Austurland - 23.08.1984, Qupperneq 1

34. árgangur.
Neskaupstað, 23. ágúst 1984.
30. tölublað.
Uggvænlegt atvinnuleysi á Seyðisfirði
- ólöglegar uppsagnir verkafólks
Á Seyðisfirði ríkir nú hrikalegt atvinnuleysi. Par eru nú um
100 manns atvinnulausir og líkur á, að tala atvinnulausra hœkki
um allt að 50% á nœstu dögum vegna aðgerða stjórnvalda. Ann-
ars er þetta mikla atvinnuleysi á Seyðisfirði skólabókardœmi um
það, hvernig einkarekstur í undirstöðuatvinnuvegunum getur
reynst byggðarlögunum, þegar á móti blœs í rekstrinum.
AUSTURLAND hafði samband við Hallstein Friðþjófsson,
formann verkalýðsfélagsins á Seyðisfirði og spurðist fyrir um
ástandið.
□ Hversu margir eru i raun at-
vinnulausir hjá ykkur?
■ Það eru um 100 manns at-
vinnulausir nú. Á atvinnuleysis-
skrá eru 70, en þó nokkrir eiga
eftir að láta skrá sig og aðrir eiga
ekki rétt á bótum. Þegar trill-
urnar stoppa svo í 10 daga, má
búast við, að kannski 40 manns
bætist við á atvinnuleysisskrá.
□ Og það er nœr eingöngu fisk-
vinnslufólk, sem eratvinnulaust,
er það ekki?
■ Jú, bæði konur og karlar í
fiskvinnslu, þó fleiri konur.
□ Er þetta atvinnuleysi eins-
dœmi hjá ykkur?
Smábátar stöðvaðir vegna kvóta
Sjávarútvegsráðherra hefur
ákveðið með reglugerð að
stöðva útgerð smábáta undir 10
brúttólestum um 7 daga skeið
25. ágúst til 1. september. Er
þetta gert á grundvelli kvótalag-
anna frá síðasta vetri, en sam-
kvæmt þeim var settur heildar-
kvóti á smábáta yfir allt landið.
Alþýðubandalagið og aðrir í
stjórnarandstöðu mótmæltu
þessari stefnu sérstaklega og
töldu fráleitt að fella smábáta-
veiðar undir kvóta.
Á grundvelli kvótalaganna
gaf sjávarútvegsráðherra út
reglugerð, þar sem veiðitíma
smábáta er skipt í 4 tímabil með
ákveðnu aflamarki fyrir hvert.
Það er þriðja tímabilið, sem
tekur yfir júlí - ágúst, sem nú á
að skerða með umræddri
stöðvun. Ráðuneytið staðhæfir,
að afli smábáta í júlí hafi orðið
mun meiri en við var búist og
því sé samkvæmt reglunum
óhjákvæmilegt að stöðva nú.
Víst er, að afli handfærabáta
hér eystra hefur ekki verið mik-
ill í sumar, og það eru því aðrir
landshlutar, einkum Vestfirðir
og Norðurland, sem fyllt hafa
landskvótann. Auk þess ber að
hafa í huga, að bátar eru nú
skyldaðir til að flytja undirmáls-
fisk að landi og eykur hann við
aflann frá því, sem verið hefur
undanfarin ár.
Smábátaeigendur á Austur-
landi telja sig að vonum fara illa
út úr þessari stöðvun ráðuneyt-
isins. í samþykkt, sem trillueig-
endur á Norðfirði sendu ráðu-
neytinu sl. vor, mótmæltu þeir
kvótanum og ekki síst þeirri til-
högun að setja landskvóta á
smábátana. Af ráðuneytisins
hálfu var þá talið ólíklegt, að til
stöðvunar kæmi, en reyndin
hefur nú orðið önnur. Kvóta-
setning á smábáta var fáránleg
ráðstöfun frá byrjun og alveg
sérstaklega sú tilhögun að hafa
þar allt í sama potti.
Þau byggðarlög, sem verst
fara út úr þessari stöðvun hér
eystra, eru Bakkafjörður og
Borgarfjörður, en fjöldi smá-
báta er mestur á Norðfirði eða
yfir 40. Þessi stöðvun yfir há-
veiðitímann kemur sér þannig
illa fyrir marga.
H. G.
Eftir 2 daga verða trillurnar bundnar við bryggjur. Ljósm. Jóhann G. Kristinsson.
■ Nei, hér var mikið atvinnu-
leysi í vetur um tveggja mánaða
skeið, en það hefir bara gerst
einu sinni áður, að jafn margt
fólk sé atvinnulaust og nú.
□ Er það eingöngu starfsfólk
Fiskvinnslunnar hf., sem er at-
vinnulaust?
■ Já, hitt húsið er starfandi, en
hjá Fiskvinnslunni vinna langt-
um fleiri. Og það má benda á
það, að uppsagnir starfsfólksins
eru ólöglegar af fyrirtækisins
hálfu. Það er enginn hráefnis-
skortur, heldur eru togararnir
látnir sigla með aflann og starfs-
fólkinu sagt upp. Nákvæmlega
það sama gerðist 1977 eða 1978,
og þeir báru því sama við - erf-
iðleikum í útgerðinni. Þá stefndi
verkalýðsfélagið fyrirtækinu
fyrir ólöglegar uppsagnir. Við
unnum það mál í undirrétti. Það
fór fyrir Hæstarétt og verður
dæmt í því þar í vetur.
□ Hvenœr eru líkur á, að úr
rœtist?
■ Það eru líkur á, að þetta at-
vinnuleysi standi lengi. Togar-
arnir verða látnir halda áfram
að sigla, og svo stendur fyrir
dyrum klössun á þeim. Útlitið
er því ekki gott, sagði Hall-
steinn Friðþjófsson að lokum.
B. S.
Bæjarstjórn Seyðisfjarðar
krefst úrbóta í atvinnumálum
Ár 1984 fimmtudaginn 16. ágúst kom bæjar-
stjórn saman til fundar í fundarsal Herðubreiðar
ki. 16«>.
Samþykkt var eftirfarandi ályktun með 9 at-
kvæðum samhljóða.
Bæjarstjórn Seyðisfjarðar lýsir áhyggjum sín-
um með atvinnuástand í kaupstaðnum, en nú eru
yfir hásuinarið hátt í 100 manns atvinnulausir
vegna rekstrarerfiðleika í sjávarútvegi og fisk-
vinnslu. Það lýsir sér í því, að skipin sigla með
afla í stað þess að landa honum heima til vinnslu.
Á meðan þenslan á suðvesturhorninu er í há-
marki, og fólksflóttinn af landsbyggðinni er haf-
inn er ljóst, að heilu byggðarlögin úti á landi eru
í stórhættu og því verður ekki unað.
Bæjarstjórn Seyðisfjaðrar krefst þess, að höf-
uðatvinnuvegi þjóðarinnar verði búin viðunandi
rekstrarskilyrði ogminnir á, aðu. þ. b. 75% gjald-
eyristekna koma frá sjávarútvegi. Bæjarstjórn
Seyðisfjarðar varpar fram þeirri spurningu til
ráðamanna þjóðarinnar, hve lengi það þjóðfélag
fái staðist, sem bregst skyldum sínum við undir-
stöðu þjóðlífsins.