Austurland - 12.04.1984, Blaðsíða 2

2
FIMMTUDAGUR, 12. APRÍL 1984.
----------Austurland--------------------
MÁLGAGN ALÞÝÐUBANDALAGSINS
Ritnefnd: Elma Guðmundsdóttir, Guðmundur Bjarnason,
Kristinn V. Jóhannsson, Þórhallur Jónasson og Smári Geirsson.
Ritstjóri: Ólöf Þorvaldsdóttir S7374.
Auglýsingar og dreifing: Áshildur Sigurðardóttir
®7629 - Pósthólf 31 - 740 Neskaupstað.
Ritstjórn, afgreiðsla, auglýsingar: Egilsbraut 11, Neskaupstað
S7571.
Prentun: Nesprent.
ÚTG.: KJÖRDÆMISRÁÐ ALÞÝÐUBANDALAGSINS
Á AUSTURLANDI
Reynsla fólks í sjávarplásunum umhverfis landið
hefur ótvírætt leitt í ljós að félagsleg uppbygging
atvinnulífsins er mun vænlegri en einkarekstur til að
tryggja atvinnuöryggi og afkomu íbúanna. En þetta
eitt er ekki nóg.
Stjórn atvinnufyrirtækjanna þarf að vera í höndum
heimamanna sjálfra svo að tryggt sé að atvinnurekst-
urinn verði undirstaða framfara og blómlegs mannlífs
í byggðarlaginu. Neskaupstaður er gott dæmi um stað
þar sem þannig hefur verið að málum staðið og hin
myndarlega atvinnuuppbygging þar er árangur mark-
viss starfs og sameiginlegs átaks þeirra sem eru í
forystu í atvinnulífinu og meirihluta Alþýðubanda-
lagsins í bæjarstjórn.
Undanfarið hefur orðið talsverð umræða um aukin
umsvif SÍS í sjávarútvegi og hafa þau greinilega vakið
ugg talsmanna einkaframtaksins sem líta á SÍS sem
auðhring undir fámennisstjórn en ekki fjöldasamtök.
Ekki skal tekið undir þann söng hér.
En hvaða skoðun sem menn hafa á SÍS hljótum
við að spyrja hverjir stjórni þessum fyrirtækjum. Eru
það heimamenn eða er þeim fjarstýrt úr höfuðstöðv-
um Sambandsins í Reykjavík? Og hvað verður um
afraksturinn, hverjir njóta hans?
Nú er það svo að SÍS hefur haslað sér völl á öllum
stigum sjávarútvegs, allt frá því að fiskurinn er veidd-
ur þar til hann er kominn til neytandans erlendis.
Þannig hefur þessi stóri aðili það að mestu í hendi
sér hvar hagnaðurinn lendir, og hvaða þættir sýna
arð og hverjir tap.
í sjávarplássum á landsbyggðinni eru veiðar og
vinnsla höfuðþættirnir og þar ná endar yfirleitt ekki
saman. En öðru máli gegnir um þjónustuþætti eins
og vátryggingarstarfsemi, flutninga og sölustarfsemi.
Þeir blómstra. Og þessi fyrirtæki hafa höfuðstöðvar
í Reykjavík.
Hér eiga sér stað stórfelldir flutningar fjármagns
frá landsbyggðinni til höfuðborgarinnar og þá þarf
að stöðva.
Verðmætin, sjálfur þjóðarauðurinn, eru frá fram-
leiðsluatvinnuvegunum komin, frá landsbyggðinni
fyrst og fremst, og það er löngu tími til kominn að
hætta að senda þau öll suður til að veita þúsundum
manna atvinnu við að píra þeim til okkar aftur.
Krjóh.
Helgi Seljan:
Búnaðarþing styður
þingmál AB-manna
Búnaðarþing hefur nýlokið störfum og fjallaði
m. a. um ýmis þingmál, sem nú eru efst á baugi.
Tvö þeirra mála, sem fengu góða og jákvœða um-
fjöllun og afgreiðslu voruflutt af þingmönnum AB á
Austurlandi og varða annars vegar fiskeldi og átak í
þeim málum (1. flm. Hjörleifur Guttormsson) og um
rekstrargrundvöll sláturhúsa (Flm. Helgi Seljan og
Hjörleifur Guttormsson). Rétt þykir að greina hérfrá
afgreiðslu Búnaðarþings á þessum málum og þá með
tilliti til þess, hvaða afgreiðslu þau hljóta svo á Al-
þingi.
Álit búnaðarþingsfulltrúa œtti a. m. k. að gera
stjórnarþingmönnum auðveldara fyrir að taka já-
kvœða afstöðu til þessara mála.
Um fiskeldistillöguna segir svo:
„Búnaðarþing hefur fengið til
athugunar „Tillögu til þingsá-
lyktunar um fiskeldi o. s. frv.“,
91. mál 106. löggjafarþings.
Þingið lýsir eindregnum stuðn-
ingi við megin efni tillögunnar,
auknar rannsóknir á sviði klaks
og fiskeldis, jafnt ferskvatns-
fiska og sjávarfiska og dýra.
