Austurland - 19.04.1979, Blaðsíða 4

flíTSTITRTiAlMT) Augíýsíð í Austurlandi Innlánsviðskipti er leiðin til lánsviðskipta.
Símar 7571 og 7454 Neskaupstað, 19. apríl 1979. Gerist ásklÍfendUr SPARISJÓÐUR NORÐFJARÐAR
Smári
Geirsson
NOREGSPISTILL
Það getur oft verið erfitt og vanþakklátt að vera í hlut-
verki gagnrýnandans. Þegar gagnrýnt er, er nauðsynlegt að
hafa góða þekkingu á því sem fjallað er um og hafa það í huga,
að gagnrýni getur jafnt verið jákvæð sem neikvœð. Hins vegar
virkar of jákvœð gagnrýni oftast hlœgileg, en of neikvœð gagn-
rýni mun oftast koma gagnrýnandanum í koll. Því miður er
ósanngjörn og neikvœð gagnrýni, sem oft er byggð á þröng-
sýni og vanþekkingu, allt of algeng. Á þessu sviði, sem á svo
mörgum öðrum, getur verið erfitt að rata hinn gullna meðalveg.
Dálítið um gagnrýni
og þröngsýni
Ræjargagnrýni
í Austurlandi þann 1. mars sl.
eru hvorki meira né minna en
tvær leiðréttingagreinar vegna
spjalls, sem Morgunblaðið hafði
birt við fréttaritara sinn í Nes-
kaupstað. Spjall þetta fjallaði um
bæjarmálefni í Neskaupstað.
Ef marka má þessar leiðrétt-
ingagreinar virðist fréttaritarinn
hafa valið einstefnugötu hinnar
neikvæðu gagnrýni í spjalli þessu
og að sjálfsögðu fær hann á bauk-
inn fyrir vikið.
Virðist fréttaritarinn hafa gefið
heldur ljóta lýsingu á Neskaupstað
og tínt til eftir fremsta megni það
sem ómögulegt var að hans mati.
í spjallinu hefur fréttaritarinn
líklega verið langt frá hinum
gullna meðalvegi gagnrýninnar.
í þessu sambandi ætla ég að láta
fljóta með gagnrýni á þann bæ sem
ég dvelst í um þessar mundir. Að
vísu fjallar hún fyrst og fremst
um íbúa bæjarins, en það fer ekk-
ert á milli mála, að hér er um
gagnrýna lýsingu að ræða:
„Bergen fannst mér ansi ein-
kennilegur bær. Húsin bera að
vísu vitni um menningu, sem ekki
hefur ennþá öðlast lausnina. Stræt-
in eru óhrein. Og fólkið er óvenju-
Iega luralegt. Það er jafnvel ennþá
kauðalegra en í Reykjavík. Hvergi
sá ég bregða fyrir gáfulegum and-
litssvip. Kerlingarnar eru eins og
hvelja, sem legið hefur alla vetr-
armánuðina í súr. Ungu stúlkurn-
ar eru grettar af stöðugum barn-
ingi móti stormi og regni. Og karl-
mennirnir líta út eins og borgarar,
sem eiga peninga í sparisjóði“.
Ekki eru þetta orð fréttaritara
Morgunblaðsins í Bergen, heldur
þvert á móti er tilvitnunin tekin
úr einu verka snillingsins Þór-
bergs Þórðarsonar. Ekkert botna
ég í því hvað hefur valdið því að
Þórbergur lýsir Bergen og Berg-
ensbúum á þennan hátt. Líklega
hefur snillingurinn einfaldlega
verið í þungu skapi á meðan á
Bergensdvölinni stóð.
Vissulega getur ósanngjöm og
of neikvæð gagnrýni haft skaðleg
áhrif. Ég veit að Norðfirðingar
láta ekki slíka gagnrýni fréttarit-
ara Morgunblaðsins hafa áhrif á
sig, en hún'gæti vissulega villt um
fyrir utanaðkomandi og ókunnug-
um. Ég er t. d. fullviss um að ég
hefði hugsað mig tvisvar um áður
en ég hélt til Bergen, ef ég hefði
einfaldlega munað eftir lýsingu
Þórbergs á bænum.
Ekki í fýrsta skipti
Þetta er því miður ekki í fyrsta
skipti sem einn af frammámönn-
um minnihlutaflokkanna í Nes-
kaupstað gefur neikvæða og
ósanngjarna lýsingu á bænum.
Það er ekki oft sem heyrist frá
þeim minnihlutamönnum á milli
kosninga, en þá sjaldan það skeð-
ur hefur viljað brenna við að lýs-
ingamar séu á svipaða lund og
umrætt spjall í Morgunblaðinu.
Það sem fyrst og fremst ein-
kennir þessar lýsingar er að bæjar-
málefnum er ekki lýst í víðu sam-
hengi og bent bæði á hið jákvæða
og hið neikvæða, heldur er allt
sem neikvætt má teljast tínt til
og þannig dregin upp hin ógur-
legasta mynd af Neskaupstað. Það
er langt frá því að verk meiri-
hlutans í Neskaupstað séu yfir
gagnrýni hafin, en þau verður að
gagnrýna á sanngjarnan hátt.
