Morgunblaðið - 30.06.2011, Side 4
4 FRÉTTIRInnlent
MORGUNBLAÐIÐ FIMMTUDAGUR 30. JÚNÍ 2011
Kristel Finnbogadóttir
kristel@mbl.is
„Þetta var kaldur mánuður yfir allt
landið en kuldinn er mismunandi eft-
ir landshlutum,“ segir Sigurður Þór
Guðjónsson, áhugamaður um veður-
far, spurður um veður í júnímánuði.
Á vefsíðu sinni, www.nimbus.blog.is,
skrifar Sigurður meðal annars um
veðurfar á Íslandi. Hann bendir á að
mánuðinum sé ekki enn lokið þótt
síðustu dagar hans séu ólíklegir til
að hafa áhrif á heildarmyndina.
„Hér í Reykjavík er hitinn í júní
við meðallag og jafnvel aðeins fyrir
ofan það. Svipað má segja um Suður-
land en á Suðausturlandi og Vest-
urlandi er kaldara. Það er aðallega
fyrir norðan og austan, sérstaklega
inni í sveitunum, þar sem hitinn er
tveimur til þremur stigum undir
meðallagi. Þessi munur á milli lands-
hluta er mjög óvenjulegur,“ segir
Sigurður Þór. Hann nefnir sem
dæmi samanburð á meðalhita í
Reykjavík og á Egilsstöðum í júní en
mismunurinn er nú í kringum þrjú
stig.
„Í meðalárferði er mismunurinn á
milli þessara staða innan við hálft
stig en auðvitað er það breytilegt eft-
ir árum,“ segir Sigurður Þór. Miðað
er við meðaltal frá 1961 til 1990 eða
30 ár í senn.
Oft verið verra veður í júní
Sigurður Þór segir að veður á
landinu hafi oft verið verra í júní-
mánuði. Veður á Norður- og Austur-
landi sé hins vegar óvanalegt. „Þetta
er kaldasti júní á Akureyri síðan árið
1952 en þá var nokkru kaldara. Þetta
er fjórði eða fimmti kaldasti júní-
mánuðurinn frá upphafi mælinga en
á Akureyri hófust þær árið 1882,“
segir hann.
Sigurður Þór segir sérstakt að
kvartað sé yfir veðrinu í Reykjavík
þennan mánuð. Fyrstu daga júní var
kuldi í borginni en frá 11. júní hefur
verið þurrt, sólríkt og hiti vel yfir
meðallagi. „Það hafa verið margir
góðir dagar í Reykjavík núna í júní.
Hér er ekki hægt að kvarta,“ segir
Sigurður Þór.
Ekki aðeins vekur kuldi eða fjöldi
sólardaga athygli veðuráhugamanna
en merkilegt er að skoða tölur úr
mælingum um úrkomu í júnímánuði.
„Þetta er kaldur og þurr mánuður
nema einna helst við norðaustur-
ströndina. Í maí mældist mesta úr-
koma í Vopnafjarðarhéraði í 80 ár.
Júní ætlar líka að verða einn af allra
úrkomusömustu júnímánuðum þar
en í Vopnafirði og út við sjó á norð-
anverðum Austfjörðum mælist nú
um það bil tvöföld meðalúrkoma,“
segir Sigurður Þór.
„Þetta er afbrigðilegur kuldi og
sjaldgæft ástand sem lýkur vonandi
fljótlega,“ segir Sigurður Þór um
veðrið á Norður- og Austurlandi
þessa dagana en telur júnímánuð
annars þokkalegan á sunnanverðu
landinu.
Óvanalegur júnímánuður
Kuldi hefur verið mismikill eftir landshlutum í sumar Kaldasti júnímánuður á
Akureyri frá árinu 1952 Ekki er hægt að kvarta yfir veðurfarinu í Reykjavík
Þessi munur á milli
landshluta er mjög
óvenjulegur.
Sigurður Þór
Guðjónsson.
Grillmarkaðurinn verður opnaður í dag.
„Allt aðalhráefnið er keypt frá bónda, við
treystum bændunum til að velja fyrir okkur
bestu vörurnar og munum fá það besta hverju
sinni,“ segir Hrefna Rósa Sætran, einn eigenda
Grillmarkaðarins. Íslensk náttúra er þema á
nýja staðnum. Á Grillmarkaðnum verður stuðla-
bergsveggur, mosaveggur og íslenskt hlýraroð
til skreytingar. mep@mbl.is
„Munum fá það besta frá bónda hverju sinni“
Morgunblaðið/Ómar
„Þetta er eins og seglskip, stendur hátt upp úr sjónum og
tekur mikinn vind á sig. Við ákveðin mörk ráða bógskrúf-
urnar ekki við að halda skipinu,“ segir Ágúst Ágústsson,
markaðsstjóri Faxaflóahafna, um ástæður þess að
skemmtiferðaskipið AIDAluna gat ekki lagt að bryggju
við Skarfabakka í Reykjavík á þriðjudag. Að sögn Ágústs
var vindhraði 13 til 16 metrar á sekúndu þegar skipið
kom í lóðs en eftir því sem leið á daginn bætti í vindinn.
Skipið AIDAluna er um 69 þúsund tonn að stærð. Um
3.400 manns voru um borð í skipinu og því vildi skipstjór-
inn enga áhættu taka. „Það er ekki oft sem þetta gerist
og þá er það frekar á haustin,“ segir Ágúst.
