Austurland - 26.01.1984, Blaðsíða 2

2
FIMMTUDAGUR, 26. JANÚAR 1984.
----------Austurland--------------------
MÁLGAGN ALÞÝÐUBANDALAGSINS
Ritnefnd: Elma Guðmundsdóttir, Guðmundur Bjarnason,
Kristinn V. Jóhannsson, Þórhallur Jónasson og Smári Geirsson.
Ritstjóri: Ólöf Þorvaldsdóttir S7374.
Auglýsingar og dreifing: Áshildur Sigurðardóttir
S7629 - Pósthólf 31 - 740 Neskaupstað.
Ritstjórn, afgreiðsla, auglýsingar: Egilsbraut 11, Neskaupstað
S7571.
Prentun: Nesprent.
ÚTG.: KJÖRDÆMISRÁÐ ALÞÝÐUBANDALAGSINS
Á AUSTURLANDI
Niður með námsvistargjöldin
Á hátíðlegum stundum er því oft haldið fram að
á íslandi ríki jafnrétti á öllum sviðum og þar á meðal
jafnrétti til náms. Óhikað er fullyrt að allir þegnar
þjóðfélagins eigi jafna námsmöguleika. En hvað
leynist á bak við slíkt orðagjálfur?
Það dylst engum sem skoðar, að þeir námsmögu-
leikar sem bjóðast að loknum grunnskóla eru fjöl-
breyttastir í skólum á stór-Reykjavíkursvæðinu. Þó
svo að uppbygging framhaldsskóla hafi verið umtals-
verð á landsbyggðinni undanfarin ár, þá er málum
þannig háttað að fjöldi námsmanna af landsbyggðinni
verður að leggja stund á nám sitt að hluta eða að
öllu leyti á suðvesturhorni landsins. Það er því stað-
reynd að hjá íbúum Reykjavíkur og nágrennis eru
mun fleiri námsmöguleikar við höndina en hjá lands-
byggðarfólki.
Námsmenn á höfuðborgarsvæðinu geta oft á tíðum
búið á heimilum sínum á meðan þeir leggja stund á
framhaldsnám. Landsbyggðarnemar þurfa hinsvegar
að vinna baki brotnu þegar færi gefst til að afla fjár-
muna til greiðslu námskostnaðar og nauðþurfta.
Fjármunanna er venjulega aflað í heimabyggðinni,
en þeim síðan að sjálfsögðu ráðstafað þar sem nám
er stundað. Þannig njóta Reykjavík og nágrannasveit-
arfélög góðs af því fjármagni sem námsfólkið flytur
með sér, auk þeirra tekna sem þau hafa af skólastofn-
ununum sjálfum og starfsmönnum þeirra.
Ekki eru þetta þó alvarlegustu atriðin varðandi
mismunandi möguleika eftir búsetu til að ganga
menntaveginn. Alvarlegasta atriðið er án efa hinn
svokallaði atgervisflótti, sem felst í því að ungt fóLk
af landsbyggðinni, sem heldur til náms til stór-
Reykjavíkursvæðisins, ílengist þar að námi loknu og
sest ekki aftur að í heimabyggðinni eða annars staðar
úti á landi. Þannig sogar Reykjavík og nágrenni til
sín efnisfólk af landsbyggðinni með hjálp skólanna
sem þar eru starfræktir.
Flestir skyldu ætla að Reykjavík og nágrannasveit-
arfélögin væru nokkuð ánægð með sinn hlut að þessu
leyti, en því fer fjarri. Lengi hafaráðamenn á Reykja-
víkursvæðinu lagt áherslu á að vegna hins mikla
kostnaðar við að reka skóla fyrir námsmenn búsetta
utan borgarinnar eigi Reykjavík rétt á að heimta
námsvistargjöld af sveitarfélögum þeim sem nemend-
urnir koma frá. Þetta hefur verið reynt með mis-
jöfnum árangri undanfarin ár, en þó hefur ráðuneyti
menntamála tregðast við að leggja formlega blessun
sína yfir slíka innheimtu.
w w
Frá Oddsskarðslyftu
Með þessum línum vi! ég
koma á framfæri örfáum ábend-
ingum til þeirra sem nota Odds-
skarðslyftu.
Fyrst er að segja frá því að lyft-
an var gangsett 12. nóv. sl. og
var opin til notkunar í 10 daga í
nóv. og des. Aðsókn var hins
vegar mjög dræm, vægast sagt,
og kom það mér reyndar ekki á
óvart. Skíðatíminn byrjar ekki
fyrr en með hækkandi sól og hafa
þær tvær helgar sem af eru þessu
ári staðfest það og þó hefur orðið
slæmur þröskuldur í veginum,
sem hindrað hefur ferðir þeirra
er sunnan skarðs búa. Einn lítill
snjóskafl stöðvaði ferðir upp frá
Eskifirði í að minnsta kosti tvö
skipti og má eigi við svo búið
una. Finna verður ráð til að ryðja
slíkum smáhindrunum úr vegi,
ekki aðeins vegna skíðafólks
heldur engu síður vegna þeirra
sem vilja bregða sér af bæ um
helgar og heimsækja vini og
vandamenn.
