Morgunblaðið - 30.06.2011, Blaðsíða 16
16 FRÉTTIRInnlent
MORGUNBLAÐIÐ FIMMTUDAGUR 30. JÚNÍ 2011
Janus Arn Guðmundsson
janus@mbl.is
Landsmót hestamanna á Vind-
heimamelum í Skagafirði hófst sl.
sunnudag. Mótið verður sett við
formlega athöfn í kvöld klukkan
20:00. Búist er við um tíu þúsund há-
tíðargestum, en um og yfir fimm þús-
und manns hafa nú komið sér fyrir á
svæðinu. Heimsmet var sett á
mótinu þegar stóðhesturinn Spuni
frá Vesturkoti hlaut hæstu aðal-
einkunn sem stóðhesti hefur verið
gefin. Mótinu lýkur svo á sunnudag-
inn kemur, en búist er við góðu móti í
ár.
Að sögn Hildu Karenar Garð-
arsdóttur, fjölmiðlafulltrúa Lands-
móts hestamanna, hefur mótið farið
vel af stað. Veðrið mætti vera betra,
þótt það standi til bóta þar sem spáin
sé með eindæmum góð fyrir helgina.
„Gestir láta ekki veðrið aftra sér,
enda um 5.000 manns á svæðinu,“
segir hún og bætir við: „Það er mikið
af efnilegum hrossum og knöpum á
svæðinu. Á þriðjudaginn sló stóð-
hesturinn Spuni heimsmet sem ætti
að gefa nokkuð glögga mynd af gæð-
um íslenska hestsins. Mótið á því eft-
ir að verða mjög spennandi í ár.“
Keppendur eru á öllum aldri og
keppt er í öllum flokkum. Flokkarnir
skiptast í A-flokk gæðinga, B-flokk
gæðinga og síðast en ekki síst í þrjá
flokka yngri knapa.
250-300 prúðklæddir knapar
Hilda segir dagskrána í dag og
næstu daga með glæsilegasta móti.
„Í kvöld verður forkeppni í tölti og
setningarathöfn. Hún verður mjög
hátíðleg, þar sem fánar verða dregn-
ir að húni og 250-300 prúðklæddir
knapar í hópreið á hestum sínum.“
Í ár ættu allir að geta fundið eitt-
hvað við sitt hæfi. „Við verðum með
marga skemmtikrafta og má þar
nefna skagfirska söngvarann Geir-
mund Valtýsson, Álftagerðisbræður
og karlakórinn Heimi,“ segir Hilda.
Hún segir að Magni Ásgeirsson muni
halda uppi stuðinu, en hann stýrir
brekkusöng. „Börnunum ætti ekki að
leiðast, í ár höfum við sett upp sér-
stakan barnagarð þar sem Magni Ás-
geirsson og Sigríður Beinteinsdóttir
sjá um að skemmta yngri kynslóð-
inni.“
Hilda segir mótinu víða veitt at-
hygli úti í heimi. „Hér er fjöldinn all-
ur af blaðamönnum og ljósmynd-
urum frá erlendum tímaritum,“ segir
hún, en fjölmiðlamenn hafa komið
gagngert til landsins til að fjalla um
íslenska hestinn. Um þúsund erlend-
ir ferðamenn eru á svæðinu og búist
við enn fleirum um helgina.
Á sér langa sögu
Landsmót hestamanna hefur skip-
að sér í hóp helstu íþróttaviðburða
landsins sem haldnir eru með reglu-
bundnum hætti. Mótið á sér langa
sögu, en mótið í ár er það 19. í röð-
inni. Landsmótið nú er haldið á Vind-
heimamelum í sjötta sinn. Að sögn
Hildu var það fyrst haldið þar árið
1974 og segir hún það ánægjuefni að
nú, 37 árum síðar, skuli það vera
haldið á sama stað.
