Austurland


Austurland - 03.04.1985, Blaðsíða 4

Austurland - 03.04.1985, Blaðsíða 4
Austurland Neskaupstað, 3. apríl 1985. Austf jarðaleið hf. © 4250 og 7713 SKÍÐAFERÐIR í ODDSSKARÐ S 7474 EIMSKIP STRANDFLUTNINGAR 0 4199 HITTUMST I SPARISJÓÐNUM Sparisjóður Norðfjarðar Líflegt starf Tónlistarfélags Fljótsdalshéraðs JsJEISTAR Aðalfundur Tónlistarfélags Fljótsdalshéraðs var haldinn um miðjan mars sl. á Egilsstöðum. í skýrslu formanns félagsins, Ólafar Blöndal kom fram að síðastliðið ár var starf félagsins líflegt að vanda, haldnir voru þrennir áskriftartónleikar auk aukatónleika með bandaríska píanóleikaranum Nanci Weems, en hún lék í Valaskjálf 10. apríl. Fyrstu áskriftartónleikarnir voru haldnir 1. maí en þá heim- sóttu þeir Kristinn Sigurmunds- son óperusöngvari og Jónas Ingimundarson Austfirðinga, en auk þess héldu þeir tónleika á Seyðisfirði. Helgina 10. og 11. nóvember efndi félagið til árlegra »Tónlist- ardaga á Héraði«. Fyrri daginn voru aðrir áskriftartónleikar fé- lagsins með þeim félögum Gunnari Björnssyni cellóleikara og David Knowles píanó- leikara. Seinni daginn var svo árlegur tekjuöflunardagur fé- lagsins með kaffisölu og tónlist- arlegu ívafi, í menntaskólanum. Aðsókn var góð báða dagana. Þriðju og síðustu áskriftartón- leikarnir voru svo í Valaskjálf 23. febrúar og voru þar á ferð söngvararnir Elín Sigurvins- dóttir og Friðbjörn G. Jónsson, sem fluttu lög eftir Sigfús Hall- dórsson en hann lék sjálfur und- ir á píanó. Daginn eftir var þetta Sigfúsarkvöld flutt í Neskaup- stað. Fyrstu tónleikar þessa starfs- árs sem nú er að byrja verða í byrjun maí með gítarleikurun- um Siegfried Kobilza og Símoni ívarssyni. I lok fundarins voru fráfar- andi stjórn færðar þakkir fyrir Pað er fjölmennt á kaffisöludegi tónlistarfélagsins. Fermingarbörn í Seyðisfjarðarkirkju 4. apríl 1985 kl. II00 1. Arnar Þór Guttormsson, Austurvegi 17b, 2. Dóra M. Takefusa, Austurvegi 21, 3. Guðrún Gísladóttir, Leirubakka 2, 4. Guðrún María Traustadóttir, Árstíg 7, 5. Halldóra Rannveig Blöndal, Botnahlíð 19, 6. Jóna Bára Jónsdóttir, Dalbakka 3, 7. María Svanþrúður Jónsdóttir, Hánefsstöðum, 8. Rúnar Gunnarsson. Árbakka 1, 9. Sigurður Högni Sigurðsson, Dalbakka 5, 10. Stefán Ragnar Magnússon, Brekkugötu 5, 11. Svanhildur Ásta Kristjánsdóttir, Botnahlíð 13, 12. Svanur Þór Pálsson, Oddagötu 4e, 13. Viktor Bergur Björnsson, Árstíg 5. PNESKAUPSTAÐUR ^^ FráNáttúrugripasafninu Safnið verður opið daglega kl. 16 — 18 frá skírdegi til annars páskadags Safnvörður gott starf á árinu. Úr stjórn gengu: Bergur Sigurbjörnsson, Sigríður Sóphoníasdóttir og Ólafur Kristinsson. Núverandi stjórn skipa: Ólöf Blöndal form., Gunnþórunn Hvönn Einarsdóttir, Ólafur Arason, Laufey Egilsdóttir, Kristmann Jónsson, Margrét Gísladóttir og Magnús Magnússon. M. M. £1 Grillo Þann 16. febrúar 1944 gerðu þýskar flugvélar sem oftar loft- árás á Seyðisfjörð. Breska olíu- birgðaskipið El Grillo, um 10.000 lestir að stærð, hafði um hálfs annars árs skeið legið und- an Háubökkum, skammt utan hafnarinnar og í það sóttu her- skip bandamanna olíu eftir þörfum. í þessari árás féll sprengja á skipið og laskaði það svo að framendi þess sökk. Breska herliðið mun síðan hafa sökkt El Grillo fullkomlega nokkrum klukkustundum síðar. Strax byrjaði olía að leka úr skipinu og ötuðust fjörur mjög af henni og hefur þess reyndar ávallt gætt í einhverjum mæli alla tíð síðan. Seyðfirðingar undu því illa að hafa skipsflakið þarna á botni fjarðarins og settu fram árið 1947 formlega kröfu um að skip- ið yrði fjarlægt ásamt fébóta- kröfu. Bretar höfnuðu öllum kröfum, en buðust til að afsala sér skipinu og því sem í því væri og mun hafa verið að því gengið. Árið 1952 var síðan dælt úr skipinu á vegum Olíufélagsins og SÍS á milli 4000 og 5000 tonn- um af olíu, sem var mjög