Austurland - 15.11.1984, Blaðsíða 2

2
FIMMTUDAGUR, 15. NÓVEMBER 1984.
Austurland
MALGAGN ALÞYÐUBANDALAGSINS
Ritnefnd: Elma Guðmundsdóttir, Guðmundur Bjamason,
Einar Már Sigurðarson, Þórhallur Jónasson og Smári Geirsson.
Ritatjóri: Birgir Stefánsson (ábm.) S7756.
Auglýsingar og dreifing: Aðalbjörg Hjartardóttir-Pósthólf 31
- 740 Neskaupstað - @7756.
Ritstjórn, afgreiðsla, auglýsingar: Egilsbraut 11, Neskaupstað
@7756.
Prentun: Nesprent.
ÚTG.: KJÖRDÆMISRÁÐ ALÞÝÐUBANDALAGSINS
Á AUSTURLANDI
Hvað er frjálst útvarp?
Síðustu misseri hefir æ meira borið á umræðu um breyting-
ar á útvarpsrekstri í landinu og um nokkurt skeið hefir starfað
á vegum Alþingis svonefnd útvarpslaganefnd. Hún hefir lagt
til veigamiklar breytingar á útvarpsrekstri í þá veru, að fleiri
aðilar en Ríkisútvarpið fái leyfi til útvarpsreksturs.
Ekki virðist vera mikil andstaða gegn því, að hér verði
einhverjar breytingar á gerðar og hlýtur í raun að vera eðli-
legt að endurskoða lög um útvarpsrekstur með tilliti til þess
m. a., hversu áhrifamikill fjölmiðill útvarp er, hversu almenn
notkun hans er og hversu margvíslegum, tæknilegum mögu-
leikum hann býr yfir, t. d. með því sumpart að ná til takmark-
aðra svæða og sumpart til landsins alls og annarra landa.
Þegar breytingar á útvarpslögunum eru ræddar, greinir
menn mjög á um, hverjar þær eiga að vera og þá fyrst og
fremst um það, hvort svipta eigi Ríkisútvarpið einkaleyfi til
útvarpsreksturs alfarið eða að hluta og hvort allir eigi að fá
leyfi til útvarpsreksturs og þá með eða án leyfis til að birta
auglýsingar.
Það lætur eflaust vel í eyrum margra að talað er hátt og
fagurlega um „frjálst útvarp“. Svo virðist líka vera, að krafan
um „frjálst útvarp" sé það sjónarmið, sem hæst ber í umræð-
unni um breytingar á gildandi útvarpslögum. Sumir hafa
m. a. s. hegðað sér á þann hátt á undanförnum vikum sem
gildandi útvarpslög þurfi ekki að virða, vegna þess að þau
séu úrelt og þeim eigi að breyta!
En hvað þýðir „frjálst útvarp"? Væntanlega svara flestir
því svo, að það þýði, að hver og einn einstaklingur, félag,
fyrirtæki og stofnun o. s. frv. hafi leyfi til að reka útvarp.
Þetta svar mun talsmönnum hins „frjálsa útvarps“ þykja
harla gott.
En þessir talsmenn frelsisins ræða minna um það, hvaða
möguleika hver og einn einstaklingur hefir á því að nýta sér
frelsið til að reka útvarp. Það er lítið talað um þann kostnað,
sem slíkur rekstur hefir í för með sér svo sem uppsetningu
senditækja (reyndar er sagt, að hún kosti lítið), dreifikerfi,
starfsmannahald, greiðslu fyrir efni og flutning o. fl.
Innheimtu afnotagjalda yrði erfitt að koma við, þegar út-
varpsstöðvar eru orðnar margar, og auk þess myndu þau
hrökkva skammt upp í reksturskostnað. Það eru því auglýs-
ingatekjur, sem talsmenn frelsisins renna hýru auga til, þó
að ekki sé haft hátt um þann þátt í umræðunni.
Öllum ætti því að vera ljóst, að hið „frjálsa útvarp“ verður
aldrei frjálsara en þeir, sem fjármagnið og aðra áhrifaað-
stöðu hafa, vilja láta það vera. Tvíbent er því að nota orðið
frelsi í þessum efnum sem og í mörgum öðrum og langt frá
því, að það sé jafnt öllum til handa.
Þær breytingar virðast nærtækastar á útvarpsrekstri í land-
inu, að Ríkisútvarpið verði verulega og myndarlega eflt með
nýrri starfsaðstöðu, sem það er að fá í hendur og jafnframt
verði komið á fót á þess vegum nokkrum landshluta- eða
svæðisbundnum útvarpsstöðvum og má þar byggja á hinni
góðu reynslu af Akureyrarútvarpinu. Þessum stöðvum getur
Ríkisútvarpið hugsanlega komið upp í einhvers konar sam-
vinnu við landshlutana, t. d. sveitarstjórnir eða
sveitarstjórnasambönd. Suðvesturhornið ætti vissulega að fá
útvarpsstöð af þessu tagi eins og aðrir landshlutar, þó að
Ríkisútvarpið sendi nú þegar út dagskrá á tveimur rásum
fyrir það svæði og eitthvað út fyrir það. B. S.
FRA ALÞINGI
Alþingi og störf þess hafa
verið með nokkuð öðrum blæ
nú en oft áður.