Að lokum bendir Hilda fólki á, sem
ekki kemst á mótið, að hægt sé að
horfa á það í gegnum heimasíðu
þeirra, www.landsmot.is, gegn vægu
gjaldi.
„Gestir láta ekki veðrið aftra sér“
Búist við um tíu þúsund hátíðargestum á Vindheimamelum Stóðhesturinn Spuni setur heimsmet
á landsmóti Um þúsund erlendir ferðamenn eru á svæðinu og búist er við enn fleirum um helgina
Ljósmynd/Hilda Karen Garðarsdóttir
Kuldi Gestir á landsmóti hestamanna á Vindheimamelum í Skagafirði láta ekki veðrið á sig fá, en búist er við hlýindum í aðdraganda helgarinnar.
Stóðhesturinn Spuni frá Vesturkoti sló heimsmet
þegar hann hlaut einkunn sem enginn stóðhestur
hefur fengið áður. Spuni fékk 9,17 fyrir hæfileika og
var með 8,43 fyrir sköpulag sem þykir ótrúlegur
árangur hjá stóðhesti. Aðaleinkunn hans er því
8,87, sem er sú hæsta í heimi meðal stóðhesta.
Spuni, sem er fimm vetra gamall, er undan Álfa-
steini frá Selfossi og Stelpu frá Meðalfelli. Eigandi
Spuna er Finnur Ingólfsson, fyrrverandi ráðherra,
en hann kveðst mjög ánægður með árangurinn.
„Hann er undan meri sem konan mín gaf mér, en
hún hefur gefið gríðarlega vel,“ segir Finnur og
bætir við að hann sé jafnstoltur af Spuna og börn-
unum sínum þegar þau gera vel. „Það er mikill
áhugi fyrir hestinum og ég hef fengið töluverð við-
brögð.“ Finnur segir Spuna þannig hest að hann
viti aldrei hverju hann taki upp á. „Hann er til alls
líklegur.“
Jafnstoltur af Spuna og börnunum sínum
STÓÐHESTURINN SPUNI FÆR HÆSTU EINKUNN SEM GEFIN HEFUR VERIÐ
Ljósmynd/Eiðfaxi.is/Óðinn Örn
Andri Karl
andri@mbl.is
Niðurstaða Héraðsdóms Suður-
lands í máli Íslandsbanka gegn
hjónum sem tóku hjá bankanum
lán er staðfesting á túlkun Alþing-
is á dómi Hæstaréttar frá því í
júní á síðasta ári og öðrum sem
féll í september sama ár, segir Álf-
heiður Ingadóttir, þingmaður
Vinstri grænna og varaformaður
efnahags- og skattanefndar.
Líkt og greint hefur verið frá
komst dómurinn að þeirri nið-
urstöðu að vexti Seðlabanka Ís-
lands bæri að reikna á end-
urútreiknuðum gengistryggðum
lánum frá útborgunardegi þeirra.
Lögmaður hjónanna í málinu taldi
þetta ganga gegn eignarrétt-
arákvæði stjórnarskrárinnar enda
hefðu hjónin greitt af láninu á
gjalddögum og fengið útgefnar fyr-
irvaralausar kvittanir vegna þeirra
afborgana.
Dómurinn taldi að Alþingi hefði
með lagasetningu í desember sl.
breytt samn-
ingnum efnislega
bæði hvað varð-
ar verðtryggingu
og vexti. Meðal
annars var vísað
í greinargerð
með frumvarpinu
þar sem segir að
ef annað hvort
ákvæði samninga
um vexti eða
verðtryggingu eru ógildanleg á
grundvelli laganna verði að koma
til heildarendurskoðunar og litið
svo á að ekki hefði verið samið um
tiltekna vexti eða verðtryggingu.
Ákvæði sem ekki fór hátt
Álfheiður var formaður efna-
hags- og skattanefndar þegar
frumvarpið var til meðferðar í
nefndinni. Var það sökum þess að
Helgi Hjörvar, formaður nefnd-
arinnar, steig til hliðar í málinu.
