Morgunblaðið - 11.07.2011, Blaðsíða 3

ÍÞRÓTTIR 3
MORGUNBLAÐIÐ MÁNUDAGUR 11. JÚLÍ 2011
Kristján ÞórEinarsson,
kylfingur úr Kili
í Mosfellsbæ, lék
vel á alþjóðlegu
áhugamannamóti
í Lúxemborg
sem lauk um
helgina. Kristján
lék 54 holur á
samtals tveimur undir pari og
hafnaði í 6. sæti. Hringina þrjá lék
Kristján á 73, 67 og 71 höggi. Har-
aldur Franklín Magnús úr GR tók
einnig þátt í mótinu og varð í 27.
sæti á sjö yfir pari. Haraldur lék á
72, 70 og 78 höggum og því var það
einungis lokahringurinn sem var
slæmur hjá honum. Þeir Kristján
og Haraldur tjáðu sig báðir op-
inberlega á dögunum um vonbrigði
sín yfir því að vera ekki valdir í ís-
lenska landsliðið sem keppti á EM
áhugamanna en þeir fundu sér
greinilega annað verkefni erlendis
í staðinn.
  
Sigmundur Einar Másson, Ís-landsmeistari í höggleik árið
2006, fór holu í höggi á dögunum
og var það í fyrsta skipti á ferl-
inum sem Sigmundur nær drauma-
högginu. Frá þessu er greint á vef-
síðunni kylfingur.is og þar segist
Sigmundur þrettán sinnum hafa
orðið vitni að því þegar kylfingur
fer holu í höggi en sjálfur hafi
hann beðið lengi eftir slíku afreki.
Höggið sló Sigmundur á 9. holu á
heimavelli sínum í Leirdalnum hjá
GKG en hún er 163 metrar af hvít-
um meistaraflokksteigum.
  
Fannar Gauti Dagbjartssonvarð á laugardag í 3. sæti í
samanlögðum árangri á Evr-
ópumóti öðlinga í kraftlyftingum
sem fram fór í Plzen í Tékklandi.
Hann setti Íslandsmet og nældi
sér samtals í þrenn verðlaun.
Fannar Gauti keppti í 120 kg
flokki í flokki 40-49 ára. Hann lyfti
247,5 kg í bekkpressu og fékk þar
silfur, og 295 kg í réttstöðulyftu og
fékk þar brons. Hann tók svo 302,5
kg í hnébeygju sem dugði til 4.
sætis þar.
  
Íslensku feðg-arnir Raj Bo-
nifacius og Rafn
Kumar Bonifa-
cius áttu góðu
gengi að fagna á
móti á vegum
bandaríska tenn-
issambandsins
sem lauk á laug-
ardaginn í San Diego í Kaliforníu.
Þeir kepptu í tvíliðaleik feðga og
unnu alla leiki örugglega þar til í
úrslitum. Unnu þeir fyrsta settið,
6:1, en töpuðu þeim seinni 3:6 og
4:6, og urðu því í öðru sæti. Raj
var sigurvegari mótsins í flokki öð-
linga 40 ára og eldri, og lagði Ástr-
alann Paul Tracey örugglega í úr-
slitum, 6:4, 6:4. Rafn er nú á leið til
Klosters í Sviss þar sem hann
keppir á Evrópumóti unglinga 18
ára og yngri en mótið fer fram 18.-
24. júlí.
Fólk sport@mbl.is
GOLF
Kristján Jónsson
kris@mbl.is
Landsliðin í golfi luku keppni á Evr-
ópumóti áhugamanna um helgina.
Um sveitakeppni er að ræða og
höfnuðu bæði liðin í 16. sæti. Nið-
urstaðan hefur fremur ólíka þýð-
ingu fyrir liðin. Karlarnir hefðu
þurft að vera á meðal þrettán efstu
þjóðanna til að halda sæti sínu í að-
alkeppninni en konurnar eru hins
vegar í framför og bættu sig frá síð-
ustu keppni.
Fyrirkomulag mótsins er með
þeim hætti að allir sex kylfingar lið-
anna spila höggleik tvo fyrstu dag-
ana eða 36 holur þar sem fimm
bestu skorin telja. Þá er þjóðunum
raðað í þrjá riðla þar sem átta efstu
fara í A-riðil, næstu þjóðir í B-riðil
og þær veikustu í C-riðil. Í riðla-
keppninni er leikin holukeppni þar
sem allir sex kylfingarnir spila.
