Austurland - 03.12.1965, Qupperneq 1
Frá löndum í Osló
Amtnrlmd
Málgagn sósíalista á Austurlandi
15. árgangur. Neskaypstað, 3. deseinber 1965. 47. tölublað.
Þróitmikið og djarfhuga
sambandsþing
Ungmenna- og íþróttasamband
Austurlands hélt 22. þing sitt
dagana 6. og 7. nóvember síðast-
liðinn í Barnaskólanum að Eið-
um. — Þingið var fjölsótt og
ríkti þar mikill áhugi um fram-
tíðarstarf sambandsins. Kom
greinilega fram í ræðum margra,
að félagsstarfsáhugi er nú vax-
andi. Undanfarin ár hafa verið
mikil gæðaár í austfirzku atvinnu-
lífi. Samfara aukinni eftirspurn
eftir vinnuafli og lengingu vinnu-
tímans varð samdráttur í öllu fé-
lags- og menningarlífi. Fólk var
blátt áfram of þreytt til að sækja
fundi, eða starfa að félagsmálum.
Hefur UlA sízt farið varhluta af
þessari þróun. Nú virðist þetta
vera að breytast. Ekki stafar
þessi breyting þó af minnkandi
atvinnu, að ég hygg, heldur því,
að fólk er farið að gera sér ljóst,
að ekki verður til lengdar lifað
af brauði einu saman. Má víða
sjá þessa merki.
Skýrsla stjórnar UÍA er glöggt
dæmi um þessa þróunarbreytingu.
I henni kemur skýrt fram, að
starfið er vaxandi og að alls stað-
ar gætir aukins skilning á nauð-
syn aukins æskulýðsstarfs. Fara
hér á eftir örfáir punktar úr
skýrslunni.
Slíógarhátlð. Um verzlunar-
mannahelgina gekkst UÍA fyrir
áfengislausri útisamkomu í Atla-
vík, eins og áður hefur verið frá
greint hér í blaðinu. Fram kom
á þinginu, að samkoman hafði
vakið mikla ánægju og athygli,
og voru flestra orð þau, að með
henni hefði UlA brotið blað í
sögu útisamkoma á Austurlandi.
Iþróttakennsla. Samb. hafði á
sínum snærum starfandi íþrótta-
kennara um átta mánaða skeið.
Ekki reyndist unnt að fá íslenzk-
an kennara og var þá leitað út
fyrir landsteinana. Tókst að ráða
norskan kennara, Harald Braat-
hen að nafni. Hann kenndi alls á
þrettán stöðum á svæðinu og nutu
rúmlega 1000 manns kennslu
hans. Auk þess störfuðu kennar-
ar á vegum UlA um skemmri
tima í su'mar.
íþróttamót. Haldin voru tvö
frjálsíþróttamót og tvö sundmót.
Handknattleiksmót kvenna fór
fram í júlí. Þróttarstúlkur sigr-
uðu. Sigurvegarar í knattspyrnu-
mótinu varð Austri. Níu keppend-
ur frá UlA tóku þátt í Lands-
móti Ungmennafélags Islands að
Laugarvatni. Beztum árangri náði
Þórir Bjarnason frá Stöðvarfirði,
se:m varð annar í 5 km hlaupi og
fjórði í 1500 m hlaupi.
Formannaráðstefna. Stjórnin
gekkst fyrir sameiginlegum fundi
formanna sambandsfélaga og for-
ráðamanna I.S.I. Voru þar rædd-
ir ýmsir þættir í starfi íþrótta-
hreyfingarinnar og hinna ein-
stöku félaga innan hennar.
Á síðasta ári leitaði UlA til
allra sýslu- og sveitarfélaga á
sambandssvæðinu um nokkurn
fjárstyrk til starfsemi sinnar.
Undirtektir voru yfirleitt góðar
og sýndu glöggt hlýhug og vax-
andi skilning á nauðsyn þess
starfs, sem UlA leitast við að
framkvæma. Fjárskorturinn hef-
ur ætíð verið sambandinu fjötur
um fót, og án þessarra styrkveit-
inga hefði UlA vart verið kleift
ao ráðast í sum þeirra verkefna,
sem áður var á minnst. Eiga all-
ir þessir aðilar þakkir skildar fyr-
ir framlag sitt.
Ýmislegt fleira kom fram í
skýrslu stjórnar, sem ekki verður
rakið hér.
Þá er að geta um helztu álykt-
anir þingsins.
25 ára afmæli UÍA. Sambandið
verour 25 ára næsta ár og verð-
ur þess minnst með ýmsu móti.
Haldið verður sérstakt afmælis-
mót að Eiðum, efnt til hátíðar-
þings og gefið út afmælisrit. Að-
alhátíðina skal halda í Atlavík um
verzlunarmannahelgina og verður
það auðvitað áfengislaus sam-
koma.
Önnur mót. Austurlandsmót
verða haldin í öllum greinum að
venju. Er ætlunin að keppa bæði
í eldri og yngri flokkum. Verður
það þeim yngri vonandi hvatning
til æfinga, að geta reynt leikni
sína í keppni við jafnaldra úr
næstu byggðarlögum. Þá athugar
stjórn og handknattleiksráð nú
möguleika á að fá að halda næsta
Islandsmeistaramót í útihand-
knattleik kvenna.
Iþróttakennsla. Þingið fól
stjórninni að gera allt, sem í
hennar valdi stendur til að fá
U. í A.
ráðið fastan íþróttakennara sem
fyrst, og jafnframt að koma á
erindrekstri.
Landsmót. Þingið heimilaði
stjórninni að sækja um að fá að
halda næsta Landsmót Ung-
mennafélaganna að Eiðum 1968.