Nú, en þetta var hálfgerður út-
úrdúr. Það sem ég vildi fyrst og
fremst sagt hafa er þetta:
Upplýsingar um opnun lyft-
unnar eru veittar í símsvara 7474
eftir kl. 9 laugardaga og sunnu-
daga. Reynt er að gefa einhverja
vitneskju um veður og færð. Þá
er þess getið ef mjög kalt er og
minnt á að klæðast hlýlega, því
að enn erum við húsnæðislaus í
Oddsskarði öllu starfi þar til mik-
ils baga. Við höfum rækilega
fundið fyrir því undanfarnar
köldu helgar.
f þessu sambandi vil ég benda
foreldrum yngri barna á að
hringja fyrir börn sín, því að ekki
er víst að þau átti sig á þeim upp-
lýsingum sem gefnar eru.
Dagkort kosta nú kr. 80 fyrir
fullorðna en kr. 40 fyrir börn en
bent skal á vetrarkortin sem
verða mun hagstæðari þeim er
fast sækja.
Eins og áður segir er lyftan að
jafnaði aðeins opin um helgar og
aðra frídaga en stærri hópar s. s.
skólanemendur geta alltaf kom-
ist í lyftu á virkum dögum en þá
þarf að hafa samband við undir-
ritaðan í síma 7234 og það helst
daginn áður.
Loks minni ég alla lyftunot-
endur á það að vera ekki með
neinar sveiflukúnstir á leiðinni
upp og sleppa ekki nema þá rétt
fyrir ofan 3. mastur. Milli 4. og
5. masturs getur orðið svo lágt
undir að hægt er að taka þar
lausa „diska“. Þetta má ekki og
ekki heldur fikta neitt við vírana,
það er hættulegt.
Nesk. 17. jan. ’84,
Gunnar Ólafsson.
IÞRÓTTIR
SKAKI
Helgarskákmót á
Seyðisfírði í apríl
Nú er óhætt fyrir austfirska
skákmenn að brýna sverðin því
ákveðið er að eitt hinna kunnu
helgarskákmóta fari fram á
Seyðisfirði dagana 6., 7. og 8.
apríl nk. Eins og kunnugt er
taka yfirleitt einhverjir af sterk-
ustu skákmönnum þjóðarinnar
þátt í helgarskákmótunum og
munu því Austfirðingar fá
þarna kærkomið tækifæri að
etja kappi við snillinga.
J. J. / S. G.
ÍÞRÓTTIR
SKÁK
Það gerðist síðan seint á síðasta ári að Davíð borg-
arstjóri fékk Ragnhildi flokkssystur sína, sem situr í
stóli menntamálaráðherra, til að skrifa undir heimild
borginni til handa um að hún megi rukka sveitarfélög
um námsvistargjöld fyrir þá nemendur sem leggja
stund á nám í skólum sem borgin á rekstraraðild að.
Og þessi gjöld skulu vera sem hér segir: fyrir nem-
anda í bóknámi kr. 8.500 á skólaári og fyrir nemanda
í verknámi kr. 13.650.
Upp á síðkastið hafa sveitarfélögum hér eystra ver-
ið að berast rukkanir frá Reykjavíkurborg um náms-
vistargjöld og kemur þá í ljós að stærstu sveitarfélög-
in þurfa að greiða á annað hundrað þúsund krónur
til Reykj avíkur vegna nemenda sem þar stunda nám.
Öllu landsbyggðarfólki ætti að vera ljóst hve náms-
vistargjöldin eru óréttlátt fyrirbrigði og ber brýna
nauðsyn til að sveitarfélög úti á landi taki sig saman
og neiti að greiða gjöldin sem þau eru nú krafin um.
En þessi krafa Reykjavíkur ætti líka að sýna lands-
byggðarfólki fram á nauðsyn þess að styrkja og efla
framhaldsnám í hverjum fjórðungi landsins. Slík efl-
ing framhaldsskólanna á landsbyggðinni er forsenda
þess að hægt sé að tala um jafnrétti til náms.
Landsbyggðarfólk ætti að láta frá sér heyra á næst-
unni og senda frá sér samhljóða ályktanir sem inni-
halda þetta: Niður með námsvistargjöldin. S. G.
Firmakeppnin í bridge, sem
sagt var frá í síðasta blaði, hófst
sl. mánudag með þátttöku 8
fyrirtækja í bænum. Spilaðar
voru fjórar umferðir, þ. e. 32
spii.
Þegar þetta er skrifað hefur
ekki verið lokið stigaútreikningi
úr þesum spilum. Síðari um-
ferðirnar verða spilaðar í Egils-
búð nk. mánudag.
Nokkur ný andlit sáust á
þessu fyrsta bridgekvöldi sem er
vel en þau mættu gjarnan vera
fleiri því vitað er að fjölmargir
bæjarbúar spila bridge að stað-
aldri í heimahúsum, bæði konur
og karlar. Þá má benda hinum
mörgu ungu bráðefnilegu spil-
urum á að taka þátt í starfi
Bridgefélagsins.
Vonandi verður grundvöllur
fyrir áframhaldandi starfi í vetur
og verður þá væntanlega spilað
e. h. á laugardögum.
E. G.