Álfheiður segir dóminn staðfest-
ingu á lögum en tekur þó fram að
enn eigi Hæstiréttur eftir að skera
úr um. „Þarna hefur Héraðsdómur
Suðurlands staðfest þá túlkun á
dómi Hæstaréttar frá því í júní á
síðasta ári og september á sama
ári, að gengisviðmiðunin hafi gert
skilmála lánsins hvað varðar verð-
tryggingu og vexti ólögmæta frá
fyrsta degi.“
Hvað varðar kröfur lögmanns
hjónanna um að endurútreikningur
gilti frá dómsuppsögu eða síðustu
útgefnu greiðslukvittun bendir Álf-
heiður á, að í lögunum frá desem-
ber sé gert ráð fyrir að ef fólk
komi verr út úr endurútreikn-
ingum geti það valið að nota áfram
upphaflegu kjörin. „Þannig að
menn verða að velja hvort þeir
vilja upphaflegu gengistrygg-
inguna sem þeir sömdu um og
vextina sem því fylgdu. Bráða-
birgðaákvæði í lögunum frá því í
desember í vetur tryggir fólki
það.“
Ákvæðið sem Álfheiður nefnir
hefur ekki farið hátt og hún telur
það væntanlega vegna þess að
krónan féll gríðarlega og þó svo
hún sé nokkuð stöðug um þessar
mundir sé hún langt frá því að
vera á sama róli og þegar fólk tók
lánin í erlendum gjaldmiðlum.
Valið enn til staðar
Hún segir þetta úrræði þó enn í
boði og það þó að um bráðabirgða-
ákvæði hafi verið að ræða sem sé
runnið út. „Fólk fær endurútreikn-
inga frá bankanum og getur í kjöl-
farið farið til umboðsmanns skuld-
ara eða til eigin endurskoðanda og
farið yfir hvort þeir séu réttir, og í
samræmi við lög og reglur. Svo
getur fólk valið hvort það vilji
halda sig við upphafleg kjör í er-
lendum myntum eða taka vexti
Seðlabankans frá fyrsta degi.“
Lagaákvæðið var bundið við 90
daga frá lagasetningunni en Álf-
heiður, sem er formaður viðskipta-
nefndar, segist ekki hafa fengið
upplýsingar um að það hafi verið
stoppað. „Við höfum kallað eftir
því að það verði ekki látið bitna á
fólki því þeir hafa tekið miklu
lengri tíma en þeim var gefinn.“
Túlkun Alþingis staðfest
Álfheiður
Ingadóttir
Þingmaður segir nýlegan dóm staðfesta þá túlkun að gengisviðmiðunin hafi
gert skilmála lána hvað varðar verðtryggingu og vexti ólögmæta frá fyrsta degi
Fjármálafyrirtækjunum voru
gefnir sextíu dagar frá gild-
istöku laganna um endur-
útreikning 18. desember sl. til
að senda skuldara útreikning á
nýjum höfuðstól og/eða endur-
greiðslu ofgreidds fjár sem af
uppgjörinu leiðir.
Þá segir: „Ef í lánssamningi
er kveðið á um ólögmæta verð-
tryggingu í formi gengistrygg-
ingar skal með samningi kröfu-
hafa og skuldara vera heimilt
að færa höfuðstól lánsins í er-
lendar myntir eins og um gilt
erlent lán hafi verið að ræða
frá stofntíma kröfunnar. Falla
þá niður heimildir til leiðrétt-
ingar greiðslna og höfuðstóls
samkvæmt öðrum ákvæðum
laganna. Heimild þessi gildir í
90 daga frá gildistöku laga
þessara og skal staðfest með
skriflegum og sannanlegum
hætti.“
Enn eru fjármálastofnanir þó
að endurreikna og því eiga
skuldarar enn að geta valið.
Máttu velja
skilmála
TIL BRÁÐABIRGÐA