Missir að skipinu fyrir ferðaþjónustu
„Þegar skip af þessari stærðargráðu kemst ekki upp
að bryggju verður auðvitað tekjumissir og tekjutap,“
segir Yngvi Örn Stefánsson, framkvæmdastjóri Iceland
Travel Assistance, ITA, en fyrirtækið rekur upplýsinga-
og þjónustumiðstöð á Skarfabakka sem sniðin er að þörf-
um farþega skemmtiferðaskipa. Skipið AIDAluna kemur
nokkrum sinnum á ári og hefur gert undanfarin ár. Kom-
ur skemmtiferðaskipa skipta máli fyrir íslenska ferða-
þjónustu en von er á AIDAluna aftur til landsins síðar í
sumar og í haust. „Það er leiðinlegt þegar þetta gerist en
við búum við að vera háð ytri aðstæðum,“ segir Yngvi um
atvik mála á þriðjudag og nefnir veður og vinda, eldgos
og aðrar náttúruhamfarir. kristel@mbl.is
Skemmtiferðaskip í vand-
ræðum vegna veðurs
Morgunblaðið/Kristinn
Skip Yfir sumartímann leggja stór skemmtiferðaskip
gjarnan leið sína til Reykjavíkur eða Akureyrar.
Von var á fjölda ferða-
manna til Reykjavíkur
Póstburðargjald
fyrir bréf undir
50 g hækkaði úr
75 krónum í 90
krónur hinn 15.
júní síðastliðinn
samkvæmt upp-
lýsingum frá Ís-
landspósti. Einn-
ig hækkuðu aðrir
verðflokkar bréfa að meðaltali um
20%. Fram kemur á heimasíðu fyr-
irtækisins að umræddar verðhækk-
anir séu nauðsynlegar til þess að
„mæta magnminnkun og auknum
kostnaði við dreifingu á bréfapósti“.
Þá segir einnig að rafræn þróun
og efnahagssamdrátturinn hér á
landi sem og erlendis hafi leitt til
verulegs samdráttar í póstsend-
ingum. Ennfremur er minnst á þá
skyldu Íslandspósts að þjónusta allt
landið og bera út í öll hús alla virka
daga ársins sem hafi mikinn kostnað
í för með sér.
Frekari samdráttur
„Útlit er fyrir að bréfamagn
minnki enn frekar á næstu árum og
spáð er að einkaréttarbréfum fækki
til muna á næstu árum. Slíkri magn-
minnkun verður að mæta með að-
gerðum á ýmsum sviðum, bæði með
því að auka tekjur eftir því sem við
verður komið, þar sem vænta má
vaxtar, en einnig með hagræðingu í
rekstri póstþjónustunnar,“ segir á
heimasíðu Íslandspósts.
hjorturjg@mbl.is
Kostar
meira að
senda póst
Um 20% hækkun á
póstburðargjöldum
Samningaviðræður flugmanna og
Icelandair stóðu enn yfir í Karphús-
inu þegar Morgunblaðið fór í prent-
un í gærkvöldi. Þær höfðu þá staðið
yfir frá klukkan ellefu í gærmorgun.
Ef deilan leysist ekki heldur yf-
irvinnubann flugmanna Icelandair
áfram. Engir flugmenn verða á bak-
vakt meðan á banninu stendur. Af
þeim sökum má búast við einhverju
raski á flugferðum. Ekkert flug
raskaðist þó í gær vegna yf-
irvinnubannsins. Icelandair hafði
fyrirhugað að fella niður tvær flug-
ferðir til Parísar í dag vegna yf-
irvinnubannsins. Félagið biður far-
þega þó að fylgjast grannt með.
Langir fund-
ir flugmanna
Fimleikafélag
Selfoss mun fara
vandlega yfir slys
sem varð síðdegis
á þriðjudag þegar
fjórtán ára stúlka
fótbrotnaði á báð-
um fótum eftir að
hafa leikið sér á
trampólíni ásamt
þremur öðrum
stúlkum. Stúlkan
þurfti að fara í stóra aðgerð í kjölfar-
ið og dvelur á Landspítalanum. Líðan
hennar er eftir atvikum góð.
Stúlkurnar æfa allar fimleika með
félaginu og léku sér á trampólíninu
fyrir æfingu, og því án eftirlits kenn-
ara. Um er að ræða kraftmeira tram-
pólín en finnast í görðum og voru
þær fjórar á því saman. Stukku þrjár
samtímis á trampólínið og skutu
þeirri fjórðu hátt í loft upp.
Svo mikill var krafturinn þegar ein
þeirra stóð að hún hlaut opið bein-
brot á báðum fótum. Stúlkurnar sem
með henni voru fengu áfallahjálp frá
þjálfurum, foreldrum og sérfræð-
ingum.
Brutu reglur með leik sínum
Samkvæmt upplýsingum frá þjálf-
ara Fimleikafélags Selfoss brutu
stúlkurnar með leik sínum nokkrar
reglur. Verður brýnt fyrir öllum iðk-
endum í kjölfarið hvernig nota skuli
trampólín og farið yfir allar reglur.
Þjálfarinn segir þetta ekki einsdæmi
því sambærilegt mál hafi komið upp
hjá fimleikafélagi á höfuðborg-
arsvæðinu þar sem stúlka hlaut bein-
brot eftir svipaðan leik.
Þjálfarinn vonast einnig til að
þetta hörmulega slys verði öðrum víti
til varnaðar, enda trampólín í mörg-
um húsgörðum. Sama gildi um þau,
stórhættulegt sé þegar fleiri en einni
hoppi í einu.
Fara yfir reglur
14 ára stúlka hlaut opin beinbrot
á báðum fótum við leik á trampólíni
Á trampólíni Þau
geta verið hættuleg.