Morgunblaðið - 30.06.2011, Síða 19
FRÉTTIR 19Erlent
MORGUNBLAÐIÐ FIMMTUDAGUR 30. JÚNÍ 2011
Taugaveiklunin er mikil í her-
búðum ESB. Finninn Olli Rehn,
sem fer með efnahagsmál í
framkvæmdastjórninni, þykir
vera mikið prúðmenni. En að
sögn Financial Times réðst
hann harkalega á gríska fjár-
málaráðherrann er hann vildi
ræða möguleika á að end-
ursemja um aðstoð ESB. Þýska
fjármálaráðuneytið sagðist
vera að velta fyrir sér nýrri
áætlun, „plan B“, ef Grikkir
segðu nei. „Við þá sem
velta fyrir sér öðum lausn-
um vil ég segja: Það er
ekkert plan B,“ sagði
Rehn á þriðjudag.
„Ekkert plan B“
ESB EF GRIKKIR SEGÐU NEI
Kristján Jónsson
kjon@mbl.is
Gríska þingið samþykkti umdeilda
aðgerðaáætlun ríkisstjórnar Georgs
Papandreous forsætisráðherra í gær
þrátt fyrir hávær mótmæli og alls-
herjarverkfall sem stóð í tvo sólar-
hringa og lamaði landið. Atkvæði
féllu 155 gegn 138, sósíalistar for-
sætisráðherrans stóðu vel saman,
aðeins einn þeirra sveik lit. Evran
hækkaði á mörkuðum og víða önd-
uðu menn léttar enda hafði verið
spáð miklum hörmungum fyrir
Grikki og evrusvæðið allt ef áætlunin
yrði ekki samþykkt.
Papandreou hyggst mæta kröf-
um hinna evruríkjanna með því að
skera ríkisútgjöld niður um minnst
28 milljarða evra 2011-2015. Einnig á
að útvega um 50 milljarða evra í rík-
iskassann með því að einkavæða
hafnir, flugvelli, hraðbrautir, land-
svæði, námuvinnslu, ríkissímafélagið
Hellenic Telecom og selja fasteignir.
Skattafrádráttur verður lækkaður
um þriðjung, skattasmugum lokað
og ýmsir skattar hækkaðir.
Talað um gálgafrest
Ólíklegt er samt talið að að-
haldsaðgerðirnar dugi til, margir
hagfræðingar segja að einvörðungu
séu um gálgafrest að ræða. Gríska
ríkið verður að vísu fært um að
greiða laun opinberra starfsmanna
og afborganir af lánum vegna þess
að það fær ný milljarðalán frá öðrum
evruríkjum og Alþjóðagjald-
eyrissjóðnum. En skulda-
baggi ríkisins er sem fyrr
himinhár og hækkar enn
með nýjum lán- tökum.
Og niðurskurð-
urinn mun rýra
kjör almenn-
ings og auka at-
vinnuleysið.
Þorri kjósenda
hefur í skoðanakönnunum lýst mik-
illi andstöðu við aðgerðirnar.
Hörðum mótmælum var haldið
áfram eftir atkvæðagreiðsluna,
reykur sást stíga til himins frá eldum
mótmælenda við anddyri fjármála-
ráðuneytisins í Aþenu síðdegis í gær.
Slökkvilið komst ekki að eldinum
vegna mótmælanna. Um þúsund
ungmenni, mörg grímuklædd, réð-
ust gegn óeirðalögreglumönnum en
var svarað með táragasi. Meiri harka
færðist stöðugt í aðgerðir mótmæl-
enda, að sögn AFP-fréttastofunnar.
Höfðu 72 verið fluttir á spítala, þar af
26 lögreglumenn.
Efnahagstillögur Papand-
reous samþykktar á þingi
Gengi evrunnar hækkaði og almennt önduðu menn léttar á mörkuðum
Hótelkeðjan Crowne Plaza hefur
nú kynnt herbergi sem eru sér-
staklega hönnuð fyrir gesti sem
hrjóta mikið og vilja gera maka
sínum lífið léttara á ferðalögum,
að sögn breska Independent.
Beitt er margvíslegri tækni til
að deyfa hávaðann. Veggir og
rúmstokkar eru úr efni sem
drekkur í sig hljóð. Einnig er í
herberginu sérstakur vélbúnaður
sem á að kæfa hávaðann í hrotu-
görpum og geta þá rúmnautar
þeirra sofnað.
Sérstök lögun rúmsins á að
tryggja að þeir sem hrjóta sofi í
stellingu sem minnkar hættuna á
hrotum. Segulsvið er í koddunum
og á það að opna betur öndunar-
veginn og gera efri hluta gómsins
stífari en hann titrar annars hjá
hrjótandi fólki. kjon@mbl.is
Hávaði Háværar og stöðugar hrotur geta
reynt mjög á þolinmæði makans.
Hrotur gesta
kæfðar með ýms-
um brögðum
Benedikt páfi
sextándi er nú
byrjaður að
„tísta“, hann
setti inn sína
fyrstu færslu á
Twitter í vikunni
og studdist þá
við iPad-
spjaldtölvu.
Markmið Páfa-
garðs er einkum að beita þessari
samskiptatækni til að breiða út
fagnaðarboðskapinn meðal ungs
fólks.
Páfi er 84 ára gamall, hann virt-
ist skemmta sér vel við að vafra um
veraldarvefinn.
