Austurland - 02.02.1984, Blaðsíða 6

Austurland
Neskaupstað, 2. febrúar 1984.
S7222 Auglýsingasími INNLÁNSVIÐSKIPTI . ER LEIÐIN TIL S ?'
Slökkvilið AUSTURLANDS LÁNSVIÐSKIPTA
Neskaupstaðar er 7629 Sparisjóður Norðfjarðar
Seyðisfjörður:
Fundir um fíkniefni
Tveir austfirskir bœir sagðir
góðir fyrir fíkniefnasala
Fyrir nokkru birtist viðtal í
DV um ávana- og fíkniefni sem
vakti allmikla athygli á Austur-
landi. í viðtalinu voru nefnilega
nefndir þrír kaupstaðir á lands-
byggðinni sem góðir markaðs-
staðir fyrir fíkniefnasala og voru
tveir þessara staða austfirskir.
Líklegt er að margir íbúa þess-
ara byggðarlaga hafi hrokkið
við er þessu var haldið fram í
viðtalinu.
Annar austfirsku kaupstað-
anna var Seyðisfjörður og hafa
þar orðið nokkur viðbrögð :
kjölfar staðhæfinganna í um-
ræddu viðtali. Bæjarfógeti kall-
aði saman á fund í ársbyrjun
nokkra menn til að ráðgast um
hvernig bregðast ætti við umtali
sem þessu. Á meðal þeirra sem
bæjarfógeti boðaði til fundar
voru læknirinn á staðnum,
bæjarstjóri og skólastjóri.
Nokkrir gagnlegir fundir
þessara aðila hafa verið haldnir
og gangast þeir fyrir borgara-
fundi um fíkiefnamál fimmtu-
daginn 9. febrúar. Árni Einars-
son, starfsmaður Menntamála-
ráðuneytisins í þessum málum,
mun mæta á fundinn til þess að
veita upplýsingar um hvernig
staðið er að fyrirbyggjandi að-
gerðum í þessum efnum. Árni
mun síðan vera með fræðslu-
fund í skólanum föstudaginn 10.
febrúar.
J. J. 1 S. G.
„Reykjavík góð
heim að sækja“
Borgaryflrvöld í Reykjavík
hafa farið af stað með kynningu
á Reykjavíkurborg undir yfir-
skriftinni „Reykjavík góð heim
að sækja“.
Haldin verða kynningarkvöld
úti á landsbyggðinni þar sem
veitt er innsýn í það sem
Reykjavík hefur uppá að bjóða.
Leikarar, söngvarar og dansarar
sem hlut eiga í listalífi Reykja-
víkur munu koma fram á kynn-
ingarkvöldunum en aðalgestur
þeirra verður borgarstjórinn,
Davíð Oddsson.
I fréttatilkynningu um
Reykjavíkurkynninguna segir:
„Mikill hluti þeirra sem
heimsækja Reykjavík árlega
eru innlendir ferðamenn sem
leggja leið sína til höfuðborgar-
innar í viðskipta-, verslunar-
eða skemmtiferðum. Færst hef-
ur í vöxt að til Reykjavíkur
ko.mi fólk í helgarferðir og noti
þá tækifærið til að fara í leikhús,
sjá nýjar kvikmyndir, heim-
sækja söfn, líta inn í hinar marg-
víslegu verslanir borgarinnar og
bregða sér á veitingahús eða á
dansleik á einhverjum af
skemmtistöðum Reykjavíkur.
Borgaryfirvöldum er ljóst að
nauðsynlega þarf að vinna að
upplýsingastarfi fyrir innlenda
sem erlenda ferðamenn er til
höfuðborgarinnar koma.
Samstarfsnefnd um ferðamál
í Reykjavík hefur á sl. ári unnið
að ýmsum verkefnum sem snúa
að almennri kynningar- og upp-
lýsingastarfsemi um Reykjavík
fyrir ferðamenn.
Nú hefur verið ákveðið að
efna til Reykjavíkurkynningar
á nokkrum stöðum á landinu,
m. a. með það fyrir augum að
kynna landsmönnum hvað er að
gerast í borginni á sviði
menningar og lista og í skemmt-
analífinu.
