Austurland - 11.02.1956, Qupperneq 4
4
AUSTURLAND
Neskaupstað, 11. febrúar 1956.
Nýir kjarasamningar
togarasj ómanna
Nýlega hafa tekizt samningar
um kjör togarasjómanna og þó
ekki séu öll félög þeirra beinir
aðilar að . þessum samningum,
munu þeir þó gilda um land allt.
Talsverðar kjarabætur felast í
hinum nýju samningum, en ekki
er hægt að segja með vissu hve
miklu kauphækkunin nemur, því
það er undir ýmsum atvikum kom-
ið. Þó má gera ráð fyrir, að hin
nýju ákvæði þýði 10—12% kjara-
bætur.
Áíengi fyrir 90
milljónir króna
Árið 1955 seldi Áfengisverzlun
ríkisins áfengi fyrir nær 90 millj.
kr„ eða kr. 89.268.000.00 svo ná-
kvæm tala sé tilgreind. Er það
rúmlega 5 millj. kr. hærri upp-
hæð en selt var fyrir 1954. Þess
1 er þó að gæta, að verð á áfengi
var hærra 1955 en árið áður og
var hið selda áfengismagn til
muna minna í fyrra.
Áfengissalan umreiknuð í
100% spírituslítra á íbúa komst
hæst 1946 og var 2 lítrar. Síðasta
áratug var áfengissalan minnst
1951, 1.345 lítrar á íbúa, 1952 og
1953 var hún 1.469 á íbúa hvort
árið, 1954 1.574 lítrar og 1955
1.466 lítrar og er það minnsta á-
fengissala á íbúa siðasta áratug
að árinu 1951 slepptu.
Áfengissalan skiptist á útsöl-
urnar sem hér segir, talið í þús-
undum króna:
1954 1955
Reykjavík 76.891 81.571
Seyðisfjörður 1.899 2.099
Siglufjörður 5.022 5.598
Akureyri 384
84.197 89.268
Útsölunni á Akureyri var lokað
9. jan. 1954.
Landsmenn hafa keypt áfengi
fyrir 90 millj. kr. i fyrra, þ. e. a. s.
löglegt áfengi. Ólöglegt áfengi er
ekki tíundað og mun erfitt að geta
sér þess til hversu mikið það hef-
ur kostað.
90 milij. er álitleg upphæð og
það gæti verið góð dægradvöl
fyrir reikningsglögga menn að
finna það út hvað margra tonna
skipastól við hefðum getað keypt
fyrir þá upphæð, hvað nJörg og
afkastamikil fiskiðjuver við hefð-
um getað byggt, hvað margar
íbúðir eða hvaða önnur gæði við
hefðum getað veitt okkur fyrir
„drykkjupeninginn" okkar.
Mánaðarkaup hækkar
Mánaðarkaup hækkar sem hér
segir (grunnkaup):
Hásetar úr 1300 í 1520 kr.
Netamenn úr 1480 í 1700 kr.
Bátsmaður og 1. matsveinn úr
1805 í 2075 kr.
Löndunarkostnaður lækkar
Þegar selt er erlendis upp úr
skipi, greiðir skipshöfn löndunar-
kostnað að nokkru leyti. Hefur
hluttaka þeirra með hinum nýju
samningum lækkað úr 18% í
17%.
Fiskverð hækkar
Lítilsháttar hækkun hefur orðið
á fiskverði. Þorsk- og löngukílóið
hækkar úr kr. 1.00 í kr. 1.05.
Skrapfiskur (gúanó) hækkar úr
kr. 2.80 í kr. 3.05 kg.
Aflaverðlaun
í gömlu samningunum var það
ákvæði, að aflaverðlaun af salt-
fiski skyldu vera 10 kr. á smálest
og auka-aflaverðlaun 1.50 á smál-
ef minnst 70% aflans væri nr. 1.
Nú gilda eftirfarandi ákvæði
um þetta atriði:
1. Sé a. .m. k. 70% aflans nr. 1,
skulu aflaverðlaun vera 13 krón-
ur á smálest.
2. Séu 60—70% nr. 1 þá eru
aflaverðlaun 12 kr. á smálest.
3. Séu 40—60% nr. 1, þá eru
aflaverðlaun 11 kr. á smálest.
4. Sé minna en 40% nr. 1, eru
aflaverðlaun 10 kr. á smálest.
Fyrir umstöflun á heimamiðum
greiðist hverjum háseta kr. 1.00
á lest aukreitis og bátsmanni 2 kr.
Orlof 6% — Atvinnuleysis-
tryggingar
Orlof togarasjómanna hækkar
úr 5 í 6%.
Þá er um það samið, að togara-
sjómenn skuli verða aðilar að at-
vinnuleysistryggingunum, sem
knúðar voru fram í verkfallinu í
fyrra.
Nokkrar smærri breytingar eru
á kjörunum, þó ekki verði þær
raktar hér,
Samningurinn er uppsegjanleg-
ur með mánaðarfyrirvara miðað
við 1. des.
Fjárhagsáætlun Seyðisfjarðar.
Framhald af 1. síðu.
Útgjöld sjúkrahúss eru áætluð
702 þús og er þá gert ráð fyrir
nokkurri nýbyggingu, en tekjur
eru áætlaðar 645 þús. og halli þá
57 þús. Löggæzla er áætluð 44
þús. vegamál 115, brunavamir
26, vextir 170 og afborganir
184.5 þús.
Loks er framlag til fiskiðjuvers
100 þús. kr. og til félagsheimilis
10 þús, kr.