Búnaðarþing vill benda á, að
tvær stofnanir eiga þarna
verksvið, þ. e. Hafrannsókna-
stofnun að því er varðar sjávar-
dýr og Veiðimálastofnun að því
er tekur til ferskvatnsfiska. Tel-
ur Búnaðarþing að mestu skipti
fyrst um sinn að stofnanir þessar
fái fé og aðstöðu til að sinna
þessum merku verkefnum. Að
því er verksvið Hafrannsókna-
stofnunar varðar telur Búnað-
arþing ekki ástæðu til sérstakrar
umfjöllunar umfram þá al-
mennu ályktun að hér sé um að
ræða stórbrotið framtíðarverk-
efni, er þörf sé að undirbúa með
rannsóknum. Veiðimálastofnun
fæst við tilraunir og rannsóknir
varðandi það fiskeldi sem til
landbúnaðar heyrir, þ. e. eldi
ferskvatnsfiska. Þetta starf á
vegum stofnunarinnar fer fram
í laxeldisstöðinni í Kollafirði, og
þarf að efla það rækilega. Nokk-
urt fiskeldi er þegar hafið í land-
inu á grunni innlendrar og inn-
fluttrar þekkingar. Búnaðar-
þing vill minna löggjafann á að
aukin þekkingaröflun og upp-
bygging atvinnustarfsemi í þess-
ari búgrein er fyrst og fremst
komin undir nægu fé til þessara
hluta og tekur því sérstaklega
undir 3. tölulið þingsályktunar-
tillögu. Jafnframt vill Búnað-
arþing leggja áherslu á að þessi
búgrein, sem aðrar nýjar verði
sem skipulegast notuð, eftir því
sem aðstæður til slíks búskapar
leyfa, til þess að efla atvinnulíf
í dreifbýli, sem á í vök að verjast
um sinn vegna örðugra mark-
aðsskilyrða fyrir búvörur."
Betri nýting og
rekstrargrundvöllur
sláturhúsa
Um rekstrargrundvöll slátur-
húsa kom svohljóðandi álit:
„Búnaðarþing mælir með, að
Alþingi samþykki tillögu um at-
hugun á betri nýtingu og bættum
rekstrargrundvelli sláturhúsa.
Því leggur þingið til, að fyrri lið-
ur tillögunnar verði samþykktur
með þeirri breytingu, að athug-
un nái til allra sláturhúsa í land-
inu.
Varðandi síðari lið tillögunn-
ar bendir þingið á, að fjárfesting
í endurbótum og nýbyggingu
sláturhúsa er mikil og leiðir oft
af sér háan fjármagnskostnað.
Því getur verið nauðsynlegt að
sameina minni hús og fækka
sláturhúsum. Endurnýjun eldri
sláturhúsa og byggingu nýrra
þarf því að skoða í all stórum
heildum. M. a. þarf að meta nýt-
ingu og afkastagetu þeirra húsa,
sem endurbyggð hafa verið á
síðari árum og kanna hvort
ónotuð aðstaða í þeim getur
sparað nýbyggingu eða endur-
bætur annarra sláturhúsa, ef
þau væru fullnýtt.
Þá leggur búnaðarþing til, að
jafnhliða þeirri athugun, sem
Helgi Seljan.
tekið er undir í umræddri þings-
ályktunartillögu, verði nefndar-
álit sláturhúsnefndar, sem
skipuð var með bréfi landbún-
aðarráðherra dags. 15. maí
1979, tekið til endurskoðunar.
Ennfremur verði athugað,
hvernig fjármögnun til upp-
byggingar sláturhúsa hefur ver-
ið háttað í reynd og hvaða úr-
bætur þurfi að gera á því sviði. “
Við hljótum að fagna hinum
jákvæðu undirtektum Búnað-
arþings og væntum þess að vilji
Alþingis megi endurspegla þær
undirtektir.
Stefnumótun í
landbúnaðarmálum
Síðast en ekki síst tók Búnað-
arþing mjög eindregið undir
meginatriðin í tillögu Alþýðu-
bandalagsins um stefnumótun í
landbúnaðarmálum sem Stein-
grímur Sigfússon er fyrsti flutn-
ingsmaður að. Þar eru margar
nýjar áherslur, sem vitað er að
bændur almennt eru mjög opnir
fyrir og ekki sakar, að Búnað-
arþing gefi sinn jákvæða tón.
Ályktanir Búnaðarþings sanna
að Alþýðubandalagið og fulltrúar
þess hasla sér völl á þessu atvinnu-
sviði enn frekar en áður og því
ber að fagna. Landbúnaðurokkar
á í vök að verjast og Alþýðu-
bandalagið á að fara í fylkingar-
brjósti til varnar og sóknar fyrir
vinnandi fólk sveitanna, ekki
síður en í þéttbýlinu. Innlend at-
vinnustefna okkar hlýtur að taka
sérstakt mið af vexti og viðgangi
landbúnaðarins, sem eins megin-
þáttar sjálfstæðrar atvinnustarf-
semf í eigin þágu og eign.
Frá Hreppsmálaráði
AB á Egilsstöðum
Hreppsmálaráðið heldur fund um samstarf
hreppa á Héraði og sameiningarmál
mánudaginn 16. aprílkl. 20:30aðDynskógum
3 (kjallara)
Allir félagsmenn AB eru hvattir til að koma
og láta ljós sitt skína.
Stjórnin