Teningur - 01.04.1986, Blaðsíða 9

þessari sýningu ætti hann að vera búinn
að festa sig í sessi sem yfirvegaður lista-
maður. Það er komin meiri fylling í verk-
in sérstaklega olíumálverkirr og,galgopa-
skapurinn sem stundum reið ekki við
einteyming og fór yfir markið er orðinn
dempaðri. Verk Tuma má tengja hinni
nýju bylgju í málverki en hann er samt
alveg laus við hina yfirborðslegu tegund
expressionisma sem er orðin mjög áber-
andi hjá mörgum myndlistarmönnum af
yngra taginu. Vonandi liggur leið Tuma
fram veginn og upp á við eins og hingað
til.
7 SVISSLENDINGAR
f NÝLISTASAFNINU
í Nýlistasafninu var sýning á verkum
nokkurra helstu forvígismanna sviss-
neskrar myndlistar, af yngri kynslóð-
inni. Það hafa verið þó nokkur tengsl á
milli svissneskra og íslenskra myndlistar-
manna undanfarin ár og hafa reyndar
þrír hinna eftirtöldu listamanna sýnt í
Reykjavík og kennt við Myndlista- og
handíðaskólann.
Helmut Federle og John Armleder eru
þekktir fyrir abstraktmyndir, sem þeir
hafa unnið að í mörg ár og gætu þeir
tengst hinum nýja austum'ska abstrakt-
stfl. Jean-Frederic Schnyder og David
Weiss/Peter Fischli (en þeir vinna sam-
an) eru af þeirri tegund listamanna sem
maður getur búist við hverju sem er frá
°g vinna í hin ýmsu efni og miðla.
Klaudia Schifferle byrjaði sem einskon-
ar pönkmálari og var reyndar í pönk-
hljómsveit. Martin Disler er án efa einn
þekktasti myndlistarmaður expression-
íska vængsins í nýja málverkinu. Oliver
Mosset er þekktur frá eldri tíma, mínim-
alistanna og konseftlistarinnar og vann
meðal annars með Frakkanum Daniel
Buren á sínum tíma.
INGÓLFUR ARNARSSON
í NÝLISTASAFNINU
Á sýningu Ingólfs Amarssonar tengdust
saman raðir blýantsteikninga og skúlpt-
úrar. Tengslin mynduðu ákveðna heild
eða andrúmsloft sem orð ná ekki yfir og
jafnvel ekki sjón heldur. Heildaráhrifm
eru á sviði tilfinninga þess er skoðar og
skynjar. En á þetta ekki við um alla
myndlist? Jú að vísu, en í myndlist Ing-
ólfs Amarssonar er aðaláherslan á þess-
um þáttum. Að baki listaverks er lista-
maðurinn, ástæður hans og hugsanir
tengdar verkunum og tilurð þeirra. Ekki
má heldur gleyma nautn listamannsins
við sköpunina. Þetta allt verður aldrei
fullkomlega ljóst áhorfandanum, hann
verður líka að skapa með ímyndunarafli
sínu. Það er því htið frjómagn í því verki
sem upplýsir sjálft sig undireins.
Sýningin í Nýlistasafninu var á vissan
hátt tvískipt. Teikniraðimar mynduðu
aðaluppistöðurnar í hvorum hinna
tveggja sala. Inn á milli þeirra voru síðan
skúlptúrarnir, nokkurs konar byggingar
sem einnig höfðu huglægar tilvísanir. í
fremri sal voru teikningarnar gerðar á
heimili foreldra Ingólfs. Myndefnin
voru munir sem á einhvern hátt höfðu
vakið athygli og ímyndunarafl hans í
bernsku. Á gólffletinum framan við
teikningarnar voru skúlptúrararnir:
Hlaði svertra viðarbjálka. í einum bjálk-
anum mátti greina form skeiðar. Síðan
marmarakubbur sem á var teiknað með
blýanti form bjöllu. Síðast var slípuð
steinplata með reitum sem í voru orðin
Lion, Head. í stærri salnum vom
teikningarnar gerðar í Róm. Ingólfur
teiknaði á tilfallandi pappír landslag frá
íslandi án nokkurra fyrirmynda. Þar
sem bil voru á milli teikninganna voru
skúlptúramir. Stærsti og plássfrekasti
skúlptúrinn var gerður úr svertum viðar-
bjálkum. Sex fætur vom undir rétt-
hyrndri grind. í einn fótinn var grafið
form Iíkt brennivínsflösku og í grindina
ofan á voru grafnir tveir litlir hringir og
einn stór. í horni voru mishá rétthyrnd
gifsform, þau voru fyllt bláleitu vaxi í
nokkrum tónum sem helst minntu á lit-
róf hafsins. Jafnframt var þetta eini litur
sýningarinnar, önnur verk voru svört,
hvít eða grá. Hlaði gifsformanna gat
minnt á margt, eins og stuðlaberg, pípu-
orgel, tröppur og fleira. Einhver kirkju-
blær var yfir verkinu og það átti jafnvel
við um sýninguna alla. Tvær ljósmyndir
mátti flokka með skúlptúmnum. Þær
voru gerðar þannig að peningum var
raðað á ljósmyndapappír og hann síðan
lýstur. Á annarri mynduðu hringimir
form sem minnti á hús, undirstaðan var
þó uppleyst eða tætt. Á hinni ljósmynd-
inni höfðu peningarnir legið mislengi á
pappírnum þannig að útkoman var lík-
ust því þegar horft er ofan í Peningagjá.
í tilefni sýningarinnar gaf Ingólfur út
sérlega fallega bók með landslagsteikn-
ingum ásamt annarri ljósmyndanna. Hin
teikniröðin hafði áður komið út í bók-
inni ,, Treffen im Gebirge sem gefin var
út í tilefni sýninga 8 íslenskra listamanna
í Basel haustið 1984.
,,ÚR HUGARHEIMI":
SIGURLAUG JÓNSDÓTTIR OG
GRÍMA í LISTASAFNI ASÍ
Litfagrar myndir Ólafar Grímu Þorláks-
dóttur sýna okkur inn í heim blóma og
blómálfa. Inn í heim utan við mannlífið,
heim sem er ekki sjáanlegur nema með
innri augum og hreinu og jákvæðu hug-
arfari. Með því að yrkja um þessa heima
er falin ósk um að í mannheimum verði
7