Morgunblaðið - 11.07.2011, Blaðsíða 8
8 ÍÞRÓTTIR
MORGUNBLAÐIÐ MÁNUDAGUR 11. JÚLÍ 2011
Knattspyrnukappinn Steinþór Freyr Þor-
steinsson, fyrrum leikmaður Stjörnunnar, hef-
ur slegið í gegn með liði Sandnes Ulf í norsku
1. deildinni í sumar en hann kom til félagsins
frá Örgryte eftir að sænska félagið var úr-
skurðað gjaldþrota í vetur.
Nú vilja forráðamenn norska félagsins gera
lengri og betri samning við Steinþór Frey en
hann samdi við félagið til eins árs síðastliðið
vor.
„Við erum í góðum viðræðum við umboðs-
mann Steinþórs og mögulega styrktaraðila
sem geta komið að þessu,“ sagði Tom Rune
Espedal, framkvæmdastjóri Sandnes Ulf, í
samtali við Sandnesposten. Sá styrktaraðili
sem Espedal nefnir er fjár-
festingafyrirtækið Stang
Inn sem hyggst leggja sitt
af mörkum til þess að Stein-
þór Freyr haldi áfram að
spila í Sandnes.
„Steinþór Freyr er lista-
maður sem Sandnes Ulf
verður að halda. Það ætti að
vera forgangsatriði að
semja við hann í sumar-
hléinu og því ætlum við að
ná með félaginu,“ sagði Tore Christiansen
stjórnarformaður Stang Inn. Sjálfur segist
Steinþór ánægður í Sandnes. sindris@mbl.is
Fjárfestar vilja ólmir halda Steinþóri
Steinþór Freyr
Þorsteinsson
Frjálsíþróttakonan bráðefnilega Arna Stef-
anía Guðmundsdóttir úr ÍR stóð sig að mestu
frábærlega á HM 17 ára og yngri í Lille um
helgina. Hún náði hins vegar ekki einu al-
mennilegu stökki í langstökki sem varð henni
að falli og endaði því í 22. sæti af 34 kepp-
endum.
Arna Stefanía bætti sig í 100 metra grinda-
hlaupi, kúluvarpi og 200 metra hlaupi á
föstudaginn eins og áður var greint frá, og
bætti svo um betur með því að bæta sig í
spjótkasti og 800 metra hlaupi á laugardag-
inn. Hún kastaði spjótinu 40,84 metra og varð
í 6. sæti í þeirri grein, og hljóp 800 metrana á
2:14,88 mínútum sem var annar besti tíminn
þar og talsvert betri tími
en hjá flestum öðrum. Hins
vegar náði Arna Stefanía
aðeins einu gildu stökki í
langstökki, og líklega hef-
ur hún bara hlaupið ofan í
sandgryfjuna því það
mældist 2,90 metrar. Arna
Stefanía stökk 5,73 metra í
síðasta mánuði og hefði
hún gert það aftur hefði
hún endað í 6. sæti mótsins
sem hefði verið stórkostlegur árangur enda
er Arna Stefanía enn aðeins 15 ára.
sindris@mbl.is
Arna Stefanía bætti sig í fimm af sjö
Arna Stefanía
Guðmundsdóttir
HM KVENNA
Víðir Sigurðsson
vs@mbl.is
Úrslitakeppni heimsmeistaramóts
kvenna í fótbolta tók heldur betur
óvænta stefnu um helgina. Tvöfald-
ir heimsmeistarar Þýskalands féllu
á heimavelli og Bandaríkin, Sví-
þjóð, Japan og Frakkland bítast
um heimsmeistaratitilinn 2011.
Engu munaði að hitt heimsveldið
í kvennafótboltanum, Bandaríkin,
félli líka úr keppni, en mark frá
Abby Wambach í uppbótartíma
framlengingar tryggði tíu banda-
rískum konum vítaspyrnukeppni
gegn Brasilíu í Dresden.
Fyrsta tapið á öldinni
dýrkeypt
Þýskaland, sem síðast tapaði leik
í heimsmeistarakeppni í lok síðustu
aldar, kemst ekki í knattspyrnu-
keppni Ólympíuleikanna í London á
næsta ári. Það er viðbótarrefsingin
sem þetta sterkasta lið heims und-
anfarin ár hlýtur fyrir að tapa
óvænt fyrir Japan, 0:1, á eigin
heimavelli í Wolfsburg á laug-
ardagskvöldið.
