Austurland - 11.10.1984, Blaðsíða 3

FIMMTUDAGUR, 11. OKTÓBER 1984.
3
Alyktanir kjördæmisráðs AB
Sjávarútvegsmál
Kjördæmisráð AB vekur at-
hygli á þeirri fráleitu efnahags-
stefnu, sem fylgt er af ríkis-
stjórninni og bitnar á sjávarút-
veginum af fullum þunga.
Á sama tíma og fyrirtækjum
í sjávarútvegi eru skammtaðar
tekjur með föstu gengi fá milli-
liðir eins og skipafélög, olíufé-
lög og þjónustuaðilar að taka til
sín margfalt stærri hlut en áður
og innlendur tilkostnaður vex
þannig hröðum skrefum.
Afleiðingin er taprekstur í
öllum helstu greinum sjávarút-
vegsins og skuldasöfnun með
síhækkandi fjármagnskostnaði.
í þessari stöðu gefur ríkis-
stjómin svo vexti frjálsa og skrúf-
að er fyrir lánveitingar frá
bönkum. Engan þarf að undra,
þótt fyrirtækin komist í greiðslu-
þrot við þessar aðstæður og
stöðvist eitt af öðru, eins og gerst
hefur á Seyðisfirði og atvinnu-
leysi verði hlutskipti fjölda fólks.
Afleiðing þessarar svelti-
stefnu gagnvart sjávarútvegin-
um er háskaleg fyrir efnahag
landsmanna og bitnar fyrst af
öllu á landsbyggðinni, þar sem
sjávarútvegur er undirstaða í at-
vinnulífi flestra byggðarlaga.
Um leið og minnt er á tillögur
AB í sjávarútvegsmálum á liðnu
sumri, krefst Alþýðubandalagið
þess, að nú þegar sé breytt um
stefnu gagnvart sjávarútvegin-
um og heilbrigður rekstrar-
grundvöllur verði tryggður fyrir
útgerð og fiskvinnslu.
Snar þáttur í þeim aðgerðum
þarf að vera að tryggja fisk-
vinnslufólki og sjómönnum líf-
vænleg kjör, þannig að eftir-
sóknarvert verði að starfa í þess-
um undirstöðugreinum.
Snúa verður frá þeirri okur-
vaxtastefnu, sem nú er haldið
uppi, og semja um skuldaskil
fyrirtækja, sem hafa heilbrigðar
rekstrarforsendur.
Snúa verður við fjárstreym-
inu frá sjávarútvegi til óarð-
bærrar starfsemi, sem blómstrar
á höfuðborgarsvæðinu. Annars
mun sá fólksflótti, sem nú er
hafinn frá landsbyggðinni,
halda áfram í auknum mæli til
stórtjóns fyrir þjóðarheildina.
Landbúnaður
Kjördæmisráð Alþýðubanda-
lagsins á Austurlandi lýsir andúð
sinni á þeim neikvæða áróðri,
sem haldið er uppi gagnvart land-
búnaði af áhrifamiklum aðilum í
þjóðfélaginu. Bændur hafa ekki
síður en launafólk orðið fyrir
barðinu á kauplækkunar- og ok-
urvaxtastefnu ríkisstjómarinnar.
Fáir búa nú við þrengri kost en
bændur á minni bújörðum og
þeir, sem ráðist hafa í fjárfesting-
ar að undanförnu. Að óbreyttri
efnahagsstefnu verður það hlut-
skipti æ fleiri bænda að standa
upp af jörðum sínum og leita út
á óvissan vinnumarkað í þéttbýli.
Samtök bænda hafa nú sem
fyrr lýst sig reiðubúin að greiða
fyrir æskilegum skipulags- og
framleiðslubreytingum í land-
búnaði. Þeim jákvæða vilja má
ekki spilla með óréttmætri aðför
að bændastéttinni og virðingar-
leysi gagnvart störfum og stöðu
fólks í sveitum.
Alþýðubandalagið vill stuðla
að þróun og aðlögun í landbún-
aði, en gæta verður þess, að fara
ekki offari í þeim efnum, eins
og nú er hætta á, að gert verði.
Gefa ber þeim, sem að land-
búnaði starfa, kost á lífvænlegri
afkomu og tryggja félagslegt ör-
yggi þeirra og aðstöðu til menn-
ingarlífs ekki lakari en gerist í
þéttbýli. í þeim efnum má
hlutur bændakvenna og uppvax-
andi æsku í sveitum landsins
ekki gleymast.
Iðnaður
Kjördæmisráð Alþýðubanda-
lagsins á Austurlandi fagnar
þeirri viðleitni til markvissrar
iðnþróunar, sem hafin er í fjórð-
ungnum. Alþýðubandalagið
hafði á undanförnum árum for-
ystu um endurbætur á löggjöf til
að ýta undir iðnþróun á lands-
byggðinni, m. a. með lögum um
iðnráðgjafa og iðngarða og
stuðningi við margháttað þró-
unarstarf í iðnaði úti um land.
Þessi stuðningur við almenna
iðnþróun er nú í hættu vegna
minnkandi fjárveitinga og skiln-
ingsleysis af hálfu stjórnvalda og
lánastofnana.
