Morgunblaðið - 22.10.2011, Blaðsíða 6

BAKSVIÐ
Helgi Bjarnason
helgi@mbl.is
„Við munum klára þetta mál. Til
þessa verks vorum við kosin og því
umboði verðum við trú, allt til enda,“
sagði Jóhanna Sigurðardóttir, for-
sætisráðherra og formaður Sam-
fylkingarinnar, um viðræður um að-
ild Íslands að Evrópusambandinu, í
setningarræðu sinni á landsfundi
flokksins sem hófst í gær.
Jóhanna fór yfir árangur af starfi
ríkisstjórnar Samfylkingarinnar og
VG það sem af er kjörtímabilinu.
Meðal annars nefndi hún aðgerðir til
að draga úr halla á ríkissjóði. „Þess-
um árangri höfum við náð án þess að
vega þannig að velferðarkerfinu að
úr því verði ekki bætt þegar hagur
okkar vænkast á ný og án þess að
hækka hér skatta á þá sem síður
geta borið þá,“ sagði Jóhanna og vís-
aði til þess að þetta hefði tekist
vegna þess að unnið hefði verið
skipulega eftir plani A strax frá upp-
hafi en ekki B-plani Framsóknar-
flokksins eða D-plani Sjálfstæðis-
flokksins sem fram hefði komið
þremur árum eftir hrun.
Gæðum lífsins skipt jafnar
Jóhanna sagði að nú væru mögu-
leikar til að sækja fram og hefja
kraftmikla lífskjarasókn, ekki síst ef
það tækist að ljúka viðræðum um
aðild Íslands að ESB og þjóðin yrði
sammála um kosti aðildar.
Hún lagði áherslu á það hlutverk
Samfylkingarinnar að sjá til þess að
lífsins gæðum yrði jafnar skipt en
áður.
Undir lok ræðu sinnar taldi for-
maður Samfylkingarinnar upp
nokkur mál, auk aðildarviðræðna
við ESB, sem leiða þyrfti til lykta
fyrir lok kjörtímabilsins. Koma
þyrfti atvinnulífinu á fullt skrið og
ná atvinnuleysinu niður í 4-5%.
Ljúka endurskoðun fiskveiðistjórn-
unarkerfisins. Ljúka endurskoðun
stjórnarskrárinnar. Samþykkja
rammaáætlun um vernd og nýtingu
náttúrusvæða og stofna auðlinda-
sjóð. Lögfesta nýtt og einfaldara al-
mannatryggingarkerfi. Leggja
grunn að nýju húsnæðiskerfi og
hefja endurreisn fæðingarorlofs-
sjóðs.
Mikilvægasta erindið
„Ég heiti á okkur öll að gera það
sem í okkar valdi stendur til að ná
fram þessum stóru og mikilvægu
málum og marka þannig farsæla
braut fyrir þróun íslensks samfélags
til framtíðar. Þetta eru að mínu mati
mikilvægustu erindi Samfylkingar-
innar við þjóðina á síðari hluta kjör-
tímabilsins. Ég heiti því að gera allt
sem í mínu valdi stendur til að koma
þessum málum í höfn áður en þessu
kjörtímabili lýkur,“ sagði Jóhanna.
Á annað þúsund Samfylkingar-
félagar eiga rétt á setu á landsfundi
flokksins sem haldinn er í íþrótta-
miðstöð Vals á Hlíðarenda í Reykja-
vík. Fundinum lýkur á sunnudag.
„Munum klára þetta mál“
 Formaður Samfylkingarinnar leggur línurnar fyrir síðari hluta kjörtímabilsins
 Ljúka verði aðildarviðræðum við ESB  Koma atvinnulífinu á fullt skrið
Morgunblaðið/Golli
Setning Jóhanna Sigurðardóttir, formaður Samfylkingarinnar, lagði
áherslu á árangur ríkisstjórnarinnar og áherslur í setningarræðu sinni.
6 FRÉTTIRInnlent
MORGUNBLAÐIÐ LAUGARDAGUR 22. OKTÓBER 2011
’
Nú þegar við komum saman á ný
og kjörtímabil ríkisstjórnarinnar er
vel hálfnað er björgunarstarfinu að
mestu lokið og raunveruleg sókn til
betri lífskjara og manneskjulegra sam-
félags er komin vel á veg.
’
Við höfum þurft að glíma við
stjórnarandstöðu bæði á þingi og í
fjölmiðlum sem hefur að stórum hluta
verið óvenjulega heiftúðug og ómál-
efnaleg og óvæntar ákvarðanir Hæsta-
réttar og forseta Íslands.
’
… þúsundir fjölskyldna hafa náð
tökum á vandanum og heimili
þeirra hafa verið varin. Fjöldi heimila
mun þó áfram glíma við mikinn vanda,
ekki síst á þetta við um þá sem fjár-
festu í fyrsta sinn á árunum fyrir hrun
og nýttu til þess lánsveð. Vanda þess
hóps þarf að skoða sérstaklega og að
því er unnið.
’
Þótt ýmsir kjósi að freista gæf-
unnar erlendis er fjarri því að gras-
ið sé grænna í okkar helstu samanburð-
arlöndum, hvort sem litið er til
hagvaxtar, stöðu hins opinbera eða
stöðunnar á vinnumarkaði. Það kemur
því ekki á óvart að jafnt og þétt dregur
saman með brottfluttum og aðfluttum.
’
Hvorugur flokkurinn [Sjálfstæðis-
flokkur og Framsóknarflokkur] er
stjórntækur fyrr en hann viðurkennir
ábyrgð sína, gerir upp við hrunið og
breytir um stefnu í þeim grundvallar-
málum sem hruninu ollu.
Orðrétt
Volvo S60 R-Design Verð frá 5.690.000 kr. Spyrðu um aðrar gerðir Volvo í R-Design sportútgáfu. Kynntu þér sérpöntunarþjónustu Volvo.
Vertu
m
aður sportlegur
og
þú
kem
ur við
sögu
á
hverjum
degi
Nýttu þér gott sýningartilboð í dag
sýning
ÍDAG
MILLI
12-16
KAFFI &
KONFEKT
Brimborg og Volvo áskilja sér rétt til að breyta verði og búnaði án fyrirvara, að auki er kaupverð háð gengi. Nánari upplýsingar veita ráðgjafar Volvo.