Þetta er líka kveðjustund hjá
sumum í gullkynslóðinni í þýska
kvennafótboltanum. Birgit Prinz,
besta knattspyrnukona heims um
árabil, hverfur nú af sviðinu eftir
að hafa skorað 128 mörk í 214
landsleikjum fyrir Þýskaland. Ar-
iane Hingst kveður líka eftir 174
landsleiki en ekki er vitað hvort
Inka Grings og Kerstin Garefre-
kes, sem eru 32 og 31 árs, halda
áfram með landsliðinu næstu árin.
Tapið var ekki eina áfallið fyrir
þýska liðið, því ein efnilegasta
knattspyrnukona Þýskalands, Kim
Kulig, meiddist eftir nokkrar mín-
útur. Í ljós kom að hún sleit kross-
band í hné og spilar því ekki meira
á þessu ári.
Japan er í hópi þeirra bestu
Ekki má hinsvegar gleyma því
að Japan hefur skipað sér í hóp
bestu landsliða heims á síðustu ár-
um og siglt framúr Kína og Norð-
ur-Kóreu sem besta landslið Asíu.
Japanir eru í 4. sæti heimslista
FIFA og fengu bronsverðlaunin í
Algarve-bikarnum síðasta vetur,
með því að sigra Svía, 2:1, og urðu
því aðeins á eftir Bandaríkjunum
og Íslandi í þeirri sterku keppni.
Japan vann einnig Noreg 1:0 og
Finnland 5:0 á Algarve. Japanska
liðið á atvinnumenn í sterkum lið-
um eins og Boston Breakers, Duis-
burg, Potsdam og Montpellier.
Varamaðurinn Karina Maruyama
skoraði þetta sögulega sigurmark
Japana á 18. mínútu framleng-
ingar.
Svíar á ÓL í London
Svíar eru hinsvegar afar ánægðir
með sitt lið sem vann Ástralíu, 3:1,
og tryggði sér bæði farmiðann í
undanúrslitin og á Ólympíuleikana
í London. Hin 34 ára gamla The-
rese Sjögran skoraði fyrsta markið,
í sínum 175. landsleik, og Lisa Da-
hlqvist skoraði sitt þriðja mark í
keppninni áður en Lotta Schelin
innsigaði sigurinn.
Japan og Svíþjóð eigast við í síð-
ari undanúrslitaleik mótsins á mið-
vikudaginn.
Frakkar sluppu fyrir horn
Frakkland sýndi styrk sinn gegn
Englandi á laugardaginn en þurfti
þó vítaspyrnukeppni til að komast í
undanúrslitin í fyrsta sinn. Leik-
urinn endaði 1:1, sem var nánast
með ólíkindum miðað við yfirburði
franska liðsins megnið af leiknum
en það átti 33 skot að mark Eng-
lands.
Það voru þó Englendingar sem
klúðruðu málunum sjálfir í víta-
keppninni. Eftir að hafa náð for-
ystu í fyrstu umferð klikkuðu tvær
síðustu skyttur enska liðsins, skutu
framhjá og í slá, og þar með fögn-
uðu Frakkar sigri.
Styrkleika franska liðsins þekkj-
um við Íslendingar vel eftir baráttu
okkar liðs við það á undanförnum
árum. Það kemur ekkert á óvart að
Frakkar skuli vera komnir þetta
langt á HM en þeir höfðu fyrir
þetta mót aldrei komist í átta liða
úrslit.
Seigla í bandaríska liðinu
Brasilía virtist búin að slá banda-
ríska liðið úr keppni, eftir að hafa
komist í 2:1 í framlengingu, manni
fleiri. Vendipunktur í leiknum var á
68. mínútu þegar Rachel Buehler,
varnarmaður Bandaríkjanna, fékk
rauða spjaldið fyrir að brjóta á
Mörtu í dauðafæri. Marta jafnaði
þá, 1:1, úr vítaspyrnu. Hope Solo
varði reyndar frá Cristinae en
Brasilía fékk að endurtaka spyrn-
una og þá skoraði Marta. Hún kom
Brasilíu síðan í 2:1 í framlenging-
unni. Tíu bandarískar konur gáfust
ekki upp og Abby Wambach jafnaði
metin þegar allt virtist tapað, 2:2.