Samkomudagur
Alþingis 1956
Ríkisstjórnin hefur nú lagt fyrir
Alþingi lagafrumvarp þess efnis
að reglulegt Alþingi 1956 skuli
koma saman til funda 10. okt. í
haust.
Að réttu lagi á þingið að koma
saman 15. febr., en sýnilegt er
að þing það, er nú situr lýkur
ekki störfum fyrir þann tíma og
sjálftsagt ekki fyrr en í vor. Enn
liggja mörg mál sem ráðgert er að
afgreiða á þessu þingi, í nefndum
og sum hafa alls ekki verið lögð
fram. Þannig hefur enn ekki verið
lagt fram frumvarp um atvinnu-
leysistryggingar, en í verkföllun-
um í fyrra skuldbatt ríkisstjórnin
sig til að setja á þessu þingi lög-
gjöf um það efni.
Þá verður að telja líklegt, að
eftir flokksþing Framsóknar-
manna snemma í næsta mánuði,
skapist ný viðhorf á Alþingi, e.
t. v. stjómarkreppa, sem tafið
getur störf þingsins. Sú væntan-
Framhald á 3. síðu.
Frá bæjarstjórn
Aðalmenn:
Jóhannes Stefánsson
Gunnar Ólafsson
Oddur A. Sigurjónsson.
Varamenn:
Magnús Guðmundsson
Sverrir Gunnarsson
Axel Tulinius.
Forsetar voru sjálfkjörnir og
sjálfkjörið var í allar nefndir,
nema eina.
Fjárhagsáætlanir afgreiddar
Fjárhagsáætlanir bæjarins voru
til síðari umræðu og afgreiddar
svq til breytingalaust.
Launasamþykkt bæjarins
Launasamþykkt bæjarins er 11
ára gömul og algjörlega úrelt orð-
in og engin leið að fara eftir henni.
Bæjarráði var falið að semja
frumvarp um nýja launasam-
þykkt.
Löndun á togarafiski
Samþykkt var að greiða Goða-
nes h. f. 5 aura styrk úr bæjar-
sjóði á hvert kg. þorsks og ýsu,
sem selt verður til frystingar hér '
í bænum fyrstu 4 mánuði ársins.
Samþykkt þessi er gerð vegna
þess, að bæjarstjórn er það ljóst, I
að nauðsynlegt er, vegna atvinnu
í bænum, að stuðla að fisklöndun
hér í vetur, en vegna þess hve verð
á togarafiski er lágt og langt á
miðin að öllum jafnaði, treystir
útgerðin sér ekki til að skuldbinda
sig til að landa ísfiski hér heima
í vetur án styrks. Mundi þá skipið
líklega fara á veiða í salt, en það
inundi gefa litla vinnu þann tíma,
sem hennar er mest þörf.
Dr bænum
Afmæli:
Björgvin Gíslason, sjómaður
Vinaminni, varð 50 ára 4. febr.
Hann fæddist á Hofi í Álftafirði,
en fluttist hingað 1933.
Stefanía Arnadóttir, Miðstræti
1, ekkja Sigmundar Stefánssonar,
skósmiðs, varð 70 ára 6. febr. —
Hún fæddist í Grænanesi í Norð-
fjarðarhreppi, en fluttist í bæinn
1906.
Frá Fáskrúðsfirði
Mánudaginn 1. febrúar gerði
mikið ofviðri á Fáskrúðsfirði með
mikilli rigningu. Veðrið var eitt
hið harðasta, sem þar hefur kom-
ið í manna minnum.
Talsvert tjón varð í veðri
þessu. Allt járn og pappi fauk
af kirkjunni á Búðum. Einnig
fauk járn af íbúðarhúsi og urðu
þar nokkrar skemmdir af vatni.
Einnig urðu nokkrar skemmdir á
útihúsum og v. b. Ingjaldi.
I Dölum fauk hluti af þaki ný-
byggðs íbúðarhúss, sem Sigmar
Magnússon átti og urðu þai'
nokkrar skemmdir af rigninga-
vatni. Útihús skemmdust einnig.
Annar bóndinn á Eyri, Jón
Úlfarsson, missti bæði fjárhús sín
og hlöðu. Hinn bóndinn missti sjó-
hús, sem jafnframt var verkstæði
þar sem smíðaðir voru trillubátar
og við þá gert. 1 húsinu var jeppa-
bíll og skemmdist hann ^eitthvað.
Kindahópur hafði leitað skjóls við
húsið og drapst ein kind, er húsið
fauk, en tvær meiddust.
Á Hafranesi fauk þak af hlöðu
og á Kolmúla gamall Bretabraggi-
Snjór var orðinn mikill á Fá-
skrúðsfirði, en er nú horfinn nema
harðfenni í giljum.
Aðeins einn bátur, Ingjaldur,
mun róa frá Fáskrúðsfirði í vet-
ur. Hefur hann farið tvær sjó-
ferðir, en afli verið fremur tregur.
Atvinnulítið er í þorpinu um
þessar mundir og virðist sem
bátakaupin verki lítið á hið marg-
umtalaða árstíðabundna atvinnu-
leysi, því enginn hinna þriggja
nýju báta verður gerður út frá
Fáskrúðsfirði í vetur.
Peniagarnir komnir
til skila
Eins og frá Var skýrt í síðasta
blaði, hvarf peningakassi mcð
talsverðu af peningum úr íbúð hér
í bænum fyrir nokkru.
Á mánudagsmorgun fannst
kassinn með a. m. k. mestum hluía
peninganna í forstofu íbúðarinnai'.
Var hann þar á áberandi stað og
er talið útilokað að hann hafi
leynzt þar allan þennan tíma.