Austurland - 26.07.1968, Blaðsíða 2
2
AUSTURLAND'
Neskaupstað, 26. júlí 198$.
,,Austurland“ sneri sér til sex
manna, sem voru á landsmótinu á
Eiðum um daginn, og bað þá um
að svara tveimur eftirfarandí
spurningum:
1. Hvað fannst þér um lands-
mótið ?
2. Hvaða þýðingu heldur þú, að
landsmótið hafi fyrir aust-
firzkt íþróttalíf?
Fjórir þessara manna eru for-
ustumenn í sveitarstjórnarmálum
hér í fjórðungnum, en tveir eru
Austfirðingar, sem fluttir eru til
Reykjavíkur, en voru á Eiðum
báða mótsdagana frá upphafi til
enda. Allir þessir sex menn voru
á sinni tíð virkir íþróttamenn hér
í fjórðungnum og forustumenn
íþrótta- og æskulýðsmála og tveir
þeirra meðal fræknustu keppenda,
sem Austfirðingar hafa teflt fram
á íþróttavelli. Það er því fróðlegt
að heyra álit þeirra á þessum
mikla íþrótta- og menningarvið-
burði, sem Eiðalandsmótið var.
Jóhannes Stefánsson, forseti
bæjarstjórnar Neskaup-
staðar:
1. Ég var mjög ánægður með
landsmótið og naut vel allra
þeirra skemmtiatriða og íþrótta,
sem ég sá. Tók ég sérstaklega
eftir því, að fólkið hlustaði og
fylgdist vel með því, sem fram
fór á sviðinu, sem einkar smekk-
lega var fyrir komið í lægð og
umflotið vatni. Mér hefur aldrei
fund’zt umhverfið jafnfagurt og
tilvalið til svona móts. Til móts-
ins var vandað og greinilegt, að
Austfirðingar geta verið stoltir af
því, hve bjartsýnir þeir voru að
taka að sér landsmótið og leggja
til fjölda ágætra skemmtíkrafta.
Mér fannst einna mest koma til
fornmannasýningarinnar „Að
Krakalæk". Var landslagið tilval-
ið til slíkrar sýningar. Það var
mjög ánægjulegt, hve lítil ölvun
var sjálfa mótsdagana.
2. Ég sótti landsmótið á Hvann-
eyrj 1943 og £>á var maður stolt-
ur af því að vera Austfirðingur,
því að UÍA var þá í fyrsta sæti.
Eftir aldarfjórðung stóð okkar
íþróttafólk sig vel, þrátt fyrir
mikla lægð í íþróttalífinu, en
grósku í atvinnulífinu. Ég tel, að
landsmótið hafi mjög örvandi á-
hrif á austfirzkt íþróttalíf, ef of
mikil vinna og sífellt brauðstrit
truflar ekki.
Tómas Árnason, hæstaTéttar-
lögmaður og varaþingmaður
Austurlands:
1. Samkoman var myndarleg og
fór hið bezta fram. íþróttakeppn-
in var skemmtileg og tvísýn í
mörgum greinum. Álít ég, að
mótið í heild hafi verið Austfirð-
ingum til sóma, ekki sízt hátíðar-
dagskráin, sem var ágæt.
2. Því er ekki að neita, að hlut-
ur Austfirðinga var minni en
skyldi í íþróttakeppninni og segi
ég það, þótt þeir yrðu í 6. sæti í
frjálsíþróttakeppninni og í 5. sæti
í öllum greinum af 15 aðilum.
Mótið hefur án efa haft örvandi
áhrif á unga menn og konur til
aukinnar þátttöku í íþróttum. Ég
er sannfærður um, að hinn mikli
mannfjöldi, sem sótti mótið, hef-
ur smitazt af íþróttafólkinu og
mótið gæti valdið nokkrum
straumhvörfum í íþróttalífi Aust-
urlands.
Hrólfur Ingólfsson, bæjar-
stjóri á Seyðisfirði:
1. Landsmót UMFÍ á Eiðum
tókst frábærlega vel og var öllum
til sóma, sem að því stóðu, og
þúsundum mótsgesta til óbland-
innar ánægju.
