Birtingur - 01.06.1963, Blaðsíða 26
ili, hér eru bæði húshlýja og hjartahlýja, hér eru
allir hlutir Iifandi og tala til gestsins. í Glaum-
bæ og Laufási verða aðrir að tala fyrir þá.
Skelfing hcfur híbýlaháttum hrakað, hugsar
maður og minnist hörkunnar og bergmálsins í
steinsteypustofum skelþunnra skerma, sem
hleypa hvers konar hávaða inn, í stað umlykj-
andi notalegra veggja, sem loka skarkala heims-
ins úti. Svo sannarlega hefur góð byggingarlist
haldizt í hendur við sanna híbýlamennt með
þjóðinni fyrrum, Bustarfell er nú komið á
Jjjóðminjaskrá og mun varðveitt framtímanum,
en ekki var það auðsótt mál: Metúsalem sagði
mér, að Jiað hefði oltið á einu atkvæði á því háa
alþingi.
Nóttlaus veröld, dagnótt á öræfum, hárfín Ijós-
net í skýjum, himnesk ára um fjallstinda, líkt
og á dýrlingunum í St. Vitale í Ravenna: Kistu-
fell, Hrútafjöll eins og heilagur Theódórus og
drottning hans, Vopnafjarðaröræfi og að þeim
enduðum einhver ljúfasta og sjálfsagðasta gest-
risni þreyttum ferðalöngum í Möðrudal á Efra-
Fjalli. Og hér á listin sér griðland á afskekktasta
býli landsins, hér sprettur hún upp harðger og
kraftmi'kil eins og nálarnar, römm. Jón í Möðru-
dal er skilyrðislaus í afstöðu sinni, einlægur og
hreinskilinn umfram flesta menn, myndir hans
eftir því. Hann er andlegur bróðir Gunnþór-
unnar Sveinsdóttur. Furðulegt, að ekki skuli efnt
lil sýningar á verkum hans. Ef ég mætti stinga
eins og einum títuprjóni i þá sofandi stofnun,
Listasafn íslands, vildi ég biðja forráðamenn
þess að blása í lúður til heiðurs Jóni í Möðru-
dal og Gunnþórunni Sveinsdóttur.
Hér má finna afstæðiskenningunni tvennan
stað: þann fyrst hve allt verður smátt við svim-
andi hæð fjallanna, hins vegar liin lýsandi lát-
lausa fegurð norskra timburhúsa í samanburði
við þann ungmennafélagsarkitektúr, sem augað
hefur vanizt í efra. Að aka ofan af Fjarðarheiði
niður i Seyðisfjörð er líkt og að falla hægt niður
trekt, og þegar niður er komið bregður fyrir í
huganum minningu um stigandi hæð gotneskrar
kirkju: allt mannlegt smækkar, en augað leitar
upp. Hvergi er slíkur stærðarmunur húss og
fjalls. Flér dvaldist Gunnlaugur Scheving æsku-
og mótunarár sín, hér hóf hann listferil sinn í
luktum firði aðkrepptur Jtröngum sjónhring
smábæjarmennskunnar. Við gæturn kallað dvöl
hans þar heróiska tímabilið í listsögu hans. Aft-
ur á móti ku þeir hafa verið töluvert forframaðir
á fyrri tíð, Seyðfirðingar, stórhuga og atkvæða-
miklir á veraklar vísu, enda bera hin stóru timb-
urhús þess ljósan vott.
24
BIRTINGUR