Austurland - 08.10.1965, Blaðsíða 4
4 ' AUSTURLAND r' Neskaupstað, 8. október 1965.
Hvað er
Frá Mjóafirði
Mjóafjörður, 7. okt. — V.H./B.Þ.
Eins og kunnugt er tók síldar-
söltunarstöð til starfa í Mjóa-
firði í sumar. Verður ekki annað
sagt, en að vel hafi til tekizt.
Saltað' hefur verið í rúmlega 5500
tunnur, þar af 5000 tunnur af
einu skipi, Sólfara frá Akranesi.
Þegar hafa verið fluttar út um
1800 tunnur, en mestur hluti
þess, sem eftir er, mun fara um
20. október.
Aðkomufólk er allt farið og
stöðin hætt að taka við síld á
þessu ári.
Enda þótt kalskemmdir væru
engar í Mjóafirði, var heyfengur
lítill, vegna lélegrar sprettu og
erfiðrar heyskapartíðar. Mjófirð-
ingar hafa pantað 300 hesta af
heyi og nægir það til að halda
bústofninum óskertum að1 mestu,
þó búast megi við, að eitthvað
verði gengið á hann.
Lítið hefur verið unnið að lag-
færingum á veginuim yfir Mjóa-
fjarðarheiði og er hann illfær í
bleytutíð, en þó farinn, ef með
þarf. Þörfin fyrir góðan veg yf-
ir heiðina fer vaxandi, vegna hins
nýtilkomna atvinnureksturs. Enn-
fremur vegna síldarleitarinnar á
Dalatanga.
1 dag eru Mjófirðingar í fyrstu
göngu.
Frá Hallormsstað
Hallormsstað, 7. okt. S.Bl./S.Þ.
Húsmæðraskólinn hér hóf starf
sitt um síðustu helgi, en þá
mættu eldri deildar stúlkur. Eru
þær nú í haustverkum, svo sem
sláturgerð, berjatínslu o. fl. Ber-
in standa ennþá svo til óskemmd
og er það mjög óvenjulegt. Skóla-
setning fer hér ævinlega fram 1.
vetrardag. Þá mæta yngri deildar
stúlkur.
Veðrátta hefur verið hér mjög
góð undanfarið, hlýtt og stillt.
Skógurinn stendur enn með
miklu laufi, en venjulega eru lauf
fallin af trjánum um þetta leyti.
Hér hefur aðeins komið ein frost-
nótt og þá með imjög vægu frosti,
og ennþá hefur kartöflugras ekki
fallið algjörlega.
Úrkoma hefur verið sáralítil
hér í sumar og er ekki meiri en
þriðjungur af því sem eðlilegt er.
Sumarið hefur verið ákaflega
kalt. Þegar miðað er við mánuð-
ina júní til september, er meðal-
hitinn í sumar aðeins 8.1 gráða,
en meðalhiti þessara sumarmán-
aða frá því árið 1940 er 9.5
gráður. Þetta er geysilega mikið
vik frá meðallagi. Þetta er nú
orðið þriðja kuldasumarið í röð.
í fyrrasumar var meðalhitinn 8.2
gráður og sumarið1 þar áður 8.3.
Þrátt fyrir þetta kalda sumar,
hefur skógurinn hér vaxið imjög
í fréttum?
vel. Vöxtur erlendu tegundanna
er framar öllum vonum og birki-
skógurinn hefur ekki verið svona
fallegur eins lengi og ég man
eftir honum. Til þess liggja aðal-
lega tvær ástæður. Önnur er sú,
að birkimaðkur var nær enginn í
sumar og svo hin, að stillur voru
óvenju miklar.
Kartöfluuppskera er hér mjög
léleg og kenna menn einkum um
miklum þurrkum fyrri hluta sum-
ars.
Byggingarframkvæmdum við
heimavistarbarnaskólann og í-
búðarhús skólastýru húsmæðra-
skólans hefur imiðað vel áfram í
-sumar.
