Austurland - 14.06.1984, Blaðsíða 6
Kaupliðum kjarasamninga
sagt upp 1. september nk.
Formannafundur ASA haldinn að
Egilsstöðum 12. júní 1984 samþykkir
eftirfarandi til aðildarfélaga ASA:
Þar sem allar fosendur fyrir
síðustu kjarasamningum hafa
brostið á samningstímabilinu
og kjaraskerðingin fer sívax-
andi, landbúnaðarafurðir hafa
hækkað urn allt að 40% síðan
um áramót, lyf og læknishjálp
hafa margfaldast í verði, ef
læknishjálp er þá fáanleg
vegna sparnaðar, svo fátt eitt
sé nefnt því beinir formanna-
fundur ASA því til verkalýðs-
félaganna á Austurlandi að
þau standi öll saman um að
segja upp kaupliöum kjara-
samninga fyrir 1. september
nk.
Formannafundur ASA
haldinn á Egilsstöðum þriðju-
daginn 12. júní 1984, skorar á
stjórnvöld að grípa nú þegar
til aðgerða sem koma í veg fyr-
ir yfirvofandi neyðarástand í
atvinnumálum Austfirðinga.
Jafnframt mótmælirfundurinn
harðlega fyrirhugaðri uppsögn
sjómanna og þeirri lögleysu
sem felst í fyrirvaralausri upp-
sögn vinnu hjá fiskvinnslufólki
á Austurlandi. S. K.
Vinna kvenna
á íslandi í 1100 ár
Anna Sigurðardóttir
Með haustinu mun koma út
bók með þessu nafni og það
verður enginn svikinn á inni-
haldi hennar.
Höfundur bókarinnar er
Anna Sigurðardóttir forstöðu-
maður Kvennasögusafns ís-
lands og ein af stofnendum þess.
Bókina mun hún gefa út á eigin
kostnað og er söfnun áskrifenda
þegar hafin. Pær eða þeir sem
þess óska geta skrifað sig á lista
hjá undirritaðri og fá þá bókina
senda á hóflegu verði.
Kaflar bókarinnar eru 23 og
bera t. d. þessi nöfn: „Húsmæð-
ur“, „Lín-vaðmál-prjónles“,
„Saumaskapur og skógerð“,
„Kjör vinnukvenna og verka-
fólks á 19. öld“ o. s. frv. Þá er
bókin prýdd fjölda mynda.
A síðustu tímum hefur at-
vinnusaga hlotið aukið rými í
sögukennslu í skólum. Þó er þar
enn að litlu getið þess hvað betri
helmingur þjóðarinnar hefur
aðhafst gegnum aldirnar. Þar
mun þessu grundvallarriti von-
apdi verða tekið fegins hendi.
Að samningu þessarar bókar
hefur Anna unnið áratugum
saman og verður henni seint
fullþakkað það óeigingjarna
starf sem hún hefur unnið við
söfnun og varðveislu heimilda
um íslenskar konur.
Ekki skemmir það fyrir að
bókin er aðgengileg alþýðu
manna og er engum ætluð
öðrum fremur.
Þó hljótum við íslenskar kon-
ur ungar sem gamlar að fagna
henni sérstaklega.
ína Gísladóttir.
Almennir fundir
þingmanna AB
Alþingismennirnir Helgi Seljan, Hjörleifur
Guttormsson og Steingrímur J. Sigfússon
verða á fundum í næstu viku sem hér segir:
í Staðarborg, Breiðdal fimmtudaginn 21. júní
kl. 2100
að Brúarási í Jökuldalshlíð föstudaginn 22.
júní kl. 2100
Hjörleifur og Helgi verða á Vopnafirði og
Bakkafirði dagana 26. - 28. júní
Nánar auglýst á stöðunum
Fundirnir eru öllum opnir
Alþýðubandalagið
NESKAUPSTAÐUR
Bæjarbúar
Að gefnu tilefni eru bæjarbúar alvarlega
áminntir um að fleygja ekki sorpi á eldri
öskuhaugana (á Bakkabökkum)
Þeim haugum hefur verið lokað nema fyrir
uppmokstur úr grunnum og götum og
meiriháttar óbrennanlegu drasli.
Að flytja á Bakkabakka brennanlegt sorp og
kveikja í því er ónærgætni við íbúana á
Bökkunum og er auk þess stórhættulegt
gagnvart þeirri timburhúsabyggð sem þar er
nú risin
Sýnum tillitssemi og flytjum sorpið þar sem
það á heima í sorpþróna í Vindheimi
Við byggjum skála:
Drætti frestað
Nú er verið að scnda út gíró-
seðla fyrir síðustu greiðslu
gjafabréfa Skíðamiðstöðvarinn-
ar við Oddsskarð. Vegna þessa
hefur drætti happdrættisvinn-
ings verið frestað til 20. júlí
þannig að allir eiga að geta gert
skil.
Dregið verður einungis úr
þeim bréfum sem gert hafa skil
fyrir 15. júlí og eins og menn
muna er vinningurinn skíðaferð
til Austurríkis.
Nokkur gjafabréf eru ennþá til
og þeir sem vilja styrkja skála-
byggingu SKO og/eða næla sér í
ferð til Austurríkis og enn hafa
ekki keypt bréf er bent á að hafa
samband við Ólöfu Þorvaldsdótt-
ur, Benedikt Sigurjónsson eða
Jóhann Stephensen.
Verið er að vinna í skálabygg-
ingunni og sér Valmi hf. um
verkið.
Gert er ráð fyrir að húsið
verði nothæft um næstu áramót.