Morgunblaðið - 11.07.2011, Blaðsíða 7
ÍÞRÓTTIR 7
MORGUNBLAÐIÐ MÁNUDAGUR 11. JÚLÍ 2011
KORTIÐ GILDIR TIL
30.09.2011
– MEIRA FYRIR ÁSKRIFENDUR
MOGGAKLÚBBURINN
Allir fastir áskrifendur Morgunblaðsins eru sjálfkrafa félagar
í Moggaklúbbnum og njóta ýmissa fríðinda og tilboða.
Hægt er að fylgjast með hvað er í boði hverju sinni á
mbl.is/moggaklubburinn
Fyrstu 50 áskrifendur fá 2 miða á leikVals og Stjörnunnar
Mættu á völlinn og framvísaðu Moggaklúbbskortinu við innganginn til að fá miða
BÝÐUR ÁSKRIFENDUM ÁVÖLLINN
VALUR - STJARNAN
11. júlí kl. 20:00 áVodafonevelli
FÁÐU ÞÉR ÁSKRIFT Á MBL.IS/ASKRIFT
EÐA Í SÍMA 569 1122
Á KR-VELLI
Sindri Sverrisson
sindris@mbl.is
Slóvenski fótboltasnillingurinn Ma-
teja Zver réði úrslitum á KR-velli í
gær þegar Þór/KA vann þar 2:1 sigur
á heimamönnum í fyrsta leik 9. um-
ferðar Pepsi-deildar kvenna í knatt-
spyrnu. Zver var reyndar nokkuð
heppin að Íris Dögg Gunnarsdóttir,
markvörður KR-inga, skyldi ekki
verja boltann í fyrra markinu en í því
seinna vippaði hún skemmtilega yfir
Írisi eftir skallasendingu frá Rakel
Hönnudóttur.
Zver hefur leikið með Þór/KA frá
árinu 2008 og hún stimplaði sig strax
inn sem mikill markaskorari. Hún er
bæði fljót og með mikla tæknigetu, og
hafði fyrir þessa leiktíð skora 46
mörk í 45 deildarleikjum fyrir norð-
ankonur. Í vetur bárust sögur af því
að hún kynni að vera á förum frá fé-
laginu til ÍBV en sem betur fer fyrir
Akureyringa ákvað hún að leika með
Þór/KA áfram.
Norðankonur voru mun betri í
fyrri hálfleik leiksins við KR í gær og
komust í 1:0 en í þeim seinni var mun
meira jafnræði með liðunum. Þetta er
annar leikurinn í röð sem ég sé KR-
liðið spila og annan leikinn í röð er
eins og að tvö mismunandi lið spili
hálfleikina tvo. Ljóst er að KR þarf
að fara að spila heilar 90 mínútur af
fullum krafti ef ekki á illa að fara því
liðið er aðeins þremur stigum frá fall-
sæti og eiga liðin fyrir neðan KR nú
leik til góða. Þór/KA hefur hins vegar
unnið fjóra leiki í röð og er á góðri
siglingu upp stigatöfluna. Liðið
komst upp fyrir ÍBV í 3. sætið en
þessi lið mætast einmitt á sunnudag-
inn næstkomandi. Þór/KA átti erfitt
uppdráttar í upphafi leiktíðarinnar en
hefur nú náð sér vel á strik og er að-
eins fjórum stigum frá toppsætinu.
Leiðindaatvik átti sér stað undir
lok leiksins í gær þegar Manya Ma-
koski braut fólskulega af sér. Ma-
koski var búin að vera í baráttu við
Berglindi Bjarnadóttur en missti
stjórn á sér og tók nokkurs konar
karatespark í rifbein Berglindar sem
varð að fara meidd af leikvelli. Ma-
koski fékk vitaskuld rauða spjaldið
fyrir þetta og verður því ekki með í
leiknum mikilvæga gegn ÍBV.
Eins gott að
Mateja Zver
fór hvergi
Morgunblaðið/Golli
Skallaeinvígi Bojana Besic, miðvörðurinn stæðilegi hjá Þór/KA, og Sonja Björk Jóhannsdóttir, framherji hjá KR,
eigast hér við í skallabaráttu á KR-vellinum. Arna Sif Ásgrímsdóttir fylgist spennt með framvindu mála.
Skoraði mörk Þórs/KA í sigri á KR
Makoski sá rautt fyrir afar ljótt brot
Kristján Jónsson
kris@mbl.is
Þorlákur Árnason, þjálfari U-17 ára
landsliðs kvenna í knattspyrnu, var
ánægður með árangur liðsins á Opna
Norðurlandamótinu sem lauk um
helgina. Ísland hafnaði í 5. sæti eftir
að hafa lent í firnasterkum riðli með
Þýskalandi, Frakklandi og Noregi.
„Við stóðum okkur gríðarlega vel og
þetta var frábært mót fyrir okkur.
Við töpuðum bara einum leik og
spilamennskan var góð. Öll liðin úr
okkar riðli unnu sína úrslitaleiki en
það var mjög gott fyrir okkur að
spila við bestu þjóðir heims,“ sagði
Þorlákur við Morgunblaðið skömmu
eftir að hann lenti í Keflavík í gær.
Mjög spennandi verkefni bíður
liðsins í lok mánaðarins, en Ísland er
komið í 4-liða úrslit á EM og mun
mæta Spáni í undanúrslitum í Sviss.
Þá geta leikmenn sem hófu þá
keppni einnig verið með en voru
orðnir of gamlir fyrir Norður-
landamótið.
Álíka sterkt og eldra liðið
„Ég myndi segja að þetta lið sé
svipað sterkt og liðið sem er komið í
undanúrslitin á EM. Það er erfitt að
meta það en við höfum alla vega
bara tapað einum landsleik af síð-
ustu tólf. Sá leikur var á móti Frökk-
um og þær unnu mótið. Við sýndum
styrk okkar með því að vinna Svía
5:3 í leiknum um 5. sætið eftir að
lenda 0:3 undir. Við höfum nú unnið
Svía þrisvar í röð og það er ein
sterkasta þjóðin í heiminum. Fólk er
eiginlega orðið ofalið á árangri þessa
landsliðs,“ sagði Þorlákur enn-
fremur.
Elín Metta Jensen skoraði 4 mörk
í umræddum leik við Svía, eftir að
staðan var 3:0, Svíum í hag, þegar
hálftími var liðinn af leiknum.
Fengu pláss þegar þær eldri
fóru í atvinnumennsku
Staða A-landsliðs kvenna er afar
góð um þessar mundir – en er kyn-
slóðin sem Þorlákur er með í hönd-
unum efnilegri en þær sem á undan
hafa gengið?
„Margar af þessum stelpum eru
þegar byrjaðar að spila í Pepsí-
deildinni. Margir leikmenn hafa far-
ið í atvinnumennsku og þá myndast
pláss fyrir þessa yngri leikmenn í
meistaraflokki. Þegar þær mæta í
landsleiki með stúlknalandsliðinu þá
eru þær tilbúnar, enda er hraðinn
þar svipaður og í meistaraflokki.
KSÍ og félögin í landinu eru að gera
vel þegar kemur að kvennaknatt-
spyrnu og þessi árangur er engin til-
viljun,“ sagði Þorlákur.
„Árangurinn er
engin tilviljun“
U17 stúlkurnar í 5. sæti á firnasterku
Norðurlandamóti Eitt tap í tólf leikj-
um Undanúrslit EM framundan
Morgunblaðið/Kristinn
Þjálfarinn Þorlákur Árnason hefur
náð góðum árangri með U17.