Birtingur - 01.06.1958, Síða 8

Franski rithöfundurinn Albert Camus, sem hlaut bókmenntaverðlaun
Nóbels við síðustu veitingu þeirra launa, er hálffimmtugur að aldri, fædd-
ur 1918.
Camus lifði uppvaxtarár sín í Alsír í Norður-Afríku. Þess sér ýmis
merki í bókum hans. Fyrsta bók hans, sem út kom 1939, fjallar til dæmis
beinlínis um lífið í Alsír, en auk þess sviðsetur hann sum skáldverk sín
þar. En árið 1942 vekur Camus fyrst verulega athygli með bók sinni
L’Etranger (Útlendingurinn). Sú bók skipaði honum á bekk með góðum
höfundum, enda var henni brátt snúið á ýmis tungumál. Þetta er saga
innan við 200 síður, rituð af mikilli leikni. Hún segir frá manni, sem
er utangátta í heiminum, fremur óhæfuverk, drepur mann, án þess að
gera sér þess grein á venjulegan hátt, að hann hafi framið afbrot, án
þess að hann láti sig nokkru skipta örlög sín. Hann skynjar ekki rétt
og rangt. Hann hefur engan mælikvarða á gildi eins eða neins. Þess
vegna er honum sama um allt, ekkert kemur honum við.
Camus hefur mjög verið bendlaður við þá heimspeki- og bókmennta-
stefnu, sem nú er ekki lengur tízkufyrirbæri, en setti um skeið svip sinn
ekki aðeins á bókmenntir heldur líferni unglinga og vanþroska fólks, sem
komst ekki inn úr yfirborði mannshugans, en hélt að allt væri komið
undir klæðaburði og kannski nokkrum danssporum í einhverri næturbúlu
Parísarborgar, auk þess sem nauðsynlegt þótti að flykkjast í það kaffi-
6 Birtingur