Morgunblaðið - 29.06.2011, Blaðsíða 14

14 FRÉTTIRInnlent
MORGUNBLAÐIÐ MIÐVIKUDAGUR 29. JÚNÍ 2011
www.noatun.is
www.noatun.is
Pantaðu veisluna þína á
eða í næstu Nóatúns verslun
Grillveislur
1299
Á MANN
VERÐ FRÁ
MEÐ MEÐL
ÆTI
Grísahnakkasneiðar
Lambalærissneiðar
Kjúklingabringur
Lambafille
Þín samsetning
Grillveislur Nóatúns
Á sunnudag sl. rann upp stór stund
hjá SKB, Styrktarfélagi krabba-
meinssjúkra barna, þegar hvíldar-
heimilið Hetjulundur var vígt og
formlega tekið í notkun. Heimilið
er fyrst og fremst hugsað fyrir
krabbameinssjúk börn og fjöl-
skyldur þeirra á meðan á erfiðum
meðferðum stendur. Það var góð-
gerðarfélagið Á allra vörum sem
stóð að landssöfnun fyrir húsið árið
2009 með sölu á glossi og beinni
sjónvarpsútsendingu. Ár er síðan
fyrsta skóflustungan var tekin að
húsinu en það stendur í landi Ket-
ilsstaða í Holta- og Landsveit.
Hvíldarheimilið Hetjulundur tekið í notkun
Fram til 1. júlí verður ferðamönn-
um á Suðurlandi boðið ókeypis
tjaldstæði á öllum tjaldsvæðum
við og í kringum Kirkjubæj-
arklaustur í Skaftárhreppi og Vík
í Mýrdal.
Tjaldsvæðin eru mörg hver
staðsett við helstu náttúruperlur
svæðisins.
Fjölbreytt aðstaða og tækifæri
til afþreyingar eru á svæðinu, svo
sem gönguferðir, akstur inn á há-
lendið, veiði eða sund.
Í báðum þéttbýliskjörnunum
eru góðar sundlaugar og íþrótta-
aðstaða til allkyns íþróttaiðkunar.
„Vestur-Skaftafellsýsla er róm-
uð fyrir náttúrufegurð og fjöl-
breytileika,“ segir í tilkynningu.
Ókeypis fyrir ferða-
menn á tjaldstæði
á Suðurlandi
Á morgun, fimmtudag kl. 16,
stendur Háskólinn á Bifröst fyrir
málstofu um „Vorið í Mið-
Austurlöndum“ í húsnæði skólans
við Hverfisgötu 4 og 6 (5. hæð).
Gestur málstofunnar verður dr.
Brenda Shaffer sem starfar við há-
skólann í Haifa í Ísrael og hefur
kennt sumarnámskeið við Háskól-
ann á Bifröst síðan árið 2008.
Í erindi sínu mun hún fjalla um
óeirðirnar sem hafa orðið í Mið-
Austurlöndum og reyna að varpa
ljósi á hvaða áhrif þær muni hafa á
lýðræðisþróun á svæðinu.
Varpa ljósi á „vorið“
Dagur rabarbarans verður haldinn
í Árbæjarsafni (Lækjargötu 4)
fimmtudaginn 30. júní kl. 15-17.
Dagur rabarbarans er haldinn til
að minna á mikilvægi þess að við-
halda ræktun rabarbarans og nýt-
ingu hans sem hefur verið samofinn
sögu okkar og menningu í 130 ár.
Flutt verða þrjú erindi um rabar-
barann og loks verður bökukeppni.
Dagur rabarbarans
STUTT
Hjalti Geir Erlendsson
hjaltigeir@mbl.is
Lögmönnum hefur fjölgað mikið á
Íslandi undanfarin ár. Félagsmenn í
Lögmannafélagi Íslands (LMFÍ)
eru nú 892 talsins
og hefur þeim
fjölgað um 66 á
þessu ári. Þetta
kemur fram í
Lögmanna-
blaðinu sem
LMFÍ gefur út.
Brynjar Níels-
son, formaður
LMFÍ, segir aug-
ljóst að sam-
keppni muni aukast gríðarlega milli
lögmanna á næstu árum. Hann hefur
þó engar sérstakar áhyggjur af
stöðu mála.
Ungar konur í sókn
Þess ber að geta að lögmönnum ber
skylda til að vera í LMFÍ. Af fé-
lagsmönnum eru 612 héraðsdóms-
lögmenn og 280 hæstaréttar-
lögmenn. Alls starfa um 45%
lögmanna sjálfstætt, 21% starfar
sem fulltrúar sjálfstætt starfandi
lögmanna. Um 20% starfa hjá fyrir-
tækjum eða félagasamtökum, 9% hjá
ríki og sveitarfélögum og um 5% eru
hætt störfum, flestir sökum aldurs.
Mikil fjölgun kvenna í stéttinni
vekur athygli. Það er í takt við aukna
sókn kvenna í laganám. Nú eru 243
kvenkyns lögmenn á Íslandi en þar
af eru 35 hæstaréttarlögmenn. Kon-
ur eru sérstaklega áberandi í röðum
yngri lögmanna. Nefna má að um
84% kvenkyns lögmanna eru 49 ára
eða yngri.
Brynjar Níelsson, formaður
LMFÍ, segir atvinnuleysi blasa við
meðal lögmanna á næstu árum.
Engar fjöldatakmarkanir
„Þegar menn lifa í frjálsu og opnu
samfélagi getur svona gerst. Það
verður bara meiri samkeppni milli
manna og þeir verða að sanna sig.“
Brynjar segir LMFÍ ekki hafa
neinar sérstakar fjöldatakmarkanir í
huga. Fólk verði að fá að gera það
sem það vill gera.
