Austurland - 16.08.1984, Qupperneq 4
Austurland
Neskuupstad, 16. ágúst 1984.
SPARIS J OÐUR
■m
NORÐFJARÐAR
3PARISJÓÐUR HEIMAMANNA
Sparisjóður Norðfjarðar
Færeyskur dans á Austfjörðum
Hópur Fœreyinga úr þjóðdansafélögunum í Klakksvík og á
Pvereyri kom með Norrœnu sl. fimmtudag og heldur heimleiðis
í dag. Peir hafa ferðast um Austurland og Norðausturland þessa
viku og haldið þjóðdansasamkomur: í Neskaupstað sl. föstudag,
á Seyðisfirði á mánudag og á Egilsstöðum á þriðjudag.
Pessi inynd var tekin í keppninni á Egilsstöðum í fyrra. Sigurveg-
arinit í þeirri keppni Björn Björnsson vann utanlandsferð í úrslita-
keppninni og keppti fyrir íslands hönd í norœnni ökuleikni í Vín-
arborg í fyrrahaust.
• •
Okuleikni í Neskaupstað
Gestgjafar Færeyinganna hér
voru félagar úr Fiðrildunum á
Egilsstöðum og dansklúbbnum
Spor í rétta átt á Seyðisfirði.
Bjuggu Færeyingarnir hjá þeim
þennan tíma og nutu leiðsagnar
þeirra í skoðunarferðum. Héldu
þeir Færeyingunum kveðjusam-
sæti á Iðavöllum í gærkvöld.
Fiðrildin er þróttmikið þjóð-
dansafélag, sem verður 10 ára á
næsta ári. Félagar Fiðrildanna
hafa sýnt dans víða og m. a. farið
í ferðalög til Finnlands, Búlgaríu
og Sovétríkjanna í fyrra. For-
maður er Þráinn Skarphéðinsson.
Spor í rétta átt var stofnað
fyrir um 10 árum og telur um 30
fullorðna félagsmenn og um 40
börn. Félagið æfir dans hvern
vetur frá október til maí og eru
þar æfðir allir dansar.
Æfingum stjóma hjónin Ema
Halldórsdóttir og Hilmar Eyjólfs-
son sem er formaður félagsins.
Tvö pör úr félaginu fóm með Fiðr-
ildunum til Sovétríkjanna í fyrra.
Ætlunin er, að Fiðrildin og
Spor í rétta átt endurgjaldi
heimsókn Færeyinganna og
sæki þá heim á næsta ári.
Færeyski hópurinn kom til
Neskaupstaðar sl. föstudag
ásamt nokkrum gestgjafanna.
Færeyingar, búsettir í Neskaup-
stað, áttu með þeim stund sam-
an og buðu þeim til tedrykkju,
en um kvöldið héldu Færeying-
arnir samkomu í Egilsbúð. Sam-
koman tókst hið besta, og glað-
værð Færeyinganna var ósvikin
í færeyska hringdansinum, sem
þeir svo sungu undir. Áhorfend-
ur voru ekki margir, enda sam-
koman sennilega illa auglýst, en
dansinum í Egilsbúð lauk með
þátttöku nær allra áhorfenda.
Síðan var marserað út og niður
á plan ofan við bryggjurnar í
miðbænum og dansað þar um
stund í kvöldblíðunni.
Sú var tíð, að færeyskur dans
var oft stiginn í sjávarplássum
og verstöðvum á Austfjörðum,
og vafalaust hefir vísnasöngur-
inn færeyski oft hljómað áður á
bryggjunum á norðfirsku
sumarkvöldi.
Hafi grannar okkar Færeying-
ar þökk fyrir komuna. B. S.
Næstkomandi mánudag verð-
ur haldin ökuleikni í Neskaup-
stað. Þessi keppni verður sú síð-
asta af undankeppnum öku-
leikninnar í sumar. Keppt hefur
verið á 23 stöðum víðs vegar um
landið og alls staðar verið mjög
góð þátttaka. Yfir heildina séð
hefur fjöldi keppenda slegið öll
met í sumar. Keppendur eru nú
orðnir 322 talsins og hefur fjöldi
keppenda aldrei verið meiri frá
byrjun keppninnar 1978. Þessi
7 ár sem keppnin hefur verið
haldin hafa alls 1367 keppendur
tekið þátt.
