Morgunblaðið - 28.06.2011, Síða 29

MENNING 29
MORGUNBLAÐIÐ ÞRIÐJUDAGUR 28. JÚNÍ 2011
Börkur Gunnarsson
borkur@mbl.is
Tvær ungar athafnakonur hafa
opnað vef sem býður fólki upp á að
leigja íslenskar bíómyndir, heimild-
armyndir og stuttmyndir fyrir lítið
eða ekkert fé. Þetta eru þær Sunna
Guðnadóttir og Stefanía Thors
(kölluð Steffí). Steffí er menntuð
leikkona frá Listháskólanum í Prag
og hefur unnið ýmis störf í mörg-
um bíómyndum.
Þær kynntust fyrir tveimur ár-
um í Tékklandi þar sem Sunna var
að nema tékknesku og ljósmyndun
og var jafnframt í fjarnámi í meist-
aranámi í menningarstjórnun frá
Háskólanum á Bifröst.
„Já, þetta var svolítið fyndið
hvernig við kynntumst,“ segir
Sunna. „Ég var búin að búa í Tékk-
landi í tvö ár og vissi alltaf af Steffí
sem hafði búið þarna í yfir tíu ár
en hafði aldrei hitt hana. Svo
klippti Steffí heimildarmyndina
Kjötborg árið 2008 sem systir mín
Hulda Rós gerði ásamt Helgu Rak-
el Rafnsdóttur. Í kjölfarið hafði ég
samband við hana og kom þá í ljós
að við bjuggum næstum hlið við
hlið í sama hverfi í Prag,“ segir
Sunna hlæjandi.
En nú hafa þær stofnað fyr-
irtæki saman á Íslandi og það ligg-
ur beinast við að spyrja, hvernig
hugmyndin hafi orðið til?
„Hugmyndin að vefnum kom til
úti í Prag,“ segir Steffí, „þegar við
vinkonurnar sátum yfir rauðvíns-
flösku og vorum í einhverju nostal-
gíukasti. Okkur langaði að horfa á
íslenska bíómynd og reyndum að
finna eina uppáhaldsmyndina okk-
ar á netinu en það tókst ekki.“
„Þarna komumst við að því að
það er mjög erfitt að nálgast ís-
lenskar myndir á netinu,“ segir
Sunna. „Allavega löglega og við
ákváðum að gera eitthvað í því. Ég
hafði áður verið að skoða það nýj-
asta í dreifingu á kvikmyndum á
þessum tíma fyrir mastersverk-
efnið mitt í menningarstjórnun og
því var Icelandic Cinema Online
eðlilegt framhald af þeim pæl-
ingum,“ segir Sunna.
Drifnar áfram af hugsjón
„Eftir góðar viðtökur í frum-
kvöðlakeppninni Gullegginu og
rannsóknir mínar á markaðnum
sáum við að það var markaður fyrir
svona vefsíðu,“ segir Sunna.
Aðspurð hvort einhverjar erlend-
ar fyrirmyndir séu að þessu fyrir-
tæki þeirra segir Sunna að þær séu
nokkrar. „Það er að verða algeng-
ara að maður geti nálgast myndir á
netinu með tilkomu betri netteng-
inga og nýrrar tækni. En það er
tiltölulega nýtt að hægt sé að
streyma heilu kvikmyndirnar á
netinu þannig að þetta er til-
tölulega nýr markaður sem hefur
vaxið mjög hratt
síðustu 2-3 árin. Á þeim tíma
sem við vorum að þróa verkefnið
áfram þá var streymi ekki svo al-
gengt en eftir ígrundun þá fannst
okkur það vera besti kosturinn
enda öruggasta leiðin til að dreifa
kvikmyndum á netinu. Við sjáum
núna að þetta var rétta ákvörðunin.
Það má nefna að Google sem ný-
verið byrjaði að leigja út myndir í
gegnum Youtube hefur ákveðið að
nota streymi og Mubi sem er ein
stærsta vefsíðan með óháðar kvik-
myndir af þessari gerð breytti ný-
verið yfir í streymi. Það sem er
öðruvísi við Icelandic Cinema On-
line miðað við aðrar síður er að við
fókusum á framleiðslu frá einu
landi og leggjum áherslu á að hægt
sé að nálgast allt íslenskt efni á
einum stað sem er í rauninni fyrsti
vefur þessarar tegundar í heim-
inum en þetta er lítið land og því
gerlegt að safna saman myndum
frá einu landi. Við erum fyrst og
fremst drifnar áfram af þeirri hug-
sjón að gera kvikmyndaarfinn að-
gengilegan,
fyrir bæði Íslendinga og áhuga-
sama erlendis. Með vefnum verður
líka mögulega hægt að auka eftir-
spurn eftir íslensku kvikmyndaefni
með þessari leið og sýna það nýj-
asta sem er að gerast bæði hjá nýj-
um og reyndari kvikmyndagerð-
armönnum,“ segir Sunna.
