Morgunblaðið - 22.10.2011, Blaðsíða 2
2 FRÉTTIRInnlent
MORGUNBLAÐIÐ LAUGARDAGUR 22. OKTÓBER 2011
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti vidsk@mbl.is
Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is Víðir Sigurðsson,
vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Marta María Jónasdóttir fréttastjóri dægurmála martamaria@mbl.is Prentun Landsprent ehf.
Ingveldur Geirsdóttir
Róbert B. Róbertsson
Bílstjórar Íslenska gámafélagsins
hafi fengið fyrirmæli um að aka ekki
áfram gegn akstursstefnu við gáma-
svæði Sorpu í Dalvegi, eftir alvarlegt
slys á miðvikudag, en bíl frá félaginu
var á hinn bóginn ekið gegn aksturs-
stefnu við gámasvæðið við Ánanaust
í Reykjavík í gær, eins og myndin
hér að ofan ber með sér. Hjá Sorpu
vissu menn af þeirri vinnureglu að
aka gegn einstefnumerki við Dal-
braut þar sem slysið varð.
Jón Þórir Frantzson, forstjóri Ís-
lenska gámafélagsins, segir að verið
sé að fara yfir alla verkferla í sam-
vinnu við Sorpu.
Hjólreiðamanni sem ekið var á við
gámasvæði Sorpu á miðvikudag er
enn haldið sofandi í öndunarvél. Fyr-
ir liggur að bílnum sem ók á hann var
ekið á móti akstursstefnu.
Ásmundur Reykdal, rekstrar-
stjóri endurvinnslustöðva Sorpu,
segir að Sorpa hafi sett upp skiltið
sem bannar innakstur á þessum stað.
Hjá Sorpu hafi menn vitað af því að
bílstjórar aki þarna inn á morgnana
þegar stöðin er lokuð almenningi,
þrátt fyrir merki um að innakstur sé
bannaður. „Við setjum þetta upp
sjálf til leiðbeiningar um það að akst-
ursstefnan á stöðinni er hinsegin.
Stöðvarnar eru ekki opnaðar fyrir al-
menning fyrr en um hádegi á daginn.
Fyrir hádegi hefur verktakinn að-
gang að stöðinni og við erum ekki
með mannskap á staðnum. Ég veit að
þeir eru að keyra inn um þennan
enda á stöðinni þá. En við ætlumst
ekki til þess þegar fólk er komið inn á
stöðina að það sé umferð á móti
straumnum. Í þessu tilfelli þegar
slysið varð var verið að sækja garða-
úrgang og hann er staðsettur í þess-
um enda og bílstjórinn hefur viljað
spara sér tíma ímynda ég mér. En
meginreglan er sú að umferðin í
gegnum stöðina sé einstefna og þetta
merki vísar til þess að þarna sé ekki
innkeyrslan fyrir stöðina. Okkar
reglur eru mjög skýrar með það,“
segir Ásmundur og bætir við að verið
sé að skoða aðkomur að stöðvum
Sorpu nú í kjölfar slyssins.
Auðveld aðkoma
Svo virðist sem í útkeyrslunni frá
gámastöðinni, þar sem slysið átti sér
stað, sé búið að eiga við umferðareyj-
una til þess að auðvelda aðkomu bíla,
jafnvel þótt þetta sé á móti umferð.
Hvorki Sorpa né Kópavogsbær
könnuðust við þetta.
Þá sagði Stefán L. Stefánsson,
deildarstjóri framkvæmdadeildar
Kópavogsbæjar að bærinn hefði ekki
komið nálægt þessu enda stæði í
deiliskipulagi bæjarins að þarna ætti
að vera einstefnugata.
„Við höfum ekki gert neitt til þess
að heimila eða auðvelda bílum að
beygja þarna inn einstefnugötu.
Þetta er einstefnugata og frá bænum
séð hefur það alltaf verið þannig og á
að vera þannig,“ sagði Stefán.
Málið er í rannsókn og segir Sæv-
ar Helgi Lárusson hjá Rannsóknar-
nefnd umferðarslysa að þetta atriði
verði sérstaklega skoðað.
Enn gegn einstefnu
Bílstjórar fengu fyrirmæli um að aka ekki gegn einstefnu eftir slys við Dalveg
Sorpa vissi af „vinnureglu“ um að aka gegn einstefnumerki Er í öndunarvél
Innakstur bannaður Þessi mynd var tekinn síðdegis í gær, föstudag, á afgreiðslutíma endurvinnslustöðvar Sorpu við Ánanaust. Eins og sést á myndinni er
bíl Íslenska gámafélagsins ekið á móti einstefnu inn á stöðina, þrátt fyrir skiltið. Sorpa vissi af því að bílstjórar óku gegn einstefnu við Dalveg.
