Austurland - 26.04.1968, Side 1

ÆJSTURLAND
MÁLGAGW ALÞÝOUBAHDALAGSINS A AUSTURUNDI
18. árgangur. Neskaupstað, 26. apríl 1968. 16. tölublað.
FjöltKett starfsemi Æshilýðsrdðs Heshaupst.
Hihlu meiri þótttaho í tómstundaiðju en dður
Æskulýðsráð Neskaupstaðar
hafði á sunnudag sýningu á mun-
um, sem þátttakendur í klúbbum
þeim, sem í vetur störfuðu á veg-
um þess, höfðu búið til og safnað.
Einna starsýnast held ég að
mönnum hafi orðið á fjölskrúð-
ugt steinasafn, en í fyrrasumar
var unnið að steinasöfnun. Þá
voru þarna mörg og fallega upp-
sett frímerkjasöfn, sýn'shorn af
sjóvinnu, tauþrykk og modelsmiði
svo og leiktæki þau, sem notuð
eru þegar ráðið hefur ,,opið hús;‘.
Reynslan hefur sýnt, að farið
hefur verið inn á rétta braut,
þegar til þessa æskulýðsstarfs var
stofnað, og árangur starfseminn-
ar hefur orðið betri en menn al-
mennt höfðu gert ráð fyrir. Gildi
starfseminnar er ekki nema að
litlu leyti fólgið í verðmæti þeirra
muna, sem gerðir eru, heldur í
því, að unglingunum hefur verið
fengið viðfangsefni, sem dregur
þá frá göturápi. Og ég hygg, að
þetta hafi ekki ill áhrif á skóla-
nám þeirra. Miklu fremur held ég,
að tómstundastarfið sé holl hvíld
frá bóknáminu.
Ég held að þessari starfsemi
verði ekki betur lýst en með því
að birta stuttar glefsur úr ræð-
um þeim, er formaður ráðsins,
Gunnar Ólafsson, og framkvæmda-
stjóri þess, Karl Hjelm, fluttu við
opnun sýningarinnar á sunnudag-
inn.
Gunnar Ólafsson sagði m. a.:
„Það má segja, að forsendan
fyrir þessu föndurstarfi er tví-
þætt. í fyrsta lagi leiðbeinendur
og stjórnendur og í öðru lagi hús-
næði.
Reynslan hefur sýnt okkur, að
völ er á ágætlega hæfum leiðbein-
endum í fjölbreyttri föndurvinnu,
og eru ekki nærri allir möguleikar
nýttir í því efni. Þegar æskulýðs-
ráð fékk aðgang að því húsnæði,
sem við nú erum í, leysti það
mikinn vanda. Þetta hús hefur
marga kosti. Það er mjög vel
staðsett í bænum. Það er sérlega
snyrtilegt og því hefur verið vel
við haldið og umsjón og umgengni
t;l fyrirmyndar. Það hentar því
vel þokkalegu þ. e. hreinlegu
föndri svo og smágleðskap s. s.
skemmtikvöldum.
Annmarkar eru hinsvegar þeir,
að starfið getur ekki hafizt fyrr
en eftir áramót, vegna reksturs
sjómannastofu, og svo hinsvegar
þeir, að það er of fínt. Ýmislegt
föndur, sem strákum a. m. k. þyk-
ir hvað girnilegast, er þess eðlis
að það samrýmist ekki þessu
vandaða húsnæði og þeim hús-
munum, sem hér eru inni.
Af þessum sökum varð t d. í
vetur að leggja niður jafn vin-
sælt grúsk eins og radíótækni og
þá má geta þess, að ljósmynda-
klúbburinn hefur ekki starfað
undanfarna vetur vegna vöntun-
ar á heppilegu húsnæði. Við höf-
um þó eignazt dálítið áf tækjum
í sambandi við ljósmyndagerð.
Sjóvinnuföndrið fékk* inni i
Framhr á 2. síðu.
Eldsvoói á Vopnafirði
Snemma á miðvikudagsmorgun
kom upp eldur í Miklagarði, fé-
lagsheimili Vopnfirðinga og varð
mikið tjón á húsinu og lausafjár-
munum svo sem békasafni og
kvikmyndasýningavélum. Skrif-
stofur hreppsins voru þarna til
húsa og skemmdust þau húsa-
kynni, en bókhald og skjöl eyði-
lögðust ekki. Er þetta í annað
sinn á skömmum tíma, sem skrif-
stofur hreppsins lenda í eldsvoða.
1 hinum fyrri glötuðust bækur og
skjöl.
Talið er víst að eldurinn hafi
komið upp í kyndiklefa á neðstu
hæð.
Brunaskemmdir á húsinu hafa
verið metnar á 1.2 millj. kr.
Skemmdir á bókasafni og lausa-
fjármunum hafa ekki verið metn-
ar.
Austfirðingur
sigraði
Átján ára piltur héðan úr bæn-
um, Örn Agnarsson, sigraði í 53.
Víðavangshlaupi íþróttafélags
Reykjavíkur í gær. Hljóp hann
vegalengdina, 3 km, á 11 mín.
28.6 sek.
Víðavangshlaup Þróítar
Iþróttafélagið Þróttur í Nes-
kaupstað efndi til víðavangs-
hlaups í gær. Keppa átti í þrem
flokkum, 10—13 ára, 13—16 ára
og yfir 16 ára. En aðeins einn
gaf s:g fram í elzta aldursflokkn-
um og var sá nýorðinn 16 ára.
Yngri aldursflokkurinn hljóp 2
km og voru þátttakendur 15.
Fyrstir að marki urðu Gísli Ein-
arsson á 8 mín. 18.1 sek., Óskar
Axelsson á 8 mín 18.7 sek. og
Björn Emil Traustason á 8 mín.
28.7 sek.
1 eldri flokknum voru þátttak-
endur 7 og vegalengdin sem þeir
hlupu um 2.6 km. Sigurvegari var
Einar Sigurjónsson á 10 mín. 19.1
sek., annar varð Árni Guðjönsson
á 10 mín. 33.3 sek. og þriðji Smári
Björgvinsson á 10 mín. 49.4 sek.
Pétur Óskarsson, sem kominn
er yfir 16 ár, hljóp með eldri
flokknum og varð 10 mín. 45.3
sek. að marki.
Gauti varðveittur
Það var árið 1905 að vélbáta-
útgerð hófst á Norðfirði og færð-
ist hún fljótt í aukana. Einn af
fyrstu bátunum, sem Norðfirð-
ingar eignuðust, var Hrólfur
Gautreksson, í daglegu tali jafn-
an nefndur Gauti. Hann kom árið
1906, á öðru ári vélbátaaldar. Það
voru 6 menn, sem keyptu bátinn
• Framh. á 2. síðu.
Gleðilegf sumar!
I gær var sumardagurinn fyrsti, og þrátt fyrir heimsókn haf-
íssins fyrir skemmstu er nú snjóléttara og „vorlegra" um að lit-
ast á Austurlandi en fyrir ári. Lækir og ár losna úr klakaböndum,
og þeir sem ganga á vit fossanna geta brátt heyrt þá kyrja hvern
með sínu lagi þann söng, sem upphófst um leið og ísland reis úr sæ.
Fossana hér á myndinni munu fáir af lesendum blaðsins hafa
séð og h'eyrt, en þeir eru í Hofsá í Álftafirði innarlega, þar som
hún fetar sig' stall af stalli ofan frá Hofsjökli langt fyrir innan
alla byggð niður í skógivaxinn dalinn. — Ljósm. H.G.