Austurland - 12.01.1984, Blaðsíða 4
Austurland
Neskaupstað, 12. janúar 1984.
Myndin hér að ofan er tekin á skemmtun sem Lionsmenn í Neskaupstað héldu fyrir Norðfirðinga
67 ára og eldri.
Margt var til skemmtunar s. s. upplestur Eggerts Brekkan, Trompetleikur Viðars Alfreðssonar og
söngur Lionskórsins. Að lokum var boðið upp á kaffi og meðlæti. Ljósm. S. A.
s
Osanngjörn
umfjöllun
Á fundi framkvæmdaráðs Sambands sveitarfélaga í Austur-
landskjördæmi, sem haldinn var á Egilsstöðum hinn 12. des.
sl., var eftirfarandi ályktun samþykkt og óskað eftir að hún
verði birt í fjölmiðlum:
„Framkvæmdaráð Sambands sveitarfélaga í
Austurlandskjördæmi, lýsir furðu sinni yfir ein-
hliða umfjöllun fjölmiðla á tekjum sveitarfélaga
og álagningu gjalda þeirra á næsta ári. Bendir
framkvæmdaráðið á að undanfarin ár hafa tekjur
sveitarfélaganna rýrnað mjög að raungildi í verð-
bólgubálinu. Hafa því mjög mörg þeirra safnað
miklum skuldum. Það hlýtur því að vera misjafnt
hver fjárþörf þeirra er, og ekki raunhæft að tala
um öll sveitarfélög í sama orðinu.“
Húshitunarkostnaðurinn:
Kosningaloforð stjórnarliða
nú sem öfugmæli
Ljósm. Ólöf.
Snarpar umrœður urðu
við lokaafgreiðsht fjárlaga
19. desember sl. varðandi
fjármagn til að lœkka húshit-
unarkostnað. Hjörleifur
Guttormsson mælti fyrir
breytingartillögu um að
hœkka fjárveitingu í þessu
skyni úr 230 milljónum
króna í 420 milljónir, en
áður hafði hann flutt tillögu
um að afla tekna í þessu
skyni með hækkun á raforku-
verði til stóriðjufyrirtækja
eða orkuskatti, sem þá legð-
ist m. a. á sömu fyrirtœki.
Stjórnarliðið allt felldi þessar
tillögur og reyndi Sverrir Her-
mannsson að róa óánægða þing-
menn stjórnarliðsins með fyrir-
heiti um að hann myndi flytja
frumvarp varðandi húshitunar-
kostnaðinn strax að loknu jóla-
leyfi þingsins.
I umræðunni um þessi mál
rifjaði Hjörleifur upp kosninga-
loforð og áróður sjálfstæðis-
manna og Framsóknar í fyrra-
vetur varðandi svonefnt orku-
jöfnunargjald, sem Egill, Sverr-
ir og ýmsir framsóknarmenn lof-
uðu hátíðlega að skyldi renna
óskipt og að fullu til að lækka
húshitunarkostnað.
Sverrir upplýsti í umræðunni,
að tekjur af þessu gjaldi væru á
árinu 1984 áætlaður 471 milljón-
ir króna, en samtals er varið til
að greiða niður kostnað við hús-
hitun 290 milljónum, þ. e. vegna
rafhitunar og olíustyrkja. Iðn-
aðarráðherra bar sig heldur illa
yfir stöðunni í þessu máli.
Hjörleifur minnti á, að fyrir
lítið kemur að verja háum upp-
hæðum í niðurgreiðslu á orku
til húshitunar, ef gjaldskrár
hækka nteira en nemur niður-
greiðslum, einsog reyndin hefur
orðið í tíð núverandi ríkis-
stjórnar, á sama tíma og kaup-
máttur er lækkaður meira cn
dæmi eru um áður af þessum
sömu stjórnvöldum.
Orkureikningarnir sem hafa
verið að berast mönnum að
undanförnu tala skýru máli um
þessa óheillaþróun. Á sama
tíma boðar svo ríkisstjórnin að
hún muni gefa verðlagningu á
orku frjálsa frá 1. febrúar nk.
að telja. Kannski megum við
eiga von á verðlækkun frá
Landsvirkjun?
S
Ur aldaannál
á leikferð
Leikhópurinn Vcra leggur
nú land undir fót og sýnir leikrit-
ið „Úr aldaannál" í Neskaup-
stað nk. föstudagskvöld og
Hamraborg, Berufirði á sunnu-
daginn.
NESKAUPSTAÐUR
Frá Námsflokkum
Neskaupstaðar
Á vorönn 1984 eru fyrirhuguð á vegum
Námsflokka Neskaupstaðar eftirtalin nám-
skeið, ef næg þátttaka fæst.
A. Almenn námskeið.
1. Bókfærsla, kennari: Einar Þórarinsson.
2. Matargerð, kennari: Frímann Sveinsson.
3. Myndlistarnámskeið, kennari: ÞuríðurUna
Pétursdóttir.
4. Saumanámskeið, kennari: Ingibjörg
Jóhannsdóttir.
5. Þýska 1 og2, kennari: Helga Hlín Friðriks-
dóttir.
6. Vélritun, kennari: Einar Þórarinsson.
B. Undirbúningur undir framhaldsnám.
1. Danska, kennari: Gísli Stefánsson.
2. Enska, kennari: Þórður Jóhannsson.
Hvert námskeið verður 20 kennslustundir
og þátttökugjald kr. 450.—. Skráning fer fram
hjá skólafulltrúa og á bæjarskrifstofunum til
19. janúar. Nánariupplýsingar veitir skólafull-
trúi í síma 7625.
Námsflokkar Neskaupstaðar.