Húsfreyjan - 01.04.1962, Blaðsíða 34
skóla. Þá hafa heimiiin ekki rækt sem
skyldi það hlutverk sitt, að kenna börn-
unum hin ýmsu heimilisstörf. Orsakir
þess má rekja til hinna miklu breytinga,
sem orðið hafa á högum manna. Kven-
félögin hafa einnig reynt að sinna þessu
hlutverki heimilanna með því að stofna
æskulýðsfélög og kenna þar búsýslu. Má
því segja, að kvennasamtökin hafi á þessu
sviði tekið að sér hlutverk heimila og
skóla í senn.
Sem stendur er mikil áherzla lögð á
að auka búsýslukennslu í almennum skól-
um, enda æskilegt að kvennasamtökin
geti einbeitt sér að framhaldsmenntun
húsmæðranna. Þjóðfélag iðnvæðingarinn-
ar leggur þá skyldu á húsmæður, að þær
velji af hagsýni úr fjölbreyttu vörufram-
boði og til þess þarf mikla og sívaxandi
vöruþekkingu. Rannsaka þarf gæði og
hagnýtt gildi varanna og það er ekki sízt
í því sambandi, sem húsmæðrum er þörf
á aðstoð og upplýsingum frá samtökum
sinum. Svo að hægt sé að gefa hagnýt
ráð um þessi atriði, verða að vera til stofn-
anir, sem rannsaka vörugæði og slíkum
stofnunum hafa kvennasamtökin komið
á fót.
Húsmæðrunum berast svo niðurstöður
þeirra rannsókna, sem þar eru gerðar,
með heimilisráðunautum og á annan til-
tækan hátt, svo að af þeim verði hagnýt
not. Við getum því fullyrt, að þau kven-
félög, sem annast fræðslu i búsýslu, beri
hag húsmæðranna fyrir brjósti og þau
reyna að hafa nána samvinnu sín á rnilli
um rannsóknir, kennslu og annars kon-
ar fræðslustarf.
Þá má geta annarrar greinar í starfi
kvenfélaganna, sem sé tómstundaiðjunn-
ar, sem þau beita sér fyrir. Hún á að vera
húsmæðrunum til upplyftingar og auka
verkkunnáttu þeirra í fleiru en því, sem
lýtur beint að búsýslu. Kvenfélögin veita
konum aðstöðu til að rækja ýms hugðar-
efni, sem verða til hressingar og hvildar
frá daglegum störfum. Tómstundaiðjan
getur verið húsmæðrum allt að því eins
mikils virði og sjálf búsýslufræðslan.
Þegar maður athugar storf kvennasam-
takanna, varðandi fræðslu í hagnýtri bú-
sýslu, sézt að þau eru fjölbreytt og bæta
úr brýnni þörf. Kvennasamtökin hafa
fylgzt með þróuninni í þjóðfélaginu og
hafa því getað aðstoðað húsmæðurnar á
þeim sviðum hverju sinni, sem þær voru
helzt hjálpar þurfi. Auk þess hafa störf
félaganna einkennzt af óeigingirni og
hjálpfýsi og er því sízt að undra, að þessi
samtök eru talin svo mikilsverður þátt-
ur í þróun hins finnska þjóðfélags.
S. Th. þýddi.
U JA_____B Æ K U R
Astrid Ott:
SISKÓ Á FLÆKINGI
Ekki leikur á tveim tungum, að Astrid
Ott, danska skáldkonan, kann þá list að
rita fyrir börn og unglinga. Er það þó
engan veginn eins auðvelt og í fljótu
bragði kann að virðast. Oft kemur það
fyrir, að barnabækur fá hrós fullþroska
ritdómara, en þegar kemur til kasta ungu
lesendanna, kveður við annan tón. Hér
er allt öðru máli að gegna. Þessa bók lesa
án efa börn og unglingar með ánægju,
enda er hún mörgum kunn hérlendis frá
því að hún var lesin í Ríkisútvarpið sem
framhaldssaga barnanna. Hitt er ég sann-
færð um, að mörg börn og unglingar hafa
beðið þess með óþreyju að geta sjálf les-
ið og eignast bókina, enda er hún eigi
aðeins skemmtilegt lesefni heldur einnig
mannbætandi.
Þakka má Pétri Sumarliðasyni hina
lipru þýðingu á bókinni og útgefendum,
Prentsmiðju Jóns Helgasonar, vandaðan
og smekklegan frágang bókarinnar. Hin-
ar snotru teikningar Odds Björnssonar
gera sitt til að auka á gleði lesendanna,
þeirra, sem hún einkum er ætluð.
Vonandi verða margir foreldrar til þess
að gefa börnum sínum þessa hugþekku
bók. Sv. Þ.
34
II ú s I r e y j a n