Það er von Samstarfsnefndar
Davíð Oddsson borgarstjóri
ávarpar gesti á Reykjavíkurkynn-
ingunni.
um ferðamál í Reykjavík að
kvöldskemmtanir þessar megi
takast vel og verða öllum sem
þær sækja til ánægju og fróð-
leiks.“
Mikið nýtt efni í vikunni
OPIÐ ALLA DAGA 1 - 9
VIDEO — S 7707
STIKLAÐ Á STÓRU
Makaskiptí hjá kaupfélaginu og bænum
Bæjarstjórn Neskaupstaðar og Kaupfélagið Fram hafa gert
makaskipti á húseignunum að Hólsgötu 5 sem var í eigu Bæjar-
sjóðs (Sjómannastofan) og vesturhluta húseignarinnar Egils-
braut 3 (frystihús og fiskbúð) sem var í eigu Kaupfélagsins Fram.
Hefur bærinn hugsað sér að rífa frystihúsið enda hefur það
verið til lítillar prýði síðustu ár og gefst þar möguleiki á stækkun
Egilsbúðar með heimavist fyrir framhaldsskólanememendur
sem væntanlega gæti nýst sem gistiaðstaða á sumrin og einnig
hefur komið til tals að búningsklefar sundlaugarinnar verði í
húsinu. Enn eru hugmyndirnar þó á frumstigi en við makaskiptin
ætti að vera kominn nýr „flötur" á málið svo notað sé eitt af
uppáhaldsorðum í umræðum um þessar mundir.
Lægri álagning
Heildarálagningarprósenta hjá bæjarsjóði Neskaupstaðar við
álagningu fasteignagjalda er lægri en í fyrra vegna lækkunar á
vatnsskatti úr 0.325% í 0.27% af fasteignamati.
Eins og áður innheimtir Neskaupstaður ekki fasteignagjöld
af tekjulitlum elli- og örorkulífeyrisþegum.
Vilja láta hafnarsjóð reka vitann
Samgönguráðuneytið hefurboðið Hafnarsjóði Neskaupstaðar
Norðfjarðarvita til eignar og rekstrar.
Hafnarstjórn Neskaupstaðar hafnaði boðinu, þar sem vitinn
er utan hafnarsvæðis og er fyrst og fremst leiðarmerki fyrir
siglingar fyrir Norðfjarðarhorn og veiðar á Norðfjarðarflóa.
Nýtt tómstundaráð
Nýtt tómstundaráð hefur verið kosið í Neskaupstað. Formað-
ur þess er Petrún B. Jónsdóttir og aðrir í ráðinu: Kristinn ívars-
son, Guðmundur H. Ármannsson, Ingunn Sveinsdóttir og
Sveinbjörn Tómasson.
Appelsínusafi frá Egilsstöðum
Enn fjölgar tegundum af appelsínusafa. Það nýasta í þessu
efni er safi sem tappaður er á fernur hjá Mjólkursamlaginu á
Egilsstöðum. Þessi safi heitir „Lögur" hann er í eins lítra umbúð-
um.
Hráefnið er flutt inn frá Brasilíu. Fram til þessa hefur „Lögur“
eingöngu verið seldur í verslunum á Austurlandi.
Norðfirðingar athugið!
Aðalfundur hinna ýmsu sérráða Þróttar verða
haldnir eftirtalda daga í Framhaldsskólanum
Neskaupstað:
Skíðaráð: Fimmtudaginn 2. feb. kl. 2030
Handknattleiksráð: Laugardaginn 4. feb. kl. 1330
Frjálsíþróttaráð: Mánudaginn 6. feb. kl. 2000
Sundráð: Miðvikudaginn 8. feb. kl. 2000
Knattspyrnuráð: Fimmtudaginn 9. feb. kl. 2000
Aðalfundur blakráðs verður auglýstur síðar
Áhugafólk innan Þróttar um hinar ýmsu
íþróttagreinar er eindregið hvatt til þess að
mæta á þessa fundi
Þróttur