2. Að undanskilinni fimleika-
sýningunni, sem er mér minnis-
stæðasta atriði mótsins, fannst
mér þátttaka Austfirðinga of lítil
í íþróttunum. Hins vegar er ég
ekki í vafa um, að landsmótið
muni glæða svo íþróttaáhuga
austfirzkrar æsku, að þáttur
hennar í íjaróttum á næsta lands-
móti verði stærri og meiri en
hann var nú.
Að lokum vil ég þakka forráða-
mönnum UÍA og öllum öðrum,
sem á einn eða annan hátt stuðl-
uðu að því, að það tókst að halda
þetta glæsilega landsmót á Aust-
urlandi.
Þórarinn Þórarinsson, fyrr\r.
skólastjóri a Eiðum:
1. Mikil og ánægjuleg „þjóðhá-
tíð“. Þar virtist allt hjálpast að:
Undirbúningurinn, aðstaðan, í-
þróttafólkið, skemmtiaðilarnir,
skemmtiatriðin, hátíðargestirnir
og veðrið.
2. Því er ekki við bjargandi,
ef þetta mót verður ekki öflug
lyftistöng, ekki aðeins undir í-
þróttalífið, heldur og allt félags-
starf til mennmgarauka í fjórð-
ungnum.
Þorleifur Jónsson, sveitar-
stjóri á Eskifirði:
1. Ég átti þess ekki kost að
sækja mótið fyrr en síðasta dag
þess, en sá dagur varð mér sann-
kallaður hátíðisdagur, sem ég
mun lengi minnast. Allt, sem
fram fór að Eiðum þennan hátíð-
isdag, ræðuhöld, söngur, fim-
leikasýning, íþróttakeppni, glímu-
sýning, þjóðdansar og sögusýning
— allt þetta fór fram að mínum
dómi í sönnum ungmennafélags-
anda, sem gerði mig, gamlan ung-
mennafélagann, ungan í annað
sinn. Það var aðeins eitt, sem ég
var ekki allskostar ánægður með,
en það var kappglíman, Hún hefði
mátt vera ofboðlítið fegurri. —
Hinn geysifjölmenni áhorfenda-
skari setti líka sinn svip á þenn-
an hátíðisdag með háttvísi og
prúðmennsku í hvívetna. Loks má
ekki gleyma Lúðrasveit Neskaup-
staðar, sem undir ágætri stjórn
Haralds Guðmundssonar, jók
drjúgum á hátíðarskap mótsgesta
með frábærum leik sínum.
Segja má, að menn og mold á
Austurlandi hafi á þessu vori ver-
ið óvenju illa undan vetri gengin.
Þess vegna þurfti til þess mikið
og samstillt átak, mikinn mann-
dóm og mikla fórnfýsi að koma
þessu Eiðalandsmóti á og það
með þeim glæsibrag, sem raun
gaf vitni um. — Allir þeir mörgu
aðilar, sem sneru saman bökum
við undirbúning og stjórn þessa
vel heppnaða landsmóts, eiga
miklar þakkir skildar fyrir sitt
mikla starf.
2. Ég tel að mótið eigi eftir
að hafa mikil og varanleg áhrif
á íþróttaæskuna hér á Austur-
landi og verða raunar ungum og
gömlum Austfirðingum hin mesta
hvatnig til aukinna og skipulegra
átaka í íþrótta- og uppeldismálum
fjórðungsins yfirleitt.
Guðmunilur Magnússon, odd-
viti Egilsstaðahrepps:
Ekkert hefur meir tekið hugi
Héraðsbúa á þessu vori og sumri
en landsmótið að Eiðum, sem nú
er nýafstaðið og nefnir maður þá
ekki hafís og harðindi.
Þegar skrifa skal stutta grein
um landsmótið ber sérstaklega að
þakka landsmótsnefnd þá bjart-
sýni að leggja í slíkt fyrirtæki á
þeim stutta tíma, sem veðurguð-
irnir úthlutuðu henni.
Ef menn tóku tal saman á
förnum vegi dagana fyrir lands-
mótið, var þetta ætíð umræðu-
efnið. Heldurðu að takist að
Framh. á 3. síðy.