Kvikmyndagerðarmenn fá sitt
Aðspurð hvernig kvikmynda-
gerðarmennirnir hafa tekið þessu
og hvað þeir fái fyrir sinn snúð
segja þær að þeir hafi tekið þessu
mjög vel. „Við vorum til dæmis að
fá inn allar kvikmyndir Friðriks
Þórs og við leggjum einnig áherslu
á að hafa mikið úrval af stutt-
myndum, sem er yfirleitt mjög erf-
itt að nálgast á Íslandi. Svo erum
við til dæmis að fara að setja
myndina Okkar eigin Osló á vefinn
þann 1. júlí. Hún verður með ensk-
um, frönskum, þýskum og jap-
önskum texta og er þetta í fyrsta
sinn sem hún er sýnd fyrir utan
landsteinana að undanskildum
markaðssýningum á Cannes. Það
er frábært að fá svona nýja mynd
inn og við vonumst til að geta verið
með fleiri nýjar og nýlegar myndir
í framtíðinni. Kvikmyndagerða-
menn og framleiðendur munu svo
fá í það minnsta helming af tekj-
unum af hverri streymdri mynd frá
þeim.
Lítill stuðningur
Aðspurð hvort það séu komnar
einhverjar skráningar þegar þær
séu svona nýbúnar að opna vefinn
segja þær að það sé strax orðin þó
nokkur aðsókn í þetta og að áhug-
inn sé augljóslega mestur í Banda-
ríkjunum, Bretlandi, Frakklandi,
Þýskalandi og Norðurlöndum. „Það
eru komnir meira en þúsund skráð-
ir notendur nú þegar,“ segir
Sunna. „Það hafa verið um 40.000
flettingar á síðunni og eru 2/3 af
heimsóknum á síðuna erlendis frá
og það verður að teljast frábær ár-
angur á svo stuttum tíma. Sér-
staklega þar sem við höfum ekki
enn farið í neina markaðssetningu
erlendis að ráði. Við höfum þó vak-
ið athygli erlendis og greinar birst
um okkur í erlendum fjölmiðlum og
finnst mörgum aðilum það mjög
merkilegt að slíkt verkefni sé ekki
stutt. Í því samhengi má nefna að
svipuð verkefni í Evrópu sem ein-
blína á evrópska kvikmyndagerð
eru styrkt af Evrópusambandinu
en svipaðir opinberir aðilar hér á
landi hafa því miður ekki séð það
sem hlutverk sitt að styðja við
verkefnið. Í ljósi þessa er alveg
furðulega erfitt að fá fjárhagslegan
stuðning frá hinu opinbera við
verkefnið. Við erum sannfærðar
um að vefurinn nái að standa undir
sér en eins og með öll sprotafyr-
irtæki þá er nauðsynlegt að fá ein-
hverja innspýtingu fyrstu 2 árin til
að ná að þróa það áfram. Aðgangur
að lánsfé fyrir sprotafyrirtæki er
afar takmarkað í dag og við höfum
því reynt að sækja í alla helstu
sjóði sem styðja við sprotafyrirtæki
og atvinnuuppbyggingu en við afar
dræmar undirtektir. Það er hrein-
lega eins og það sé ekki skilningur
á mikilvægi verkefnis sem þessa.
Það er afar sorglegt ef viðhorfið er
svoleiðis. Þetta verkefni nýtist ekki
bara kvikmyndagerðarmönnum til
að ná til markaða sem erfitt er að
ná með hefbundnum dreifileiðum
heldur er þetta líka stórkostlegt
tækifæri til að kynna Ísland á er-
lendri grundu. Erlendar rann-
sóknir hafa sýnt að allt að 10-15%
ferðamanna fá hugmyndir að
áfangastað eftir að hafa séð kvik-
myndir þaðan,“ segir Sunna.
Morgunblaðið/Ernir
Frumkvöðlar Sunna Guðnadóttir og Stefanía Thors stofnuðu Iceland Cinema Now fyrir allar íslenskar kvikmyndir.
Allar íslenskar bíómyndir á einn stað
 Stefnt að því að hægt verði að
nálgast allar íslenskar bíómyndir á vef
Icelandic Online Now  Síðan hefur
þegar fengið um 40.000 flettingar
First Price haframjöl, 1 kg
239kr.pk.
fyrst og fremst ódýr
Krónan er lágvöruverðs-
verslunin þín
þar sem þú sparar alltaf við innkaupin.
Þar er mesta vöruúrvalið af lágvöruverðsverslununum
þannig að þar getur þú valið þér þína sparnaðarleið.
Viltu þekktar merkjavörur á lágu verði eða viltu
First Price vöru á ennþá lægra verði?
Hvort sem valið er, þá er alltaf öruggt að þú færð
gæðavöru á lágu verði.
Ota haframjöl, 950 g
378kr.pk.