Morgunblaðið - 29.06.2011, Qupperneq 15
FRÉTTIR 15Innlent
MORGUNBLAÐIÐ MIÐVIKUDAGUR 29. JÚNÍ 2011
Janus Arn Guðmundsson
janus@mbl.is
Skólaskipið Eagle, sem um þessar
mundir fagnar 75 ára afmæli sínu,
lagði að bryggju í Reykjavíkurhöfn í
gærmorgun. Skipið, sem er í eigu
bandarísku strandgæslunnar, mun
halda heim á leið næstkomandi föstu-
dag með viðkomu við strendur Snæ-
fellsness.
Skipið kom frá Evrópu þar sem
það hafði viðkomu í Hamborg og
London og Waterford á Írlandi. Við
komuna til Reykjavíkur sigldu menn
frá Landhelgisgæslunni og Slysa-
varnafélaginu Landsbjörgu til móts
við skipið og buðu skipverja vel-
komna til landsins.
Þegar blaðamann bar að garði voru
skipverjar í óða önn að gera skipið
tilbúið til sýningar. Það var opnað
gestum og gangandi í gær og verður
opið næstu tvo daga.
Eins og Morgunblaðið greindi frá í
gær er skipið „barkur“ en það er teg-
und seglskipa sem hefur þrjú möstur.
Skipið er veglegt að sjá enda um
1.900 tonn að þyngd.
Tvíþættur tilgangur
Að sögn Jeffs Janaro, sjóliðsfor-
ingja um borð í Eagle, er tilgangur
ferðarinnar tvíþættur. „Með ferð
okkar til Íslands ætlum við annars-
vegar að minnast þeirra bandarísku
sjóliða sem fórust með Alexander Ha-
milton, þegar þýskur kafbátur skaut
á skipið við Faxaflóa. Hinsvegar ætl-
um við að kynna okkur aðstæður hér
á landi og reyna að læra eitthvað
nýtt.“
Janaro segir skipverja bjóða
fulltrúum íslenskra stjórnvalda
ásamt fulltrúum bandaríska sendi-
ráðsins til móttöku um borð í skipinu.
Eftir viðkomuna á Snæfellsnesi
mun skipið svo halda heim á leið til
Halifax, þó með stuttum stoppum á
leiðinni.
Skipverjar minnast
látinna félaga
Skólaskipið Eagle kom í Reykjavíkurhöfn í gærmorgun
Morgunblaðið/Ernir
Glæsilegt Bandaríska skólaskipið Eagle lagði við Reykjavíkurhöfn í gær og mun halda heim á leið nk. föstudag.
Andri Karl
andri@mbl.is
„Tillögur lóðarhafa hugnuðust ekki
skipulagsráði og var þeim því synjað
í samræmi við ákvæði skipulags- og
byggingarlaga með þeim leiðbein-
ingum að ráðið er tilbúið að skoða til-
lögur um aukna nýtingu á lóðinni, ef
unnt er að fella steinbæ á lóðinni inn
í hugmyndir um uppbyggingu.“ Svo
segir í svari formanns skipulagsráðs
Reykjavíkurborgar vegna fyrir-
spurnar Morgunblaðsins um málefni
eiganda lóðarinnar að Klapparstíg
19 sem fjallað var um í laugardags-
útgáfu Morgunblaðsins.
Í viðtali við talsmann eiganda
gagnrýndi hann borgaryfirvöld fyrir
að synja tillögu að deiliskipulagi á
lóðinni auk þess sem hann sagði að
engu líkara væri en að borgin beitti
öllu kerfinu gegn lóðarhöfum.