I Melarétt í Fljótsdal var rétt-
að 24. sept. Þá höfðu þeir sem
lengst höfðu verið í „göngunni"
verið fast að einni viku, en þeir
smala vestur-öræfin. Munu þeir
hafa fengið sæmilegt veður.
Slátrun stendur nú sem hæst.
Yfirleitt flytja bændur fé sitt á
bílum til sláturhúsanna og hefur
verið óvenju mikið að gera hjá
Nýtt hlutafélag
í Lögbirtingablaðinu, sem út
ikom 11. sept., er frá því skýrt,
að stofnað hafi verið nýtt hluta-
félag, Öxi, í Egilsstaðakauptúni.
„Tilgangur félagsins er að taka
að sér húsbyggingar og verk-
tökur í því sambandi, svo og
skyldan atvinnurekstur".
Hlutafé er kr. 120.000.00.
Stofnendur eru: Ástráður
Magnússon, Ármann Guðmunds-
son og Valdimar Benediktsson,
Egilsstaðakauptúni, Ragnheiður
Jónsdóttir, Ekkjufelli, Baldur,
Guttormur og Oddur Sigfússynir,
Krossi og Hjalti Jónsson, Refs-
mýri.
1 stjórn félagsins eru: Ástráð-
ur Magnússon, Ármann Guð-
imundsson og Oddur Sigfússon.
Or bænuiB
Afmæli.
Sigurður Bjarnason, verkamað-
ur, Hafnarbraut 32 varð 80 ára
3. okt. Hann fæddist á Fagur-
hólsimýri í Öræfum, en hefur
átt heima hér í bæ síðan 1928.
Hjónaband.
Ungfrú Jóhanna Axelsdóttir,
Mýrargötu 8 og Isak Valdimars-
son, skipstjóri, Mýrargötu 5, voru
gefin saman í hjónaband laugar-
daginn 2. október. Sóknar-
presturinn, séra Árni Sigurðsson,
framkvaamdi athöfnina.
Kirkja.
Sunnudagurinn 10 okt.
Sunnudagaskólinn hefst að
nýju kl. 11 árd.
Messa kl. 2 síðd.
vörubílstjórunum undanfarið, því
ofan á fjárflutningana hafa bætzt
flutningar á tveim skipsförmum
af heyi sem komið hafa til Reyð-
arjarðar, svo og kjötútskipanir,
svo að segja má, að vörubílstjór-
ar hafi lagt nótt við dag nú und-
anfarið.
Bændur telja, að vænleiki slát-
urfjárins sé nú með betra móti.
Ekki er reiknað með að menn
fækki bústofni sínum og ekki eru
imikil brögð að því að menn hætti
búskap hér. Ein bújörð í Valla-
hreppi, Gíslastaðir, lagðist þó í
eyði í vor, en þar brugðu þá búi
þau hjónin Axel Sigurðsson og
Gunnþórunn Sigurbjörnsdóttir og
fluttu þau til Húsavíkur.
Austfirzkt vá-
trygginga-
félag
1 marzmánuði 1964 sendi
hreppsnefndin á Eskifirði bæjar-
félögum og kauptúnahreppum í
kjördæminu tillögu, sem hún
hafði samþykkt um stofnun vá-
tryggingarféiags fyrir Austur-
land.
Nú hefur hreppsnefndin boðað
til umræðufundar um imálið og
verður hann haldinn að Egils-
stöðum 17. þ. m.
Mál þetta er allrar athygli
vert, en hætt er við, að slíkt fé-
lag fengi ekki svo miklar trygg-
ingar, sem þarf til að félagið fái
dafnað. Mjög væri æskilegt ef
eitthvað af tryggingargróðanum
festist hér eystra, en flestir þeir
aðilar, sem mest hafa að tryggja,
eru beinir eða óbeinir aðilar að
tryggingarfélögum. Þannig eru
kaupfélögin aðilar að Samvinnu-
tryggingum, imörg frystihús að
Tryggingamiðstöðinni og á Bruna
bótafélag Islands verður vart
öðruvísi litið, en sem sameigin-
legt brunatryggingafélag sveitar-
félaganna.