Heimildin var bundin eftirfarandi
skilyrðum: a) að mannvirki þau
og aðstaða að Eiðum, sem þörf
er á fáist til notkunar á mótinu.
b) Að hægt verði að gera leik-
vang UlA að Eiðum hæfan fyrir
slíkt mót. c) Að hægt verði að
koma fyrir viðunandi keppnisað-
stöðu fyrir sund að Eiðum. Svo
mörg voru þau orð. Finnst nú
sjálfsagt mörgum, að' UlA færist
fullmikið í fang. Ekki er því held-
ur að neita að hiks gætti hjá
mönnum, en sú skoðun, að saim-
bandið þyrfti að fá eitthvað stórt
sameiginlegt átak að vinna að
varð ofan á. Mun enda fátt bet-
ur fallið til að styrkja félagsand-
ann og glæða áhuga en einmitt
slíkt stórátak.
Stjórnarkjör. Stjórn sambandsins
var öll endurkjörin, en hana
sklpa: Kristján Ingólfsson, Jón
Ólafsson, Magnús Stefánsson,
Kristinn Jóhannsson, Kristján
W. Magnússon, Sveinn Guð-
mundsson og Björn Magnússon.
Formaður, Kristján Ingólfsson,
sleit þinginu með stuttu hvatn-
ingarávarpi til austfirzkra í-
þrótta- og ungmennafélaga.
Eftirmáli. Stjórn UlA hófst
þegar að loknu þingi handa um
cdhuganir í Landsmótsmálinu
Þær athuganir urðu til þess að
fengnir voru austur á land til
viðræðna Eiríkur Eiríksson, sam-
baudsstjóri Umf. I. og Hafsteinn
Þoivaldsson, ritari Umf. I. og
framkvæmdastjóri Laugarvatns-
mótsins. Voru viðræður þessar
mjög gagnlegar. 1 lok viðræðn-
anna afhenti stjórnin þeim Umf.
í.-mönnum formlega umsókn um
ao fá að halda mótið 1968. Mun-
um við ekki vera einir um að
sækjast eftir þessu og er von til
að ákveðið svar fáist fyrir ára-
mót. Fari svo að við fáum mót
þetta er mikið starf framundan,
starf, sem því aðeins verður okk-
ur til sóma, að við störfum sam-
an sem einn maður. Krjóh.
Islendingafélag var stofnað í
Osló 1923 og er það því um þess-
ar mundir 42 ára. Starfsemi þess
þetta tímabil hefur verið nokkuð
misjöfn. Af og til hefur starfiö
alveg legið niðri, en þó aldrei til
langframa.
Um 1950 stofnuðu íslenzkir
námsmenn hér eigið félag. Fjall-
ar það aðallega um áhugamál
stúdenta og heldur kvöldvöku
einu sinni í mánuði. Er öllum
löndum heimilt að mæta þar. Má
segja, að námsmenn séu virkasta
aflið í starfi íslendinga hér. Höf-
uðstöðvar þeirra eru að Sogni,
hinu mikla stúdentahverfi. Þar
eiga íslenzkir námsmenn rétt á
tiu herbergjum og einni setustofu.
Eru þessi herbergi keypt fyrir
fé, er frú Guðrún Brunborg safn-
aði, svo sem flestum mun í
fersku minni frá ferðalögum
hennar og kvikmyndasýningum
um landið. Hefur starf hennar
verið íslenzkum námsmönnum ó-
metanlegt. Hafa þeir jafnan átt
hauk í horni þar sem frú Guðrún
er, og má segja, að hún hafi
gengið þeim í móður stað.
I setustofunni á Sogni liggja
íslenzk blöð1 jafnan frammi og á
mánudagskvöldum koma landar
þar mjög saman og skemmta sér
við samræður, spil og töfl. Þar
er og bókasafn til útlána. Eru í
því um 500 bindi, skáldsögur,
fræðibækur, ljóð og laust mál um
hin margvíslegustu efni. Allar
bækurnar eru gefnar af íslenzk-
um útgefendum. Eiga þar stærst-
an þátt Prentverk Odds Björns-
sonar og Mál og menning.
Rúmlega 30 íslenzkir námsmenn
eru nú í Osló og nágrenni. 22 við
háskólann og hinir við dýralækn-
isnám, landbúnaðarvísindi og
sjúkraþjálfun. Eru íslenzkir
stúdentar næstflestir útlendinga
við háskólann hér. Flestir eru
bandarískir stúdentar, um 50 og
danskir munu álíka fjölmennir
Islendingum.
1 Islendingafélaginu eru um 100
manns, þar af nokkrir Norðmena,
er eiga íslenzkan maka eða hafa
áhuga á landinu og öðrum or-
sökum.
Félagið gengst fyrir þrem til
fjórum stórum samkomum á
vetri. Fullveldishátíð kringum 1.
des., þorrablóti og einni til tveim
öðrum samkomum. Eru þær jafn-
an fjölsóttar. Reynt er eftir
föngum að hafa á borðum ís-
lenzkan mat, og í fyrra gaf veit-
ingahúsið Naust í Reykjavík all-
an mat til þorrablótsins.
Formaður Islendingafélagsins
er nú Skarphéðinn Árnason, um-
boðsmaður Flugfélags Islands,
en formaður námsmannafélags-
ins er Ólafur Einarsson, stúdent
í sögu.
Utan félaganna hafa svo land-
ar ýmisleg samskipti sín á milli
og má segja, að talsverð grózka
sé ujja þessar mundir í íslenzku
nýlendunni í Osló. g.r.j.