Hvernig er svo þessi keppni
upp byggð? Settar verða upp
nokkar þrautir og í þeim reynir
á þekkingu og kunnáttu öku-
manns á bíl sínum. Auk þess
verða nokkrar krossaspurningar
og umferðarmerki lögð fyrir
keppendur. Þar koma fram at-
riði sem allir ökumenn eiga að
vita. Gefin eru refsistig fyrir
rangar spurningar, villur í
þrautum og tíminn sem öku-
maðurinn er að aka í gegnum
þrautaplanið er einnig reiknað-
ur sem refsistig. Sá keppandi
sem lægst refsistigin hefur,
sigrar. Keppt er bæði í karla- og
kvennariðli og fara sigurvegarar
úr hvorum riðli í úrslitakeppni
sem haldin verður í Reykjavík
þann 8. september nk. Ef kepp-
endur verða fleiri en 15, fara 3
keppendur í úrslit. í keppninni
í Neskaupstað verða veitt gull-,
silfur- og bronsverðlaun fyrir 3
efstu sætin í hvorum riðli og gef-
endur verðlaunanna í Neskaup-
stað verða Síldarvinnslan í Nes-
kaupstað og Sparisjóður Norð-
fjarðar.
Allir sem hafa ökuleyfi og
skoðunarhæfan bíl geta verið
með. Engin hætta verður á að
bílar skemmist í þessari keppni
því akstur verður mjög hægur
og hæfni og öryggi látin sitja í
fyrirrúmi.
Fréttatilkynning.
ÚR EINU
Jákvætt eða neikvætt?
Ég hef í sumar eins og reynd-
ar áður skrifað pistla um um-
gengni og umhverfismál í Nes-
kaupstað. Tilgangurinn hefur
að sjálfsögðu verið sá að koma
á umræðu um þessi mál og reyna
að bæta þau.
Fólk hefur almennt tekið
þessu vel og látið það í ljós.
Sama er að segja um stjórn-
endur fyrirtækja og stofnana.
Reyndar man ég bara eftir ein-
um slíkum, sem hefur brugðist
illa við og talið þetta árásir á
fyrirtæki sitt. Slíkt er auðvitað
reginfirra og misskilningur, en
leitt er til þess að vita, þegar
menn telja verk sín svo fullkom-
in, að ekki verði betur gert.
Margt er enn ósagt um um-
hverfismálin hér, en þar sem ég
er á förum í frí verða aðrir að
taka við. Þrennt vil ég þó nefna
í lokin:
Af hverju tekur lögreglan sig
ekki til og fjarlægir öll bílhræin,
sem við blasa og sendir eigend-
unum reikning fyrst þeir sjá ekki
sóma sinn í að gera það sjálfir?
Nú er verið að endurbyggja
Egilsbraut 11 og því fylgir auð-
vitað rask, en varla getur það
verið ofverk eigendanna að lag-
færa garðinn sunnan hússins.
Hann er aðstandendum sínum
til skammar svona.
Bæjaryfirvöld hafa fengið
sinn skammt af gagnrýni hér og
jafnan tekið því vel. Því finnst
mér full ástæða til að vekja at-
hygli á hinum miklu fram-
kvæmdum í sumar í umhverf-
ismálum og bendi t. d. á svæði
á mótum Tröllavegar og Urðar-
teigs, kanta við Sólvelli og Þilju-
velli, hleðslu við Sverristún og
norðan íþróttavallar. Bæjar-
stjóra og starfsliði hans ber
þakkir fyrir þetta góða framtak,
sem væntanlega hvetur íbúana
þarna til að láta ekki sitt eftir
l'ggja-
Nafli alheimsins?
