Austurland - 20.09.1984, Blaðsíða 2

2
FIMMTUDAGUR, 20. SEPTEMBER 1984.
----------Austurland---------------------
MÁLGAGN ALÞÝÐUBANDALAGSINS
Ritnefnd: Elma Guðmundsdóttir, Guðmundur Bjamason,
Einar Már Sigurðarson, Þórhallur Jónasson og Smári Geirsson.
Ritstjóri: Birgir Stefánsson S7756.
Auglýsingar og dreifing: Aðalbjörg Hjartardóttir-Pósthólf 31
- 740 Neskaupstað — S7756.
Ritstjórn, afgreiðsla, auglýsingar: Egilsbraut 11, Neskaupstað
S7756.
Prentun: Nesprent.
ÚTG.: KJÖRDÆMISRÁÐ ALÞÝÐUBANDALAGSINS
Á AUSTURLANDI
Ætlar ríkisstjórnin ad banna verkföll?
Allar líkur eru á því, að í hönd fari heitt haust í
kjarabaráttu launafólks á íslandi. Langflest félög hafa
sagt upp kjarasamningum miðað við 1. sept. sl. Mörg
félög hafa heimilað stjórnum sínum verkfallsboðun og
sum eru þegar komin í verkfall. Víðtækasta verkfallið,
sem þegar er hafið, er verkfall bókagerðarmanna. Þar
stóðu atvinnurekendur flestir sem klettur gegn kjarabót-
um, og því liggur útgáfa bóka og blaða nú niðri í landinu,
nema hvað nokkur vikublöð geta komið út svo sem
AUSTURLAND, vegna þess að eigendur lítilla prent-
smiðja mega vinna. Ekki er þó víst, hversu lengi það
verður, því að frjálshyggjumennirnir í Vinnuveitenda-
sambandinu hóta verkbönnum á báða bóga.
Alþýðusamband Austurlands hefir hvatt aðildarfélög
sín til að afla sér verkfallsheimildar og innan skamms
má búast við, að velflest félög innan ASÍ verði komin
með heimildir til boðunar verkfalla.
Ríkisstarfsmenn og flestir bæjarstarfsmenn innan
BSRB hafa þegar boðað verkfall. í þeirri vinnudeilu er
komin fram sáttatillaga, sem kosið verður um í næstu
viku. Flest félög innan BSRB og þar á meðal Starfs-
mannafélag Reykjavíkurborgar svo og stjórn og samn-
inganefnd BSRB hafa skorað á opinbera starfsmenn að
fella sáttatillöguna. Það verður því að telja líklegt, hún
verði felld og hefst þá verkfall 4. okt.
Launafólk í landinu býr sig þannig undir það á öllum
vígstöðvum að ná a. m. k. einhverju aftur af þeim kaup-
mætti, sem það hefir verið rænt. Allir eru sammála um,
að aukinn kaupmáttur sé aðalatriði í kjarabaráttunni,
en einnig það, að veruleg kauphækkun þurfi að verða
til að kaupmáttur aukist að því marki, sem unnt er að
sætta sig við. Önnur kjarabótaratriði geta svo komið til
viðbótar, ef þau á annað borð eru í boði í raun.
Atvinnurekendur kyrja sama sönginn og jafnan áður:
atvinnuvegirnir bera engar kauphækkanir, við getum
ekki borgað meira, ríkisvaldið verður að hjálpa okkur.
Og fjármálaráðherrann segir ríkisstarfsmönnum að taka
á sig launalækkun í stað þess að vera að heimta laun,
sem þeir geti lifað af.
Hver eru svo viðbrögð ríkisstjórnarinnar, sem setti
sér það mark hæst að láta aðila vinnumarkaðarins semja
um kaup og kjör án íhlutunar ríkisvaldsins?
Ráðherrar og vonbiðlar um ráðherrastóla tala ýmist
í hótunartón eða véfréttastíl um kjaramálin og þátt
ríkisstjórnarinnar í lausn þeirra. Yfirlýsingar talsmanna
stjórnarflokkanna síðustu daga og ósæmileg íhlutun í
meðferð sáttatillögunnar í deilu BSRB og ríkisins gefa
óneitanlega til kynna, að ríkisstjórnin hafi fullan hug á
því að beita valdi í yfirstandandi og komandi kjaradeil-
um. Forystumenn BSRB og ASÍ brugðu skjótt við og
neituðu að mæta á fund með stjórnarherrunum við því-
líkar aðstæður og hrundu þannig þessari hótanalotu.