Brynjar segir íslenskt samfélag
þó aðeins bera ákveðinn fjölda lög-
manna. Hann á hins vegar von á að
möguleikarnir verði fleiri fyrir lög-
menn framtíðarinnar. Sem dæmi
nefnir hann að fjölmargir lögmenn
og lögfræðingar muni fá vinnu hjá
stofnunum Evrópusambandsins
gangi Ísland þar inn. Þá sæki æ fleiri
Íslendingar laganám erlendis.
Brynjar segist hafa meiri
áhyggjur af því hvernig laganám
mun æxlast í framtíðinni. Það verði
að gera ákveðnar kröfur til laga-
náms svo skólarnir ráði sér ekki al-
veg sjálfir. Lögmannsprófinu fylgi
ákveðin réttindi sem almenningur
verði að geta gengið að. „Á meðan
námið er gott þá er okkur nokkuð
sama um fjölda lögmanna.“
Aukin samkeppni blasir við
meðal lögmanna á Íslandi
Brynjar
Níelsson hrl.
 Lögmönnum hefur fjölgað mikið undanfarin ár
Morgunblaðið/RAX
Lögmenn Lögmönnum hefur fjölgað mikið sl. ár og samkeppni mun
aukast. Stéttin er einnig að breytast en ungar konur eru í stöðugri sókn.
Helgi Bjarnason
helgi@mbl.is
„Ég er með sjófugl sem ég skaut
sjálfur og reykti og silung sem ég
veiddi. Ef ég væri betri skytta þá
væri önd á matseðlinum,“ segir
Atli Ottesen, matreiðslumaður á
Vagningum á Flateyri. Hann hef-
ur keypt staðinn og hyggst byggja
upp góðan matsölustað, ekki síst
með því að bjóða mat úr hráefni af
svæðinu.
„Þetta stóð ekki til en þegar
mér var boðið að kaupa staðinn,
hugsaði ég mig um í tíu mínútur
og sagði já,“ segir Atli. Hann réð
sig sem matreiðslumann á Vagn-
inn í fyrravor og honum og kær-
ustu hans, Sunnu Dís Másdóttur,
líkaði svo vel á Flateyri að þau
sneru ekki aftur suður eins og
sumargestirnir. Fyrsta fasteignin
sem Atli kaupir er því ekki blokk-
aríbúð í Reykjavík heldur gamalt
hús á Flateyri, 600 fermetrar að
gólfflatarmáli.
„Okkur líður bara svo vel hérna.
Maður hefur meiri tíma fyrir sjálf-
an sig en í borginni,“ segir Atli
um vistaskiptin. Hann fékk veiði-
dellu eftir að hann flutti vestur og
nýtir í þágu rekstursins. „Það eru
ekki margir sem geta veitt silung í
vinnunni,“ segir hann.
Flateyri er sumarbær
Vagninn er þekktastur sem krá
og skemmtistaður. Atli ætlar að
byggja ofan á þá starfsemi. Reyna
að skapa kaffihúsastemningu og
koma upp góðum matsölustað.
Auk eigin bráðar eru réttir úr
lambakjöti og fiski á matseðlinum.
„Ég keypti 25 lambsskrokka af
bónda hér í haust. Þá verður sá
fiskur á borðum sem kemur af
bátunum hverju sinni,“ segir Atli.
Hann leggur áherslu á að hann sé
ekki að fara út í samkeppni um
skyndibitann, nóg sé að hafa eina
hamborgarasjoppu á staðnum.
Flateyri er orðin sumarbær,
eins og Atli tekur til orða. Mörg
íbúðarhús eru notuð til sum-
ardvalar auk þess sem ferðaþjón-
usta fer vaxandi, meðal annars
með tilkomu erlendra ferðamanna
sem veiða á smábátum. Sum-
argestirnir skapa umsvif. Það
dregur úr á haustin og Vagninn
verður ekki opinn alla daga yfir
veturinn, en böllin og kráar-
kvöldin verða á sínum stað.
Orðspor um góðan mat
„Ég mun byggja upp matstað-
inn af heilindum. Það tekur sinn
tíma, ég hugsa fimm til tíu ár
fram í tímann með það. Ef mat-
argestirnir fara ánægðir heim
verður til orðspor um góðan mat
og fleiri koma,“ segir Atli.
Væri með önd á matseðlin-
um ef ég væri betri skytta
 Atli Ottesen heillaðist af Flateyri eftir að hann réð sig þar
í sumarvinnu  Keypti Vagninn og byggir upp matsölustað
Morgunblaðið/Helgi Bjarnason
Nýr vagnstjóri Atli Ottesen ætlar að rífa upp reksturinn á hinum goðsagna-
kennda skemmtistað, Vagninum. Áhersla er á mat úr vestfirsku hráefni.
Vagninn
» Guðbjartur Jónsson stofn-
aði Vagninn sem söluturn á
Flateyri 14. júní 1982. Rekst-
urinn þróaðist, mynd-
bandaleiga bættist við, krá og
skemmtistaður.
» Guðbjartur er þekktur fyrir
ýmis ummæli sem flugu víða.
„Staður á undan sinni framtíð“
voru einkunnarorð Vagnsins
alla þá tíð sem hann rak stað-
inn.
Ferðin hefst 7. júlí
Ranghermt var í frétt í laugardags-
blaðinu að kvenhjólaklúbburinn
Skutlurnar hefði lagt af stað í hring-
ferð sl. föstudag. Hið rétta er að þær
leggja af stað í hringferðina 7. júlí
nk. Stofnandi Skutlanna er Ásthild-
ur Einarsdóttir, oft kölluð Skutlu-
mamma.
LEIÐRÉTT