Teningur - 01.04.1986, Blaðsíða 50

X / /
Oskar Arni Oskarsson
Á villigötum
Alls staðar leitaði ég þín
á biðstofum og bókasöfnum
Óðinstorgum og Hverfisgötum
ég leitaði þín í þvögunni við miðasöluna
beið þín hjá Bæjarins bestu
og ráfaði lystarlaus um götumar á kvöldin
vaknaði upp á nóttinni með nafn þitt á vörunum
fékk mér sjálfvirkan símsvara
og biandaði vínið á barnum með tárum
en sá aðeins sjálfan mig í brotnum spegli
bak við kápurnar í fatahenginu
ég spurði stelpuna í sjoppunni
ég spurði strákinn á bensínstöðinni
leigubflstjóramir kölluðu nafn þitt útí nóttina
bréfberarnir skiptu um öxl
ég var alls staðar út um allt
droparnir dönsuðu á gangstéttinni
götuljósin límdust við malbikið
löggan lýsti framaní mig
ég gekk á glerbrotum í Læragjá
elti rauða fána niður Laugaveginn
maulaði harða kleinu á Hressó
en fann þig hvergi

ísskápurinn suðaði
sólin braust inn meðan ég svaf
blöðin birtu mynd af fyrstu kríunni
og ég gekk götuna af gömlum vana
gretti mig framaní kvöldsólina
drap í síðustu sígarettunni
kannski eitthvert annað vor
og þá sá ég þig
þú stóðst útí hverjum einasta glugga
í hverju einasta húsi í götunni
ég hringdi bjöllum
hljóp upp stiga
hraktist um dimma ganga
og bankaði og bankaði og barði á hurðir
en það kom alltaf einhver önnur til dyra
stundum heyri ég fótatak í forstofunni
skuggarnir í garðinum
hvísla leyndarmálum að trjánum
ég heyri dropana falla
kannski þvær rigningin )
saltið af rúðinni í nótt
48