opnun. Sögðu þeir mikinn lax
genginn í ána, til að mynda virtist
Sundlaugarhylur pakkaður af laxi.
Tólf stórir í Víðidalsá
Greint var frá því í netútgáfu okk-
ar fyrir helgi að 106 cm hængur
veiddist í Hnausastreng í Vatns-
dalsá. Tók hann fluguna illa og
blæddi út. Vó nýgenginn fiskurinn
rétt tæp 25 pund, eða 12,4 kg. Er
þetta stærsti lax sumarsins til þessa.
Tólf laxar veiddust í opnun Víði-
dalsár og Fitjár, allt tveggja ára
fiskar á bilinu 80 til 86 cm. Fiskur er
greinilega búinn að dreifa sér ágæt-
lega, því þótt flestir hafi veiðst á
neðsta svæðinu, þ.á m. þrír í Harð-
eyrarstreng, þá fengust líka laxar í
Ármótum og í Laxapolli í Fitjá.
Ytri-Rangá var líka opnuð um
helgina og veiddust tíu laxar, víðs-
vegar um ána. Mest var lífið neðan
við Ægissíðufoss en fiskar veiddust
einnig í Djúpós og þrír á Rangár-
flúðum. Þá veiddust tíu fallegir urr-
iðar, sá stærsti tíu pund.
Stórir fiskar veiðast víða
við opnun laxveiðiánna
Tuttugu punda hrygna í Hofsá 25 punda hængur úr Vatnsdalsá fyrir helgi
Ljósmynd/Svanþór Einarsson
Úr opnun Selár Einar Páll Kjærnested með 78 sm hæng sem veiddist í Sundlaugarhyl efri.
Laxveiðin hófst glæsilega í Laxá í Aðaldal á dögunum. Síðan hafa laxar
veiðst hér og þar í ánni en að sögn Þorra Hringssonar myndlist-
armanns frá Haga, sem var við veiðar á svæðum Laxárfélagsins, er
mest veitt neðan Æðarfossa – og honum gekk vel.
„Á seinni vaktinni á föstudag náði ég þar fjórum löxum,“ sagði
Þorri. „Allt voru þetta hrygnur, 80 til 87 cm, og mjög vel haldnar.“
Laxana veiddi hann í Bjargstreng, við Staurinn, í Stórafosspolli og á
Breiðunni.
Þorri sagði veðrið hafa verið „reglulega andstyggilegt“ á köfl-
um. Mikið sé greinilega af fiski neðan fossa og hann velti fyrir
sér hvort kuldinn og vatnsmagn yfir meðallagi væri þess
valdandi að laxinn gengi hægt upp ána.
Reytingur hefur verið á urriðasvæðunum í efri hluta Lax-
ár, að sögn Bjarna Höskuldssonar veiðieftirlitsmanns á
Aðalbóli. Um 300 fiskar hafa veiðst í Laxárdal en á átt-
unda hundrað í Mývatnssveit. „Fiskurinn liggur
bara ennþá í þessum kulda en hann er vel
haldinn og stór, þeir sem nást, mikið af 55 til
60 cm silungum,“ segir hann.
„Reglulega andstyggilegt“
KULDINN HEFUR ÁHRIF Á VEIÐINA FYRIR NORÐAN
Jón Helgi
Björnsson
með lax.
Alfons Finnsson
Ólafsvík
Formleg vígsla hjúkrunarheimilisins
Jaðars í Ólafsvík fór fram á laugar-
daginn og var bæjarbúum boðið að
vera viðstaddir og nýttu fjölmargir
sér boðið. Margar ræður voru fluttar
og voru nokkrir þingmenn mættir og
Guðbjartur Hannesson velferðarráð-
herra tók húsnæðið formlega í notk-
un.
Samið var við VA-arkitekta um
hönnun hússins og aðalhönnuður
hússins er Ólafur Axelsson arkitekt.
Byggingin er rúmir 1100 fermetrar
á tveimur hæðum, í húsinu eru 12 her-
bergi sem eru afar rúmgóð með bað-
herbergi, auk þess er stórt eldhús
með tækjum af fullkomnustu gerð og
setustofur á báðum hæðum.
Kostnaður um 440 millj. kr.
Bygging hússins var boðin út þann
24. febrúar 2009 og alls bárust 22 gild
tilboð og voru lægstbjóðendur Afltak
ehf. og var þeirra tilboði í verkið tekið.
Framkvæmdir hófust síðan í apríl
2009 og segja má að þær hafi staðið
stanslaust frá þeim tíma til dagsins í
dag. Auk þessa tók Afltak að sér að
gera endurbætur á eldra húsnæðinu
þannig að í dag er það sem nýtt.
Kostnaður við byggingu hjúkrun-
arheimilisins verður um 440 milljónir
króna og skiptist hann þannig að vel-
ferðarráðuneytið borgar 42%, Fram-
kvæmdasjóður aldraðra borgar 37%
og Snæfellsbær borgar 21%.
Kristinn Jónasson bæjarstjóri
sagði við vígsluna að hann vildi nota
tækifærið og þakka starfsfólki og
vistmönnum þolinmæðina á meðan á
verkinu stóð og að allan tímann hafi
vistmenn og starfsfólk tekið fram-
kvæmdunum með jafnaðargeði og
aldrei kvartað undan þeim óþægind-
um sem fylgdu framkvæmdunum.
Ekki vantaði heldur áhugann og
fylgdust allir með framkvæmdunum
af miklum áhuga og stundum var
slegið upp veislu fyrir þá sem voru að
vinna við bygginguna.
Nýtt hjúkrunarheimili í Ólafsvík
Jaðar Hið nýja hjúkrunarheimili í Ólafsvík er hin glæsilegasta bygging.
Morgunblaðið/Alfons