„Kæru vinir, ég var að byrja hér
með news.va. Lofaður sé herra vor,
Jesús Kristur. Með bænum mínum
og blessunum, Benedikt sextándi.“
Á vefsetrinu eru upplýsingar um
margvíslega útgáfustarfsemi Páfa-
garðs, sem notar Facebook og You-
Tube en einnig Twitter-uppfærslur
og myndir. kjon@mbl.is
Benedikt páfi
notar Twitter og
skoðar vefinn
Benedikt páfi 16.
Breska blaðið Guardian hefur kom-
ist yfir plögg sem sýna að Loftslags-
nefnd Sameinuðu þjóðanna, IPCC,
hefur beðið vísindamenn að leggja
mat á ýmiss konar verkfræðilegar
aðgerðir á hnattræna vísu sem gætu
dregið úr hlýnun. Eitt af því sem
rætt hefur verið um er „manngerð“
eldgos sem myndu auka magn
brennisteinsagna í andrúmsloftinu.
Agnirnar endurvarpa sólargeislum
og lækka þannig hitastigið.
Einnig er rætt um að dreifa járn-
ögnum í hafið sem myndi auka þör-
ungavöxt, þeir soga í sig CO2 áður en
þeir sökkva dauðir niður á hafsbotn.
Stungið hefur líka verið upp á að
breyta uppleystu koldíoxíði í sjónum
í kalk sem myndi einnig sökkva; haf-
ið gæti þá tekið við meira af CO2.
Aðrar hugmyndir eru m.a. að erfða-
breyta ýmsum gróðri, gera hann
ljósari til að hann endurvarpi betur
sólarljósi, sömu-
leiðis mætti mála
götur og húsaþök
hvít og loks
mætti reyna að
„veiða“ CO2 úr
andrúmsloftinu
og koma efninu
fyrir á öruggum
stað.
Viðbrögð
margra umhverf-
issinna voru hörð, að sögn Aften-
posten. Bent var á að lítið væri vitað
hvaða aukaverkanir margar af þess-
um aðgerðum myndu hafa í för með
sér. Norski prófessorinn Helge
Drange sagði að eina aðgerðin sem
hann gæti stutt væri að veiða kol-
díoxíðið úr loftinu. En mikilvægara
væri að ráðast að rótum vandans og
draga úr losun koldíoxíðs.
kjon@mbl.is
Gervieldgos til að
minnka hlýnun?
Loftslagsnefnd spyr vísindamenn álits
Gos Náttúrulegt
eldgos á Íslandi.
Frakkar hafa afhent uppreisnar-
mönnum í fjallahéruðum Líbíu eld-
flaugar og önnur vopn til að berjast
gegn herjum Muammars Gaddafis
Líbíuleiðtoga, að sögn franska blaðs-
ins Le Figaro. Talsmaður franska
herráðsins sagði að í fyrstu hefði að-
eins verið um að ræða mat,
drykkjarvatn og lyf sem varpað var
úr lofti. „Við vörpuðum [síðar] til
þeirra vopnum og búnaði til sjálfs-
varnar, aðallega skotfærum,“ sagði
talsmaðurinn, Thierry Burkhard.
Rússar og Kínverjar hafa gagn-
rýnt Atlantshafsbandalagið fyrir að
mistúlka ályktun öryggisráðs Sam-
einuðu þjóðanna um aðstoð við
óbreytta borgara í Líbíu. Þykir ljóst
að sú gagnrýni verði nú enn hert.
kjon@mbl.is
Stoltir Uppreisnarmenn hafa hér klófest vopn og skotfæri stjórnarherliðs.
Styðja uppreisnina
í Líbíu með vopnum
Reuters
Meirihluti Þjóðverja, 60%, trúir því
að evran og myntbandalag Evrópu
muni lifa af, ef marka má niður-
stöður nýrrar könnunar sem Forsa
vann fyrir vikuritið Stern.
Margir eða 37% aðspurðra álíta að
einhver evruríki eigi eftir að taka
upp sinn fyrri gjaldmiðil. 23% segj-
ast vera reiðubúin til að greiða sér-
stakan skatt til þess að aðstoða
Grikki. Skiptar skoðanir eru hins
vegar um hvort Þýskaland eigi að
taka þátt í að aðstoða Grikki í annað
sinn, 49% eru fylgjandi stuðningi en
47% á móti.
Meirihluti aðspurðra segist
ánægður með ESB, 40% eru ánægð
með völd sambandsins en 33% segja
að ríki eigi að fá til baka eitthvað af
þeim völdum sem færst hafa til
stjórnar ESB. kjon@mbl.is
Eru sáttir
við ESB
Helmingur Þjóðverja
vill hjálpa Grikkjum í
efnahagsvandanum
Skannaðu kóðann
til að lesa meira
um Grikki.
Þátttakandi í mótmælum sem efnt hefur verið til
í tvo sólarhringa á Tahrir-torgi í Kaíró gefur
sigurmerkið í gær. Óeirðalögregla beitti tára-
gasi og öðrum búnaði gegn mörg hundruð
manns sem heimtuðu að bráðabirgðastjórnin léti
embættismenn sem bera ábyrgð á dauða um 850
manna í mótmælunum gegn Hosni Mubarak
svara til saka. Um 1.000 manns munu hafa særst
í aðgerðunum.
Mótmæli á Tahrir-torgi barin niður
Reuters