Austurland - 08.03.1984, Blaðsíða 2
?
FIMMTUDAGUR, 8. MARS 1984.
----------Austurland--------------------
MÁLGAGN ALÞÝÐUBANDALAGSINS
Ritnefnd: Elma Guðmundsdóttir, Guðmundur Bjarnason,
Kristinn V. Jóhannsson, Þórhallur Jónasson og Smári Geirsson.
Ritstjóri: Ólöf Þorvaldsdóttir S7374.
Auglýsingar og dreifing: Áshildur Sigurðardóttir
S7629 - Pósthólf 31 - 740 Neskaupstað.
Ritstjórn, afgreiðsla, auglýsingar: Egilsbraut 11, Neskaupstað
S7571.
Prentun: Nesprent.
ÚTG.: KJÖRDÆMISRÁÐ ALÞÝÐUBANDALAGSINS
Á AUSTURLANDI
Minning
Yigfús Guttormsson
Neskaupstað
Fæddur 7. desember 1900
Dáinn 23. febrúar 1984
Er kvótakerfið vonlaust?
Er það kvótakerfi sem verið hefur til umræðu síð-
ustu vikurnar meingallað? Hefur ef til vill verið valin
slæm leið til takmörkunar á afla fiskiskipaflotans?
Þetta eru spurningar sem gjarnan heyrast þessa dag-
ana.
Það hlýtur öllum að hafa verið ljóst að það var
vandaverk að deila 220 þúsund lesta botnfiskafla
niður á fiskveiðiflotann með sanngjörnum hætti, ekki
síst í ljósi þeirrar staðreyndar að meðalafli síðustu
þriggja ára var um 380 þúsund lestir. Það skipti því
miklu að vanda valið á þeim kostum sem voru fyrir
hendi, en því miður bendir margt til þess að það
kvótakerfi, sem fyrir valinu varð, hafi í sér fólgna
mjög alvarlega ágalla, sem orsakað geta margvísleg
vandamál. Má þar nefna að líkur eru á að sum skip
ljúki kvóta sínum snemma á árinu, jafnvel þegar í
þessum mánuði, með ógnvekjandi afleiðingum fyrir
atvinnulíf viðkomandi byggðarlaga. Þá er ljóst að
kvótakerfið hefur í för með sér að verðgildi einstakra
fiskiskipa kemur til með að brenglast stórkostlega,
þar sem verðgildið tekur ekki eingöngu mið af gæðum
skipsins heldur að miklu leyti af þeim kvóta sem
skipinu fylgir. Einnig hefur komið fram að öflug fyrir-
tæki hafa í hyggju að kaupa báta sem góður kvóti
fylgir, -ekki í þeim tilgangi að gera þá út, heldur í
þeim tilgangi að færa kvóta þeirra yfir á önnur skip.
Ef þetta verður raunin mun verða verulegt atvinnu-
leysi á meðal sjómanna í landinu.
Ofan á allt þetta bætist svo að sjávarútvegsráðu-
neytinu bárust hvorki fleiri né færri en á þriðja hundr-
að athugasemdir frá útgerðaraðilum vegna úthlutun-
ar á kvóta til skipa þeirra. Þetta hlýtur að leiða hug-
ann að spurningunni um það hvort að upplýsingarn-
ar, sem kvótaúthlutunin byggðist á, séu nægilega
traustar.
Að framansögðu ætti því fáum að koma á óvart
að í upphafi þessarar viku voru þau boð látin út
ganga frá sjávarútvegsráðuneytinu að breytingar
yrðu gerðar á kvótakerfinu til að lagfæra „helstu galla
þess“.
Nú bíða menn spenntir eftir því að Halldór, alls-
ráðandi til sjávarins, sendi frá sér tilkynningu um
breytingarnar. Munu þær breytingar gera kvótakerf-
ið viðunandi, eða munu þær aðeins verða smákukl
og kerfið því að mati margra jafn vonlaust eftir sem
áður?
Annars ætti umræðan um kvótakerfið að leiða
huga manna að því hvort það alræðisvald, sem sjáv-
arútvegsráðherra hefur varðandi fiskveiðar og lífsaf-
komu fólks við sjávarsíðuna, geti talist eðlilegt í
þjóðfélagi sem sagt er að fylgi leikreglum lýðræðis.
S. G.
Vigfús Guttormsson fv. út-
gerðarmaður í Neskaupstað lést
23. febrúar sl. Hann var fæddur
7. desember aldamótaárið 1900
að Ekkjufelli, Fellahreppi í
Norður-Múlasýslu.
Foreldrar hans voru hjónin
Guttormur Arnason, bóndi og
Sigríður Sigurðardóttir.
Vigfús gekk í barnaskóla á
Seyðisfirði og hóf þar síðar
prentnám, sem hann gat ekki
lokið vegna verkefnaskorts
prentsmiðjunnar. Réðist hann
síðan sjómaður á fiskiskútu, en
um þetta leyti seldu íslendingar
kúttera sína til Færeyja og erfitt
um skiprúm hér á landi. I Fær-
eyjum kynntist Vigfús eftirlif-
andi konu sinni Ingibjörgu Bi-
skipstö frá Klakksvík. Er hún af
góði fólki komin og þekktri ætt
í Færeyjum.