Daiane, varnarmaður Brasilíu,
skoraði sjálfsmark eftir 80 sek-
úndur í leiknum og hún var synda-
selurinn öðru sinni þegar henni
brást bogalistin í vítaspyrnukeppn-
inni. Hope Solo varði frá henni –
Bandaríkin skoruðu úr sínum
spyrnum og fögnuðu sætum sigri.
Stórveldi féll af stalli og
annað slapp fyrir horn
Japan sendi gestgjafa Þýskalands í snemmbúið sumarfrí Bandaríkin
hársbreidd frá sömu örlögum Wambach bjargvættur gegn Brasilíu í blálokin
Reuters
Gleði Bandarísku leikmennirnir Christie Rampone og Tobin Heath fagna sigri í vítaspyrnukeppninni í Dresden í
gær á meðan vonsviknar brasilískar konur eru í bakgrunni. Brasilía var hársbreidd frá því að fara í undanúrslit.
HM kvenna
» Frakkland leikur við Banda-
ríkin í undanúrslitum í Mönc-
hengladbach á miðvikudag kl.
16 og Svíþjóð mætir Japan í
Frankfurt kl. 18.45.
» Sigurliðin leika til úrslita í
Frankfurt á sunnudaginn en
tapliðin um bronsið í Sinsheim
á laugardaginn.
» Bandaríkin urðu heims-
meistarar 1991 og 1999 en
fengu brons 2003 og 2007.
» Svíþjóð fékk silfur á HM
2003 og brons 1991.
» Frakkland og Japan hafa
aldrei áður komist í undan-
úrslit á HM.
» Bandaríkin eru efst á styrk-
leikalista FIFA, Japan í 4. sæti,
Svíþjóð í 5. og Frakkland í 7.
sæti.
Ásbjörn Frið-riksson,
leikstjórnandi Ís-
landsmeistara
FH í handknatt-
leik, hefur gert
tveggja ára
samning við
sænska úrvals-
deildarliðið Al-
ingsås, með möguleika á þriðja
árinu. „Með Ásbirni eykst enn sam-
keppnin í liðinu, en við höfum fyrst
og fremst fengið mjög flinkan leik-
mann sem leikur samherja sína vel
uppi,“ segir þjálfarinn Robert Wed-
berg á heimasíðu félagsins. Alings-
ås er eitt af sterkustu liðum Sví-
þjóðar og komst í fjögurra liða
úrslitin um sænska meistaratitilinn
í vetur en tapaði þar 1:3 í einvígi við
Guif.
Hornfirskiknatt-
spyrnumaðurinn
Ármann Smári
Björnsson hefur
verið síðustu
daga til reynslu
hjá sænska úr-
valsdeildarfélag-
inu Halmstad. Þar hitti hann fyrir
landa sinn Jónas Guðna Sævarsson
sem leikur með liðinu. Ármann
Smári lék síðast með Hartlepool í
ensku C-deildinni en losnaði undan
samningi þar í vor.
Badmintonkonan Ragna Ingólfs-dóttir beið lægri hlut fyrir
Mariu Kristinu Yulianti frá Indóne-
síu í jafnri viðureign, 17:21 og 16:21,
í átta manna úrslitum alþjóðlega
badmintonmótsins í Rússlandi á
laugardaginn. Yulianti fékk brons-
verðlaun á Ólympíuleikunum í Pek-
ing fyrir þremur árum.
Breska blaðiðMirror
greindi frá því í
gær að West
Ham hygðist nú
klófesta Eið
Smára Guðjohn-
sen en Eiður
losnaði sem
kunnugt er undan samningi frá
Stoke í vor. West Ham féll úr úr-
valsdeildinni í vor en hefur fengið
Sam Allardyce, fyrrum stjóra Eiðs
hjá Bolton, í brúna og hann hyggst
endurnýja kynnin við Eið. Segir í
frétt Mirror að Eiður hafi verið við
það að skrifa undir samning við
velska félagið Swansea þegar West
Ham hafði samband við hann.
Fjögur lið hafa tryggt sér sæti í 8liða úrslitum Copa America,
Ameríkubikarsins í knattspyrnu.
Kólumbía sigraði Bólivíu 2:0 og
vann þar með A-riðil, og þar með
varð ljóst að Venesúela, Síle og
Perú væru einnig komin áfram en
þessi lið eru með 4 stig í sínum riðl-
um. Þrjú lið fara nú nefnilega áfram
úr B- og C-riðli en sigurvegarinn úr
viðureign Kosta Ríka og Argentínu
í nótt fylgir Kólumbíu úr A-riðli.
Fólk sport@mbl.is