Fjórir þeirra leika tvímenningsleiki
og tveir þeirra í fjórmenningi.
Kvennalandsliðið virðist vera að
sækja í sig veðrið á alþjóðavettvangi
ef tekið er mið af þessu móti og
skorinu í höggleiknum en kvennalið-
ið lék í Austurríki. Liðsstjóri liðsins
var Steinunn Eggertsdóttir en hún
valdi einnig liðið ásamt Ragnari
Ólafssyni landsliðsþjálfara. Ekki
náðist í Steinunni í gær þar sem lið-
ið var á leiðinni heim. Ragnar sagð-
ist vera mjög ánægður með árangur
kvennaliðsins þegar Morgunblaðið
ræddi við hann en hann var að öðru
leyti ekki í aðstöðu til að meta
frammistöðuna þar sem hann fylgdi
karlaliðinu eftir.
Breiddin í kvennagolfinu hefur
aukist mjög á umliðnum árum og
samkeppnin um sætin í landsliðinu
er meiri en áður. Auk þess eru
sterkustu kvenkylfingarnir á Eim-
skipsmótaröðinni ungir að árum og
því ætti landsliðið að geta bætt sig
enn frekar á næstu árum. Sú staða
gæti þó breyst ef einhverjar þeirra
gerast atvinnumenn.
Voru nálægt sæti í A-riðli
Áður fyrr var barist í C-riðlinum
um að halda sæti sínu í aðalkeppn-
inni hjá körlunum og markmið ís-
lenska liðsins hefur því oft á tíðum
verið að komast í B-riðil. Nú brá
hins vegar svo við að fyrirkomulagi
keppninnar var breytt og því þarf
Ísland að fara í undankeppni í Eist-
landi á næsta ári. Þar verða þrjú
sæti í boði í aðalkeppninni en golf-
stórveldið England þarf einnig að
fara í undankeppnina. „Okkar vænt-
ingar voru að komast í B-riðil og við
náðum því en við vorum reyndar ná-
lægt því að komast í A-riðil. Okkur
vantaði bara nokkur högg upp á og
það rann okkur úr greipum á síð-
ustu holunum. Við fengum Norð-
menn í fyrsta leik í B-riðlinum og
það var klárlega leikur sem við átt-
um að vinna. Úr varð hins vegar
okkar lélegasti leikur í mótinu þó
Norðmennirnir hafi spilað mjög
jafnt og öruggt golf. Miklu minna
vantaði upp á að okkur tækist að
vinna Ítali og Englendinga. Und-
irbúningur þessara liða var hins
vegar talsvert meiri en okkar og það
kom aðallega niður á okkar mönnum
í vippum og púttum,“ sagði Ragnar
Ólafsson liðsstjóri þegar Morg-
unblaðið náði tali af honum í gær.
Ísland hafnaði í 12. sæti í karla-
keppninni í Wales fyrir tveimur ár-
um og árangurinn að þessu sinni er
því lakari á heildina litið, en leikið
var í Portúgal. Eins og Ragnar benti
á var íslenska liðið hins vegar ná-
lægt því að komast í A-riðilinn en
þangað hefur Ísland sjaldan komist.
Besti árangur liðsins var árið 2001
en þá lék íslenska liðið um brons-
verðlaun í mótinu. „Við enduðum í
10. sæti í höggleiknum af 20 þjóðum.
Það er vel innan þeirra marka sem
við ætluðum okkur. Við höfum oft á
tíðum verið sterkari í holukeppninni
en í höggleiknum en það snerist við
núna. Höggleikurinn var mjög góð-
ur en nú vantaði smá neista í holu-
keppninni. Kannski sagði reynslu-
leysið til sín þar því við misstum
Sigmund Einar Másson og Hlyn
Geir Hjartarson í atvinnumennsku.
Við vorum með þrjá kylfinga sem
ekki hafa tekið þátt á EM áður en
eiga framtíð fyrir sér og lofa góðu.
Vegna breytinga á mótinu þá hefð-
um við þurft að vinna annan hvorn
tveggja fyrstu leikjanna í holu-
keppninni. Við mættum Englend-
ingum í leik um 15. sætið en þeir
hafa verið 17 vikur stanslaust í golfi
og setja milljónir í hvern leikmann.