* Skuggi kjaradeilna hefur
hvílt yfir og endemisfram-
koma ráðherra hefur eðlilega
orðið umræðuefni. Á því hefur
mjög borið, að fólk hefur orð-
ið fyrir vonbrigðum með að
„ekkert skyldi gerast, þó Al-
þingi kæmi saman“ eins og sagt
er mjög gjarnan.
Það er að vonum, að fólk
segi svo, þegar ríkisvaldið vill
svelta fólk til hlýðni við stríðs-
stefnu sína. En staðreyndin
blasir við öllum. Þjóðin kaus í
síðustu kosningum 37 fulltrúa
sína inn á Alþingi, sem standa
dyggan vörð um þessa ráns-
stefnu ríkisvaldsins. Og sá
mikli meirihluti ræður eðlilega
ferðinni á Alþingi. Aðhald
stjórnarandstöðu er vissulega
til staðar, en veikur er bak-
grunnur þess aðhalds, þar sem
fjórir aðilar eiga í hlut, ósam-
stæðir um margt.
Staða eins stjómarand-
stöðuflokks, flokks með 23
þingmenn til átaka og athafna
við rangsnúið ríkisvald, væri
allt önnur. Þetta mættu menn
gjanran athuga næst og
skemmta ekki skratta aftur-
haldsins með stuðningi við
smáflokkakraðak, þar sem
jafnvel stefnumið í stærstu
málum eru engan veginn ljós.
Þingmál eru mörg á ferðinni
eins og ævinlega. Mikið er um
endurflutning mála, sem ekki
fengust afgreidd á síðasta
þingi. Ný mál eru nokkur frá
Alþýðubandalagi:
Veigamest er tillaga frá Hjör-
leifi Guttormssyni o. fl. um úr-
bætur í umhverfismálum, sem
spannar vítt svið umhverfís- og
náttúruvemdarmála og er í
raun nær því að vera rammalög-
gjöf í mörgum greinum en
þingsályktun. Vandað og mikið
verk liggur að baki.
Helgi Seljan hefur endur-
flutt tillöguna um skipulegan
stuðning við ungmenna- og
íþróttahreyfinguna og má
heita undarlegt, ef hún nær
ekki fram að ganga á þinginu,
miðað við það að árið 1985 er
helgað æskunni.
Helgi hefur einnig endur-
flutt tillögu sína um eflingu
sjúkra- og iðjuþjálfunar í
heilsugæslunni.
Þá flytur hann tvö ný mál.
Annað er um að sjúkradag-
peningar húsmæðra nemi
hámarksupphæð hverju sinni,
en þessi upphæð er í dag 'A
aðeins. Þessu lagafrumvarpi
var vel tekið.
Þá hefur Helgi flutt tillögu
um að leitað verði allra leiða til
að færa tannréttingar út á lands-
byggðina vegna þess mikla
kostnaðar og óhagræðis, sem í
dag er á marga lagður vegna
ferða á fund sérfræðinga til
Reykjavfkur eða Akureyrar.
Helgi spyr dómsmálaráð-
herra um, hverju valdi breyting
sú, sem orðin er á fyrirkomulagi
löggæslu á Reyðarfirði.
Steingrímur J. Sigfússon
hefur flutt hina ágætustu til-
lögu um bætta merkingu ak-
vega og undir hana geta Aust-
firðingar tekið heils hugar.
m
NESKAUPSTAÐUR
Lögtök
vegna vangoldinna útsvara
og aðstöðugjalda
Samkvæmt úrskurði bæjarfógetans í
Neskaupstað 9. nóvember 1984 mega lögtök
vegna ógreiddra útsvara og aðstöðugjalda í
Neskaupstað, álögð 1984, ásamt
dráttarvöxtum og kostnaði fara fram að
liðnum 8 dögum frá birtingu þessarar
auglýsingar
Neskaupstað 9. nóvember 1984
Fjármálastjórinn í Neskaupstað
ARNAÐ HEILLA
Afmæli
Lára Halldórsdóttir, hús-
móðir, Strandgötu 10, Nes-
kaupstað varð 70 ára í fyrra-
dag, 13. nóv. Hún er fædd í
Neskaupstað og hefir alltaf átt
hér heima. Eiginmaður Láru,
Bjarni Guðmundsson, lést 18.
júlí sl.
Sigríður Pórðardóttir, hús-
móðir, Urðarteigi 12 A, Nes-
kaupstað varð 85 ára í gær, 14.
nóv. Hún er fædd á Kálfafelli
í Suðursveit. Hún bjó á Barðs-
nesi í Norðfjarðarhreppi með
eiginmanni sínum, Sveini
Árnasyni frá 1923 til 1947, að
hann lést og eftir það með
börnum sínum til 1955, að fjöl-
skyldan flutti til Neskaupstað-
ar. Sigríður hefir átt hér heima
síðan.
Kirkja
Messa í Norðfjarðarkirkju
næstkomandi sunnudag 18. nóv-
ember kl. 2 e. h. Skúli Svavars-
son, kristniboði prédikar.
Eftir messu verður kirkjukórinn
með kaffisölu í safnaðarheimil-
inu og þar segir Skúli frá kristni-
boðsstarfinu og sýnir ýmsa hluti
því tengda. Sóknarprestur.
Innilegar þakkir til allra, sem auðsýndu samúð
og hlýhug vegna andláts og jarðarfarar
Guðmundar Jónssonar
frá Akri, Neskaupstað
Fyrir hönd vandamanna,
Björg Sigurðardóttir