Einblínt er á erlenda stóriðju,
eins og skýrt kemur fram í máls-
meðferð vegna kísilmálmverk-
smiðjunnar á Reyðarfirði. í stað
þess að byggja á vönduðum
undirbúningi þess máls frá tíð
fyrri ríkisstjórnar og að reisa
verksmiðjuna sem íslenskt stór-
iðjufyrirtæki hefur Sverrir Her-
mannsson lagt alla áherslu á að
koma fyrirtækinu í hendur er-
lendra aðila.
Alþýðubandalagið mótmælir .
þessari fráleitu stefnu og þeim
mikla drætti, sem orðið hefur á
framkvæmdum við verksmiðj-
una.
Kjördæmisráðið gerir kröfu til,
að ráðist verði í byggingu kísil-
málmverksmiðjunnar hið fyrsta
á grundvelli gildandi laga og
framkvæmdum hagað þannig, að
þær verði lyftistöng fýrir almenn-
an iðnað í fjórðungnum.
Kjördæmisráð Alþýðubanda-
lagsins lýsir yfir ánægju með
stofnun sérstaks iðnþróunarfé-
lags og iðnþróunarsjóðs hér
eystra og stuðningi við austfirskt
framtak og frumkvæði í iðnað-
aruppbyggingu. f því sambandi
þarf að nýta þá möguleika, sem
felast í nálægð Austurlands við
markaði í Evrópu og í þeim
skipasamgöngum, sem komið
hefur verið á milli Austurlands
og nágrannalanda.
Samgöngumál
Kjördæmisráð Aiþýðubanda-
lagsins vísar til fýrri samþykkta
um samgöngumál og leggur ríka
áherslu á bættar samgöngur inn-
an fjórðungsins og tengsl við
aðra landshluta. Farsæl upp-
bygging atvinnulífs og samstarf
byggðarlaga í atvinnu- og fé-
lagsmálum er háð bættum sam-
göngum.
Gæta þarf að samhengi í öll-
um þáttum samgöngumála, í
vegamálum, flugi og sjósam-
göngum.
Fundurinn minnir á þau fjöl-
mörgu stóru verkefni, sem bíða
framkvæmda og undirbúnings í
samgöngumálum, þar sem
Austurland stendur verr að vígi
og hefur orðið útundan um fjár-
veitingar í samanburði við aðra
landshluta.
Niðurskurður í fjárveitingum
til samgöngumála hittir lands-
byggðina miklu verr en höfuð-
borgarsvæðið. Því ber að standa
gegn samdrætti í fjárveitingum
til þessara mála í lengstu lög.
Byggðastefna og
húshitunarkostnaður
Aðalfundur Alþýðubanda-
lagsins á Austurlandi vísar til
samþykktar ráðstefnu á Hall-
ormsstað um byggðamál í júní
sl. Aldrei hefur verið brýnna en
nú að lyfta merki heilbrigðrar
byggðastefnu til mótvægis við
óheillastefnu þeirrar ríkis-
stjórnar, sem nú situr.
Fundurinn minnir á þau okur-
kjör, sem fólk á Austurlandi býr
við í húshitun og öðrum orku-
kostnaði heimilanna. Þrátt fyrir
gífuryrði og hástemmd kosn-
ingaloforð Sjálfstæðisflokksins
um lækkun húshitunarkostnað-
ar hefur reyndin orðið þveröfug
í tíð Sverris Hermannssonar
sem orkuráðherra.
Meðal fyrstu verka ríkis-
stjórnar Steingríms Hermanns-
sonar var að heimila gífurlegar
hækkanir á raforkutöxtum.
Frumvarp um húshitunarkostn-
að, sem iðnaðarráðherra lagði
fram seint á síðasta Alþingi,
reyndist gagnslaust plagg og var
stöðvað af stuðningsliði ríkis-
stjórnarinnar.
Alþýðubandalagið mun
áfram beita sér fyrir jöfnun og
lækkun orkukostnaðar heimil-
anna og að fjármagn fáist í því
skyni og í aðgerðir til orku-
sparnaðar.
Hreppsnefnd
Egilsstaðahrepps
auglýsir hér með eftir umsóknum
atvinnurekenda um aðstöðu í Iðngörðum
Egilsstaðahrepps
Umsóknir skal senda fyrir 15. október til
Egilsstaðahrepps, Lyngási 12
Sveitarstjóri
Egilsstaðahrepps
Auglýsing
frá sýslumanni Suður-Múlasýslu
og bæjarfógetanum á Eskifirði
í verkfalli opinberra starfsmanna, verður
skrifstofa embættisins á Eskifirði einungis
opin eftir hádegi frá kl. 1300 - 1530 þá daga
sem verkfall stendur
Reynt verður að sinna öllum brýnum
verkefnum, en búast má við að almenn
afgreiðsla verði í lágmarki
Tekið verður við þinggjaldagreiðslum og
öðrum greiðslum til ríkissjóðs
Sýslumaður Suður-Múlasýslu
Bæjarfógetinn Eskifirði
GROHE -
ÞÆGINDABILID ^15
Þægindi og ending eru einkenni GROHE tækja, og
það má vissulega segja um nýja einnarhandarblönd-
unartækið frá GROHE, EUROMIX 2. Langa granna
handfangið er stillt þannig að mesti hluti hreyfanleik-
ans er á hitastiginu 30° til 45° (sjá teikn.). En það er
hitastigið sem jafnan er notað. Það köllum við
þægindabilið. Já, þægindi eru í fyrirrúmi hjá GROHE.
GROHE er brautryðjandi og leiðandi fyrirtæki á sviði
blöndunartækja.
Kaupfélag Héraðsbúa