Maður getur rétt ímyndað sér
hversu svekktir þeir eru,“ sagði
Ragnar ennfremur.
Konurnar í framför
 Landsliðin í golfi höfnuðu bæði í 16. sæti á EM áhugamanna  Bæði liðin
skipuð nokkrum mjög ungum kylfingum  Karlarnir fara í undankeppni
Morgunblaðið/Ómar
Íslandsmeistarinn Tinna Jóhannsdóttir úr Keili í Hafnarfirði lék best ís-
lensku kvennanna í höggleiknum á EM áhugamanna í Austurríki.
Landsliðin
» Kvennalandsliðið skipuðu
þær Guðrún Brá Björgvins-
dóttir, Ólafía Þórunn Krist-
insdóttir, Signý Arnórsdóttir,
Sunna Víðisdóttir, Tinna Jó-
hannsdóttir og Valdís Þóra
Jónsdóttir.
» Karlalandsliðið skipuðu þeir
Alfreð Brynjar Kristinsson,
Arnar Snær Hákonarson, Axel
Bóasson, Guðmundur Ágúst
Kristjánsson, Guðjón Henning
Hilmarsson og Ólafur Björn
Loftsson.
Morgunblaðið/Ómar
Heitur Ólafur Björn Loftsson er heitur þessa dagana og lék best Íslendinga
í höggleiknum í Portúgal ásamt Guðmundi Ágústi Kristjánssyni.
Englendingurinn Luke Donald ætti að
mæta fullur sjálfstrausts til leiks á Opna
breska meistaramótinu sem hefst á fimmtu-
daginn eftir að hafa sigrað með afar sann-
færandi hætti á „upphitunarmótinu“ Opna
skoska meistaramótinu í gær.
Donald lék samtals á 19 höggum undir
pari og kláraði leikinn með stæl, en hann
lék lokahringinn á 63 höggum eða níu und-
ir pari. Donald sigraði með fjögurra högga
mun og er í feiknaformi eins og hann hefur
reyndar verið allt þetta ár. Mikið gekk á
um helgina vegna veðurs og því voru leikn-
ar 54 holur í mótinu en ekki 72 sem gerir
skor Donalds enn áhugaverðara. Breskir
fjölmiðlar fjölluðu vita-
skuld ítarlega um árang-
ur Donalds, enda hafa
Englendingar ekki unnið
opna breska mótið í ára-
raðir.
Gamla brýnið Colin
Montgomerie var einnig
talsvert til umfjöllunar.
Hann lék vel í mótinu og
freistaði þess að ná einu
af efstu sætunum. Það
gekk ekki og hann er því ekki á keppenda-
listanum á opna breska í fyrsta skipti í 21
ár. kris@mbl.is
Luke Donald í feiknaformi
Luke
Donald
Fernando Alonso segist munu gera allt til þess
að vinna fleiri mótssigra í formúlu eitt-kapp-
akstrinum en þeim breska í gær. Hann komst í
gær úr fimmta sæti í það þriðja í keppninni um
heimsmeistaratitil ökuþóra. Eftir að Alonso
náði forystunni um miðbik kappakstursins í
Silverstone jók hann forskot sitt jafnt og þétt
og vann öruggan sigur, varð rúmum 16 sek-
úndum á undan Sebastian Vettel hjá Red Bull.
„Héðan í frá verður alltaf það sama uppi á
teningnum. Ég mun ganga til leiks eins og um
lokaúrslit sé að ræða. Möguleikar mínir í titils-
lagnum eru ekki miklir meðan Sebastian klárar
öll mót annaðhvort í fyrsta eða öðru sæti. Hið
eina sem dugar er að reyna að vinna hvern ein-
asta kappakstur. Sækja allt-
af stíft í hverju móti, hverri
ræsingu og beita herfræði til
hins ýtrasta,“ sagði Alonso
eftir sigurinn í Silverstone.
Hann er með 112 stig í
keppni ökumanna en Vettel
er með 204 stig. Milli þeirra
er Mark Webber með 124
stig og í fjórða til fimmta
sæti eru Jenson Button og
Lewis Hamilton hjá McLa-
ren með 109 stig hvor.
 Allt um kappaksturinn í gær á mbl.is/
sport/formula. agas@mbl.is
Alonso ætlar að sækja til sigurs
Fernando
Alonso