Líf og list - 01.09.1950, Blaðsíða 12
MYNDLIST
Iíristján Davíðsson sýnir
Kristján Davíðsson opnaði mál-
verkasýningu í Listamannaskálan-
um laugardaginn 2. þ. m. Þetta er
fyrsta sjálfstæða sýning hans hér á
landi, en hann hefir tekið þátt í
flestum samsýningum islenzkra
myndlistarmanna síðan 1947. Krist-
ján stundaði listnám við Barnes
Foundation í Pensilvaníu-fylki ’45
—’47 og hélt sjálfstæða málverka-
sýningu í fnternational House í
Fíladelfíu 1946. Þessi sýning, sem
hér er á ferðinni, er all-yfirgrips-
mikil; alls eru sýnd 54 málverk,
sem listamaðurinn hefir unnið að
síðastliðin fjögur ár. Myndir Krist-
jáns hafa vakið mikla athygli bæði
á sýningum hérlendis og utan-
lands, sums staðar staðið um þær
styrr, svo skiptar eru skoðanir
manna á list lians. iSýning þessi
mun gefa dágóða heildarsýn yfir
verk hans og hvað vakir fyrir hon-
um.
„Myndir úr kyrrlátu lífi
fólksins.“
„Allar þessar myndir mínar eru
úr kyrrlátu lífi fólksins,” sagði
Kristján, þegar við spurðumst fyr-
ir um sýningu hans í heild. „Sam-
anber frétt Morgunblaðsins um
nútíðarlist í París,“ bætti hann síð-
an við. „Skrýtin fréttin sú. Mig
minnir, að Hjörleifur Sigurðsson
hafi frætt mig á því, að nýlega hafi
selzt í París mynd eftir Matíss á
nokkrar milljónir franka."
Lygaþvœttingur um ungu
málarana.
„Er einhver fótur fyrir því, að
þú og aðrir ungir málarar hér leggi
fæð á myndlist eldri rnálara ís-
lenzkra, séuð ofstækisfullir og
þröngsýnir í þeirra garð?“
„Þeim lygaþvættingi hefir verið
veðrað upp, að við uugu málar-
arnir margir hverir hötuðu þá
gömlu — ég veit tæplega dæmi
slíks. Ég fyrir mitt leyti er mjög
hrifinn af málurum eins og Jóni
Stefánssyni, Kjarval og Ásgrími.”
/lhrif frá list frumstœðra þjóða.
„Geturðu frætt lesendur okkar
eitthvað um, hvaðan gætir áhrifa í
myndum þínum?"
„Af nútíðarlistarmönnum mætti
nefna Miro, Klee, Matisse, Dubuffet
og svo ótal aðrir, kannske þúund
menn, sem ég veit ekki einu sinni,
hvað heita, sumir góðir aðrir slæm-
ir. Nauðsynlegt er að vera í tengsl-
um við bæði gott og illt. Manni
getur orðið óglatt aí Joví að sjá
ekkert annað cn það, sem
„gott“ þykir. Ég hefi orðið
fyrir miklum áhrifum frá list frum-
stæðra þjóða, sem ég horfði mikið
á erlendis. Úr þeim áhrifum vinn
ég meira en öðru, að því er mér
skilst.“
„Hvað hrífur ]tig í frumstæðri
list — og hvers vegna eru áhrif
hennar svo sterk á nútíðarlistina?”