En launafólk er ýmsu vant af hálfu þessarar ríkis-
stjórnar og spyr því með ugg í brjósti, hvort hún ætli
nú að banna verkföll með lögum. B. S.
Guðjón Sveinsson:
Hugleiðingar um haustmót UIA
í knattspyrnu 1984
Dagana 1. og 2. sept. sl. var
haustmót UÍA í knattspyrnu
haldið á Staðarborgarvelli.
Veður var fremur hagstætt til
keppni, norðaustan gola en
fremur kalt en þurrt. Sjö lið
mættu til leiks og var skipt í tvo
riðla A og B. í A-riðli voru:
Þróttur, Leiknir b og Neisti.
(Huginn hætti við þátttöku). í
B-riðli voru: Austri, Höttur,
Hrafnkell Fr. og Valur.
Ég horfði á alla þessa leiki,
reyndi að sjá helstu einkenni
hvers liðs, reyndi að meta leik-
ina út frá hinum ýmsu sjónar-
hornum knattspyrnunnar - og
reyndi að gera mér í hugarlund,
hvaða gildi mótið hefði. Áhorf-
endur voru fáir, kannski kuld-
anum um að kenna og svo ekki
ýkja fjölmennt í heimabyggð-
inni. Án efa er Staðarborgar-
völlur heppilegastur í dag fyrir
mót sem þetta. Völlurinn er
mjög góður grasvöllur, harður
og þurr og vel sléttur, enda tal-
inn af fróðum mönnum með
bestu völlum á landinu. Er því
hægt að sýna þar góða knatt-
spyrnu, ef veður og annað leyfir
svo sem mórall liðanna. Það
sem mér fannst einkenna þetta
mót helst, var ótímabær og oft
látlaus talandi og gargandi
leikmanna og hef ég raunar
minnst á þess háttar í annarri
grein um knattspyrnu fyrr í sum-
ar - en nóg um það. Þó held ég,
að dómarar verði að fara að taka
meira í taumana, áhorfendur,
sem borga sig inn, eiga fullan
rétt á því. Þetta setur leiðinda
stemningu á leikina.
Ég ætla nú í sem stystu máli
að gera grein fyrir hverjum ein-
stökum leik, reyna að draga það
eftirminnilegasta fram svo og
úrslit þeirra, einnig að minnast
á frammistöðu dómara. Hún
vegur alls ekki svo lítið á meta-
skálunum, þegar allt kemur
heim og saman.
Laugardagur 1. sept.
A-riðill
Leiknir b - Þróttur
Leiknismenn sendu gamlar
kempur fram á völlinn - og
reyndar ekki svo gamlar sumar
hverjar, léku í liðinu í fyrra t. d.
Þeir bjuggust örugglega ekki við
sigrum í þessu móti, vildu vera
með ánægjunnar vegna.
Frammistaða Leiknis var
þokkaleg og ætluðu Þróttarar
örugglega að velgja þeim betur
undir uggum en raun varð á. Of
mikið málþóf var því hjá Þrótti.
Dómari var Sigurður Elísson
(Hrafnk. Fr.) og dæmdi þolan-
lega, enda leikurinn vandræða-
laus.
Úrslit: Þróttur4, LeiknirbO.
Þróttur - Neisti
Fjörugur og jafn leikur og
einn með þeim skemmtilegri.
Neisti kom á óvart og átti ekki
minna í síðari hálfleik. Þróttar-
ar full harðir og hefði nr. 8 mátt
sjá gula spjaldið. (Raunar voru
dómararnir allt of sparir á þau
allt mótið). T. d. áttu Neista-
menn vítaspyrnu á 10. mín. f.
h., sem var sleppt. Jafntefli
sanngjörn úrslit. Dómari Bjarni
Kristjánsson (Austra). Hann
var ekki nægilega sannfærandi
og Neista heldur í óhag.
Úrslit: Þróttur 2, Neisti 0.
B-riðiIl
Hrafnkell Fr. - Höttur.
