Morgunblaðið - 26.08.2011, Blaðsíða 44
FÖSTUDAGUR 26. ÁGÚST 238. DAGUR ÁRSINS 2011
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 399 ÁSKRIFT 4390 HELGARÁSKRIFT 2750 PDF Á MBL.IS 2550
1. Kom að eiginkonunni í bólinu ...
2. Fryst lifandi til að viðhalda ...
3. Barn sem kastað var úr húsi ...
4. Eldsneytisstríð í dag
»MEST LESIÐ Á mbl.is
FÓLK Í FRÉTTUM
Írska söngkonan Sinéad O’Connor
tekur þátt í tónlistarhátíðinni Air-
waves sem haldin verður 12. til 16.
október nk. Að sögn skipuleggjenda
hátíðarinnar heldur hún eina tónleika
helgina 14. til 16. október.
Sinéad O’Connor
verður á Airwaves
Söngvarinn
Paul Young er
væntanlegur
hingað til lands
og heldur tónleika
með hljómsveit
sinni í Eldborgar-
sal Hörpu 4. októ-
ber. Paul Young
naut gríðarlegra
vinsælda um allan heim á níunda ára-
tugnum með lögum eins og Every-
time You Go Away, Living For The
Love Of the Common People, Come
Back And Stay og Wherever I Lay My
Hat.
Paul Young til Íslands
Sala áskriftarkorta á tónleika Sin-
fóníuhljómsveitar Íslands hefur geng-
ið framar vonum. Nú
þegar hafa verið seld
tæplega 26.000 sæti í
áskrift og ber þar hæst
114% aukningu í tón-
leikaröðum Sinfóní-
unnar; gulri, rauðri
og grænni tón-
leikaröð. Ef öll kort
eru talin er heildar-
aukningin 57% á
milli ára.
Salan jókst hjá Sin-
fóníuhljómsveitinni
VEÐUR
Enski strákurinn Aaron
Spear jafnaði fyrir Eyja-
menn í uppbótartíma
gegn KR í Vesturbænum í
gærkvöld og sá til þess að
spennan héldist í barátt-
unni um Íslandsmeistara-
titilinn í fótbolta. Lokatöl-
ur urðu 2:2 og KR-ingar
eru með tveggja stiga for-
skot á ÍBV og fjögur stig á
FH, en eiga auk þess leik
til góða.
»2-3
Enski strákurinn
hélt spennunni
Ákvörðun Stjörnunnar um að draga
sigursælasta lið sitt, kvennaliðið í
handknattleik, út úr Íslandsmótinu
hefur vakið mikla athygli. Liðið hefur
misst marga sterka leikmenn en svo
virðist sem þeir hafi ekki verið með
leikmannasamninga við félagið. HSÍ
vonast til þess að Stjarnan dragi úr-
sögnina til baka. »4
Dregur Stjarnan úrsögn
sína til baka?
Ólafur Stefánsson, fyrirliði ís-
lenska landsliðsins í handknatt-
leik, sem í sumar samdi við
danska liðið AG Köbenhavn,
gengst í dag undir aðgerð á hné
og verður hann frá æfingum og
keppni næstu vikurnar. Það er
Brynjólfur Jónsson, læknir ís-
lenska landsliðsins, sem gerir
aðgerðina á Ólafi. »1
Ólafur Stefánsson í
aðgerð á hné í dag
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Morgunblaðið/Eggert
Laugavegur Sumir erlendir ferða-
menn halda sig bara í Reykjavík.
Una Sighvatsdóttir
una@mbl.is
Ferðasumarið hefur verið gott það
sem af er og því er enn ekki lokið. Nú
um helgina er t.d. einn af árlegum
hápunktum sumarsins, þegar blásið
er til flugeldasýningar yfir Jökulsár-
lóni. Má ætla að margir geri sér ferð
til að berja það undur augum.