Það má því telja víst, að erf-
itt verði fyrir austfirzkt trygg-
ingafélag að brjótast gegnum
múr annarra tryggingafélaga og
hætt er við, að nýtt féiag ætti
erfitt uppdráttar, a. m. k. í
fyrstu. — En tækist því að ná
til sín mestum hluta austfirzkra
trygginga, væri því borgið og
sjálfsagt yrði það þá gróð'afyrir-
tæki, því vafalaust imá telja, að
stórgróði sé á tryggingastarf-
seminni í landinu.
En hvað sem þessum bollalegg-
ingum líður, er sjálfsagt fyrir
þau sveitarfélög, sem boðið hef-
ur verið að senda fulltrúa á fund-
inn, að þiggja boðið, því nauð-
synlegt er að ræða málið til hlít-
ar og hrinda hugmyndinni um
austfirzkt tryggingafélag í fram-
kvæmd, ef fært þykir.
Ssglfirðingar
mótmœla
Eins og áður hefur verið frá
skýrt, hefur Eimskipafélag ís-
lands útvalið fjórar „aðalhafnir",
sem það ætlar að láta skip sín
sigla á beint frá útlöndum. Frá
þessum höfnum á svo að dreifa
vörunum á aðrar hafnir.
Hér í blaðinu var að því fund-
ið, að það væri spor afturábak,
ef félagið ætlaði ekki að sjá um
flutning hafna milli. Hafa fleiri
fundið að þessu, og á fundi sín-
uim 10. sept. sl. samþykkti bæj-
arstjórn Siglufjarðar svohljóð-
andi tiUögu, sem send hefur ver-
ið Eimskipafélaginu:
„Bæjarstjóm Siglufjarðar mót-
mælir harðlega þeirri ákvörðun
hf. Eimskipafélags Islands að
hætta að flytja vörur erlendis
frá með sama farmgjaldi til
hvaða hafnar sem er á landinu,
en hækka í þess stað gjöld til
hafna utan Reykjavíkur, Isa-
fjarðar, Akureyrar og Reyðar-
fjarðar, sem óihjákvæimilega hlýt-
ur að koma fram í hærra verð-
lagi í dreifðum byggðum lands-
ins og/eða verri samkeppnisað-
stöðu verzlunarfyrirtækja utan
nafngreindra staða. Telur bæjar-
stjórnin illa farið, ef „óskabarn
þjóðarinnar" beitir sér fyrir
verri verzlunaraðstöðu dreifbýlis
en þéttbýlis.
Þar sem flutningur Eimskips
til nafngreindra hafna er vart
meiri en 1/5 af heildarflutningi
félagsins til landsins, hefði verið
eðlilegra að hækka heildarfarm-
gjöld lítilsháttar, sérstaklega
með hliðsjón af áhrifum verð'lags
á kaupgjaldsvísitölu, sem lands-
menn eiga að vera jafnir fyrir án
tillits til búsetu, og verður því
að krefjast tafarlausrar leiðrétt-
ingar á þessu misrétti".
Barnaskóiinn
Þar eru nemendur 204 eða
'fleiri en nokkru sinni áður. Und-
anfarin ár hefur fjölgun í skól-
anum verið mjög hægfara eða
engin, en nú virðist hún örari
en áður.
Óhjákvæmilegt var að skipta
þrem yngstu árgöngum í deildir,
og eru því bekkir alls níu.
Eins og áður hefur verið frá
sagt kemur nýr kennari að skól-
anum1 í haust, Steinunn Aðal-
steinsdóttir, en enn vantar einn
fastan kennara og hefur þeirri
kennslu verið ráðstafað með
stundakennslu, en alls eru nú
fimm stundakennarar.
Mjög þrengir nú að í skólan-
um og er mikil þörf á auknu
kennsluhúsnæði. Má segja, að
það sé reyndar fyrir hendi, því
að raimverulega eru tvær
kennslustofur, þar sem leikfimi-
salurinn er. Má því segja, að
bygging leikfimihúss sé fyrsta
skilyrðið til bættrar aðstöðu í
barnaskólanum.