Ungu hjónin fluttu til Norð-
fjarðar árið 1925 og bjuggu þar
alla tíð síðan. Reistu þau sér
íbúðarhús inni á Strönd og
nefndu það Hvassafell, Ingi-
björg og Vigfús eignuðust 7
mannvænleg börn, sem öll eru
á lífi. Eru barnabörnin og
barnabarnabörnin orðin
fjölmörg. Á Ströndinni var á
þesum árum fjölmennt og mikil
útgerð. Var þar mikið líf og tók
hið glaðværa og myndarlega
heimili Ingibjargar og Vigfúsar
þátt í því.
Húsakynni voru þröng, en
auk barnahópsins, voru þar oft
á sumrin menn, sem unnu við
útgerð Vigfúsar. Það þurfti mik-
inn dugnað til að sjá hinu stóra
heimili farborða.
Vigfús var góður heimilisfað-
ir, stundum strangur, en jafn-
framt mildur og einstaklega
barngóður. Sýndi hann í ellinni
afabörnunum mikið dálæti og
voru þau mjög hænd að honum.
Vigfús Guttormsson var ágæt-
lega greindur maður og kom
það honum vel, þar sem hann
tók mikinn þátt í félags- og op-
inberum málum. Skólamenntun
var sáralítil, eins og títt var um
margan aldamótamanninn.
Vigfús var einn af frum-
kvöðlum Samvinnufélags út-
gerðarmanna, og þar í stjórn í
rúm 20 ár. Lét hann sér einkar
annt um félagið og áhugasamur
um hverskonar uppbyggingu og
framfarir í atvinnumálum í Nes-
kaupstað.
Hann átti mikinn þátt í bygg-
ingu Fiskvinnslustöðvar
S. Ú. N. og Vigfús var fram-
kvæmdamaður og alltaf hvetj-
andi til nýjunga í útgerð og fisk-
vinnslu.
Aldamótamennirnir áttu
drýgstan þátt í stofnun Sam-
vinnufélags útgerðarmanna og
dugnaður þeirra og áræði var
yngri mönnum, sem með þeim
unnu mikil hvatning til uppbygg-
ingar þess þróttmikla atvinnu-
lífs, sem er í Neskaupstað. Vig-
fús setti svip sinn á þessa upp-
byggingu. Hann var lengi í
stjórn Dráttarbrautarinnar hf.
og fleiri fyrirtækja og félaga í
bænum. Þá var starfsemi Vig-
fúsar í bæjarmálum mikil. Hann
sat ýmist sem varafulltrúi eða
aðalfulltrúi í Bæjarstjórn Nes-
kaupstaðar í 28 ár og sótti þar
258 bæjarstjórnarfundi, auk
mikils fjölda nefndarfunda.
Vigfús var í bæjarstjórn fyrir
Sósíalistaflokkinn og Alþýðu-
bandalagið. Hann var alla tíð
mjög róttækur í skoðunum,
hreinskiptinn, stundum nokkuð
óvæginn, en kom alltaf til dyr-
anna eins og hann var klæddur.
Hann hafði ákveðnar skoðanir
og það var alltaf hlustað þegar
hann flutti mál sitt tæpitungu-
laust. Hann var mjög duglegur
að mæta á fundum. Var gott að
boða hann á fundi, en það kom
lengi í minn hlut. því hann var
einn af þessum mönnum, sem
alltaf hafa tíma.
Samúð Vigfúsar með þeim,
sem minnimáttar eru, var rík í
eðli hans og óréttlæti var honum
þyrnir í auga.
Vigfús vann allskonar vinnu,
fyrst eftir að hann kom til Norð-
fjarðar. Hann var myndvirkur
og duglegur. Man ég fyrst eftir
honum, þegar hann byggði við-
bótarbyggingu við hús foreldra
Vigfús Guttormsson.
minna í Svalbarði. Einnig þegar
hann sá um prentsmiðjuna í
Gamla templaranum, og prent-
aði blaðið Jafnaðarmanninn.
Þurfti hann að snúa stóru hjóli,
meðan prentun fór fram. Söng
hann þá hárri rausti með sinni
ágætu söngrödd, vegfarendum
til ánægju. sem fram hjá gengu.
Rímur hvað Vigfús afbragðsvel.
Aðalatvinna Vigfúsar var við
útgerð, en hann gerði í mörg ár
út mótorbátinn Björgvin í félagi
við nágranna sinn Óskar Sig-
finnsson, sem jafnframt var
skipstjóri. Voru þeir félagar
báðir harðduglegir menn.
Vigfús var síðar einn af eig-
endum nýsköpunartogarans
Goðaness, sem Bæjarútgerðin
varð eigandi að seinna. Þá var
Vigfús um margra ára skeið
aðalverkstjóri hjá Bæjarútgerð
Neskaupstaðar.
Vigfús Guttormsson erfallinn
frá. Hann var einn þeirra
manna, sem setti svip sinn á bæ-
inn um sex áratuga skeið.
Við sem lengst unnum með
honum í S. Ú. N. og bæjarstjórn
höfum margs góðs að minnast
eftir hans langa starfsdag. Þá
þakkar Alþýðubandalagið Vig-
fúsi einlægt og fórnfúst starf í
þágu sameiginlegra hugsjóna.
Færum við hjónin Ingibjörgu,
börnum og fjölskyldum þeirra
innilegar samúðarkveðjur.
Jóhannes Stefánsson.
NÝTT EFNI í HVERRIVKU
OPIÐ ALLA DAGA 1 - 9