Svart á hvítu - 01.10.1978, Qupperneq 24

staðarbúa. Hún notaði þó jafnframt töfra sína á enn
& æ fleiri karlmenn vegna metnaðar & svo kannske
íþróttarinnar & lykilaðstöðu að vissu marki en
einskis annars & hún var orðin heimavön í plássinu
undir sláturlok. Þá var það einn dag aö hún kynntist
M.
Hann vann viö járnsmíðar & var logsuðumaður
járnamaður & ófaglæröur vélvirki en handlaginn &
furðu naskur á vélar af ýmsu tagi. Hann var hak-
langur vangasvangur beinastór & loðinbrýndur
nefljótur eineygður & ósymmetrískur með ein-
dæmum. Hann var lágur vexti meö herðakistil &
klumbufót & átti einkar auövelt með aö komast yfir
það kvenfólk er hann kæröi sig um. Það var mál
manna & sagnir um sagðar hann léti tattóvera psí á
vissan viökvæman stað líkama síns fyrir hverja
konu & mey er hann forfærði en þetta þótti benda til
astrónómískrar stærðar. Lítið orð fór af almennri
greind hans & varð það honum ekki til allósmárra
trafala í hverju tilviki sjá að ofan en iðinn & laginn
við smíðar sínar það var hann & lipur við útvegun
heimatilbúins áfengis. Sá sem þyrstur er hann
komi. Hver sem vill hann taki vægu verði lífsvatnið.
Sjá nú er hagstæð tíð sjá nú er hjálpræðisdagur.
Komið því allt er þegar tilbúið. Ef nokkurn þyrstir þá
komi hann til mín & drekki. M. var maður vinsæll í
plássinu & raunar útum nærlægar sveitir vegna
vélvirkni sinnar & vökvans sem margan munaöi í.
Hann hafði horn í síðu menntafólks honum var
beinlínis illa við það: þessir skýjaglópar sem sést
ekki í fyrir ryki sitja & rýna í einskisnýtar skræöur
skrifaðar í fornöld í tuttugu ár & koma svo út sjá
ekkert í kringum sig því stafirnir standa fastir í
glyrnunum á þeim fannst það hreykja sér yfir hann
& líka setja sig á háan hest & reigja sig: svo þykjast
þeir þekkja betur lífið en við sem höfum lifað því
sætu & súru meðan þeir hafa setið í gluggalausum
byrgjum sínum byggðum úr bókum & aftur bókum
& enn bókum fullum af þvættingi þeir þekkja ekkert
né vita né skilja það erum við sem ættum að hreykja
okkur hann fór ekki dult með meiningar sínar &
heimsmynd hans & lífsskoðun var hómógen &
þegar hann fékk bíl K. til viðgerðar þá gerði hann
honum marga & ýmislega leynda skráveifu en gerói
samvizkusamlega & vel við þaö sem undan var
kvartaö. Stundum læddist hann út að næturþeli til
þess að fikta eitthvað við bílinn honum til skað-
ræðis. Oft kom það fyrir er K. var í mat eða af öðrum
sökum ekki nálægur að M. leyndist til bílsins &
læddi einhverjum fjáranum í vélarhúsið sem eng-
anveginn átti þar heima & vildi ekki hlíta settum
reglum heimilisfastra fjölskyldumeðlima. Væru á
hann borin hermdarverkin gerði hann ekki minnstu
tilraun til að þræta fyrir þau á nokkurn hátt en
svaraði með útúrsnúningi af fíflalegasta tagi &
eyöilagði þannig hina rökstuddu ákæru málflytj-
andans sem venjulegast var K. sjálfur & byggðist
algjörlega á alvörunni & fór slíkur málarekstur
ævinlega á einn veg: útum þúfur. Kút fullan af
bruggaðri ediksýru geymdi M. alltaf K. til handa
kæmi hann & bæði um áfengi. L. varð ómótstæði-
lega hrifin af M.
júní ’69
Höfundur þessarar smásögu er þekktari fyrir söngva sína en
smíö prósa. Sjálfur hefur hann kallað smásögur sínar, en þær
eru um tuttugu og fimm, ritæfingar. Fæstar þessar smásögur
hafa birst á prenti og er Svörtu á hvítu heiður af þeirri sem er hér
aö ofan. Megas hóf feril sinn sem smásagnahöfundur og
myndlistarmaður. Á árunum 1964 til 1971 vann Megas töluvert
að smásagnagerð og birtist þá nokkuð af hugverkum hans,
veigamest þeirra var Einsog kirkja. Að henni lokinni hóf hann
smíði bálks um unaðssemdir ástarinnar og eru til meglndrög að
þeim bálki — tuttugu sögur misjafnlega unnar í ýmsum gerðum i
Handritasafni hans. Áætlun höfundar var að skrifa jafnmargar
sögur um trega ástarinnar, en önnur verkefni voru meira að-
kallandi og verkinu var ekki lokið. Plaisir d'amour er því yfirgefið
verk og verður aldrei klárað. Samt má telja það víst að i bók-
menntalegu yfirliti þessa tímaþils verði þessar sögur teknar með
í reikninginn — sagan hér að ofan er vitnisbær um það.
Páll Baldvinsson
Ritskrá Megasar:
Alexander mikli
Fráfallið
Sálin vaknar
Skýið
Einsog kirkja
Plaisir d'amour
3. tbl. 39. ár Skólablað Menntaskólans í Reykjavík
3. tbl. 40. ár Skólablað Menntaskólans í Reykjavík
óprentað handrit
febr. 1967. Lesbók Morgunblaðsins
1. tbl. 1. árg. Núkynslóð
4. tbl. 1968 Neisti
4. (brot)júlí— ágúst 1978 Gamli Nói
1 — 20 handrit
22
SVART Á HVÍTU