Verð á olíum hefur talsvert
verið til umræðu í fjölmiðlum
upp á síðkastið, ekki síst í
tengslum við vanda sjávarút-
vegsins. M. a. hefur NT skrifað
a. m. k. í tvígang um, hvað
gerðist, ef verðjöfnunargjald
yrði lagt niður. Og ekki er hann
hár sjónarhóllinn, sem blaða-
maðurinn stendur á né víðsýnið
mikið. Hann kemst að því, að
gasolía myndi lækka í Reykja-
vík, en hækka eftir því sem fjær
drægi höfuðborginni. M. a. sýn-
ist honum, að eigendur dísilbíla
þar um slóðir greiði óbeint niður
olíu til útgerðarinnar.
Þetta byggist auðvitað á því,
að í augum blaðamannsins er
Reykjavík nafli - ef ekki heims-
ins - þá a. m. k. íslands. Hann
virðist telja það óumbreytanlegt
lögmál, að allri olíu skuli fyrst
skipað upp í Reykjavík og hún
síðan flutt þaðan aftur til þeirra,
sem nota hana. Þetta er auðvit-
að fáránlegt, en því miður er
þessi hugsun ríkjandi á alltof
mörgum sviðum.
Er ekki kominn tími til að
gera eitthvað í málinu, fara að
flytja inn til Austurlands í aukn-
um mæli og skapa hér fjölda
starfa í verslun og viðskiptum í
stað þess að halda uppi fjölda
manns í þessum störfum syðra.
Við höfum oft talað um nauð-
syn þess að koma þessum mál-
um í betra horf, en ekkert orðið
úr. Eigum við nú ekki að fara
að orðum stúlkunnar í lystadún-
auglýsingunni í sjónvarpinu,
sem segir: „Hættu nú að tala
elskan mín . .
Léttir og söknuður
Gamla persneska skáldið
Omar Khayam segir á einum
stað: „Sjá, Tíminn það er fugl,
sem flýgur hratt / hann flýgur
máski úr augsýn þér í kvöld.“
Mér komu þessi orð í hug um
helgina, þegar ég fór að rifja
upp setu mína í ritnefnd AUST-
URLANDS. Það var einhvern
tímann á árunum 1965 - 1966,
að Bjarni heitinn Þórðarson
spurði mig, hvort ég vildi koma
inn í ritnefndina, og ég jánkaði
því.
Síðan hef ég verið þar, en
þcgar þetta blað kemur út (16.
ágúst) verð ég þar ekki lengur.
Mér fannst tími til kominn, að
aðrir tækju við og bað um lausn
eða a. m. k. frí um tíma.
Það er ótrúlega mikið starf að
vera í ritnefnd blaðs eins og
AUSTURLANDS, en það er
í AN
líka afskaplega skemmtilegt og
því er léttirinn tregablandinn.
Þarna hefur alltaf verið samval-
inn hópur af góðu og skemmti-
legu fólki, sem hittist vikulega,
skiptir með sér verkum og sér
um, að blaðið haldi áfram að
koma út. Auðvitað getur rit-
stjórinn og ritnefndin ekki alltaf
skrifað allt í blaðið og oft er
þyngsta þrautin að fá aðra til að
skrifa, ekki síst þá, sem kvarta
og vilja hafa blaðið öðruvísi en
það er. Þeir vilja bara ekki gera
það sjálfir. Sjálfur hefði ég helst
kosið, að AUSTURLAND væri
fyrst og fremst „bæjarblað", en
kjördæmisráð AB gæfi svo út
blað 6-8 sinnum á ári fyrir kjör-
dæmið, en ég er víst f minni-
hluta með þessa skoðun og ekk-
ert við því að segja. Mest er um
vert, að AUSTURLAND komi
út og flytji lesendum sínum upp-
lýsingar, fróðleik og fréttir auk
stjórnmálaskrifanna.
Heitið á þessum rabbdálki
stendur sannarlega undir nafni
í dag, því að ég hef vaðið úr
einu í annað, en nú er mál að
linni. Krjóh.