Erlendir ferðamenn hafa aldrei
verið fleiri en í sumar en samt virðist
sem sú fjölgun hafi ekki alls staðar
skilað sér með auknum viðskiptum.
Bílaleigur hafa til dæmis lítið fundið
fyrir aukningu og á landsbyggðinni
spyrja margir aðilar í ferðaþjónust-
unni hvar ferðamennirnir séu.
Að sögn Samtaka ferðaþjónust-
unnar virðist sem ferðamynstur
hópsins sem hingað kemur hafi að
einhverju leyti breyst auk þess sem
gistiplássum hefur fjölgað.
„Í fyrsta lagi er mikil aukning á
erlendum ferðamönnum á höfuð-
borgarsvæðinu í skemmri ferðum
en einnig hefur framboð af þjónustu
aukist um allt land,“ segir í nýjasta
Fréttabréfi SAF. Margir af þessum
nýju gestum virðast ekki fara langt
út fyrir Reykjavík, því þegar gisti-
nætur á hótelum eru taldar saman
kemur í ljós að fyrstu sex mánuði
ársins fjölgaði þeim um 13,6% á höf-
uðborgarsvæðinu, en aðeins um 6%
á landsbyggðinni. Hvað Íslendinga
varðar tekur nú við nýtt tímabil í
ferðasumrinu, þegar berjatínslan
hefst. Berjaspretta er prýðileg á
Vestfjörðum og nú um helgina blása
Súðvíkingar til uppskeruhátíðar á
Bláberjadögum. »14
Margir sakna ferðamanna
Fjölgunin skilar sér ekki í gistingu á landsbyggðinni
„Mjög mikið fjör er hjá okkur fyrir
hundasýningar þegar fjölmargir
hundar fara í snyrtingu,“ segja
Sóley Halla Möller og Ásta María
Guðbergsdóttir hjá Dekurdýrum en
Hundaræktarfélag Íslands heldur
um helgina alþjóðlega hundasýningu
í Reiðhöllinni í Víðidal.
Sóley segir það stórkostlegt að
vinna með dýrum þó að það geti tek-
ið á andlega og líkamlega en það sé
alltaf mjög gefandi. Hundaeign hafi
aukist á síðustu árum og Íslendingar
séu duglegir að fara með hundana
sína í snyrtingu. Sérstaklega mikið
sé að gera í kringum stórar sýningar
og svo „korter fyrir jól“. „Sýningar-
hundarnir eru yfirleitt mjög stilltir
hjá okkur en þeim finnst þó best
þegar snyrtingin er búin,“ segir
Sóley en þeir eru baðaðir, klipptir,
burstaðir og þurrkaðir til að líta sem
best út. „Þetta er í raun fegurðar-
samkeppni og verið að velja þann
hund sem er hæfastur til undaneldis
og því getur fallegasti feldurinn haft
úrslitaáhrif,“ segir Sóley.
mep@mbl.is »20-21
Skínandi fallegir hundar
Alþjóðleg
hundasýning í
Víðidal um helgina
Morgunblaðið/Sigurgeir S.
Sýning Fallegir og vel snyrtir hundar sem keppa um helgina. Tæplega 700 hreinræktaðir hunda munu gleðja
áhorfendur í Reiðhöllinni í Víðidal um helgina. Sýningin hefst í fyrramálið og stendur fram á sunnudag.
SPÁ KL. 12.00 Í DAG Fremur hæg norðlæg átt, skýjað með köflum
eða bjartviðri og yfirleitt þurrt. Hiti 7 til 15 stig, hlýjast SV-til.
Á laugardag Fremur hæg norðvestan- og vestanátt. Bjartviðri
sunnan- og austantil, sums staðar dálítil súld norðan- og vestantil.
Á sunnudag Suðvestan 8-13 og súld eða rigning með köflum um
landið norðvestan- og vestanvert. Hiti 8 til 15 stig að deginum.