Fyrri hálfleikur á valdi Hrafn-
kels og hefðu þeir átt að skora
ein tvö mörk. Síðari hálfleikur
jafn, en á síðustu 10 mín. rúllaði
boltinn þrisvar yfir marklínu
Hrafnkels. Áttu þeir ekki betra
skilið. Botninn virðist alltaf
detta úr í síðari hálfleik hjá
þeim. Talandi Hattarmanna vel
í meðallagi og markvörðurinn
langdrýgstur. Dómari Guðm.
Ingvarsson (Þrótti) og dæmdi
vel.
Úrslit: Höttur 3, Hrafnkell
Fr. 0.
Austri - Valur
Fyrra mark Austra var falleg-
asta mark mótsins. Bjarki Unn-
arsson skaut viðstöðulaust af 20
m færi í blávinkilinn hjá Val.
Ekki á hverjum degi, sem slík
mörk sjást og er þá sama, um
hvaða deild er að ræða. Síðari
hálfleikur markalaus. Lá tals-
vert meira á Val, án þess þó að
hætta skapaðist. Valur reyndi
að berjast of mikið upp miðj-
una, án árangurs (sem vonlegt
er). Dómari Erlingur Garðars-
son (Hrafnk. Fr.) tókst vel,
,enda leikurinn prúðmannlegur
og orðavaðall í lágmarki.
’ Úrslit: Austri 2, Valur 0.
Hrafnkell Fr. - Valur
Leiðinlegasti leikur mótsins.
Voru bæði liðin fegin, er honum
lauk. Fátt um fína drætti og
Hrafnkelsmenn eins og ein-
trjáningar á vellinum. Einn var
þó ljós punktur. Næstfallegasta
mark mótsins var gert í þessum
leik. Það gerði Kristján Þrastar-
son með skalla í vinkilinn hjá
Val eftir fyrirgjöf frá Hilmari
Garðarssyni. Dómgæsla Þor-
valdar Hreinssonar (Neista) var
í meðallagi. Kannski ekki hægt
að dæma jafn leiðinlegan leik
vel.
Úrslit: Valur 7, Hrafnkell 1.
Austri - Höttur
Síðasti leikur laugardagsins.
Austri óð í tækifærum en nýtti
þau illa, einnig var markvarsla
góð. Síðasta markið gullfallegt
upp undir þverslána (Sjonni).
Dómari Sigurður Elísson
(Hrafnk. Fr.) og fórst það
þokkalega.
Úrslit: Austri 4, Höttur 0.
Sunnudagur 2. sept.
A-riðiIl
Leiknir b - Neisti
Skemmtilegasti leikur
mótsins. Einkenndist af leik-
gleði og kappi - drengilegu
kappi (með örfáum undantekn-
ingum). Leiknismenn komu
Neista á óvart með skemmti-
legum stemningum. Neisti þó
fyrri til að skora snemma í f. h.
eftir langsendingu fram, þar
sem nr. 14 hljóp alla af sér og
renndi knettinum laglega í
netið. í úpphafi s. h. jafnaði
Leiknir eftir sjálfsmark Neista.
Síðan máttu þeir prísa sig sæla
að fá ekki á sig annað mark eftir
hörku þversláarskot Leiknis-
manna. Undir lok leiksins unnu
Neistamenn á úthaldinu. Dóm-
ari Sigurður Elísson, dæmdi all
vel.
Úrslit: Neisti 3, Leiknir b 1.
B-riðill
Hrafnkell Fr. - Austri
Fyrri hálfleikur jafn og
skoruðu Austramenn eitt ódýrt
mark. Hrafnkell hélt þeim tím-
unum saman á þeirra eigin vall-
arhelmingi, og kunnu Austra-
menn því miður vel. Síðari hálf-
leikur fór nokkuð úr böndunum
hjá Hrafnkeli, en mörkin voru
ódýr og flest hægt að skrifa á
reikning markvarðar. Austra-
menn fóru að hressast og vildu
sýna, hverjir væru meistararnir.
Hljóp markvörður þeirra út á
miðjan völl í leikslok. Átti það
trúlega að vera „djók“. Það
tókst þó ekki betur en svo, að
þeir fengu á sig mark, sem þeir
höfðu ekki reiknað með. Setti
það svolítið strik í „djókið".
Dómari Ólafur Nikulásson
(Valur). Var hann heldur dauf-
ur og undir áhrifum nágrann-
anna. Einhvern veginn fannst
mér Austri ekki sýna sannan
íþróttaanda í þessum leik, voru
Framh. á 4. síðu.