Austurland - 19.01.1984, Qupperneq 1

Austurland
34. árgangur. Neskaupstað, 19. janúar 1984.
Auglýsið
í
Austurlandi
3. tölublað.
Seyðisfjörður:
*
A annað
hundrað
atvinnu-
lausir?
Jól og áramót voru róleg á
Seyðisfirði og allt fór fram
með hefðbundnum hætti.
Jólaskreytingar voru miklar
og fallegar að vanda og vörp-
uðu velþegnum ljósgeisla inn
í þetta dimmasta tímabil
ársins.
Tíðarfar hefur verið sæmi-
legt og jólaferðir fólks milli
landshluta gengu betur en oft
áður. Óveðrið 4. og 5. janúar
fór að mestu hjá garði.
Skuttogararnir héldu báðir
til veiða fljótlega eftir nýárið.
Einir fimm litlir þilfarsbátar
munu stunda róðra með línu.
Órólegt veður hefur hamlað
gæftum og eftir nýár hefur
aðeins einu sinni gefið á sjó,
en þá fengu sumir mjög góðan
afla.
Loðna hefur verið unnin í
báðum síldarverksmiðjunum
síðan í byrjun desember með
smáhléum um jól og áramót.
Bræðslu loðnunnar er nú
lokið. Alls mun hafa verið tek-
ið á móti rúmum tuttugu þús-
und tonnum af loðnu í báðum
verksmiðjunum og munu 50 -
60 manns hafa starfað við
vinnsluna. Tíðar rafmagns-
truflanir ollu nokkrum erfið-
leikum og jafnvel tjóni í
bræðslunum.
Fyrir síðustu helgi voru um
60 manns skráðir atvinnulaus-
ir á Seyðisfirði, að mestu leyti
er þar um starfsfólk Fisk-
vinnslunnar hf. að ræða, en
báðir togarar fyrirtækisins
munu laiida erlendis eftir yfir-
standandi veiðiferðir. Eins og
nú horfir með loðnuveiðar er
allt útlit fyrir að þeir sem hafa
haft atvinnu af þeim muni bæt-
ast í hóp atvinnulausra innan
tíðnr. Þá mun fjöldi atvinnu-
lausra verða á annað hundrað.
J. J. / S. G.
Stórfelldir möguleikar
í fískeldi
Verulegar líkur á að auka megi afrakstur sjávar-
afurða og draga úr sveiflum í veiðum
Hjörleifur Guttormsson hef-
ur haft forgöngu um flutning á
tillögu til þingsáiyktunar „um
fískeldi og rannsóknir á klaki
og eldi sjávar- og vatnadýra.“
Meðflutningsmenn eru Geir
Gunnarsson, Ragnar Arnalds
og Steingrímur Sigfússon.
Tillagan er svohljóðandi:
„Alþingi ályktar að fela
ríkisstjórninni að undirbúa
áætlun um eflingu fiskeldis
með það að markmiði að eldi
og ræktun sjávar- og vatnadýra
geti sem fyrst orðið gildur liður
í þjóðarbúskap og atvinnulífi
á íslandi.
Við gerð áætlunarinnar
verður m. a. haft samráð við
Hafrannsóknastofnun, Veiði-
málastofnun, Rannsóknaráð
ríkisins og Háskóla íslands.
Sérstök áhersla verður lögð
á þá þætti sem skilað geti arði
sem fyrst, svo sem eldi á ung-
fiski úr sjó, en jafnhliða verði
sköpuð aðstaða til víðtækra
rannsókna og tilrauna með
aðra þætti, svo sem klak og
seiðaeldi við íslenskar aðstæð-
ur.