Morgunblaðið/Júlíus
Auðveldara Ummerki benda til að umferðareyju á Dalvegi hafi verið breytt
til að auðvelda hægri beygju á móti umferð.
Systurnar sem létust í bílslysinu á
Alicante á Spáni á fimmtudag hétu
Erla og Svana Tryggvadætur.
Erla var 82 ára gömul, fædd 9. júlí
1929 og bjó í Suðurhlíð 38 D í
Reykjavík. Erla var fráskilin og læt-
ur eftir sig fjögur börn.
Svana var áttræð, fædd 11. mars
1931 og bjó á Strandvegi 8 í Garða-
bæ. Svana var ekkja og lætur eftir
sig þrjú börn.
Systurnar
sem létust
Svana og Erla Tryggvadætur.
Í gær lauk samn-
ingafundi um
makrílveiðar í
London sem
hófst á miðviku-
daginn. Í fund-
inum tóku þátt
fulltrúar Íslands,
ESB, Noregs,
Færeyja og Rúss-
lands. Fundurinn
var jákvæður og
voru ræddar mismunandi leiðir til
stjórnunar makrílveiða og skipt-
ingar aflahlutdeildar milli ríkjanna
fimm, að sögn Tómasar H. Heiðar,
aðalsamningamanns Íslands í
makrílveiðum. Viðræðurnar halda
áfram í næstu viku.
Jákvæður fundur
um makrílveiðar
Tómas H. Heiðar
Samkvæmt til-
lögu fulltrúa
meirihlutans í
umhverfis- og
samgönguráði
Reykjavíkur á að
bjóða út hirðu á
pappírsefnum
sem á að safna
frá heimilum í
borginni frá og með næstu áramót-
um, í áföngum þó.
Vinstri grænir í Reykjavík hafna
því að verkið verði boðið út. Í álykt-
un frá stjórn VG í Reykjavík segir:
„Vinstri græn leggjast eindregið
gegn einkavæðingar- og útvistunar-
áformum á sorpi í Reykjavík.“
Ætla að bjóða út
pappírshirðu
Róber B. Róbertsson
robert@mbl.is
Þorbjörn Jónsson, nýkjörinn formað-
ur Læknafélags Íslands, segir yfir-
vofandi skort á sérfræðilæknum vera
mikið áhyggjuefni. Í ályktun sem
samþykkt var á aðalfundi félagsins í
gær skoraði Læknafélagið á stjórn-
völd að skilgreina hvaða þjónusta fæl-
ist í sjúkratryggingu almennings á
Íslandi. Þá telur félagið að boðaður
niðurskurður geri það að verkum að
borin von verði að heilbrigðisstofnan-
ir geti sinnt óbreyttri sömu þjónustu.
„Það eru margar greinar sem búa
við yfirvofandi læknaskort,“ sagði
Þorbjörn. ,,Fyrir ekki svo mörgum
árum voru yfirleitt margar umsóknir
um hverja sérfræðilæknisstöðu, en
nú er mjög algengt að það sé einn eða
jafnvel enginn umsækjandi.“
Að sögn Þorbjarnar eru ástæð-
urnar margvíslegar, en vaxandi
óánægja er meðal lækna vegna kjara,
starfsaðstöðu og vinnuálags.
Þá hefur meðalaldur sérfræði-
lækna farið hækkandi, sérstaklega
síðustu þrjú ár og það eykur vand-
ann.
Halla Skúladóttir, yfirlæknir lyf-
lækninga krabbameins á Landspítal-
anum, tekur í sama streng og segir að
krabbameinsdeildin hafi ekki farið
varhluta af þessu.
„Það er ennþá ómönnuð staða hjá
okkur og svo erum við með eldri
lækna sem fara bráðum að hætta,“
sagði Halla. „Við sjáum ekki fram á
að manna þessar stöður. Ég er búin
að hringja í útskrifaða krabbameins-
lækna í útlöndum en þeir veigra sér
við að koma heim fyrst og fremst út af
því kreppuástandi og óvissu sem ríkir
á Íslandi.“
Ítreka áhyggjur af yfir-
vofandi læknaskorti
Stjórnvöld
ákveði hvaða þjón-
ustu eigi að veita
Halla Skúladóttir Þorbjörn Jónsson
Suðurlandsbraut 20, Reykjavík | Sími 588 0200 | www.eirvik.is
Miele eldhústæki