erfitt verk á þeim tíma, enda liggur flakið á 44 metra dýpi. Fyrir nokkrum dögum var varðskipið Týr á Seyðisfirði og vann áhöfnin ásamt her- mönnum af Keflavíkurflugvelli við að hreinsa djúpsprengjur og skotfæri úr flakinu og er því verki nú lokið með góðum ár- angri. Ekki fer á milli mála að Seyð- firðingar eiga siðferðilegan rétt til að setja fram þá kröfu að skipið verði fjarlægt úr höfninni og hefðu íslensk stjórnvöld mátt halda betur á málinu gagnvart styrjaldaraðilum þeirra tíma. Pað er ómaksins vert að hafa þessa sorgarsögu í huga nú þeg- ar unnið er markvisst að því að reyra landið æ fastar í viðjar hernaðarumsvifa og stríðsótta. J. J. I S. G. Konur á vinnumarkaði framtíðarinnar Þegar við ræðum um bar- áttu kvenna fyrir mannsæm- andi lífi innan og utan heimil- is, menntun og starfsþjálfun, sangjörn laun fyrir vinnu- framlag og verðugt mat sam- félagins á þeim störfum er konur vinna, dugir ekki ann- að en líta til framtíðarinnar og hyggja vel að möguleikum í atvinnuþróun. Enga sérfræðinga þarf til þess að sýna fram á, að ný- sköpunar er þörf í atvinnulífi. Aukin tæknivæðing fækkar störfum í þeim atvinnugrein- um sem fyrir eru, en eykur væntanlega einnig framleiðni og arð. Ætla má að árið 2000 verði um 126.000 manns á vinnumarkaði hér á landi. Ef iðnaði er þá ætlað að taka svipaðan hluta vinnuaflsins og hann gerir nú eða um 34% kallar það á um 6000 ný störf í iðnaði. En iðnaður er vítt hugtak - erum við t. d. að tala um stóriðju? Hvernig stóriðju þá - í höndum hverra? Erum við að tala um að nýta eigið hráefni og auðlindir? Vilborg Harðardóttir talaði um at- vinnuþróun á íslandi á fyrr- greindri kvennastefnu AB. Meðal margra athyglis- verðra staðreynda dró hún upp mynd af því sem stóriðju- áform á borð við þau sem nú eru uppi færðu okkur eða kannski öllu heldur færðu okkur ekki. Hún taldi sýnt að þótt öll stóriðjuáform sem til eru á mismunandi stigum kæmust í framkvæmd sem raunar væri næsta ólíklegt, myndu á endanum ekki nema um 1000 manns starfa við fyrirtæki þessi. Þar við bættist svo að markaðir fyrir vörurn- ar væru svo ótryggir og flutn- ingskostnaður svo hár miðað- ur við verðmæti framleiðsl- unnar, að fyrirtæki þessi kæmu til með að greiða lág laun. Hér hafa þó enn alls ekki verið tíndir til félagsleg- ir, menningarlegir og sjálf- stæðislegir ókostir sem vafa- lítið myndu fylgja stóriðju af þessu tagi. Vilborg taldi valkosti vera t. d. innlenda „stóriðju" s. s. ylrækt og fiskirækt auk iðnað- ar sem byggir á tækni og þekk- ingu svo sem rafeindaiðnað- ar, lífefnaiðnaðar, fjarskipta- iðnaðar og efnistækni. Hér þurfum við konur að huga að ýmsu. Hvernig getum við haft áhrif á það, hvaða val- kostir eru teknir? Hvernig viljum við að arðinum sé varið? Hvern hlut ætlum við okkur á vinnumarkaði fram- tíðarinnar? E.J. Fermingarbörn í Norðfjarðarkirkju 8. apríl 1985 kl. 1030 1. Anna Sigurborg Högnadóttir, Víðimýri 5, 2. Ásmundur Hálfdán Jónsson, Sæbakka 14, 3. Bára Hólmgeirsdóttir, Starmýri 9, 4. Björn Steindórsson, Hrafnsmýri 4, 5. Bryndís Magnadóttir, Melagötu 11, 6. Eiður Waldorff Karlsson, Þiljuvöllum 22, 7. Halldór Þorsteinn Ásmundsson, Víðimýri 4, 8. Hólmfríður Jónsdóttir, Melagötu 12, 9. Jóna Harpa Viggósdóttir, Hlíðargötu 25, 10. Jóna Lind Sævarsdóttir, Marbakka 12, 11. Kári Kárason, Gauksmýri 2, 12. Kristján Sigurþórsson, Nesbakka 14, 13. Lilja Jóna Halldórsdóttir, Miðstræti 8, 14. Óðinn Sigurðsson, Hafnarbraut 2, 15. Steinunn Kristjánsdóttir, Nesgötu 35, 16. Víðir Pálsson, Hlíðargötu 17, 17. Sigurður Þór Steingrímsson, Mýrargötu 1, 18. Þráinn Haraldsson, Blómsturvöllum 49, 19. Rúnar Þröstur Steingrímsson, Mýrargötu 1.

x

Austurland

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Austurland
https://timarit.is/publication/808

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.