Páll Hjalti Hjaltason, formaður
skipulagsráðs, segir að tillaga lóðar-
hafa að breytingu á deiliskipulagi
hafi verið unnin af þeim sjálfum og á
þeirra ábyrgð. „Engin formleg já-
kvæð afgreiðsla á erindi lóðarhafa
liggur fyrir frá skipulagsráði
Reykjavíkur né skipulagsstjóra. Í
tillögunni var gert ráð fyrir breyt-
ingu frá gildandi deiliskipulagi á
þann hátt að nýting lóðarinnar
hækkaði úr 0,69 í 1,56. Slík hækkun
ein og sér telst vera veruleg breyting
á deiliskipulagi svæðisins.“
Svör send til nefndar
Þá bendir Páll á að lóðarhafi hafi
aldrei sótt um að byggja upp á lóð-
inni til samræmis við gildandi deili-
skipulag, en vísar að öðru leyti í svör
Reykjavíkurborgar til úrskurðar-
nefndar skipulags- og bygginga-
mála. Auk þess ítrekar hann að svör
til nefndarinnar hafi verið send en
það var eitt af því sem talsmaður lóð-
arhafa gagnrýndi, þ.e. seinagang
borgarinnar til að svara nefndinni en
frestur til þess rann út í desember sl.
Í greinargerð borgarinnar, sem
dagsett er 16. júní sl., segir að ekki
sé tekið undir fullyrðingar lóðarhafa
um að tillagan að deiliskipulaginu
hafi verið unnin í samstarfi við skipu-
lagsyfirvöld, á annan hátt en að
kynna fyrirætlanir sínar starfs-
mönnum skipulags- og bygginga-
sviðs og skipulagsráði. „Það er hlut-
verk skipulagsyfirvalda að rýna í og
leiðbeina borgurunum um tillögu-
gerð í skipulagsmálum. Slík leiðsögn
getur þó aldrei komið í stað lögbund-
innar meðferðar skipulagsráðs og
borgarráðs.“
Fullkunnugt um heimild
Auk þess er vísað til bókunar
skipulagsráðs við endanlega af-
greiðslu málsins og að í henni sé ekki
annað að finna en vilja til að vinna
áfram með lóðarhöfum að uppbygg-
ingu lóðarinnar „með það að leiðar-
ljósi hvort unnt sé að fella steinbæ-
inn inn í uppbygginguna.“ Segir að
með þessum orðum sé ekki tekin
lokaafstaða til þess hvort steinbær-
inn verði rifinn eða ekki.
Þá segir: „Skipulagsráði er full-
komlega kunnugt um að heimilt er
að rífa steinbæinn samkvæmt gild-
andi deiliskipulagi, en vill setja það
skilyrði fyrir mögulegum breyting-
um að sú niðurrifsheimild verði felld
niður. Minnt skal á að lóðarhafi hef-
ur aldrei sótt um að fá að nýta sér
uppbyggingarheimildir deiliskipu-
lagsins, þ.m.t. heimild til að fjar-
lægja umræddan steinbæ.“
Tillögurnar
hugnuðust ekki
skipulagsráði
Tilbúið að skoða aukna nýtingu á lóð
Morgunblaðið/Árni Sæberg
Steinbær Styr stendur um rústir
steinbæjarins að Klapparstíg 19.
Eagle var smíðað í Hamborg ár-
ið 1936. Það er um 100 metra
langt og tæplega 1.900 tonn á
þyngd. Vél skipsins getur knúið
það áfram á 10 hnúta hraða, en
það getur náð allt að 17 hnúta
hraða undir seglum.
Að sögn Jeffs Janaros sjó-
liðsforingja eru 235 manns um
borð í skipinu. Þar af eru 15 sjó-
liðsforingjar, 65 manna áhöfn
og 135 upprennandi sjóliðsfor-
ingjar í strandgæslu Bandaríkj-
anna. Skipið er því gríðarlega
stórt seglskip ef tekið er mið af
seglskipum almennt.
Gríðarlega
stórt seglskip
SKÓLASKIPIÐ ÖRNINN
Das Auto.
Metanlegur
sparnaður
Volkswagen Passat EcoFuelwww.volkswagen.is
Volkswagen Passat
Eldsneytiskostnaður Volkswagen
Passat á hverja 1.000 km*.
Metan 8.040 kr
Dísil 12.095 kr
Bensín 16.319 kr
* Miðast við almennt verð á eldsneyti hjá Olís 11. maí 2011
Komdu og prófaðu metanbílinn sem allir eru að tala um!