Ég er þeirrar skoðunar að þeir
forsvarsmenn minnihlutaflokk-
anna, sem hafa gefið þessar nei-
kvæðu lýsingar af Neskaupstað,
viti vel að lýsingar þeirra eru óra-
vegu frá því að gefa raunhæfa
heildarmynd af ástandi mála í
kaupstaðnum. Hins vegar tel ég
að hjá þeim helgi pólitískur til-
gangur meðalið hvað þetta varðar.
Lýsingarnar eiga semsagt að eyði-
ieggja álit kommúnistameirihlut-
ans út á við, því ekki trúi ég að
þeir haldi að slíkur málflutningur
hafi áhrif á Norðfirðinga.
Ef þessir forsprakkar minnihlut-
ans halda það hins vegar að þeir
séu í raun og veru að gefa hlut-
læga heildarmynd af Neskaupstað
í þessum lýsingum sínum, þá er
eins á komið fyrir aumingja mönn-
unum og froskinum, sem Mao
heitinn formaður sagði eitt sinn
frá:
„Froskur, sem alið hefur allan
sinn aldur á botni stórs brunns,
heldur að himininn, sem hann sér
upp í gegnum brunnopið sé allur
himininn“.
Nóg um þetta að sinni.
Bergen 18. 3. 1979.
Smári Gcirsson
Pétur og
Rúna á
Borgarfirði
Leikfélagið Vaka á Borgar-
firði frumsýndi á annan í pásk-
um verðlaunaleikrit Birgis Sig-
urðssonar, Pétur og Rúnu.
Leikfélagið Vaka var stofn-
að 1971 og er þetta 8. verkefni
þess frá stofnun.
Leikritið var fyrst sýnt í
Iðnó 1972 og hefur síðan ver-
ið sett upp af áhugaleikfélög-
um víða um land. Efni leikrits-
ins er mjög þjóðfélagslegs eðlis.
Þar er fjallað um fólk sem
verður í daglegu lífi sinu vart
við þætti eins og til dæmis
vinnuálag, peningakapphlaup,
tískuduttlunga og margt fleira
f þeim dúr.
Leikstjóri hjá Borgfirðingum
er að þessu sinni Magnús Guð-
mundsson, Norðfirði, og er
þetta 19. verkefnið sem hann
leikstýrir á sínum ferli.
Aðalhlutverkin, Pétur og
Rúnu, leika Pétur Eiðsson og
Ragnhildur Jónsdóttir. í öðrum
hlutverkum eru: Hafsteinn Óla-
son, Kjartan Ólason, Þórdís
Sigurðardóttir, Kristjana
Björnsdóttir og Valgeir Skúla-
son.
Formaður Vöku er Haf-
steinn Ólason.
Ef færð leyfir, verður leikrit-
ið sýnt utan Borgarfjarðar en
vegna ótryggrar færðar verður
það ákveðið með stuttum fyr-
irvara hverju sinni hvar sýnt
verður.
Skíðamót
Austurlands
Austurlandsmótið á skíðum
var haldið á Seyðisfirði í blíð-
skaparveðri um páskahelgina.
Keppendur voru frá 4 stöð-
um: Seyðisfirði, Egilsstöðum,
Eskifirði og Neskaupstað.
Stigahæst félaganna varð
Huginn Seyðisfirði, en væntan-
lega verður nánar sagt frá úr-
slitum mótsins í næsta blaði.
Kabarett
Lionsfélagar í Neskaupstað
ætla að halda kabarett í
Egilsbúð n. k. laugardag 21.
apríl.
Þar verður ýmislegt á dag-
skrá s. s. kórsöngur, hljóð-
færaleikur, leikþættir og sitt-
hvað fleira bæjarbúum til
gamans.
Óskum samstarfsmönnum og viðskiptavinum okkar
GLEÐILEGS SUMARS
OLÍUSAMLAG ÚTVEGSMANNA
Neskaupstað
Óskum samstarfsmönnum og viðskiptavinum okkar
GLEÐILEGS SUMARS
SAMVINNUFÉLAG ÚTVEGSMANNA
Neskaupstað
Óskum viðskiptavinum okkar
GLEÐILEGS SUMARS
VERSLUN KRISTJÁNS LUNDBERG
Neskaupstað
Óskum starfsmönnum og viðskiptavinum
GLEÐILEGS SUMARS
LANDSBANKl ÍSLANDS
Neskaupstað
Siarismönnum og viðskiptavinum óskum við
GLEÐILEGS SUMARS
Þökkum samstariið á liðnum vetri
lltgerð hf. Sfldarvinnslunnar
Neskaupstað
VÆKTÆKTÆTÆBtFÆKKTÆÆFÆ'WFÆtÆ'ÆKÆF,'ÆÆKTÆKÆÆÆFÆÆÆÆÆÆÆÆÆÆÆÆÆÆÆÆÆÆÆÆKTÆKÆT,ÆÆÆÆÆÆÆÆÆÆÆÆÆÆÆÆÆÆ ÆÆÆÆÆÆÆBÆ
Oskum starísíólki okkar og viðskiptavinum
GLEÐILEGS SUMARS
Þökkum samstaríið á liðnum vetri
Sfldarvinnslan hf.