Fyrstu aðgerðir á þessu sviði
verði m. a. í því fólgnar:
1. að undirbúa heildarlöggjöf
um fiskeldi þar sem m. a.
verði ákveðin yfirstjórn
þessara mála og stuðningur
af hálfu hins opinbera;
2. að koma upp tilraunaað-
stöðu vegna fiskeldis og
klaks á vegum Hafrann-
sóknastofnunar sem jafn-
framt geri tilraunir um öflun
á ungfiski til eldis svo og
með fóðuröflun;
3. að undirbúa fjármögnun til
framkvæmda á þessu sviði;
4. aðkannaalmennarforsend-
ur fyrir fiskeldi érlendis,
m. a. varðandi fisktegund-
ir, markað og arðsemi;
5. að meta gildi jarðvarma og
aðrar staðbundnar forsend-
ur fyrir fiskeldi;
6. að draga saman vitneskju
um rannsóknir og reynslu
hérlendis og erlendis í rækt-
un vatna- og sjávardýra.
Áætlunin skal lögð fyrir Al-
þingi ásamt frumvarpi til laga
um fiskeldi eigi síðar en í þing-
byrjun 1984.“
í ítarlegri greinargerð með
tillögunni er bent á að mun
meiri arð megi hafa af ræktun
vatnafiska en hingað til og bent
á reynslu af silungsveiði í
vötnum á Fljótsdalshéraði sl.
sumar. Pá segir orðrétt m. a.:
„. . . Mestu framtíðar-
möguleikarnir fyrir þjóðarbúið
í fiskeldi gætu hins vegar verið
fólgnir í eldi sjávarfiska, en á
því sviði hefur enn sem komið
er lítið sem ekkert verið að-
hafst hérlendis, á sama tíma og
ýmsar þjóðir austanhafs og
vestan hafa stundað rannsókn-
ir og undirbúning að fiskeldi
um áratugaskeið. Verulegar
líkur eru á að með markvissu
fiskeldi megi auka afrakstur
sjáarafurða til muna og draga
úr þeim miklu sveiflum sem
fylgja hefðbundnum veið-
um. . . .
Ræktun sjávardýra virðist
nærtækt verkefni fyrir fiskveiði-
þjóð. Það verður nánast að
teljast skylda opinberra aðila
að bregðast skjótt við á þessu
sviði. Vandaðar athuganir og
undirbuningur skipta miklu
hér sem annars staðar, en á
þessu sviði á að vera unnt að
sækja hratt fram og byggja
m. a. á þekkingu og reynslu
annarra þjóða.
Sú grein fiskeldis, sem talið
er líklegast að geti skilað skjót-
um árangri, er eldi á „mat-
fiski“, þ. e. ungviði sem aflað
er í sjó en alið upp í eldistjörn-
um eða lónum við strendur
með stuðningi af jarðvarma.
Tegundir, sem eðlilegt væri að
líta til í byrjun, eru m. a. þorsk-
ur og lúða. Árlegur vaxtar-
hraði þorsks við kjörhita í eldis-
tjörn gæti orðið margfaldur á
við það sem gerist í náttúrunni.
Þorskur gæti e. t. v. náð, mark-
aðsstærð á tveimur árum í stað
4 - 6 ára í sjó og unnt væri að
koma honum á markað sem
glænýrri gæðavöru. . . .“
Þorskurinn gœti e. t. v. náð markaðsstœrð á tveimur árum.
Hráefnið verður þá vœntanlega glœný gœðavara.
Þorrablót Alþýðubandalagsins í Neskaupstað
Hið árlega þorrablót Alþýðubandalagsins í
Neskaupstað verður haldið í Egilsbúð
• laugardaginn 28. janúar 1984 kl. 2000
stundvíslega.
Heiðursgestir: Gunnar Guttormsson og Sigrún
Jóhannesdóttir.
Blótsstjóri verður Stefán Þorleifsson.
Að loknu borðhaldi leikur hljómsveitin
Bumburnar fyrir dansi.
Miðasala verður fimmtudaginn 26. janúar frá kl.
1800 til kl. 2100 að Egilsbraut 11.
Hver skuldlaus félagi á rétt á fjórum miðum.
Blótsgestir eru beðnir um að koma með trog sín
í Egilsbúð á milli kl. 1500 og 1700 á blótsdag.
Gossala verður í Egilsbúð á sama tíma.
Stjórn Ab. N.